Numbers 17 Cross References - Wycliffe

¹ And the Lord spak to Moises, `and seide, Speke thou to the sones of Israel, <sup>2</sup> and take thou yerdis, bi her kynredis, bi ech kynrede o yeerde, take thou of alle the princes of the lynagis twelue yerdis; and thou schalt write the name of each lynage aboue his yerde; <sup>3</sup> forsothe the name of Aaron schal be in the lynage of Leuy, and o yerde schal conteyne alle the meynees of hem. <sup>4</sup> And thou schalt putte tho yerdis in the tabernacle of boond of pees, bifor the witnessyng, where Y schal speke to thee; the yerde of hym schal buriowne, whom Y schal chese of hem; <sup>5</sup> and Y schal refreyne fro me the playnyngis of the sones of Israel, bi whiche thei grutchen ayens you. <sup>6</sup> And Moyses spak to the sones of Israel; and alle princes yauen to hym yerdis, bi alle lynagis; and the yerdis weren twelue, without the yerde of Aaron. <sup>7</sup> And whanne Moises hadde put tho yerdis bifor the Lord, in the tabernacle of witnessyng, he yede ayen in the day suynge, <sup>8</sup> and founde that the yerde of Aaron, `in the hows of Leuy, buriounnede; and whanne knoppis weren greet, the blossoms `hadden broke out, whiche weren alargid in leeuys, and weren fourmed in to alemaundis. <sup>9</sup> Therfor Moyses brouyte forth alle the yerdis fro the siyt of the Lord to al the sones of Israel; and thei sien, and resseyueden ech his yerde. <sup>10</sup> And the Lord seide to Moises, Bere ayen the yerde of Aaron in to the tabernacle of witnessyng, that it be kept there in to `the signe of the rebel sones of Israel, and that her `playntis reste fro me, lest thei dien. <sup>11</sup> And Moises dide, as the Lord comaundide. <sup>12</sup> Forsothe the sones of Israel seiden to Moises, Lo! we ben wastid, alle we perischiden; <sup>13</sup> who euer neiyeth to the tabernacle of the Lord, he dieth; whethir we schulen be doon awei alle `til to deeth?

³ sothely God commaundide to vs, that we schulden not eate of the fruyt of the tre, which is in the myddis of paradijs, and that we schulden not touche it, lest perauenture we dien.

¹⁰ in which weren thre siouns, wexide litil and litil in to buriounnyngis, and that aftir flouris grapys wexiden ripe,

¹⁰ The septre schal not be takun awey fro Juda, and a duyk of his hipe, til he come that schal be sent, and he schal be abiding of hethene men;

² Therfor the Lord seide to hym, What is this that thou holdist in thin hond? Moises answeride, A yerde.

¹⁷ Also take thou this yerde in thin hond, in which thou schalt do myraclis.

¹⁶ And these ben the names of the sones of Leuy by her kynredis, Gerson, and Caath, and Merary. Forsothe the yeeris of lijf of Leuy weren an hundrid and seuene and thretti.

²⁰ Forsothe Amram took a wijf, Jocabed, douytir of his fadris brother, and sche childide to hym Aaron, and Moises, and Marie; and the yeeris of lijf of Amram weren an hundred and seuene and thretti.

³² Forsothe Moises seide, This is the word which the Lord comaundide, Fille thou a gomor therof, and be it kept in to generaciouns to comynge aftirward, that thei knowe the breed bi which Y fedde you in the wildirnesse, whanne ye weren led out of the lond of Egipt.

¹⁶ And thou schalt putte in to the arke the witnessing, which Y schal yyue to thee. ¹⁷ And thou schalt make a propiciatorie of clenneste gold; `that is a table hilinge the arke; the lengthe therof schal holde twei cubitis and an half, the broodnesse schal holde a cubit and half. <sup>18</sup> Also thou schalt make on euer eithir side of `Goddis answeryng place twei cherubyns of gold, and betun out with hamer; ¹⁹ o cherub be in o syde of `Goddis answeryng place, and the tother in the tother side; <sup>20</sup> hele thei euer either side of the propiciatorie, and holde thei forth wyngis, and hile thei `Goddis answeryng place; and biholde thei hem silf to gidere, while the faces ben turned in to the propiciatorie, with which the arke of the Lord schal be hilid, ²¹ in which arke thou schalt putte the `witnessyng, which Y schal yyue to thee. <sup>22</sup> Fro thennus Y schal comaunde, and schal speke to thee aboue the propiciatorie, that is, fro the myddis of twei cherubyns, that schulen be on the arke of witnessyng, alle thingis whiche Y schal comaunde `bi thee to the sones of Israel.

