James 5 Cross References - Wycliffe

¹ Do now, ye riche men, wepe ye, yellinge in youre wretchidnessis that schulen come to you. ² Youre richessis ben rotun, and youre clothis ben etun of mouytis. ³ Youre gold and siluer hath rustid, and the rust of hem schal be to you in to witnessyng, and schal ete youre fleischis, as fier. Ye han tresourid to you wraththe in the last daies. ⁴ Lo! the hire of youre werke men, that repiden youre feeldis, which is fraudid of you, crieth; and the cry of hem hath entrid in to the eeris of the Lord of oostis. ⁵ Ye han ete on the erthe, and in youre letcheries ye han nurschid youre hertis. In the dai of sleyng ye brouyten, ⁶ and slowen the iust man, and he ayenstood not you. ⁷ Therfor, britheren, be ye pacient, til to the comyng of the Lord. Lo! an erthetilier abidith preciouse fruyt of the erthe, paciently suffrynge, til he resseyue `tymeful and lateful fruyt. <sup>8</sup> And be ye pacient, and conferme ye youre hertis, for the comyng of the Lord schal neiye. <sup>9</sup> Britheren, nyle ye be sorewful ech to other, that ye be not demed. Lo! the iuge stondith niy bifor the yate. <sup>10</sup> Britheren, take ye ensaumple of yuel goyng out, and of long abidyng, and trauel, and of pacience, the prophetis, that speken to you in the name of the Lord. <sup>11</sup> Lo! we blessen hem that suffriden. Ye herden the `suffring, ethir pacience, of Joob, and ye sayn the ende of the Lord, for the Lord is merciful, and doynge merci. ¹² Bifor alle thingis, my britheren, nyle ye swere, nether bi heuene, nether bi erthe, nethir bi what euere other ooth. But be youre word Yhe, yhe, Nay, nay, that ye fallen not vndir doom. ¹³ And if ony of you is sorewful, preye he with pacient soule, and seie he a salm. ¹⁴ If ony of you is sijk, lede he in preestis of the chirche, and preie thei for hym, and anoynte with oile in the name of the Lord; ¹⁵ and the preier of feith schal saue the sijk man, and the Lord schal make hym liyt; and if he be in synnes, thei schulen be foryouun to hym. ¹⁶ Therfor knouleche ye ech to othere youre synnes, and preye ye ech for othere, that ye be sauyd. For the contynuel preyer of a iust man is myche worth. ¹⁷ Elye was a deedli man lijk vs, and in preier he preiede, that it schulde not reyne on the erthe, and it reynede not thre yeeris and sixe monethis. ¹⁸ And eftsoone he preiede, and heuene yaf reyn, and the erthe yaf his fruyt. ¹⁹ And, britheren, if ony of you errith fro trewthe, and ony conuertith hym, ²⁰ he owith to wite, that he that makith a synner to be turned fro the errour of his weye, schal saue the soule of hym fro deth, and keuereth the multitude of synnes.

⁷ Whether not if thou schalt do wel, thou schalt resseyue; but if thou doist yuele, thi synne schal be present anoon in the yatis? but the desir therof schal be vndur thee, and thou schalt be lord therof.

¹⁰ And God seide to Cayn, What hast thou do? the vois of the blood of thi brother crieth to me fro erthe.

²³ and neiyede, and seide, Whether thou schalt leese a iust man with the wickid man? ²⁴ if fifti iust men ben in the citee, schulen thei perische togidere, and schalt thou not spare that place for fifti iust men, if thei ben ther ynne? ²⁵ Fer be it fro thee that thou do this thing, and sle a iust man with a wickid man, and that a iust man be maad as a wickid man; this is not thin that demest al erthe; thou schalt not make this doom. ²⁶ And the Lord seide to him, If Y schal fynde in Sodom fifti iust men in the myddis of the citee, Y schal foryyue to al the place for hem. ²⁷ Abraham answerde and seide, For Y bigan onys, Y schal speke to my Lord, sithen Y am dust and aische; ²⁸ what if lesse than fifti iust men bi fyue ben, schalt thou do a wey al the cite for fyue and fourti? And the Lord seide, Y schal not do a wei, if I schal fynde fyue and fourti there. ²⁹ And eft Abraham seide to hym, But if fourti ben there, what schalt thou do? The Lord seide, Y schal not smyte for fourti. ³⁰ Abraham seide, Lord, Y biseche, take thou not to indignacioun, if Y speke; what if thretti be foundun there? The Lord answerde, Y schal not do, if Y schal fynde thretti there. ³¹ Abraham seide, For Y bigan onys, Y schal speke to my Lord; what if twenti be foundun there? The Lord seide, Y schal not sle for twenti. ³² Abraham seide, Lord, Y biseche, be thou not wrooth, if Y speke yit onys; what if ten be founden there? The Lord seide, Y schal not do a wey for ten.

²⁹ For whanne God distriede the citees of that cuntrey, he hadde mynde of Abraham, and delyuerede Loth fro destriynge of the citees in whiche he dwellide.

⁷ now therfor yelde thou the wijf to hir hosebonde, for he is a profete; and he schal preye for thee, and thou schalt lyue; sotheli if thou nylte yelde, wite thou that thou schalt die bi deeth, thou and alle thingis that ben thine.

¹⁷ Sotheli for Abraham preiede, God curide Abymelech, and his wijf, and handmaydens, and thei childiden;

⁴⁸ And Laban seide, This heep schal be witnesse bytwixe me and thee to day, and herfor the name therof was clepid Galaad, that is, the heep of witnesse.

⁵² sotheli this heep, and stoon be in to witnessyng, forsothe if Y schal passe it, and go to thee, ether thou shalt passe, and thenke yuel to me.

²⁸ And the man seide, Thi name schal no more be clepid Jacob, but Israel; for if thou were strong ayens God, hou miche more schalt thou haue power ayens men.

⁹ Thanne at the laste the maistir `of boteleris bithouyte, and seide, Y knowleche my synne; <sup>10</sup> the kyng was wrooth to hise seruauntis, and comaundide me and the maister `of bakeris to be cast doun in to the prisoun of the prince of knyytis,

¹ Forsothe Jacob clepide hise sones, and seide to hem, Be ye gaderid that Y telle what thingis schulen come to you in the laste daies;

¹⁸ Y schal abide thin helthe.

²³ Forsothe aftir myche tyme the kyng of Egipt diede, and the sones of Israel inwardli weiliden for werkis, and crieden, and the cry of hem for werkis stiede to God. ²⁴ And he herde the weilyng of hem, and he hadde mynde of the boond of pees, which he hadde maad with Abraham, Ysaac, and Jacob; and he bihelde the sones of Israel,

⁹ Therfor the cry of the sones of Israel cam to me, and Y seiy the turment of hem, bi which thei ben oppressid of Egipcians.

²⁸ preye ye the Lord, that the thundris and hail of God ceesse, and Y schal delyuere you, and dwelle ye no more here. ²⁹ Moyses seide, Whanne Y schal go out of the citee, Y schal holde forth myn hondis to the Lord, and leitis and thundris schulen ceesse, and hail schal not be, that thou wite, that the lond is the Lordis;

³³ And Moyses yede out fro Farao, and fro the citee, and helde forth the hondis to the Lord, and thundris and hail ceessiden, and reyn droppide no more on the erthe.

¹¹ and whanne Moises reiside the hondis, Israel ouercam; forsothe if he let down a litil, Amalech ouercam.

²² Ye schulen not anoye a widewe, and a fadirles ethir modirles child. ²³ If ye hirten hem, thei schulen crye to me, and Y schal here the cry of hem, ²⁴ and my greet veniaunce schal haue indignacioun, and Y schal smyte you with swerd, and youre wyues schulen be widewis, and youre sones schulen be fadirles.

²⁷ for that aloone is the cloothing of his fleisch, with which he is hilid, nether he hath another, in which he slepith; if he crieth to me, Y schal here hym; for Y am mercyful.

