Psalms 41 Cross References - Wycliffe

¹ The title of the oon and fourtithe salm. To victorie, to the sones of Chore. ² As an hert desirith to the wellis of watris; so thou, God, my soule desirith to thee. ³ Mi soule thirstide to God, `that is a `quik welle; whanne schal Y come, and appere bifor the face of God? ⁴ Mi teeris weren looues to me bi dai and nyyt; while it is seid to me ech dai, Where is thi God? ⁵ I bithouyte of these thingis, and Y schedde out in me my soule; for Y schal passe in to the place of the wondurful tabernacle, til to the hows of God. In the vois of ful out ioiyng and knoulechyng; is the sown of the etere. ⁶ Mi soule, whi art thou sory; and whi disturblist thou me? Hope thou in God, for yit Y schal knouleche to hym; he is the helthe of my cheer, ⁷ and my God. My soule is disturblid at my silf; therfor, God, Y schal be myndeful of thee fro the lond of Jordan, and fro the litil hil Hermonyim. ⁸ Depthe clepith depthe; in the vois of thi wyndows. Alle thin hiye thingis and thi wawis; passiden ouer me. ⁹ The Lord sente his merci in the dai; and his song in the nyyt. ¹⁰ At me is a preier to the God of my lijf; Y schal seie to God, Thou art my `takere vp. Whi foryetist thou me; and whi go Y sorewful, while the enemy turmentith me? <sup>11</sup> While my boonys ben brokun togidere; myn enemyes, that troblen me, dispiseden me. While thei seien to me, bi alle daies; Where is thi God? <sup>12</sup> Mi soule, whi art thou sori; and whi disturblist thou me? Hope thou in God, for yit Y schal knouleche to hym; `he is the helthe of my cheer, and my God.

²² cursid watris entre in to thi wombe, and while the wombe swellith, thin hipe wexe rotun. And the womman schal answere, Amen! amen!

⁷ If oon of thi britheren that dwellen with ynne the yatis of thi citee, in the lond which thi Lord God schal yyue to thee, cometh to pouert, thou schalt not make hard thin herte, nether thou schalt `drawe to gydere the hond, <sup>8</sup> but thou schalt opene it to the pore man, and thou schalt `yyue loone to which thou siest hym haue nede. ⁹ Be thou war lest perauenture wickid thouyt crepe priueli to thee, and thou seie in thin herte, The seuenthe yeer of remyssioun neiyeth; and thou turne awey the iyen fro thi pore brother, and thou nyle yyue to hym the loone that he axith; lest he crie ayens thee to the Lord, and it be maad to thee in to synne. ¹⁰ But thou schalt yyue to hym, and thou schalt `not do ony thing falsly in releuynge `hise nedis, that thi Lord God blesse thee in al tyme, and in alle thingis to whiche thou schalt sette to hond. ¹¹ Pore men schulen not faile in the lond of `thin habitacioun; therfor Y comaunde to thee, that thou opene the hond to thi brother nedi and pore, that lyuen with thee in the lond.

¹⁵ Cursid is the man that makith a grauun ymage and yotun togidere, abhomynacioun of the Lord, the werk of `hondis of crafti men, and schal sette it in priuey place; and al the puple schal answere, and schal seie, Amen! <sup>16</sup> He is cursid that onoureth not his fadir and modir; and al the puple schal seie, Amen! <sup>17</sup> Cursid is he that `berith ouer the termes of his neiybore; and al the puple schal seie, Amen! ¹⁸ Cursid is he that makith a blynde man to erre in the weie; and al the puple schal seie, Amen! ¹⁹ He is cursid that peruertith the doom of a comelyng, of a fadirles, ethir modirles child, and of a widewe; and al the puple schal seie, Amen! ²⁰ Cursid is he that slepith with `the wijf of his fadir, and schewith the hiling of his bed; and al the puple schal seie, Amen! <sup>21</sup> Cursid is he that slepith with ony beeste; and al the puple schal seie, Amen! <sup>22</sup> Cursid is he that slepith with his sistir, the douytir of his fadir, ethir of his modir; and al the puple schal seie, Amen! <sup>23</sup> Cursid is he that slepith with his wyues modir; and al the puple schal seye, Amen! <sup>24</sup> Cursid is he that sleeth pryueli his neiybore; and al the puple schal seie, Amen! <sup>25</sup> Cursid is he that slepith with `the wijf of his neiybore; and al the puple schal seie, Amen! ²⁶ Cursid is he that takith yiftis, that he smyte the lijf of innocent blood; and al the puple schal seie, Amen!

