Psalms 38:3-7 I was doumb, and was mekid ful gretli, and was stille fro goodis; and my sorewe was renulid.

Wycliffe⁽ⁱ⁾ ³ I was doumb, and was mekid ful gretli, and was stille fro goodis; and my sorewe was renulid. ⁴ Myn herte was hoot with ynne me; and fier schal brenne out in my thenkyng. ⁵ I spak in my tunge; Lord, make thou myn eende knowun to me. And the noumbre of my daies what it is; that Y wite, what failith to me. ⁶ Lo! thou hast set my daies mesurable; and my substaunce is as nouyt bifor thee. Netheles al vanytee; ech man lyuynge. ⁷ Netheles a man passith in ymage; but also he is disturblid veynli. He tresorith; and he noot, to whom he `schal gadere tho thingis.