¹⁰ suffre thou me, that my woodnesse be wrooth ayens hem, and that Y do awey hem; and Y schal make thee in to a greet folk. ¹¹ Forsothe Moises preiede `his Lord God, and seide, Lord, whi is thi veniaunce wrooth ayens thi puple, whom thou leddist out of the lond of Egipt in greet strengthe and in stronge hond? <sup>12</sup> Y biseche, that Egipcians seie not, he ledde hem out felli, `that he schulde sle in the hillis, and to do awei fro erthe, thin ire ceesse, and be thou quemeful on the wickidnesse of thi puple. ¹³ Haue thou mynde of Abraham, of Ysaac, and of Israel, thi seruauntis, to whiche thou hast swore bi thi silf, and seidist, Y schal multiplie youre seed as the sterris of heuene, and Y schal yyue to youre seed al this lond of which Y spak, and ye schulen welde it euere. ¹⁴ And the Lord was plesid, that he dide not the yuel which he spak ayens his puple.

⁶ and whanne the Lord passide bifore hym, he seide, Lordschipere, Lord God, mercyful, and pitouse, pacient, and of myche mersiful doyng, and sothefast,

¹³ Thou schalt not make fals chalenge to thi neiybore, nethir thou schalt oppresse hym bi violence. The werk of thin hirid man schal not dwelle at thee til the morewtid.

¹⁸ Thou schalt not seke veniaunce, nether thou schalt be myndeful of the wrong of thi cyteseyns; thou schalt loue thi freend as thi silf; Y am the Lord.

² And whanne the puple hadde cried to Moises, Moises preiede the Lord, and the fier was quenchid.

¹³ And Moises seide to the Lord, Egipcians `here not, fro whos myddil thou leddist out this puple, ¹⁴ and the dwelleris of this loond, whiche herden that thou, Lord, art in this puple, and art seyn face to face, and that thi cloude defendith hem, and that thou goist bifore hem in a pilere of cloude bi dai, ¹⁵ and in a piler of fier bi nyyt, that thou hast slayn so greet a multitude as o man, ¹⁶ and seie thei, He myyte not brynge this puple in to the lond for whiche he swoor, therfor he killide hem in wildirnesse; ¹⁷ therfor the strengthe of the Lord be magnified, as thou hast swore. And Moises seide, ¹⁸ Lord pacient, and of myche mercy, doynge awei wickidnesse and trespassis, and leeuynge no man vngilti, which visitist the synnes of fadris in to sones in to the thridde and fourthe generacioun, Y biseche,

¹⁸ Lord pacient, and of myche mercy, doynge awei wickidnesse and trespassis, and leeuynge no man vngilti, which visitist the synnes of fadris in to sones in to the thridde and fourthe generacioun, Y biseche, ¹⁹ foryyue thou the synne of this thi puple, aftir the greetnesse of thi merci, as thou were merciful to men goynge out of Egipt `til to this place. ²⁰ And the Lord seide, Y haue foryouun to hem, bi thi word.

⁷ thei camen to Moyses, and seiden, We synneden, for we spaken ayens the Lord and thee; preie thou, that he take awey fro vs the serpentis. ⁸ And Moises preiede for the puple; and the Lord seide to hym, Make thou a serpent of bras, and sette thou it for a signe; he that is smytun and biholdith it, schal lyue. ⁹ Therfor Moyses made a serpent of bras, and settide for a signe; and men smytun and biholdynge it, weren heelid.

¹² lest aftir that thou hast ete, and art fillid, hast bildid faire housis, and hast dwellid in tho, ¹³ and hast droues of oxun, and flockis of scheep, and plente of siluer, and of gold, and of alle thingis, thine herte be reisid, ¹⁴ and thenke not on thi Lord God, that ledde thee out of the lond of Egipt, and fro the hous of seruage,

¹⁸ And Y felde doun bifor the Lord as `biforto, in fourti daies and fourti nyytis, and Y eet not breed, `and drank not watir, for alle youre synnes whiche ye diden ayens the Lord, and terriden hym to `greet wraththe; ¹⁹ for Y dredde the indignacioun and yre of hym, by which he was stirid ayens you, and wolde do you awey. And the Lord herde me also in this tyme. ²⁰ Also the Lord was wrooth greteli ayens Aaron, and wolde alto breke hym, and Y preiede in lijk maner for hym.

¹⁴ he schal yyue to youre lond reyn tymeful and late, that ye gadere wheete, and wyn, and oile,

¹⁴ Thou schalt not denye the hire of thi brother nedi and pore, ethir of the comelyng that dwellith with thee in thi lond, and is with ynne thi yatis; ¹⁵ but in the same dai thou schalt yelde to hym the prijs of his trauel, bifor the goyng doun of the sunne, for he is pore, and susteyneth therof his lijf; lest he crye ayens thee to the Lord, and it be arettid to thee into synne.

¹⁵ The louede puple was `maad fat, and kikide ayen; maad fat withoutforth, maad fat with ynne, and alargid; he forsook God his makere, and yede awei fro `God his helthe.

³³ The galle of dragouns is the wyn of hem, and the venym of eddris, that may not be heelid. ³⁴ Whether these thingis ben not hid at me, and ben seelid in myn tresouris?

¹² Thanne Josue spak to the Lord, in the dai in which he bitook Amorrey in the siyt of the sones of Israel; and Josue seide bifore hem, Sunne, be thou not mouyd ayens Gabaon, and the moone ayens the valei of Hailon.

²⁷ And he seide to al the puple, Lo! this stoon schal be to you in to witnessing, that ye herden alle the wordis of the Lord, whiche he spak to you, lest perauenture ye wolden denye aftirward, and lye to youre Lord God.

²³ and the princes of Filisteis camen togidere to offre grete sacrifices to Dagon, her god, and `to ete, seiynge, Oure god hath bitake oure enemy Sampson in to oure hondis. ²⁴ And the puple seynge also this thing preiside her god, and seide the same thingis, Our god hath bitake oure aduersarie in to oure hondis, which dide awey oure lond, and killide ful many men. ²⁵ And thei weren glad bi feestis, for thei hadden ete thanne; and thei comaundiden, that Sampson schulde be clepid, and schulde pleie bifor hem; which was led out of prisoun, and pleiede bifor hem; and thei maden hym stonde bitwixe twei pileris.

¹⁸ And Samuel criede to the Lord, and the Lord yaf voices and reynes in that dai.

⁶ and ye schulen seie thus, Pees be to my britheren and to thee, and pees be to thin hows, and pees be to alle thingis, `what euer thingis thou hast.

³⁶ Forsothe Abigail cam to Nabal; and, lo! a feeste was to him in his hows, as the feeste of a kyng; and the herte of Nabal was iocounde, for he was `drunkun greetli; and sche schewide not to hym a word litil ether greet til the morewe.

¹⁹ My lord the kyng, arette thou not wickidnesse to me, nether haue thou mynde of the wrongis of thi seruaunt in the dai, in which thou, my lord the kyng, yedist out of Jerusalem, nether sette thou, kyng, in thin herte; for Y thi seruaunt knoleche my synne;

⁶ And the kyng seide to the man of God, Biseche thou the face of thi Lord God, and preie thou for me, that myn hond be restorid to me. And the man of God preiede the face of God; and the hond of the king turnede ayen to hym, and it was maad as it was bifore.

¹ And Elie `of Thesbi, of the dwelleris of Galaad, seide to Achab, The Lord God of Israel lyueth, in whos siyt Y stonde, deeu and reyn schal not be in these yeeris, no but bi the wordis of my mouth.

¹⁸ Therfor sche seide to Elie, What to me and to thee, thou man of God? Entridist thou to me, that my wickidnessis schulden be remembrid, and that thou schuldist sle my sone? ¹⁹ And Elie seide to hir, Yyue thi sone to me. And he took `that sone fro hir bosum, and bar in to the soler, where he dwellide; and he puttide hym on his bed. ²⁰ And he criede to the Lord, and seide, My Lord God, whether thou hast turmentid also the widewe, at whom Y am susteyned in al maner, that thou killidist hir sone? ²¹ He sprad abrood hym silf, and mat on the child bi thre tymes; and he cryede to the Lord, and seide, My Lord God, Y biseche, the soule of this child turne ayen in to the entrailis of hym.

