Leviticus 16:5 Cross References - Wycliffe

⁵ And he schal take of al the multitude of the sones of Israel twei kidis for synne, and o ram in to brent sacrifice;

¹³ That if al the cumpeny of the sones of Israel knowith not, and doith by vnkunnyng that that is ayens the comaundement of the Lord, ¹⁴ and aftirward vndirstondith his synne, it schal offre a calf for synne, and it schal brynge the calf to the dore of the tabernacle. ¹⁵ And the eldere men of the puple schulen sette hondis on the heed therof bifor the Lord; and whanne the calf is offrid in the siyt of the Lord, ¹⁶ the preest which is anoyntid schal bere ynne of his blood in to the tabernacle of witnessyng; ¹⁷ and whanne the fyngur `is dippid, he schal sprenge seuen sithis ayens the veil. <sup>18</sup> And he schal putte of the same blood in the hornes of the auter, which is bifor the Lord in the tabernacle of witnessyng; sotheli he schal schede the `residue blood bisidis the foundement of the auter of brent sacrifice, which is in the dore of tabernacle of witnessyng. ¹⁹ And he schal take al the fatnesse therof, and schal brenne it on the auter; ²⁰ and so he schal do also of this calf, as he dide also bifor; and whanne the prest schal preye for hem, the Lord schal be merciful. ²¹ Forsothe he schal bere out thilke calf, and schal brenne it, as also the formere calf, for it is for the synne of the multitude.

² `the clothes of hem, and the oile of anoyntyng, a calf for synne, twei rammes, a panyere with therf looues;

¹⁴ He offeride also a calf for synne; and whanne Aaron and hise sones hadden put her hondis on `that calf,

⁸ And anoon Aaron neiyede to the auter, and offride a calf for his synne; ⁹ whos blood hise sones offriden to him, in which blood he dippide the fyngur, and touchide the hornes of the auter, and schedde the residue at the foundement therof; ¹⁰ and he brente on the auter the ynnere fatnesse, and litle reynes, and the calle of the mawe, as the Lord comaundide to Moises. ¹¹ Forsothe he brente bi fier without the castels the fleischis and skyn therof. ¹² And he offride the beeste of brent sacrifice, and hise sones offriden to hym the blood therof, which he schedde bi the cumpas of the auter; ¹³ thei offriden also thilke sacrifice kit in to gobetis, with the heed, and alle membris; and he brente bi fier alle these thingis on the auter, ¹⁴ whanne the entrailis and feet weren waischun bifor with watir. ¹⁵ And he offride and killide a buk of geet, for the synne of the puple; and whanne the auter was clensid, ¹⁶ he made brent sacrifice,

¹¹ And ye schulen offre a `buc of geet for synne, with out these thingis that ben wont to be offrid for synne in to clensyng, and `ye schulen offre euerlastinge brent sacrifice in sacrifice, and fletinge offryngis of tho.

²¹ and thei offriden togidere seuene bolis, and seuene rammes, seuene lambren, and seuene buckis of geet, for synne, for the rewme, for the seyntuarye, and for Juda. And he seide to preestis, the sones of Aaron, that thei schulden offre on the auter of the Lord.

¹⁷ and offriden, `in the halewyng of Goddis hows, an hundrid caluys, twei hundryd wetheris, foure hundrid lambren, twelue buckis of geet for the synne of al Israel, bi the noumbre of lynagis of Israel.

²² And the prince schal make a calf for synne in that dai, for hym silf and for al the puple of the lond. ²³ And in the solempnytee of seuene daies he schal make brent sacrifice to the Lord; he schal offre seuene caluys and seuene wetheris with out wem ech dai, bi seuene daies, and ech dai a buc of geet, for synne.

³ For that that was vnpossible to the lawe, in what thing it was sijk bi flesch, God sente his sone in to the licknesse of fleisch of synne, and of synne dampnede synne in fleisch;

²⁷ which hath not nede ech dai, as prestis, first for hise owne giltis to offre sacrifices, and aftirward for the puple; for he dide this thing in offringe hym silf onys. ²⁸ And the lawe ordeynede men prestis hauynge sijknesse; but the word of swering, which is after the lawe, ordeynede the sone perfit with outen ende.

⁵ Therfor he entrynge in to the world, seith, Thou woldist not sacrifice and offryng; but thou hast schapun a bodi to me; ⁶ brent sacrificis also for synne plesiden not to thee. ⁷ Thanne Y seide, Lo! Y come; in the bigynnyng of the book it is writun of me, that Y do thi wille, God. ⁸ He seiynge bifor, That thou woldist not sacrificis, and offringis, and brent sacrifices for synne, ne tho thingis ben plesaunt to thee, whiche ben offrid bi the lawe, ⁹ thanne Y seide, Lo! Y come, that Y do thi wille, God. He doith awei the firste, that he make stidfast the secounde. ¹⁰ In which wille we ben halewid bi the offring of the bodi of Crist Jhesu onys. ¹¹ And ech prest is redi mynystrynge ech dai, and ofte tymes offringe the same sacrifices, whiche moun neuere do awei synnes. ¹² But this man offringe o sacrifice for synnes, for euere more sittith in the riythalf of God the fadir; ¹³ fro thennus forth abidinge, til hise enemyes ben put a stool of hise feet. ¹⁴ For bi oon offring he made perfit for euere halewid men.