⁴² it is a sacrifice to the Lord bi euerlastynge offryng in to youre generaciouns, at the dore of the tabernacle of witnessyng bifor the Lord, where Y schal ordeyne that Y speke to thee;

⁶ and thou schalt sette the auter ayens the veil, which veil hangith bifor the ark of witnessyng bifor the propiciatorie, bi which the witnessyng is hilid, where Y schal speke to thee.

³⁶ And whanne thou hast powned alle thingis in to smalleste poudre, thou schalt putte therof bifor the tabernacle of witnessyng, in which place Y schal appere to thee; encense schal be to you the hooli of hooli thingis.

²¹ These ben the instrumentis of the tabernacle of witnessyng, that ben noumbrid, bi the comaundement of Moises, in the cerymonyes of Leuytis, bi the hond of Ithamar, sone of Aaron, preest.

⁵ of whiche princes these ben the names; of Ruben, Elisur, the sone of Sedeur; ⁶ of Symeon, Salamyel, the sone of Suri Sadday; ⁷ of Juda, Naason, the sone of Amynadab; of Ysacar, ⁸ Nathanael, the sone of Suar; ⁹ of Zabulon, Eliab, the sone of Elon; sotheli of the sones of Joseph, ¹⁰ of Effraym, Elisama, the sone of Amyud; of Manasses, Gamaliel the sone of Phadussur; ¹¹ of Beniamyn, Abidan, the sone of Gedeon; ¹² of Dan, Aiezer, the sone of Amysadday; ¹³ of Aser, Fegiel, the sone of Ochran; ¹⁴ of Gad, Elisaphan, the sone of Duel; ¹⁵ of Neptalym, Hayra, the sone of Henam. ¹⁶ These weren the noblest princes of the multitude, bi her lynagis, and kynredis, and the heedis of the oost of Israel,

⁵¹ Whanne me schal go, the dekenes schulen do doun the tabernacle; whanne the tentis schulen be sette, thei schulen `reise the tabernacle. Who euer of straungeris neiyeth, he schal be slayn. <sup>52</sup> Sotheli the sones of Israel schulen sette tentis, ech man bi cumpenyes, and gaderyngis, and his oost; <sup>53</sup> forsothe the dekenes schulen sette tentis bi the cumpas of the tabernacle, lest indignacioun be maad on the multitude of the sones of Israel; and thei schulen wake in the kepyngis of the `tabernacle of witnessyng.