²¹ He sprad abrood hym silf, and mat on the child bi thre tymes; and he cryede to the Lord, and seide, My Lord God, Y biseche, the soule of this child turne ayen in to the entrailis of hym. ²² The Lord herde the vois of Elie, and the soule of the child turnede ayen with ynne hym, and he lyuede ayen. ²³ And Elie took the child, and puttide hym doun of the soler in to the lower hows, and bitook him to his modir; and he seide to hir, Lo! thi sone lyueth. ²⁴ And the womman seide to Elie, Now in this Y haue knowe, that thou art the man of God, and the word of God is soth in thi mouth.

¹ Aftir many daies the word of the Lord was maad to Elie, in the thridde yeer, and seide, Go, and schewe thee to Achab, that Y yyue reyn on the face of erthe.

¹⁸ And he seide, Not Y disturble Israel, but thou, and the hows of thi fadir, whiche han forsake the comaundementis of the Lord, and sueden Baalym, `disturbliden Israel.

⁴² Achab stiede to ete and drynke; forsothe Elie stiede in to the hil of Carmele, and he settide lowli his face to the erthe, bitwixe hise knees; ⁴³ and seide to his child, Stie thou, and biholde ayens the see. And whanne he hadde stied, and hadde biholde, he seide, No thing is. And eft Elie seide to hym, Turne thou ayen bi seuene tymes. ⁴⁴ Sotheli in the seuenthe tyme, lo! a litil cloude as the step of a man stiede fro the see. And Elie seide, Stie thou, and seie to Achab, Ioyne thi chare, and go doun, lest the reyn byfor ocupie thee. ⁴⁵ And whanne thei turneden hem hidur and thidur, lo! heuenes weren maad derk, and cloud, and wynd, and greet reyn was maad. Therfor Achab stiede, and yede in to Jezrael;

³³ And he entride, and closide the dore on hym silf, and on the child; and preiede to the Lord.

³³ And he entride, and closide the dore on hym silf, and on the child; and preiede to the Lord. ³⁴ And he stiede, and lay on the child; and he puttide his mouth on the mouth of the child, and hise iyen on the iyen of the child, and hise hondis on the hondis of the child. And he bouwide hym silf on the child; and the fleisch of the child was maad hoot. ³⁵ And he turnede ayen, and walkide in the hows onys hidur and thidur; and Elisee stiede, and lai on the child, and the child yoxide seuene sithis, and openyde the iyen.

¹¹ Naaman was wrooth, and yede awei, and seide, Y gesside, that he schulde go out to me, and that he schulde stonde, and clepe the name of `the Lord his God, and that he schulde touche with his hond the place of lepre, and schulde cure me.

¹⁵ and preiede in his siyt, and seide, Lord God of Israel, that sittist on cherubym, thou art God aloone of alle kyngis of erthe; thou madist heuene and erthe. ¹⁶ Bowe thin eere, and here; opyn thin iyen, Lord, and se; and here alle the wordis of Senacherib, which sente, that he schulde dispise `to vs `God lyuynge. ¹⁷ Verili, Lord, the kynges of Assiriens distrieden hethene men, and the londis of alle men, ¹⁸ and senten the goddis of hem in to fier; for thei weren not goddis, but werkis of `hondis of men, of tre and stoon; and thei losten `tho goddis. ¹⁹ Now therfor, oure Lord God, make vs saaf fro the hond of hem, that alle rewmes of erthe wite that thou art the Lord God aloone. ²⁰ Forsothe Isaie, sone of Amos, sente to Ezechie, and seide, The Lord God of Israel seith these thingis, Y haue herd tho thingis, whiche thou preidist me on Sennacherib, king of Assiriens.

² Which Ezechie turnyde his face to the wal, and worschipide the Lord, ³ and seide, Y biseche, Lord, haue mynde, hou Y yede bifor thee in treuthe, and in a parfit herte, and Y dide that, that was plesaunt bifor thee. Therfor Ezechie wepte bi greet wepyng. ⁴ And bifor that Ysaie yede out half the part of the court, the word of the Lord was maad to Isaie, and seide, ⁵ Turne thou ayen, and seie to Ezechie, duyk of my puple, The Lord God of Dauid, thi fadir, seith thes thingis, Y herde thi preiere, and Y siy thi teer, and, lo! Y heelide thee. In the thridde dai thou schalt stie in to the temple of the Lord,

⁹ Synge ye to hym, and seie ye salm to hym, and telle ye alle his merueylis.

¹³ And Dauid seide to Gad, Angwischis oppresse me on ech part, but it is betere to me, that Y falle in to the hondis of the Lord, for his merciful doynges ben manye, than in to the hondis of men.

¹¹ and seide, Lord, no dyuersitee is anentis thee, whether thou helpe in fewe, ethir in manye; oure Lord God, helpe thou vs, for we han trist in thee and in thi name, and camen ayens this multitude; Lord, thou art oure God, a man haue not the maistrye ayens thee. ¹² Therfor the Lord made aferd Ethiopens bifor Asa and Juda, and Ethiopens fledden; and Asa and his puple,

⁹ For if ye turnen ayen to the Lord, youre britheren and youre sones schulen haue mercy, bifor her lordis that ledden hem prisoneris; and thei schulen turne ayen in to this lond. For `oure Lord God is pitouse, `ethir benygne, and merciful; and he schal not turne awey his face fro you, if ye turne ayen to hym.

²⁰ And the Lord herde hym, and was plesid to the puple.

²⁰ Therfor Ezechie, the kyng, and Ysaie, the profete, the sone of Amos, preieden ayens this blasfemye, and crieden til in to heuene. ²¹ And the Lord sente his aungel, that killide ech strong man and werriour, and the prince of the oost of the kyng of Assiriens; and he turnede ayen with schenship `in to his lond. And whanne he hadde entrid in to the hows of his god, the sones, that yeden out of his wombe, killiden hym with swerd. ²² And the Lord sauyde Ezechie, and the dwelleris of Jerusalem, fro the hond of Senacherib, kyng of Assiriens, and fro the hond of alle men; and yaf to hem reste bi cumpas.

¹² And aftir that he was angwischid, he preiede `his Lord God, and dide penaunce gretli bifor the God of hise fadris. <sup>13</sup> And he preiede God, and bisechide ententifli; and God herde his preier, and brouyte hym ayen `in to Jerusalem in to his rewme; and Manasses knew, that the Lord hym silf is God.

¹⁶ And thei scorneden the messangeris of God, and dispisiden hise wordis, and scorneden hise prophetis; til the greet veniaunce of the Lord stiede on his puple, and noon heelyng were.

¹⁷ And thei nolden here; and thei hadden not mynde of thi merueils, which thou haddist do to hem; and thei maden hard her nollis; and thei yauen the heed, that thei `weren al turned to her seruage as bi strijf; but thou art God helpful, meke, and merciful, abidynge longe, `ether pacient, and of myche merciful doyng, and forsokist not hem;

²⁵ And thei token citees maad strong, and fat erthe; and thei hadden in possessioun housis fulle of alle goodis, cisternes maad of othere men, vineris, and places of olyues, and many apple trees. And thei eeten, and weren fillid, and weren maad fat; and hadden plentee of ritchessis `in thi greet goodnesse. ²⁶ Sotheli thei terriden thee to wrathfulnesse, and yeden awei fro thee, and castiden awei thi lawe bihynde her backis; and thei killiden thi prophetis, that witnessiden to hem, that thei schulden turne ayen to thee; and thei diden grete blasfemyes.

³¹ But in thi mercies ful manye thou madist not hem in to wastyng, nethir thou forsokist hem; for thou art God of merciful doynges, and meke.

⁸ And the Lord seide to hym, Whether thou hast biholde my seruaunt Joob, that noon in erthe is lyik hym; he is a symple man, and riytful, and dredynge God, and goynge awei fro yuel?

¹⁰ And Joob seide, Thou hast spoke as oon of the fonned wymmen; if we han take goodis of the hond of the Lord, whi forsothe suffren we not yuels? In alle these thingis Joob synnede not in hise lippis.

¹⁵ Yhe, thouy God sleeth me, Y schal hope in hym; netheles Y schal preue my weies in his siyt. ¹⁶ And he schal be my sauyour; for whi ech ypocrite schal not come in his siyt.

²⁸ And Y schal be wastid as rot, and as a cloth, which is etun of a mouyte.

¹⁶ Sotheli thou hast noumbrid my steppis; but spare thou my synnes. ¹⁷ Thou hast seelid as in a bagge my trespassis, but thou hast curid my wickidnesse.