¹⁵ The louede puple was `maad fat, and kikide ayen; maad fat withoutforth, maad fat with ynne, and alargid; he forsook God his makere, and yede awei fro `God his helthe.

¹² Also Absolon clepide Achitofel of Gilo, the councelour of Dauid, fro his citee Gilo. And whanne he offride sacrifices a strong swerynge togidere was maad, and the puple rennynge togidere was encreessid with Absolon.

³⁶ And Banaie, sone of Joiada, answeride to the kyng, and seide, Amen, `that is, so be it, ether verili, ether feithfuli; so speke the Lord God of my lord the kyng.

⁶ And thei answeriden to hym, A man mette vs, and seide to vs, Go ye, turne ye ayen to the kyng, that sente you; and ye schulen seie to him, The Lord seith these thingis, Whether for God was not in Israel, thou sendist, that Belzebub, god of Acharon, be counselid? Therfor thou schalt not go doun of the bed, on which thou stiedist, but thou schalt die bi deeth.

¹⁶ and he spak to the kyng, The Lord seith thes thingis, For thou sentist messangeris to counsele Belzebub, god of Acharon, as if no God were in Israel, of whom thow myytist axe a word; therfor thou schalt not go doun of the bed, on which thou stiedist, but thou schalt die bi deeth.

⁵ Turne thou ayen, and seie to Ezechie, duyk of my puple, The Lord God of Dauid, thi fadir, seith thes thingis, Y herde thi preiere, and Y siy thi teer, and, lo! Y heelide thee. In the thridde dai thou schalt stie in to the temple of the Lord, ⁶ and Y schal adde fiftene yeer to thi daies; but also Y schal delyuere thee and this citee fro the hond of the kyng of Assiriens, and Y schal defende this citee for me, and for Dauid, my seruaunt.

³⁶ Blessid be the Lord God of Israel fro with oute bigynnyng and til `in to with outen ende; and al the puple seie, Amen, and seie heriyng to God.

¹⁰ and seide, Lord God of Israel, oure fadir, thou art blessid fro with outen bigynnyng in to with outen ende;

¹⁸ Also a greet part of the puple of Effraym, and Manasses, and of Ysachar, and of Zabulon, that was not halewid, eet pask not bi that that is writun. And Ezechie preyde for hem, and seide, The good Lord schal do mercy to alle men, ¹⁹ that seken in al the herte the Lord God of her fadris; and it schal not be arettid to hem, that thei ben not halewid. ²⁰ And the Lord herde hym, and was plesid to the puple.

¹ Forsothe it was doon, whanne Sanaballath hadde herd, and Tobie, and Gosem of Arabie, and oure other enemyes, that Y hadde bildide the wal, and nomore brekyng was therynne; sotheli `til to that tyme Y hadde not set leeuys of schittyng in the yatis; <sup>2</sup> Sanaballath, and Tobie, and Gosem of Arabie senten to me, and seiden, Come thou, and smyte we boond of pees in calues, `in o feeld; forsothe thei thouyten for to do yuel to me. ³ Therfor Y sente messangeris to hem, and Y seide, Y make a greet werk, and Y mai not go doun, lest perauenture it be doon retchelesli, whanne Y come, and go doun to you. ⁴ Sotheli thei senten to me `bi this word bi foure tymes, and Y answeride to hem by the formere word. <sup>5</sup> And Sanaballath sente to me the fyuethe tyme bi the formere word his child; and he hadde in his hond a pistle writun in this maner; <sup>6</sup> It is herd among hethene men, and Gosem seide, that thou and the Jewis thenken for to rebelle, and therfor ye bilden, and thou wolt `reise thee king on hem; ⁷ for which cause also thou hast set profetis, that prechen of thee in Jerusalem, and seien, A king is in Jerusalem; the king schal here these wordis; therfor come thou now, that we take counsel togidere. ⁸ And Y sente to hem, and seide, It is not doon bi these wordis whiche thou spekist; for of thin herte thou makist these thingis. ⁹ Alle these men maden vs aferd, and thouyten that oure hondis schulden ceesse fro werkis, that we schulden reste; for which cause Y coumfortide more myn hond. ¹⁰ And Y entride priueli in to the hows of Samaie, sone of Dalie, the sone of Methabehel, which seide, Trete we with vs silf in the hows of God, in the myddis of the temple, and close we the yatis of the hows; for thei schulen come to sle thee, `and thei schulen come `bi niyt to sle thee. ¹¹ And Y seide, Whether ony man lijk me fledde, and who as Y schal entre in to the temple, and schal lyue? ¹² Y schal not entre. And Y vndurstood that God `hadde not sent hym, but `he spak as profesiynge to me; and Tobie and Sanaballath `hadden hirid hym for meede. <sup>13</sup> For he hadde take prijs, that Y schulde be aferd, and do, and that Y schulde do synne; and thei schulden haue yuel, which thei schulden putte to me with schenschip. <sup>14</sup> Lord, haue mynde of me, for Tobye and Sanaballath, bi siche werkis `of hem; but also of Noadie, the profete, and of othere profetis, that maden me aferd.