³ At the est Judas schal sette tentis, bi the cumpenyes of his oost; and Naason, the sone of Amynadab, schal be prince of the sones of Juda; ⁴ and al the summe of fiyteris of his kynrede, foure and seuenty thousynde and sixe hundrid. ⁵ Men of the lynage of Ysachar settiden tentis bysydis hym, of whiche the prince was Nathanael, the sone of Suar; ⁶ and al the noumbre of hise fiyteris, foure and fifti thousynde and foure hundrid. ⁷ Eliab, the sone of Elon, was prince of the lynage of Zabulon; ⁸ al the oost of fiyteris of his kynrede, seuene and fifti thousynde and foure hundrid. ⁹ Alle that weren noumbrid in the castels of Judas, weren an hundrid thousynde `foure scoore thousynde and sixe and foure hundrid; and thei schulen go out the firste bi her cumpanyes. <sup>10</sup> In the castels of the sones of Ruben, at the south coost, Elisur, the sone of Sedeur, schal be prince; and al the oost of hise fiyteris, <sup>11</sup> that weren noumbrid, sixe and fourti thousynde and fyue hundrid. <sup>12</sup> Men of the lynage of Symeon settiden tentis bisidis hym, of whiche the prince was Salamyhel, the sone of Surisaddai; and al the oost of hise fiyteris, <sup>13</sup> that weren noumbrid, nyne and fifty thousynde and thre hundrid. <sup>14</sup> Eliasaph, sone of Duel, was prince in the lynage of Gad; and al the oost of his fiyteris, <sup>15</sup> that weren noumbrid, fyue and fourti thousynde sixe hundrid and fifti. <sup>16</sup> Alle that weren noumbrid in the castels of Ruben, an hundrid thousynde fifty thousinde and a thousinde foure hundrid and fifty; thei schulen go forth in the secounde place bi her cumpenyes. <sup>17</sup> Sotheli the tabernacle of witnessyng schal be reisid bi the offices of dekenes, and bi the cumpenyes `of hem; as it schal be reisid, so and it schal be takun doun; alle schulen go forth bi her places and ordris. ¹⁸ The castels of the sones of Effraym schulen be at the west coost, of whiche the prince was Elisama, the sone of Amyud; ¹⁹ and al the oost of his fiyteris, that weren noumbrid, fourti thousynde and fyue hundrid. ²⁰ And with hem was the lynage of `the sones of Manasses, of whiche the prince was Gamaliel, the sone of Fadassur; <sup>21</sup> al the oost of hise fiyteris, that weren noumbrid, two and thretti thousande and two hundrid. <sup>22</sup> In the lynage of the sones of Beniamyn the prince was Abidan, the sone of Gedeon; <sup>23</sup> and al the oost of hise fiyteris, that weren noumbrid, fyue and thretti thousynde and foure hundrid. <sup>24</sup> Alle that weren noumbrid in the castels of Effraym weren an hundrid thousynde and eiyte thousynde and oon hundrid; thei schulen go forth `the thridde bi her cumpenyes. ²⁵ At the `part of the north the sones of Dan settiden tentis, of whiche the prince was Abiezer, the sone of Amysaddai; <sup>26</sup> al the oost of hise fiyteris, that weren noumbrid, two and sixti thousynde and seuene hundrid. <sup>27</sup> Men of the lynage of Aser settiden tentis bisidis hym, of whiche the prince was Fegiel, the sone of Ochran; <sup>28</sup> and al the oost of hise fiyteris, that weren noumbrid, fourti thousynde `and a thousynde and fyue hundrid. ²⁹ Of the lynage of the sones of Neptalym the prince was Ahira, the sone of Henam; and al the oost of hise fiyteris, ³⁰ thre and fifti thousynde and foure hundrid.

² And these ben the names of `the sones of Aaron; his first gendrid, Nadab; aftirward, Abyu, and Eleazar, and Ythamar; these ben the names of `Aarons sones, ³ preestis, that weren anoyntid, and whos hondis weren fillid and halewid, that thei schulden `be set in preesthod.

¹⁴ bi the Lordis comaundement maad in the hond of Moises. ¹⁵ In the lynage of the sones of Ysacar the prince was Nathanael, the sone of Suar. ¹⁶ In the lynage of Sabulon the prince was Heliab, the sone of Helon. ¹⁷ And the tabernacle was takun doun, which the sones of Gerson and of Merary baren, and `yeden out. ¹⁸ And the sones of Ruben yeden forth bi her cumpenyes and ordre, of whiche the prince was Helisur, the sone of Sedeur. ¹⁹ Forsothe in the lynage of the sones of Symeon the prince was Salamyel, the sone of Surisaddai. ²⁰ Sotheli in the lynage of Gad the prince was Helisaphath, the sone of Duel. ²¹ And the sones of Caath yeden forth, and baren the seyntuarie; so longe the tabernacle was borun, til thei camen to the place of reisyng therof. ²² Also the sones of Effraym, bi her cumpanyes, moueden tentis, in whos oost the prince was Elisama, the sone of Amyud. ²³ Forsothe in the lynage of the sones of Manasses the prince was Gamaliel, the sone of Phadussur. ²⁴ And in the lynage of Beniamyn the duk was Abidan, the sone of Gedeon. ²⁵ The sones of Dan, bi her cumpenyes, yeden forth the laste of alle tentis, in whos oost the prince was Aizer, the sone of Amysaddai. ²⁶ Sotheli in the lynage of the sones of Aser the prince was Phegiel, the sone of Ochran. ²⁷ And in the lynage of the sones of Neptalym the prince was Haira, the sone of Henan.