⁸ But now my sorewe hath oppressid me, and alle my lymes ben dryuun in to nouyt.

¹⁵ He schal spue out the richessis, whiche he deuouride; and God schal drawe tho ritchessis out of his wombe. ¹⁶ He schal souke the heed of snakis; and the tunge of an addre schal sle hym. ¹⁷ Se he not the stremys of the flood of the stronde, of hony, and of botere. ¹⁸ He schal suffre peyne for alle thingis whiche he hath do, netheles he schal not be wastid; aftir the multitude of his fyndyngis, so and `he schal suffre. <sup>19</sup> For he brake, and made nakid the hows of a pore man; he rauyschide, and bildide it not. <sup>20</sup> And his wombe was not fillid; and whanne he hath that, that he couetide, he may not holde in possessioun. <sup>21</sup> `No thing lefte of his mete; and therfor no thing schal dwelle of his goodis. ²² Whanne he is fillid, he schal be maad streit; he schal `be hoot, and alle sorewe schal falle in on hym. <sup>23</sup> `Y wolde, that his wombe be fillid, that he sende out in to hym the ire of his strong veniaunce, and reyne his batel on hym. ²⁴ He schal fle yrun armuris, and he schal falle in to a brasun boowe. ²⁵ Led out, and goynge out `of his schethe, and schynynge, `ether smytinge with leit, `in to his bittirnesse; orrible fendis schulen go, and schulen come on hym. <sup>26</sup> Alle derknessis ben hid in hise priuytees; fier, which is not teendid, schal deuoure hym; he schal be turmentid left in his tabernacle. <sup>27</sup> Heuenes schulen schewe his wickidnesse; and erthe schal rise togidere ayens hym. <sup>28</sup> The seed of his hows schal be opyn; it schal be drawun doun in the dai of the strong veniaunce of the Lord. <sup>29</sup> This is the part of a wickid man, `which part is youun of God, and the eritage of hise wordis of the Lord.

¹¹ Her litle children goen out as flockis; and her yonge children `maken fulli ioye with pleies. ¹² Thei holden tympan, and harpe; and ioien at the soun of orgun. ¹³ Thei leden in goodis her daies; and in a point thei goen doun to hellis. ¹⁴ Whiche men seiden to God, Go thou awei fro us; we nylen the kunnyng of thi weies. ¹⁵ Who is Almiyti God, that we serue him? and what profitith it to vs, if we preien him?

¹⁰ But he knowith my weie, and he schal preue me as gold, that passith thorouy fier.

¹⁰ Thei token awey eeris of corn fro nakid men, and goynge with out cloth, and fro hungry men. ¹¹ Thei weren hid in myddai among the heepis of tho men, that thirsten, whanne the presses ben trodun.

³⁸ If my lond crieth ayens me, and hise forewis wepen with it; ³⁹ if Y eet fruytis therof with out money, and Y turmentide the soule of erthetileris of it;

²⁶ He schal biseche God, and he schal be quemeful to hym; and he schal se his face in hertly ioye, and he schal yelde to man his riytfulnesse.

²⁸ That thei schulden make the cry of a nedi man to come to hym, and that he schulde here the vois of pore men.

⁸ Therfor take ye to you seuene bolis, and seuene rammes; and go ye to my seruaunt Joob, and offre ye brent sacrifice for you. Forsothe Joob, my seruaunt, schal preie for you; Y schal resseyue his face, that foli be not arettid to you [Note: to euerlastinge peyne. ]; for ye `spaken not bifor me riytful thing, as my seruaunt Joob dide.

¹⁰ Also the Lord was conuertid to the penaunce of Joob, whanne he preiede for hise frendis. And the Lord addide alle thingis double, whiche euere weren of Joob. ¹¹ Sotheli alle hise britheren, and alle hise sistris, and alle that knewen hym bifore, camen to hym; and thei eeten breed with hym in his hows, and moueden the heed on hym; and thei coumfortiden hym of al the yuel, which the Lord hadde brouyt in on hym; and thei yauen to hym ech man o scheep, and o goldun eere ring. ¹² Forsothe the Lord blesside the laste thingis of Joob, more than the bigynnyng of hym; and fouretene thousynde of scheep weren maad to hym, and sixe thousinde of camels, and a thousynde yockis of oxis, and a thousynde femal assis. ¹³ And he hadde seuene sones [Note: the formere sones and douytris weren in the weye of saluacioun, and so not deed outirly. ], and thre douytris; and he clepide the name of o douytir Dai, and the name of the secounde douytir Cassia, and the name of the thridde douytir `An horn of wymmens oynement. <sup>14</sup> `Sotheli no wymmen weren foundun so faire in al erthe, as the douytris of Joob; and her fadir yaf eritage to hem among her britheren. ¹⁵ Forsothe Joob lyuede aftir these betyngis an hundrid and fourti yeer, and `siy hise sones, and the sones of hise sones, `til to the fourthe generacioun; and he was deed eld, and ful of daies.

¹⁴ And the Lord thundrid fro heuene; and the hiyeste yaf his vois, hail and the coolis of fier `camen doun.

⁶ In the sunne he hath set his tabernacle; and he as a spouse comynge forth of his chaumbre. He fulli ioyede, as a giaunt, to renne his weie;

⁶ I schal waische myn hondis among innocentis; and, Lord, Y schal cumpasse thin auter. ⁷ That Y here the vois of heriyng; and that Y telle out alle thi merueils.

¹ The two and threttithe salm hath no title. Ye iust men, haue fulli ioye in the Lord; presyng togidere bicometh riytful men.

¹⁵ And thei weren glad, and camen togidere ayens me; turmentis weren gaderid on me, and Y knew not.

⁷ I am maad a wretche, and Y am bowid doun til in to the ende; al dai Y entride sorewful.

¹¹ I hidde not thi riytfulnesse in myn herte; Y seide thi treuthe and thin helthe. I hidde not thi mercy and thi treuthe; fro a myche counsel.

¹ The title of the fourtithe salm. For victorie, the song of Dauid. ² Blessid is he that vndurstondith `on a nedi man and pore; the Lord schal delyuere hym in the yuel dai. ³ The Lord kepe hym, and quykene hym, and make hym blesful in the lond; and bitake not hym in to the wille of his enemyes.

⁶ `And heuenes schulen schewe his riytfulnesse; for God is the iuge. <sup>7</sup> Mi puple, here thou, and Y schal speke to Israel; and Y schal witnesse to thee, Y am God, thi God. <sup>8</sup> I schal not repreue thee in thi sacrifices; and thi brent sacrifices ben euere bifor me. <sup>9</sup> I schal not take calues of thin hows; nethir geet buckis of thi flockis. <sup>10</sup> For alle the wyelde beestis of wodis ben myne; werk beestis, and oxis in hillis. <sup>11</sup> I haue knowe alle the volatils of heuene; and the fairnesse of the feeld is with me. <sup>12</sup> If Y schal be hungry, Y schal not seie to thee; for the world and the fulnesse therof is myn. <sup>13</sup> Whether Y schal eete the fleischis of boolis? ethir schal Y drynke the blood of geet buckis? <sup>14</sup> Offre thou to God the sacrifice of heriyng; and yelde thin avowis to the hiyeste God. <sup>15</sup> And inwardli clepe thou me in the dai of tribulacioun; and Y schal delyuere thee, and thou schalt onoure me. <sup>16</sup> But God seide to the synnere, Whi tellist thou out my riytfulnessis; and takist my testament bi thi mouth? <sup>17</sup> Sotheli thou hatidist lore; and hast cast awey my wordis bihynde. <sup>18</sup> If thou siyest a theef, thou `hast runne with hym; and thou settidist thi part with avowtreris. ¹⁹ Thi mouth was plenteuouse of malice; and thi tunge medlide togidere giles. ²⁰ Thou sittynge spakist ayens thi brother, and thou settidist sclaundir ayens the sone of thi modir;

¹⁵ I schal teche wickid men thi weies; and vnfeithful men schulen be conuertid to thee.

