John 5:40 Cross References - Wycliffe

⁴⁰ And ye wolen not come to me, that ye haue lijf.

⁷ The Lord, ayenbiere of Israel, the hooli therof, seith these thingis to a dispisable soule, and to a folk had in abhomynacioun, to the seruaunt of lordis, Kyngis schulen se, and princes schulen rise togidere, and schulen worschipe, for the Lord, for he is feithful, and for the hooli of Israel, that chees thee.

² For Y cam, and no man was; Y clepide, and noon was that herde. Whether myn hond is abreggid, and maad litil, that Y mai not ayenbie? ether vertu is not in me for to delyuere? Lo! in my blamyng Y schal make the see forsakun, `ether desert, Y schal sette floodis in the drie place; fischis without watir schulen wexe rotun, and schulen dye for thirst.

¹ Who bileuyde to oure heryng? and to whom is the arm of the Lord schewide? ² And he schal stie as a yerde bifore hym, and as a roote fro thirsti lond. And nether schap nether fairnesse was to hym; and we sien hym, and no biholdyng was; ³ and we desiriden hym, dispisid, and the laste of men, a man of sorewis, and knowynge sikenesse. And his cheer was as hid and dispisid; wherfor and we arettiden not hym.

³ And he sente hise seruauntis for to clepe men that weren bode to the weddyngis, and thei wolden not come.

³⁷ Jerusalem, Jerusalem, that sleest prophetis, and stoonest hem that ben sent to thee, hou ofte wolde Y gadere togidere thi children, as an henne gaderith togidir her chikenes vndir hir wengis, and thou woldist not.

¹¹ He cam in to his owne thingis, and hise resseyueden hym not.

¹⁹ And this is the dom, for liyt cam in to the world, and men loueden more derknessis than liyt; for her werkes weren yuele.

⁴⁴ Hou moun ye bileue, that resseyuen glorie ech of othere, and ye seken not the glorie `that is of God aloone?

²⁷ Worche ye not mete that perischith, but that dwellith in to euerlastynge lijf, which mete mannys sone schal yyue to you; for God the fadir hath markid hym.

³⁷ Al thing, that the fadir yyueth to me, schal come to me; and Y schal not caste hym out, that cometh to me.

⁴⁰ And this is the wille of my fadir that sente me, that ech man that seeth the sone, and bileueth in hym, haue euerlastynge lijf; and Y schal ayen reyse hym in the laste dai.

⁶⁸ Therfor Jhesus seide to the twelue, Whether ye wolen also go awei? ⁶⁹ And Symount Petre answeride to hym, Lord, to whom schulen we gon? Thou hast wordis of euerlastynge lijf;

³⁷ But in the laste dai of the greet feeste, Jhesus stood, and criede, and seide, If ony man thirstith, come he to me, and drynke. ³⁸ He that bileueth in me, as the scripture seith, Floodis of quyk watir schulen flowe fro his wombe.

⁴⁵ But for Y seie treuthe, ye bileuen not to me. ⁴⁶ Who of you schal repreue me of synne? if Y sey treuthe, whi bileuen ye not to me?

²⁵ Jhesus seith to hir, Y am ayen risyng and lijf; he that bileueth in me, yhe, thouy he be deed, ²⁶ he schal lyue; and ech that lyueth, and bileueth in me, schal not die with outen ende. Bileuest thou this thing?

³⁷ And whanne he hadde don so many myraclis bifor hem, thei bileueden not `in to hym; ³⁸ that the word of Ysaie, the prophete, schulde be fulfillid, which he seide, Lord, who bileuede to oure heryng, and to whom is the arm of the Lord schewid? ³⁹ Therfor thei myyten not bileue, for eft Ysaye seide, ⁴⁰ He hath blyndid her iyen, and he hath maad hard the herte of hem, that thei se not with iyen, and vndurstonde with herte; and that thei be conuertid, and Y heele hem. ⁴¹ Ysaye seide these thingis, whanne he say the glorie of hym, and spak of hym.

¹¹ And this is the witnessyng, for God yaf to you euerlastinge lijf, and this lijf is in his sone. ¹² He that hath the sone of God, hath also lijf; he that hath not the sone of God, hath not lijf. ¹³ I write to you these thingis, that ye wite, that ye han euerlastynge lijf, which bileuen in the name of Goddis sone.

¹⁷ And the spirit and the spousesse seien, Come thou. And he that herith, seie, Come thou; and he that thirstith, come; and he that wole, take he freli the watir of lijf.