⁷ Therfor Sathan yede out fro the face of the Lord, and smoot Joob with `a ful wickid botche fro the sole of the foot `til to his top; ⁸ which Joob schauyde the quytere with a schelle, `and sat in the dunghil.

¹⁷ His mynde perische fro the erthe; and his name be not maad solempne in stretis.

¹³ He made fer my britheren fro me; and my knowun as aliens yeden awei fro me.

¹⁹ Thei, that weren my counselouris sum tyme, hadden abhomynacioun of me; and he, whom Y louede moost, was aduersarie to me.

⁷ he schal be lost in the ende, as a dunghil; and, thei that sien hym, schulen seie, Where is he?

¹² for Y hadde delyueride a pore man criynge, and a fadirles child, that hadde noon helpere. ¹³ The blessyng of a man `to perische cam on me, and Y coumfortide the herte of a widewe. <sup>14</sup> Y was clothid with riytfulnesse; and Y clothide me as with a cloth, and with my `doom a diademe. ¹⁵ Y was iye `to a blynde man, and foot to a crokyd man. ¹⁶ Y was a fadir of pore men; and Y enqueride most diligentli the cause, which Y knew not.

¹⁶ If Y denyede to pore men that, that thei wolden, and if Y made the iyen of a wydewe to abide; ¹⁷ if Y aloone eet my mussel, and a faderles child eet not therof; ¹⁸ for merciful doyng encreesside with me fro my yong childhed, and yede out of my modris wombe with me; ¹⁹ if Y dispiside a man passynge forth, for he hadde not a cloth, and a pore man with out hilyng; ²⁰ if hise sidis blessiden not me, and was not maad hoot of the fleeces of my scheep;

⁷ He takith not awei hise iyen fro a iust man; and he settith kyngis in seete with out ende, and thei ben reisid there.

² Lord, whi ben thei multiplied that disturblen me? ³ many men rysen ayens me. Many men seien of my soule, Noon helthe is to hym in his God.

² Lord, repreue thou not me in thi stronge veniaunce; nether chastice thou me in thin ire. ³ Lord, haue thou merci on me, for Y am sijk; Lord, make thou me hool, for alle my boonys ben troblid. ⁴ And my soule is troblid greetli; but thou, Lord, hou long?

² Hou long schal Y sette counsels in my soule; sorewe in my herte bi dai?

⁴ Whether alle men that worchen wickidnesse schulen not knowe; that deuowren my puple, as mete of breed?

¹¹ Thei castiden me forth, and han cumpassid me now; thei ordeyneden to bowe doun her iyen in to erthe.

¹⁵ And he sente hise arowis, and distriede tho men; he multipliede leytis, and disturblide tho men.

⁸ Alle men seynge me scorneden me; thei spaken with lippis, and stiriden the heed. ⁹ He hopide in the Lord, delyuere he hym; make he hym saaf, for he wole hym. ¹⁰ For thou it art that drowist me out of the wombe, thou art myn hope fro the tetis of my modir;

⁶ And thi merci schal sue me; in alle the daies of my lijf. And that Y dwelle in the hows of the Lord; in to the lengthe of daies.