¹ The title of the oon and fiftithe salm. To victorie, the salm of Dauid,

³ Reise thin hondis in to the prides of hem; hou grete thingis the enemy dide wickidli in the hooli. ⁴ And thei that hatiden thee; hadden glorie in the myddis of thi solempnete. ⁵ Thei settiden her signes, `ethir baneris, signes on the hiyeste, as in the outgoing; and thei knewen not. ⁶ As in a wode of trees thei heweden doun with axis the yatis therof in to it silf; thei castiden doun it with an ax, and a brood fallinge ax. ⁷ Thei brenten with fier thi seyntuarie; thei defouliden the tabernacle of thi name in erthe.

⁷ Thei brenten with fier thi seyntuarie; thei defouliden the tabernacle of thi name in erthe. ⁸ The kynrede of hem seiden togidere in her herte; Make we alle the feest daies of God to ceesse fro the erthe. ⁹ We han not seyn oure signes, now `no profete is; and he schal no more knowe vs.

¹⁸ Be thou myndeful of this thing, the enemye hath seid schenschip to the Lord; and the vnwijs puple hath excitid to ire thi name. ¹⁹ Bitake thou not to beestis men knoulechenge to thee; and foryete thou not in to the ende the soulis of thi pore men. ²⁰ Biholde in to thi testament; for thei that ben maad derk of erthe, ben fillid with the housis of wickidnessis.

⁵ Whether a man schal seie to Sion, And a man is born ther ynne; and that man altherhiyeste foundide it?

¹⁵ Yit thei schulen be multiplied in plenteuouse elde; and thei schulen be suffryng wel. That thei telle, that oure Lord God is riytful; and no wickidnesse is in hym.

² Synge ye to the Lord, and blesse ye his name; telle ye his heelthe fro dai in to dai.

⁸ Hillis stien vp, and feeldis goen doun; in to the place which thou hast foundid to tho.

¹³ And thou moistist hillis of her hiyer thingis; the erthe schal be fillid of the fruyt of thi werkis.

² Who schal speke the powers of the Lord; schal make knowun alle hise preisyngis?

⁵ I wolde that my weies be dressid; to kepe thi iustifiyngis.

¹ The hundrid and sixe and thrittithe salm. On the floodis of Babiloyne there we saten, and wepten; while we bithouyten on Syon. ² In salewis in the myddil therof; we hangiden vp oure orguns. ³ For thei that ledden vs prisoners; axiden vs there the wordis of songis. And thei that ledden awei vs seiden; Synge ye to vs an ympne of the songis of Syon. ⁴ Hou schulen we singe a songe of the Lord; in an alien lond? ⁵ If Y foryete thee, Jerusalem; my riyt hond be youun to foryeting. ⁶ Mi tunge cleue to my chekis; if Y bithenke not on thee. If Y purposide not of thee, Jerusalem; in the bigynnyng of my gladnesse. ⁷ Lord, haue thou mynde on the sones of Edom; for the dai of Jerusalem. Whiche seien, Anyntische ye, anyntische ye; `til to the foundement ther ynne. <sup>8</sup> Thou wretchid douyter of Babiloyne; he is blessid, that `schal yelde to thee thi yelding, which thou yeldidist to vs. ⁹ He is blessid, that schal holde; and hurtle doun hise litle children at a stoon.

¹ The `title of the hundrid and two and fourtithe salm. The salm of Dauid. Lord, here thou my preier, with eeris perseyue thou my biseching; in thi treuthe here thou me, in thi riytwisnesse. ² And entre thou not in to dom with thi seruaunt; for ech man lyuynge schal not be maad iust in thi siyt. ³ For the enemy pursuede my soule; he made lowe my lijf in erthe. He hath set me in derk placis, as the deed men of the world,

⁸ the Lord liytneth blynde men. The Lord reisith men hurtlid doun; the Lord loueth iust men.

¹⁴ to dai Y haue yolde my vowis.

² Tresouris of wickidnesse schulen not profite; but riytfulnesse schal delyuere fro deth.

¹² Hatrede reisith chidingis; and charite hilith alle synnes.

⁴ Richessis schulen not profite in the dai of veniaunce; but riytfulnesse schal delyuere fro deth.

²⁸ He that tristith in hise richessis, schal falle; but iust men schulen buriowne as a greene leef.

³⁰ The fruyt of a riytful man is the tre of lijf; and he that takith soulis, is a wijs man.

⁸ The sacrifices of wickyd men ben abhomynable to the Lord; avowis of iust men ben plesaunt.

²⁹ The Lord is fer fro wickid men; and he schal here the preyers of iust men.

¹ Betere is a drie mussel with ioye, than an hous ful of sacrifices with chidyng.

²⁷ Sone, ceesse thou not to here techyng; and knowe thou the wordis of kunnyng.

⁹ His preyer schal be maad cursid, that bowith awei his eere; that he here not the lawe.

¹³ For thei perischen in the worste turment; he gendride a sone, that schal be in souereyn nedynesse. ¹⁴ As he yede nakid out of his modris wombe, so he schal turne ayen; and he schal take awei with hym no thing of his trauel.

⁸ Fals chalenge disturblith a wijs man, and it schal leese the strengthe of his herte.

⁹ Therfor, thou yonge man, be glad in thi yongthe, and thin herte be in good in the daies of thi yongthe, and go thou in the weies of thin herte, and in the biholdyng of thin iyen; and wite thou, that for alle these thingis God shal brynge thee in to doom.

⁹ If the Lord of oostis hadde not left seed to vs, we hadden be as Sodom, and we hadden be lijk as Gomorre.

² And in the laste daies the hil of the hous of the Lord schal be maad redi in the cop of hillis, and schal be reisid aboue litle hillis. And alle hethene men schulen flowe to hym;

¹² The wrongful axeris of my puple robbiden it, and wymmen weren lordis therof. Mi puple, thei that seien thee blessid, disseyuen thee, and distrien the weie of thi steppis.

¹⁶ And the Lord God seide, For that that the douytris of Syon weren reisid, and yeden with a necke stretchid forth, and yeden bi signes of iyen, and flappiden with hondis, and yeden, and with her feet yeden in wel araied goyng,

⁷ Forsothe the vyner of the Lord of oostis is the hous of Israel, and the men of Juda ben the delitable buriownyng of hym. Y abood, that it schal make doom, and lo! wickidnesse; and that it schulde do riytfulnesse, and lo! cry.

¹¹ Wo to you that risen togidere eerli to sue drunkennesse, and to drinke `til to euentid, that ye brenne with wyn. ¹² Harpe, and giterne, and tympan, and pipe, and wyn ben in youre feestis; and ye biholden not the werk of the Lord, nether ye biholden the werkis of hise hondis.

⁶ Yelle ye, for the dai of the Lord is niy; as wastyng it schal come of the Lord.

¹² And the Lord God of oostis schal clepe in that dai to wepyng, and to morenyng, and to ballidnesse, and to a girdil of sak; and lo! ¹³ ioie and gladnesse is to sle caluys, and to strangle wetheris, to ete fleisch, and to drynke wyn; ete we, and drynke we, for we schulen die to morewe.

¹³ ioie and gladnesse is to sle caluys, and to strangle wetheris, to ete fleisch, and to drynke wyn; ete we, and drynke we, for we schulen die to morewe.

²⁴ And a neiybore schal seie, Y was not sijk; the puple that dwellith in that Jerusalem, wickidnesse schal be takun awei fro it.

⁸ And Ezechie seide to Ysaie, The word of the Lord is good, which he spak. And Ezechie seide, Pees and treuthe be maad oneli in my daies.

⁸ And now, thou delicat, and dwellynge tristili, here these thingis, which seist in thin herte, Y am, and outakun me ther is no more; Y schal not sitte widewe, and Y schal not knowe bareynesse.

⁹ Lo! the Lord God is myn helpere; who therfor is he that condempneth me? Lo! alle schulen be defoulid as a cloth, and a mouyte schal ete hem.

⁸ For whi a worm schal ete hem so as a cloth, and a mouyte schal deuoure hem so as wolle; but myn helthe schal be withouten ende, and my riytfulnesse in to generaciouns of generaciouns.

⁷ He was offrid, for he wolde, and he openyde not his mouth; as a scheep he schal be led to sleyng, and he schal be doumb as a lomb bifore hym that clippith it, and he schal not opene his mouth.