⁵ And he spak to Chore, and to al the multitude; he seide, Eerli the Lord schal make knowun whiche perteynen to hym, and he schal applie to hym hooli men; and thei whiche he hath chose, schulen neiye to hym.

¹¹ and al thi gaderyng togidere stonde ayens the Lord? For whi what is Aaron, that ye grutchen ayens hym?

²⁶ he seide to the cumpeny, Go ye awey fro the tabernaclis of wickid men, and nyle ye touche tho thingis that parteynen to hem, lest ye ben wlappid in the synnes of hem.

³⁸ and that he bringe forth tho in to platis, and naile to the auter, for encense is offrid in tho to the Lord, and tho ben halewid, that the sonis of Israel se tho for a signe and memorial.

⁴⁰ that the sones of Israel schulden haue thingis aftirward, bi whiche thei schulden remembre, lest ony alien, and which is not of the seed of Aaron, neiy to offre encense to the Lord, lest he suffre, as Chore sufferide, and al his multitude, while the Lord spak to Moises.

⁵ and Y schal refreyne fro me the playnyngis of the sones of Israel, bi whiche thei grutchen ayens you.

⁷ And whanne Moises hadde put tho yerdis bifor the Lord, in the tabernacle of witnessyng, he yede ayen in the day suynge, ⁸ and founde that the yerde of Aaron, `in the hows of Leuy, buriounnede; and whanne knoppis weren greet, the blossoms `hadden broke out, whiche weren alargid in leeuys, and weren fourmed in to alemaundis.

¹⁰ And the Lord seide to Moises, Bere ayen the yerde of Aaron in to the tabernacle of witnessyng, that it be kept there in to `the signe of the rebel sones of Israel, and that her `playntis reste fro me, lest thei dien.

¹ And the Lord seide to Aaron, Thou, and thi sones, and the hows of thi fadir with thee, schulen bere the wickidnesse of the seyntuarie; and thou and thi sones togidere schulen suffre the synnes of youre preesthod. ² But also take thou with thee thi britheren of the lynage of Leuy, and the power of thi fadir, and be thei redi, that thei mynystre to thee. Forsothe thou and thi sones schulen mynystre in the tabernacle of witnessyng;

⁴ Forsothe be thei with thee, and wake thei in the kepyngis of the tabernacle, and in alle the cerymonyes therof. An alien schal not be meddlid with you. ⁵ Wake ye in the kepyng of the seyntuarie, and in the seruyce of the auter, lest indignacioun rise on the sones of Israel. ⁶ Lo! Y haue youun `to you youre britheren, dekenes, fro the myddis of the sones of Israel, and Y haue youe a fre yifte to the Lord, that thei serue in the seruyces of his tabernacle. ⁷ Forsothe thou and thi sones, kepe youre preesthod; and alle thingis that perteynen to the ournyng of the auter, and ben with ynne the veil, schulen be mynystrid bi preestis; if ony straunger neiyeth, he schal be slayn.

⁷ Forsothe thou and thi sones, kepe youre preesthod; and alle thingis that perteynen to the ournyng of the auter, and ben with ynne the veil, schulen be mynystrid bi preestis; if ony straunger neiyeth, he schal be slayn.

¹¹ that whanne Chore perischide, hise sones perischiden not.

¹³ And the Lord was wrooth ayens Israel, and ledde hym aboute the deseert bi fourti yeer, til al the generacioun was wastid, that hadde do yuel in the `siyt of the Lord.

¹⁶ Forsothe after that alle the fiyteris felden doun,

²⁴ but euere ye weren rebel, fro the day in which Y bigan to knowe you.