² Lord, preue thou me, and asaie me; brenne thou my reynes, and myn herte.

⁸ Y schal yyue vnderstondyng to thee, and Y schal teche thee; in this weie in which thou schalt go, Y schal make stidefast myn iyen on thee.

⁵ He loueth merci and doom; the erthe is ful of the merci of the Lord.

¹⁹ The Lord is nyy hem that ben of troblid herte; and he schal saue meke men in spirit.

¹⁵ And thei weren glad, and camen togidere ayens me; turmentis weren gaderid on me, and Y knew not.

¹⁹ Thei that ben aduersaries wickidli to me, haue not ioye on me; that haten me with out cause, and bikenen with iyen.

¹⁷ For Y seide, Lest ony tyme myn enemyes haue ioye on me; and the while my feet ben mouyd, thei spaken grete thingis on me.

¹⁹ For Y schal telle my wickidnesse; and Y schal thenke for my synne.

²² My Lord God, forsake thou not me; go thou not awei fro me.

³ I was doumb, and was mekid ful gretli, and was stille fro goodis; and my sorewe was renulid. ⁴ Myn herte was hoot with ynne me; and fier schal brenne out in my thenkyng. ⁵ I spak in my tunge; Lord, make thou myn eende knowun to me. And the noumbre of my daies what it is; that Y wite, what failith to me. ⁶ Lo! thou hast set my daies mesurable; and my substaunce is as nouyt bifor thee. Netheles al vanytee; ech man lyuynge. ⁷ Netheles a man passith in ymage; but also he is disturblid veynli. He tresorith; and he noot, to whom he `schal gadere tho thingis.

¹² Fro the strengthe of thin hond Y failide in blamyngis; for wickidnesse thou hast chastisid man. And thou madist his lijf to faile as an yreyne; netheles ech man is disturblid in veyn.

¹ The title of the oon and fiftithe salm. To victorie, the salm of Dauid, ² `whanne Doech Idumei cam, and telde to Saul, and seide to him, Dauid cam in to the hows of Abymelech. ³ What hast thou glorie in malice; which art miyti in wickidnesse? ⁴ Al dai thi tunge thouyte vnriytfulnesse; as a scharp rasour thou hast do gile.

¹² God, thin auowis ben in me; whiche Y schal yelde heriyngis to thee. ¹³ For thou hast delyuerid my lijf fro deth, and my feet fro slidyng; that Y pleese bifore God in the liyt of hem that lyuen.

⁵ and delyuerede my soule fro the myddis of whelpis of liouns; Y slepte disturblid. The sones of men, the teeth of hem ben armuris and arowis; and her tunge is a scharp swerd. ⁶ God, be thou enhaunsid aboue heuenes; and thi glorie aboue al erthe.

¹ The title of the seuene and fiftithe salm. `In Ebreu thus, To victorie; `lese thou not the swete song, ether the semely salm, of Dauid. `In Jeroms translacioun thus, To the ouercomere, that thou lese not Dauid, meke and simple.

⁸ and God schal be enhaunsid. The arowis of `litle men ben maad the woundis of hem;

¹¹ And alle kyngis schulen worschipe hym; alle folkis schulen serue hym.

¹⁸ Netheles for gilis thou hast put to hem; thou castidist hem doun, while thei weren reisid. ¹⁹ Hou ben thei maad into desolacioun; thei failiden sodeynli, thei perischiden for her wickidnesse.

²³ Foryete thou not the voices of thin enemyes; the pride of hem that haten thee, stieth euere.

³ For lo! thin enemyes sowneden; and thei that haten thee reisiden the heed. ⁴ Thei maden a wickid counsel on thi puple; and thei thouyten ayens thi seyntis.

³ To schewe eerli thi merci; and thi treuthe bi nyyt. ⁴ In a sautrie of ten cordis; with song in harpe. ⁵ For thou, Lord, hast delitid me in thi makyng; and Y schal make ful out ioye in the werkis of thin hondis. ⁶ Lord, thi werkis ben magnefied greetli; thi thouytis ben maad ful depe. ⁷ An vnwise man schal not knowe; and a fool schal not vndirstonde these thingis.