⁶ Seke ye the Lord, while he mai be foundun; clepe ye hym to help, while he is niy. ⁷ An vnfeithful man forsake his weie, and a wickid man forsake hise thouytis; and turne he ayen to the Lord, and he schal haue merci on hym, and to oure God, for he is myche to foryyue.

¹² Come ye, take we wyn, and be we fillid of drunkenesse; and it schal be as to dai, so and to morewe, and myche more.

⁷ I schal haue mynde on the merciful doyngis of the Lord, Y schal preche the heriyng of the Lord on alle thingis whiche the Lord yeldide to vs, and on the multitude `of goodis of the hous of Israel, whiche he yaf to hem bi his foryyuenesse, and bi the multitude of hise mercies.

⁹ It was not set in tribulacioun, and the aungel of his face sauyde hem. In his loue and in his foryyuenesse he ayenbouyte hem, and he bar hem, and reiside hem in alle daies of the world.

³⁰ In veyn Y smoot youre sones, thei resseyueden not chastisyng; youre swerd deuouride youre prophetis, youre generacioun is distried as a lioun.

⁸ On this thing girde you with heiris; weile ye, and yelle, for the wraththe of the strong veniaunce of the Lord is not turned awei fro you.

²⁴ and yeden awei, and thei seiden not in her herte, Drede we oure Lord God, that yiueth to vs reyn tymeful, and lateful in his tyme; that kepith to vs the plente of heruest of the yeer.

²³ The Lord seith these thingis, A wise man haue not glorie in his wisdom, and a strong man haue not glorie in his strengthe, and a riche man haue not glorie in hise richessis; but he that hath glorie,

³ And thou, Lord, hast knowe me, thou hast seyn me, and hast preued myn herte with thee. Gadere thou hem togidere as a flok to slayn sacrifice, and halewe thou hem in the dai of sleyng.

²² Whether in grauun ymagis of hethene men ben thei that reynen, ethir heuenes moun yyue reynes? whether thou art not oure Lord God, whom we abididen? For thou madist alle these thingis.

¹ And the Lord seide to me, Thouy Moises and Samuel stoden bifore me, my soule is not to this puple; caste thou hem out fro my face, and go thei out.

¹¹ A partriche nurschide tho thingis whiche sche bredde not; he made richessis, and not in doom; in the myddis of hise daies he schal forsake tho, and in hise laste tyme he schal be vnwijs.

⁹ And Y schal feede hem with the fleischis of her sones, and with the fleischis of her douytris; and ech man schal ete the fleischis of his frend in the bisegyng and angwisch, in which the enemyes of hem, and thei that seken the lyues of hem, schulen close hem togidere.

¹³ Wo to him that bildith his hous in vnriytfulnesse, and his soleris not in doom; he schal oppresse his freend in veyn, and he schal not yelde his hire to hym.

²² If thei hadden stonde in my councel, and hadde maad knowun my wordis to my puple, forsothe Y hadde turned hem awei fro her yuel weie, and fro her worste thouytis.

³⁴ Yelle, ye scheepherdis, and crye, and, ye princypals of the floc, bispreynge you with aische; for youre daies ben fillid, that ye be slayn, and youre scateryngis ben fillid, and ye schulen falle as precious vessels.

¹⁶ And the princes and al the puple seiden to the preestis and profetis, Doom of deth is not to this man; for he spak to vs in the name of oure Lord God.

¹² And ye schulen clepe me to help, and ye schulen go, and schulen worschipe me, and Y schal here you; ¹³ ye schulen seke me, and ye schulen fynde, whanne ye seken me in al youre herte.

³ Crye thou to me, and Y schal here thee, and Y schal telle to thee grete thingis, and stidfast, whiche thou knowist not.

²² Heth. The mercies of the Lord ben manye, for we ben not wastid; for whi hise merciful doyngis failiden not.

²⁵ Teth. The Lord is good to hem that hopen in to hym, to a soule sekynge hym. ²⁶ Teth. It is good to abide with stilnesse the helthe of God.

⁵⁵ Coph. Lord, Y clepide to help thi name, fro the laste lake. ⁵⁶ Coph. Thou herdist my vois; turne thou not awei thin eere fro my sobbyng and cries.

² and thou schalt seie, Whi thi modir, a lionesse, lai among liouns? In the myddis of litle liouns sche nurschide hir whelpis,

⁴ Ye maden not sad that that was vnstidfast, and ye maden not hool that that was sijk; ye bounden not that that was brokun, and ye brouyten not ayen that that was cast awei, and ye souyten not that that perischide; but ye comaundiden to hem with sturnenesse, and with power.

¹⁶ I schal seke that that perischide, and Y schal brynge ayen that that was cast awei; and Y schal bynde that that was brokun, and Y schal make sad that that was sijk; and Y schal kepe that that was fat and strong; and Y schal feede hem in doom;

¹⁷ Forsothe, thou, sone of man, the Lord God seith these thingis, Seie thou to ech brid, and to alle foulis, and to alle beestis of the feeld, Come ye to gidere, and haste ye, renne ye togidere on ech side to my sacrifice, which Y sle to you, a greet sacrifice on the hillis of Israel, that ye ete fleischis and drynke blood.

¹⁸ hise felowis, that thei schulden axe merci of the face of God of heuene on this sacrament; and that Danyel and hise felowis schulden not perische with othere wise men of Babiloyne. ¹⁹ Thanne the priuyte was schewid to Danyel bi a visioun in nyyt. And Danyel blesside God of heuene, and seide, ²⁰ The name of the Lord be blessid fro the world, and til in to the world, for wisdom and strengthe ben hise; ²¹ and he chaungith tymes and ages, he translatith rewmes and ordeyneth; he yyueth wisdom to wise men, and kunnyng to hem that vndurstonden techyng, ether chastisyng; ²² he schewith deepe thingis and hid, and he knowith thingis set in derknessis, and liyt is with hym. ²³ God of oure fadris, Y knowleche to thee, and Y herie thee, for thou hast youe wisdom and strengthe to me; and now thou hast schewid to me tho thingis, whiche we preieden thee, for thou hast openyd to vs the word of the kyng.

⁴ Thei drunken wyn, and herieden her goddis of gold, and of siluer, of bras, and of irun, and of tree, and of stoon.

⁹ but merci and benygnytee is to thee, oure Lord God. For we yeden awei fro thee,

¹⁸ My God, for thi silf boowe doun thin eere, and here; opene thin iyen, and se oure desolacioun, and the citee, on which thi name is clepid to help. For not in oure iustifiyngis we setten forth mekeli preiers bifor thi face, but in thi many merciful doyngis. ¹⁹ Lord, here thou; Lord, be thou plesid, perseyue thou, and do; my Lord God, tarie thou not, for thi silf, for thi name is clepid to help on the citee, and on thi puple. ²⁰ And whanne Y spak yit, and preiede, and knoulechide my synnes, and the synnes of my puple Israel, that Y schulde sette forth mekeli my preieris in the siyt of my God, for the hooli hil of my God, ²¹ the while Y spak yit in my preyer, lo! the man Gabriel, whom Y hadde seyn in visioun at the bigynnyng, flei soone, and touchide me in the tyme of euentid sacrifice; ²² and he tauyt me, and he spak to me, and seide, Danyel, now Y yede out, that Y schulde teche thee, and thou schuldist vndurstonde.

¹² And Y am as a mouyte to Effraym, and as rot to the hous of Juda.

¹ In her tribulacioun thei schulen rise eerli to me. Come ye, and turne we ayen to the Lord;

³ He schal quykene vs after twei daies, and in the thridde dai he schal reise vs, and we schulen lyue in his siyt. We schulen wite, and sue, that we knowe the Lord. His goyng out is maad redi at the morewtid, and he schal come as a reyn to vs, which is timeful and lateful to the erthe.

³ In the wombe he supplauntide his brother, and in his strengthe he was dressid with the aungel. ⁴ And he was strong to the aungel, and was coumfortid; he wepte, and preiede hym; in Bethel he foond hym, and there he spak with vs.

⁵ Drunken men, wake ye, and wepe; and yelle ye, alle that drynken wyn in swetnesse; for it perischide fro youre mouth.

¹¹ The erthe tilieris ben schent, the vyn tilieris yelliden on wheete and barli; for the ripe corn of the feeld is perischid.