¹⁹ Now therfor write ye to you this song, and `teche ye the sones of Israel, that thei holde it in mynde, and synge bi mouth; and that this song be to me for a witnessyng among the sones of Israel. ²⁰ For Y schal lede hym in to the lond, for which Y swoor to hise fadris, flowynge with mylk and hony; and whanne thei han ete, and ben fillid, and ben maad fat, thei schulen turne to alien goddis, and thei schulen serue hem; and thei schulen bacbite me, and schulen make voide my couenaunt. ²¹ Aftir that many yuels and turmentyngis han founde hym, this song schal answere hym for witnessing, which song no foryetyng schal do awey fro the mouth of thi seed. For Y knowe the thouytis therof to day, what thingis it schal do, bifore that Y bringe it in to the lond which Y bihiyte to it. ²² Therfor Moises wroot the song, and tauyte the sones of Israel. ²³ And the Lord comaundide to Josue, the sone of Nun, and seide, Be thou coumfortid, and be thou strong; for thou schalt lede the sones of Israel in to the lond which Y bihiyte, and Y schal be with thee. ²⁴ Therfor aftir that Moises wroot the wordis of this lawe in a book, and fillide, ²⁵ he comaundide to Leuytis that baren the ark of boond of pees of the Lord, ²⁶ and seide, Take ye this book, and putte ye it in the side of the arke of boond of pees of youre Lord God, that it be there ayens thee in to witnessyng.

¹² Forsothe the sones of Hely weren sones of Belial,

¹⁹ Forsothe the Lord smoot of the men of Bethsames, for thei hadden seyn the arke of the Lord, and he smoot of the puple seuenti men, and fifty thousynde of the porail. And the puple morenyde, for the Lord hadde smyte `the puple with greet veniaunce. ²⁰ And men of Bethsames seiden, Who schal now stonde in the siyt of the Lord God of this hooli thing, and to whom schal it stie fro vs? ²¹ And thei senten messangeris to the dwelleris of Cariathiarym, and seiden, Filisteis han brouyt ayen the arke of the Lord; come ye doun, and lede it ayen to you.

²² And o man, the werste and vniust of the men that weren with Dauid, answeride, and seide, For thei camen not with vs, we schulen not yyue to hem ony thing of the prey, which we rauyschiden, but his wijf and children `suffice to ech man; and whanne thei han take hem, go thei awei.

⁶ Forsothe after that thei camen to the corn floor of Nachor, Oza helde forth the hond to the arke of God, and helde it, for the oxun kikiden, and bowiden it. ⁷ And the Lord was wrooth bi indignacioun ayens Oza, and smoot hym on `the foli; and he was deed there bisidis the arke of God. <sup>8</sup> Forsothe Dauid was sori, for the Lord hadde smyte Oza; and the name of that place was clepid the Smytyng of Oza `til in to this dai. ⁹ And Dauid dredde the Lord in that dai, and seide, Hou schal the arke of the Lord entre to me? ¹⁰ And he nolde turne the arke of the Lord to hym silf in to the citee of Dauid, but he turnede it in to the hows of Obethedom of Geth. ¹¹ And the arke of the Lord dwellide in the hows of Obethedom ¹² And it was teld to kyng Dauid, that the Lord hadde blessid Obethedom, and alle `thingis of hym, for the arke of God. And Dauid seide, Y schal go, and brynge the arke with blessyng in to myn hows. Therfor Dauid yede, and brouyte the arke of God fro the hows of Obethedom in to the citee of Dauid with ioye; and ther weren with Dauid seuen cumpanyes, and the slain sacrifice of a calff.

¹¹ And Dauid was sori, for the Lord hadde departid Oza; and he clepide that place The Departyng of Oza `til in to present dai. ¹² And Dauid dredde the Lord in that tyme, and seide, How may Y brynge in to me the arke of the Lord? ¹³ And for this cause he brouyte not it to hym, that is, in to the citee of Dauid, but he turnede it in to the hows of Obededom of Geth.

¹³ lest, as at the bigynnyng, for ye weren not present, the Lord smoot vs, and now it be don, if we don ony vnleueful thing.

¹⁴ If God dressith his herte to hym, he schal drawe to hym silf his spirit and blast. ¹⁵ Ech fleisch schal faile togidere; `and a man schal turne ayen in to aisch.