⁸ The Lord is merciful doer, and merciful in wille; longe abidinge, and myche merciful.

³ and thou hilist with watris the hiyer partis therof. Which settist a cloude thi stiyng; which goest on the fetheris of wyndis.

⁶ He schal deme among naciouns, he schal fille fallyngis; he schal schake heedis in the lond of many men. ⁷ He dranke of the stronde in the weie; therfor he enhaunside the heed.

⁹ Which makith a bareyn womman dwelle in the hous; a glad modir of sones.

¹ The `title of the hundrid and eiyte and twentithe `salm. The song of greces. Israel seie now; Ofte thei fouyten ayens me fro my yongth. ² Ofte thei fouyten ayens me fro my yongthe; and sotheli thei miyten not to me. ³ Synneris forgeden on my bak; thei maden long her wickidnesse. ⁴ The `iust Lord schal beete the nollis of synneris; ⁵ alle that haten Sion be schent, and turned abak. ⁶ Be thei maad as the hey of hous coppis; that driede vp, bifore that it be drawun vp.

⁸ for myn iyen ben to thee, Y hopide in thee; take thou not awei my soule. ⁹ Kepe thou me fro the snare which thei ordeyneden to me; and fro the sclaundris of hem that worchen wickidnesse. Synneris schulen falle in the nett therof;

³ For he hath coumfortid the lockis of thi yatis; he hath blessid thi sones in thee.

⁶ ech spirit, herye the Lord.

⁷ The mynde of a iust man schal be with preisingis; and the name of wickid men schal wexe rotun.

²¹ He that dispisith his neiybore, doith synne; but he that doith merci to a pore man, schal be blessid. He that bileueth in the Lord, loueth merci;

¹⁴ Indignacioun of the kyng is messangeris of deth; and a wijs man schal plese him.

²⁸ A weiward man reisith stryues; and a man ful of wordis departith princis.

¹⁷ He that hath mercy on a pore man, leeneth to the Lord; and he schal yelde his while to hym.

²⁰ Whanne trees failen, the fier schal be quenchid; and whanne a priuy bacbitere is withdrawun, stryues resten.

²⁴ An enemy is vndirstondun bi hise lippis, whanne he tretith giles in the herte. ²⁵ Whanne he `makith low his vois, bileue thou not to hym; for seuene wickidnessis ben in his herte. ²⁶ The malice of hym that hilith hatrede gilefuli, schal be schewid in a counsel.

¹ Sende thi breed on watris passynge forth, for aftir many tymes thou schalt fynde it. ² Yyue thou partis seuene, and also eiyte; for thou woost not, what yuel schal come on erthe.

¹ Haue thou mynde on thi creatour in the daies of thi yongthe, bifore that the tyme of thi turment come, and the yeris of thi deth neiye, of whiche thou schalt seie, Tho plesen not me.

⁷ Breke thi breed to an hungri man, and brynge in to thin hous nedi men and herborles; whanne thou seest a nakid man, hile thou hym, and dispise not thi fleisch. ⁸ Thanne thi liyt schal breke out as the morewtid, and thin helthe schal rise ful soone; and thi riytfulnesse schal go bifore thi face, and the glorie of the Lord schal gadere thee. ⁹ Thanne thou schalt clepe to help, and the Lord schal here; thou schalt crie, and he schal seie, Lo! Y am present, for Y am merciful, thi Lord God. If thou takist awei a chayne fro the myddis of thee, and ceessist to holde forth the fyngur, and to speke that profitith not; ¹⁰ whanne thou schedist out thi soule to an hungri man, and fillist a soule, `that is turmentid, thi liyt schal rise in derknessis, and thi derknessis schulen be as myddai. ¹¹ And the Lord thi God schal yyue euere reste to thee, and schal fille thi soule with schynyngis, and schal delyuere thi boonys; and thou schalt be as a watri gardyn, and as a welle of watris, whose waters schulen not faile.

¹⁰ For Y herde dispisyngis of many men, and drede in cumpas, Pursue ye, and pursue we hym, of alle men that weren pesible to me, and kepynge my side; if in ony maner he be disseyued, and we haue the maistrie ayens hym, and gete veniaunce of hym.