¹³ Ye prestis, girde you, and weile; ye mynystris of the auter, yelle. Mynystris of my God, entre ye, ligge ye in sak; for whi sacrifice and moist sacrifice perischide fro the hous of youre God.

¹³ and kerue ye youre hertis, and not youre clothis, and be ye conuertid to youre Lord God, for he is benygne, and merciful, pacient, and of myche merci, and abidynge, ether foryyuynge, on malice.

²³ And the sones of Sion, make ye ful out ioie, and be ye glad in youre Lord God, for he yaf to you a techere of riytfulnesse, and he schal make morewtid reyn and euentid reyn to come doun to you, as in the bigynnyng.

¹ Wo to you, that ben ful of richessis in Sion, and tristen in the hil of Samarie, ye principal men, the heedis of puplis, that goen proudli in to the hous of Israel.

⁴ and ye slepen in beddis of yuer, and doen letcherie in youre beddis; and ye eten a lomb of the flok, and calues of the myddil of droue; ⁵ and ye syngen at vois of sautree. As Dauid thei gessiden hem for to haue instrumentis of song, and drynken wyn in viols; ⁶ and with beste oynement thei weren anoynted; and in no thing thei hadden compassioun on the sorewe, ether defoulyng, of Joseph.

⁶ and with beste oynement thei weren anoynted; and in no thing thei hadden compassioun on the sorewe, ether defoulyng, of Joseph. ⁷ Wherfor now thei schulen passe in the heed of men passynge ouer, and the doyng of men doynge letcherie schal be don awei.

² And Jonas preiede to the Lord his God fro the fischis wombe,

⁷ Y wente doun to the vtmeste places of hillis, the barris of erthe closiden me togidere, in to withouten ende; and thou, my Lord God, schalt reise vp my lijf fro corrupcioun.

² And he preiede the Lord, and seide, Lord, Y biseche, whether this is not my word, whanne Y was yit in my lond? For this thing Y purposide, for to fle in to Tharsis; for Y woot, that thou, God, art meke and merciful, pacient, and of merciful doyng, and foryyuynge on malice.

³ Whiche eeten the fleisch of my puple, and hiliden the skyn of hem fro aboue; and broken togidere the boonys of hem, and kittiden togidere as in a cawdroun, and as fleisch in the myddil of a pot.

¹ And in the laste of daies the hil of the hous of the Lord schal be maad redi in the cop of hillis, and hiy ouer smale hillis. And puplis schulen flete to him, and many puplis schulen haaste,

⁵ For alle puplis schulen go, ech man in the name of his Lord God; but we schulen walke in the name of oure Lord God in to the world, and ouer.

¹ Now thou, douyter of a theef, schalt be distried; thei puttiden on vs bisegyng, in a yerde thei schulen smyte the cheke of the iuge of Israel.

¹² in whiche riche men therof ben fillid with wickidnesse? And men dwellynge ther ynne spaken leesyng, and the tunge of hem was gileful in the mouth of hem.

⁷ Forsothe Y schal biholde to the Lord, Y schal abide God my sauyour; the Lord my God schal here me.

¹⁸ God, who is lijk thee, that doist awei wickidnesse, and berist ouer the synne of relifs of thin eritage? He shal no more sende in his stronge veniaunce, for he is willynge merci; he schal turne ayen,

³ For yit the visioun is fer, and it schal appere in to ende, and schal not lie; if it schal make dwellyng, abide thou it, for it comynge schal come, and schal not tarie.

¹¹ For a stoon of the wal schal crie, and a tree that is bitwixe ioynturis of bildyngis schal answere.

¹⁸ But and the siluer of hem, and gold of hem, schal not mowe delyuere hem in the dai of wraththe of the Lord; in fier of his feruour al erthe schal be deuourid, for he schal make ende with haastyng to alle men enhabitynge the erthe.

¹ Axe ye of the Lord reyn in late tyme, and the Lord schal make snowis, and reyn of myyt of cloude; and he schal yyue to hem, to ech bi hym silf, erbe in the feeld.

² Yelle, thou fir tre, for the cedre felle doun, for grete men ben distried; yelle, ye okis of Basan, for the stronge welde wode is kit doun. ³ Vois of yellyng of schepherdis, for the greet worschip of hem is distried; vois of roryng of liouns, for the pride of Jordan is wastid.

⁵ And Y schal come to you in doom, and Y schal be a swift witnesse to mysdoeris, `ether enchaunteris of deuelis craft, and to auouteris, and forsworn men, and that falsli calengen the hire of the hirid man, and widewis, and fadirles, `ether modirles, children, and oppressen a pilgrym, `nether dredden me, seith the Lord of oostis. <sup>6</sup> and thei weren waischun of hym in Jordan, `and knowlechiden her synnes.

¹⁰ Blessid ben thei that suffren persecusioun for riytfulnesse, for the kingdam of heuenes is herne. ¹¹ `Ye schulen be blessid, whanne men schulen curse you, and schulen pursue you, and shulen seie al yuel ayens you liynge, for me.

¹¹ `Ye schulen be blessid, whanne men schulen curse you, and schulen pursue you, and shulen seie al yuel ayens you liynge, for me. <sup>12</sup> Ioie ye, and be ye glad, for youre meede is plenteuouse in heuenes; for so thei han pursued `also profetis that weren bifor you.

³³ Eftsoone ye han herd, that it was seid to elde men, Thou schalt not forswere, but thou schalt yelde thin othis to the Lord. ³⁴ But Y seie to you, that ye swere not `for ony thing; nethir bi heuene, for it is the trone of God; ³⁵ nether bi the erthe, for it is the stole of his feet; nether bi Jerusalem, for it is the citee of a greet kyng; nether thou shalt not swere bi thin heed, ³⁶ for thou maist not make oon heere white, ne blacke; ³⁷ but be youre word, Yhe, yhe; Nay, nay; and that that is more than these, is of yuel.

³⁹ But Y seie to you, that ye ayenstonde not an yuel man; but if ony smyte thee in the riyt cheke, schewe to him also the tothir;

¹⁴ Amen. For if ye foryyuen to men her synnes, youre heuenli fadir schal foryyue to you youre trespassis. ¹⁵ Sotheli if ye foryyuen not to men, nether youre fadir schal foryyue to you youre synnes.

¹⁹ Nile ye tresoure to you tresouris in erthe, where ruste and mouyte destrieth, and where theues deluen out and stelen; ²⁰ but gadere to you tresouris in heuene, where nether ruste ne mouyte distrieth, and where theues deluen not out, ne stelen.

¹ Nile ye deme, `that ye be not demed; for in what doom ye demen, ² ye schulen be demed, and in what mesure ye meten, it schal be meten ayen to you.

⁷ Axe ye, and it schal be youun to you; seke ye, and ye schulen fynde; knocke ye, and it schal be openyd to you. ⁸ For ech that axith, takith; and he that sekith, fyndith; and it schal be openyd to hym, that knockith. ⁹ What man of you is, that if his sone axe hym breed, whethir he wole take hym a stoon? ¹⁰ Or if he axe fische, whether he wole take hym an edder? ¹¹ Therfor if ye, whanne ye ben yuele men, kunnen yyue good yiftis to youre sones, hou myche more youre fadir that is in heuenes schal yyue good thingis to men that axen hym?

² And lo! thei brouyten to hym a man sike in palesie, liggynge in a bed. And Jhesus saw the feith of hem, and seide to the man sike in palesye, Sone, haue thou trist; thi synnes ben foryouun to thee. ³ And lo! summe of the scribis seiden withynne hem silf, This blasfemeth. ⁴ And whanne Jhesus hadde seyn her thouytis, he seide, Wherto thenken ye yuele thingis in youre hertis? ⁵ What is liytere to seye, Thi synnes ben foryouun to thee, ethir `to seie, Rise thou, and walke? ⁶ But that ye wite that mannus sone hath power to foryyue synnes in erthe, thanne he seide to the sijk man in palesie, Rise vp; take thi bed, and go in to thin hous.

²² And ye schulen be in hate to alle men for my name; but he that shall dwelle stille in to the ende, shal be saaf.

²⁰ but this kynde is not caste out, but bi preiyng and fastyng.