⁴ Synneris weren maad aliens fro the wombe; thei erriden fro the wombe, thei spaken false thingis.

⁷ A thousynde schulen falle doun fro thi side, and ten thousynde fro thi riytside; forsothe it schal not neiye to thee.

² The werkis of the Lord ben greete; souyt out in to alle hise willis.

³ The Lord magnefiede to do with vs; we ben maad glad.

³ Israel hope in the Lord; fro this tyme now and in to the world.

³ The foli of a man disseyueth hise steppis; and he brenneth in his soule ayens God.

² Ye heuenes, here, and thou erthe, perseyue with eeris, for the Lord spak. Y haue nurschid and Y haue enhaunsid sones; sotheli thei han dispisid me.

² In that dai the buriownyng of the Lord schal be in greet worschip and glorie; and the fruyt of erthe schal be hiy, and ful out ioye `schal be to hem that schulen be sauyd of Israel.

²⁴ For this thing, as the tunge of fier deuourith stobil, and the heete of flawme brenneth, so the roote of hem schal be as a deed sparcle, and the seed of hem schal stie as dust; for thei castiden awei the lawe of the Lord of oostis, and blasfemyden the speche of the hooli of Israel.

⁵ And Y seide, Wo to me, for Y was stille; for Y am a man defoulid in lippis, and Y dwelle in the myddis of the puple hauynge defoulid lippis, and Y siy with myn iyen the kyng Lord of oostis.

¹ And a yerde schal go out of the roote of Jesse, and a flour schal stie of the roote of it.

¹¹ And Y schal visite on the yuels of the world, and Y schal visite ayens wickid men the wickidnesse of hem; and Y schal make the pride of vnfeithful men for to reste, and Y schal make low the boost of stronge men.

⁶ the merit of hem that schulen go out with fersnesse fro Jacob. Israel schal floure and brynge forth seed, and thei schulen fille the face of the world with seed.

²² And now nyle ye scorne, lest perauenture youre boondis be maad streit togidere; for Y herde of the Lord God of oostis, endyng and abreggyng on al erthe.

¹ The forsakun Judee and with outen weie schal be glad, and wildirnesse schal make ful out ioye, and schal floure as a lilie. ² It buriownynge schal buriowne, and it glad and preisynge schal make ful out ioie. The glorie of Liban is youun to it, the fairnesse of Carmele and of Saron; thei schulen se the glorie of the Lord, and the fairnesse of oure God.

¹⁶ For Y schal not stryue with outen ende, nether Y schal be wrooth `til to the ende; for whi a spirit schal go out fro my face, and Y schal make blastis.

⁴¹ And thei schulen brenne thin housis with fier, and thei schulen make domes in thee, bifor the iyen of ful many wymmen; and thou schalt ceese to do fornicacioun, and thou schalt no more yyue hiris.

²⁴ And alle trees of the cuntrei schulen wite, that Y am the Lord; Y made low the hiy tre, and Y enhaunside the low tre, and Y made drie the greene tree, and Y made the drie tree to brynge forth boowis; Y the Lord haue spoke, and Y haue do.

¹² And it was drawun out in wraththe, and was cast forth in to erthe; and a brennynge wynd dryede the fruyt therof, and the yerdis of strengthe therof welewiden, and weren maad drie, and fier eet it.

¹⁴ And fier yede out of the yerde of the braunchis therof, that eet the fruyt therof. And a stronge yerde, the ceptre of lordis, was not in it. It is weilyng, and it schal be in to weilyng.

¹⁰ it is maad scharp to sle sacrifices; it is maad briyt, that it schyne. Thou that mouest the ceptre of my sone, hast kit doun ech tree.

¹³ and this whanne it hath distried the ceptre, and it schal not be, seith the Lord God.

²⁷ And Y schal make thi greet trespasse to reste fro thee, and thi fornicacioun fro the lond of Egipt; and thou schalt not reise thin iyen to hem, and thou schalt no more haue mynde on Egipt.