¹³ Synge ye to the Lord, herie ye the Lord, for he delyueride the soule of a pore man fro the hond of yuel men.

⁶ And Jeremye, the profete, seide to Ananye, Amen! so do the Lord; the Lord reise thi wordis whiche thou profesiedist, that the vessels be brouyt ayen in to the hous of the Lord, and al the passyng ouer fro Babiloyne, to this place.

⁴ The Lord seith these thingis, Thus thou schalt seye to hym, Lo! Y distrie hem, whiche Y bildide, and Y drawe out hem, whiche Y plauntide, and al this lond. ⁵ And sekist thou grete thingis to thee? nyle thou seke, for lo! Y schal brynge yuel on ech man, seith the Lord, and Y schal yyue to thee thi lijf in to helthe, in alle places, to whiche euer places thou schalt go.

²⁷ And the herte of twei kyngis schal be, that thei do yuel, and at o boord thei schulen speke leesyng, and thei schulen not profite; for yit the ende schal be in to an other tyme.

¹ In her tribulacioun thei schulen rise eerli to me. Come ye, and turne we ayen to the Lord;

⁷ Til to the termes thei senten out thee; and alle men of thi couenaunt of pees scorneden thee, men of thi pees wexiden stronge ayens thee; thei that schulen ete with thee, schulen put aspies, ether tresouns, vndur thee; ther is no prudence in hym.

⁵ Nyle ye bileue to a frend, and nyle ye truste in a duyk; fro hir that slepith in thi bosum, kepe thou closyngis of thi mouth.

⁵ Nyle ye bileue to a frend, and nyle ye truste in a duyk; fro hir that slepith in thi bosum, kepe thou closyngis of thi mouth. ⁶ For the sone doith wrong to the fadir, and the douyter schal rise ayens hir modir, and the wijf of the sone ayens the modir of hir hosebonde; the enemyes of a man ben the homeli, ether houshold meynee, of hym. ⁷ Forsothe Y schal biholde to the Lord, Y schal abide God my sauyour; the Lord my God schal here me.

¹³ but delyuere vs fro yuel.

¹⁵ Thanne Farisees yeden awei, and token a counsel to take Jhesu in word.

³⁴ Thanne the kyng schal seie to hem, that schulen be on his riythalf, Come ye, the blessid of my fadir, take ye in possessioun the kyngdoom maad redi to you fro the makyng of the world. ³⁵ For Y hungride, and ye yauen me to ete; Y thristide, and ye yauen me to drynke; Y was herboreles, and ye herboriden me; ³⁶ nakid, and ye hiliden me; sijk, and ye visitiden me; Y was in prisoun, and ye camen to me. ³⁷ Thanne iust men schulen answere to hym, and seie, Lord, whanne siyen we thee hungry, and we fedden thee; thristi, and we yauen to thee drynk? ³⁸ and whanne sayn we thee herborles, and we herboreden thee; or nakid, and we hiliden thee? ³⁹ or whanne sayn we thee sijk, or in prisoun, and we camen to thee?

³ Than the princes of prestis and the elder men of the puple were gaderid in to the halle of the prince of prestis, that was seid Cayfas, ⁴ and maden a counsel to holde Jhesu with gile, and sle him;

²³ And he answeride, and seide, He that puttith with me his hoond in the plater, schal bitraye me.

⁴¹ Also and princis of prestis scornynge, with scribis and elder men, ⁴² seiden, He made othere men saaf, he may not make hym silf saaf; if he is kyng of Israel, come he now doun fro the crosse, and we bileuen to hym; ⁴³ he tristide in God; delyuer he hym now, if he wole; for he seide, That Y am Goddis sone. ⁴⁴ And the theues, that weren crucified with hym, vpbreididen hym of the same thing. ⁴⁵ But fro the sixte our derknessis weren maad on al the erthe, to the nynthe our. ⁴⁶ And aboute the nynthe our Jhesus criede with a greet vois, and seide, Heli, Heli, lamazabatany, that is, My God, my God, whi hast thou forsake me?

