Proverbs 10:1 Cross References - Wycliffe

¹ The parablis of Salomon. A wijs sone makith glad the fadir; but a fonned sone is the sorewe of his modir.

³² And Salomon spak thre thousynde parablis, and hise songis weren fyue thousynde;

¹ The parablis of Salomon, the sone of Dauid, king of Israel;

²⁰ A wise sone makith glad the fadir; and a fonned man dispisith his modir.

²¹ A fool is borun in his schenschipe; but nether the fadir schal be glad in a fool.

²⁵ A fonned sone is the ire of the fadir, and the sorewe of the modir that gendride hym.

¹³ The sorewe of the fadir is a fonned sone; and roofes droppynge contynueli is a womman ful of chiding.

¹⁵ Mi sone, if thi soule is wijs, myn herte schal haue ioye with thee; ¹⁶ and my reynes schulen make ful out ioye, whanne thi lippis speken riytful thing.

²⁴ The fadir of a iust man ioieth ful out with ioie; he that gendride a wijs man, schal be glad in hym. ²⁵ Thi fadir and thi modir haue ioye, and he that gendride thee, make ful out ioye.

¹ Also these ben the Parablis of Salomon, whiche the men of Ezechie, kyng of Juda, translatiden.

³ A man that loueth wisdom, makith glad his fadir; but he that nurschith `an hoore, schal leese catel.

¹⁵ A yerde and chastisyng schal yyue wisdom; but a child, which is left to his wille, schendith his modir.

¹⁹ whom Y knowe not, whether he schal be wijs ether a fool; and he schal be lord in my trauels, for whiche Y swatte greetli, and was bisi; and is ony thing so veyn?

⁹ And whanne Ecclesiastes was moost wijs, he tauyte the puple, and he telde out the thingis whiche he dide,