¹⁶ and he seide, And thou, sone of man, take to thee o tree, and write thou on it, To Juda, and to the sones of Israel, and to hise felowis. And take thou an other tree, and write on it, Joseph, the tree of Effraym, and of al the hous of Israel, and of hise felowis. ¹⁷ And ioyne thou tho trees oon to the tother in to o tree to thee; and tho schulen be in to onement in thin hond. ¹⁸ Sotheli whanne the sones of thi puple that speken, schulen seie to thee, Whether thou schewist not to vs, what thou wolt to thee in these thingis? ¹⁹ thou schalt speke to hem, The Lord God seith these thingis, Lo! Y schal take the tree of Joseph, which is in the hond of Effraym, and the lynagis of Israel, that ben ioyned to hym, and Y schal yyue hem togidere with the tree of Juda; and Y schal make hem in to o tree, and thei schulen be oon in the hond of hym. ²⁰ Sotheli the trees, on whiche thou hast write, schulen be in thin hond bifore the iyen of hem.

⁹ Fro the daies of Gabaa Israel synnede; there thei stoden. Batel schal not take hem in Gabaa,

⁵ Y schal make hool the sorewis of hem; Y schal loue hem wilfuli, for my strong veniaunce is turned awei fro hem.

¹⁴ Fede thou thi puple in thi yerde, the floc of thin eritage, that dwellen aloone in wielde wode; in the myddil of Carmel thei schulen be fed of Basan and of Galaad,

¹ Y am a very vyne, and my fadir is an erthe tilier. ² Ech braunch in me that berith not fruyt, he schal take awey it; and ech that berith fruyt, he schal purge it, that it bere the more fruyt. ³ Now ye ben clene, for the word that Y haue spokun to you. ⁴ Dwelle ye in me, and Y in you; as a braunche may not make fruyt of it silf, but it dwelle in the vyne, so nether ye, but ye dwelle in me. ⁵ Y am a vyne, ye the braunchis. Who that dwellith in me, and Y in hym, this berith myche fruyt, for with outen me ye moun no thing do. ⁶ If ony man dwellith not in me, he schal be caste out as a braunche, and schal wexe drie; and thei schulen gadere hym, and thei schulen caste hym in to the fier, and he brenneth.

⁵ Anany herde these wordis, and felde doun, and was deed. And greet drede was maad on alle that herden.

¹¹ And greet drede was maad in al the chirche, and in to alle that herden these thingis. ¹² And bi the hoondis of the apostlis signes and many wondris weren maad in the puple. And alle weren of oon acord in the porche of Salomon. ¹³ But no man of othere durste ioyne hymsilf with hem, but the puple magnyfiede hem. ¹⁴ And the multitude of men and of wymmen bileuynge in the Lord was more encreessid,

⁴⁴ The tabernacle of witnessing was with oure fadris in desert, as God disposide to hem, and spak to Moyses, that he schulde make it aftir the fourme that he say.

² in which ye wandriden sum tyme aftir the cours of this world, aftir the prince of the power of this eir, of the spirit that worchith now in to the sones of vnbileue; ³ in which also we `alle lyueden sum tyme in the desiris of oure fleisch, doynge the willis of the fleisch and of thouytis, and we weren bi kynde the sones of wraththe, as othere men;

¹³ But now in Crist Jhesu ye that weren sum tyme fer, ben maad nyy in the blood of Crist.

⁶ No man disseyue you bi veyn wordis; for whi for these thingis the wraththe of God cam on the sones of vnbileue.

⁴ hauynge a goldun cenrer, and the arke of the testament, keuered aboute on ech side with gold, in which was a pot of gold hauynge manna, and the yerde of Aaron that florischide, and the tablis of the testament;

¹⁹ Therfor, britheren, hauynge trist in to the entring of hooli thingis in the blood of Crist, ²⁰ which halewide to vs a newe weie, and lyuynge bi the hiling, that is to seie, ²¹ his fleisch, and we hauynge the greet preest on the hous of God, ²² neiye we with very herte in the plente of feith; and be oure hertis spreined fro an yuel conscience, and oure bodies waischun with clene watir,

⁵ And ye han foryet the coumfort that spekith to you as to sones, and seith, My sone, nyle thou dispise the teching of the Lord, nether be thou maad weri, the while thou art chastisid of hym.