⁶³ and seiden, Sir, we han mynde, that thilke giloure seide yit lyuynge, Aftir thre daies Y schal rise ayen to lijf. ⁶⁴ Therfor comaunde thou, that the sepulcre be kept in to the thridde dai; lest hise disciplis comen, and stelen hym, and seie to the puple, He hath rise fro deeth; and the laste errour schal be worse than the formere.

⁷ For euermore ye schulen haue pore men with you, and whanne ye wolen, ye moun do wel to hem; but ye schulen not euer more haue me.

⁵³ And whanne he seide these thingis to hem, the Farisees and wise men of lawe bigunnen greuousli to ayenstonde, and stoppe his mouth of many thingis, ⁵⁴ aspiynge hym, and sekynge to take sum thing of his mouth, to accuse hym.

¹⁶ Bihofte it not this douytir of Abraham, whom Satanas hath boundun, lo! eiytetene yeeris, to be vnboundun of this boond in the dai of the sabat?

¹³ But whanne thou makist a feeste, clepe pore men, ¹⁴ feble, crokid, and blynde, and thou schalt be blessid; for thei han not wherof to yelde thee, for it schal be yoldun to thee in the risyng ayen of iust men.

²⁷ Netheles brynge ye hidur tho myn enemyes, that wolden not that Y regnede on hem, and sle ye bifor me.

²⁰ And thei aspieden, and senten aspieris, that feyneden hem iust, that thei schulden take hym in word, and bitaak hym to the `power of the prince, and to the power of the iustice. ²¹ And thei axiden hym, and seiden, Maister, we witen, that riytli thou seist and techist; and thou takist not the persoone of man, but thou techist in treuthe the weie of God. ²² Is it leueful to vs to yyue tribute to the emperoure, or nay? ²³ And he biheld the disseit of hem, and seide to hem, What tempten ye me?

¹⁸ Y seie not of `alle you, Y woot whiche Y haue chosun; but that the scripture be fulfillid, He that etith my breed, schal reise his heele ayens me.

²⁶ Jhesus answerde, He it is, to whom Y schal areche a sop of breed. And whanne he hadde wet breed, he yaf to Judas of Symount Scarioth. ²⁷ And aftir the mussel, thanne Sathanas entride in to hym. And Jhesus seith to hym, That thing that thou doist, do thou swithe.

²⁴ Fadir, thei whiche thou yauest to me, Y wole that where Y am, that thei be with me, that thei see my clerenesse, that thou hast youun to me; for thou louedist me bifor the makyng of the world.

³⁵ Alle these thingis Y schewide to you, for so it bihoueth men trauelinge to resseyue sike men, and to haue mynde of the `word of the Lord Jhesu; for he seide, It is more blesful to yyue, than to resseyue.

²⁹ malice, fornycacioun, coueitise, weiwardnesse, ful of enuye, mansleyngis, strijf, gile, yuel wille, preuy bacbiteris, detractouris,

¹⁶ For if thou blessist in spirit, who fillith the place of an ydiot, hou schal he seie Amen on thi blessyng, for he woot not, what thou seist?

¹⁶ For which thing we failen not, for thouy oure vtter man be corruptid; netheles the ynner man is renewid fro dai to dai. ¹⁷ But that liyt thing of oure tribulacioun that lastith now, but as it were by a moment, worchith in vs ouer mesure an euerlastynge birthin in to the heiynesse of glorie;

⁸ And God is miyti to make al grace abounde in you, that ye in alle thingis euere more han al sufficience, and abounde in to al good werk; ⁹ as it is writun, He delide abrood, he yaf to pore men, his riytwisnesse dwellith withouten ende. ¹⁰ And he that mynystrith seed to the sowere, schal yyue also breed to ete, and he schal multiplie youre seed, and make myche the encreessingis of fruytis of youre riytwisnesse; ¹¹ that in alle thingis ye maad riche waxen plenteuouse in to al symplenesse, which worchith bi vs doing of thankingis to God. ¹² For the mynystrie of this office not oneli fillith tho thingis that failen to holi men, but also multiplieth many thankyngis to God, ¹³ bi the preuyng of this mynystrie, which glorifien God in the obedience of youre knouleching in the gospel of Crist, and in symplenesse of comynycacioun in to hem and in to alle, ¹⁴ and in the biseching of hem for you, that desiren you for the excellent grace of God in you.

²⁶ in weies ofte, in perelis of floodis, in perelis of theues, in perelis of kyn, in perelis of hethene men, in perelis in citee, in perelis in desert, in perelis in the see, in perelis among false britheren, in trauel and nedynesse,

²⁰ But Y drede, lest whanne Y come, Y schal fynde you not suche as Y wole, and Y schal be foundun of you suche as ye wolen not; lest perauenture stryuyngis, enuyes, sturdynessis, dissenciouns and detraccions, preuy spechis of discord, bolnyngis bi pride, debatis ben among you;

¹⁰ oneli that we hadde mynde of pore men `of Crist, the which thing Y was ful bisi to doon.

³ Blessid be God and the fadir of oure Lord Jhesu Crist, that hath blessid vs in al spiritual blessing in heuenli thingis in Crist,

²⁶ For he desiride you alle, and he was sorewful, therfor that ye herden that he was sijk. ²⁷ For he was sijk to the deth, but God hadde merci on him; and not oneli on hym, but also on me, lest Y hadde heuynesse on heuynesse.

¹⁵ and he spuylide principatis and poweris, and ledde out tristili, opynli ouercomynge hem in hym silf.

¹⁴ And, britheren, we preien you, repreue ye vnpesible men. Coumforte ye men of litil herte, resseyue ye sijke men, be ye pacient to alle men.

⁸ For bodili exercitation is profitable to litle thing; but pitee is profitable to alle thingis, that hath a biheest of lijf that now is, and that is to come.

¹⁰ For God is not vniust, that he foryete youre werk and loue, whiche ye han schewid in his name; for ye han mynystrid to seyntis, `and mynistren.

¹³ For whi dom with out merci is to hym, that doith no mercy; but merci aboue reisith dom.

¹⁵ and the preier of feith schal saue the sijk man, and the Lord schal make hym liyt; and if he be in synnes, thei schulen be foryouun to hym. ¹⁶ Therfor knouleche ye ech to othere youre synnes, and preye ye ech for othere, that ye be sauyd. For the contynuel preyer of a iust man is myche worth.

¹⁰ that Y louyde thee, for thou keptist the word of my pacience. And Y schal kepe thee fro the our of temptacioun, that is to comynge in to al the world, to tempte men that dwellen in erthe.

⁸ And the foure beestis hadden euery of hem sixe wyngis; and al aboute and with ynne thei weren ful of iyen; and thei hadden not reste dai and nyyt, seiynge, Hooli, hooli, hooli, the Lord God almyyti, that was, and that is, and that is to comynge.

⁹ And thei sungun a newe song, and seiden, Lord oure God, thou art worthi to take the book, and to opene the seelis of it; for thou were slayn, and ayenbouytist vs to God in thi blood, of ech lynage, `and tunge, and puple, and nacioun; ¹⁰ and madist vs a kyngdom, and prestis to oure God; and we schulen regne on erthe. ¹¹ And Y say, and herde the vois of many aungels al aboute the trone, and of the beestis, and of the eldre men. And the noumbre of hem was thousyndis of thousyndis, seiynge with a greet vois, ¹² The lomb that was slayn, is worthi to take vertu, and godhed, and wisdom, and strengthe, and onour, and glorie, and blessing. ¹³ And ech creature that is in heuene, and that is on erthe, and vndur erthe, and the see, and whiche thingis ben in it, Y herde alle seiynge, To hym that sat in the trone, and to the lomb, blessyng, and onour, and glorie, and power, in to worldis of worldis. ¹⁴ And the foure beestis seiden, Amen. And the foure and twenti eldre men fellen doun on her faces, and worschipiden hym that lyueth in to worldis of worldis.

¹² blessyng, and clerenesse, and wisdom, and doynge of thankingis, and honour, and vertu, and strengthe to oure God, in to worldis of worldis.

¹⁷ and seiden, We don thankyngis to thee, Lord God almyyti, which art, and which were, and which art to comynge; which hast takun thi greet vertu, and hast regned.

²⁰ He seith, that berith witnessyng of these thingis, Yhe, amen. I come soone. Amen. Come thou, Lord Jhesu.