¹⁵ But if thi brother synneth ayens thee, go thou, and repreue hym, bitwixe thee and hym aloone; if he herith thee, thou hast wonnun thi brother.

¹⁵ But if thi brother synneth ayens thee, go thou, and repreue hym, bitwixe thee and hym aloone; if he herith thee, thou hast wonnun thi brother. ¹⁶ And if he herith thee not, take with thee oon or tweyne, that euery word stonde in the mouth of tweyne or thre witnessis. ¹⁷ And if he herith not hem, seie thou to the chirche. But if he herith not the chirche, be he as an hethen and a pupplican to thee.

²³ And Jhesus seide to hise disciplis, Y seie to you treuthe, for a riche man of hard schal entre in to the kyngdom of heuenes. ²⁴ And eftsoone Y seie to you, it is liyter a camel to passe thorou a needlis iye, thanne a riche man to entre in to the kyngdom of heuens.

²¹ And Jhesus answeride, and seide to hem, Treuli Y seie to you, if ye haue feith, and douten not, not oonli ye schulen do of the fige tree, but also if ye seyn to this hil, Take, and caste thee in to the see, it schal be don so. ²² And alle thingis what euere ye bileuynge schulen axe in preyer, ye schulen take.

²² And alle thingis what euere ye bileuynge schulen axe in preyer, ye schulen take.

³⁴ But whanne the tyme of fruytis neiyede, he sente his seruauntis to the erthe tilieris, to take fruytis of it. ³⁵ And the erthetilieris token his seruauntis, and beeten `the toon, thei slowen another, and thei stonyden another. ³⁶ Eftsoone he sente othere seruauntis, mo than the firste, and in lijk maner thei diden to hem. ³⁷ And at the laste he sente his sone to hem, and seide, Thei schulen drede my sone. ³⁸ But the erthe tilieris, seynge the sone, seiden with ynne hem silf, This is the eire; come ye, sle we hym, and we schulen haue his eritage.

³⁸ But the erthe tilieris, seynge the sone, seiden with ynne hem silf, This is the eire; come ye, sle we hym, and we schulen haue his eritage. ³⁹ And thei token, and castiden hym out of the vynyerd, and slowen hym.

¹⁶ Wo to you, blynde lederis, that seien, Who euer swerith bi the temple of God, it is `no thing; but he that swerith in the gold of the temple, is dettoure. ¹⁷ Ye foolis and blynde, for what is grettere, the gold, or the temple that halewith the gold? ¹⁸ And who euer swerith in the auter, it is no thing; but he that swerith in the yifte that is on the auter, owith. ¹⁹ Blynde men, for what is more, the yifte, or the auter that halewith the yifte? ²⁰ Therfor he that swerith in the auter, swerith in it, and in alle thingis that ben ther on. ²¹ And he that swerith in the temple, swerith in it, and in hym that dwellith in the temple. ²² And he that swerith in heuene, swerith in the trone of God, and in hym that sittith ther on.

³⁴ Therfor lo! Y sende to you profetis, and wise men, and scribis; and of hem ye schulen sle and crucifie, and of hem ye schulen scourge in youre sinagogis, and schulen pursue fro cite in to citee;

³⁴ Therfor lo! Y sende to you profetis, and wise men, and scribis; and of hem ye schulen sle and crucifie, and of hem ye schulen scourge in youre sinagogis, and schulen pursue fro cite in to citee; ³⁵ that al the iust blood come on you, that was sched on the erthe, fro the blood of iust Abel to the blood of Zacarie, the sone of Barachie, whom ye slowen bitwixe the temple and the auter.

³⁵ that al the iust blood come on you, that was sched on the erthe, fro the blood of iust Abel to the blood of Zacarie, the sone of Barachie, whom ye slowen bitwixe the temple and the auter. ³⁶ Treuli Y seie to you, alle these thingis schulen come on this generacioun. ³⁷ Jerusalem, Jerusalem, that sleest prophetis, and stoonest hem that ben sent to thee, hou ofte wolde Y gadere togidere thi children, as an henne gaderith togidir her chikenes vndir hir wengis, and thou woldist not.

²⁷ For as leit goith out fro the eest, and apperith in to the weste, so schal be also the coming of mannus sone.

³³ `so and ye whanne ye seen alle these thingis, wite ye that it is nyy, in the yatis.

⁴⁴ And therfor be ye redi, for in what our ye gessen not, mannus sone schal come.

³⁰ And whanne the ympne was seid, thei wenten out in to the mount of Olyuete.

⁵³ Whether gessist thou, that Y may not preie my fadir, and he schal yyue to me now mo than twelue legiouns of aungels? ⁵⁴ Hou thanne schulen the scriptures be fulfilled? for so it bihoueth to be doon.

²⁰ Forsothe the prince of prestis, and the eldere men counseiliden the puple, that thei schulden axe Barabas, but thei schulden distrye Jhesu.

²⁴ And Pilat seynge that he profitide no thing, but that the more noyse was maad, took watir, and waischide hise hondis bifor the puple, and seide, Y am giltles of the blood of this riytful man; bise you. ²⁵ And al the puple answeride, and seide, His blood be on vs, and on oure children.

⁵ And whanne Jhesus hadde seyn the feith of hem, he seide to the sijk man in palesie, Sone, thi synnes ben foryouun to thee. ⁶ But there weren summe of the scribis sittynge, and thenkynge in her hertis, ⁷ What spekith he thus? He blasfemeth; who may foryyue synnes, but God aloone? ⁸ And whanne Jhesus hadde knowe this bi the Hooli Goost, that thei thouyten so with ynne hem silf, he seith to hem, What thenken ye these thingis in youre hertis? ⁹ What is liyter to seie to the sijk man in palesie, Synnes ben foryouun to thee, or to seie, Ryse, take thi bed, and walke? ¹⁰ But that ye wite that mannus sone hath power in erthe to foryyue synnes, he seide to the sijk man in palesie, Y seie to thee, ¹¹ ryse vp, take thi bed, and go in to thin hous.

¹³ And thei castiden out many feendis, and anoyntiden with oyle many sijk men, and thei weren heelid.

¹⁹ And Erodias leide aspies to hym, and wolde sle hym, and myyte not.

²² And Jhesus answeride and seide to hem, Haue ye the feith of God; ²³ treuli Y seie to you, that who euer seith to this hil, Be thou takun, and cast in to the see; and doute not in his herte, but bileueth, that what euer he seie, schal be don, it schal be don to hym. ²⁴ Therfor Y seie to you, alle thingis what euer thingis ye preynge schulen axe, bileue ye that ye schulen take, and thei schulen come to you.

²⁹ So whanne ye seen these thingis be don, wite ye, that it is nyy in the doris.

¹⁷ And these tokenes schulen sue hem, that bileuen. In my name thei schulen caste out feendis; thei schulen speke with newe tungis; ¹⁸ thei schulen do awei serpentis; and if thei drynke ony venym, it schal not noye hem. Thei schulen sette her hondis on sijk men, and thei schulen wexe hoole.

¹⁸ thei schulen do awei serpentis; and if thei drynke ony venym, it schal not noye hem. Thei schulen sette her hondis on sijk men, and thei schulen wexe hoole.

⁵⁰ And his mercy is fro kynrede in to kynredes, to men that dreden hym.

²⁵ In treuthe Y seie to you, that many widowis weren in the daies of Elie, the prophete, in Israel, whanne heuene was closid thre yeer and sixe monethis, whanne greet hungur was maad in al the erthe;

²³ Joye ye in that dai, and be ye glad; for lo! youre meede is myche in heuene; for aftir these thingis the fadris of hem diden to prophetis. ²⁴ Netheles wo to you, riche men, that han youre coumfort. ²⁵ Wo to you that ben fulfillid, for ye schulen hungre. Wo to you that now leiyen, for ye schulen morne, and wepe.

³⁶ Therfor be ye merciful, as youre fadir is merciful.

³ And whanne he hadde herd of Jhesu, he sente to hym the eldere men of Jewis, and preiede hym, that he wolde come, and heele his seruaunt. ⁴ And whanne thei camen to Jhesu, thei preieden hym bisili, and seiden to hym, For he is worthi, that thou graunte to hym this thing;

¹⁵ But that that fel in to good erthe, ben these that, in a good herte, and best heren the word, and holdun, and brengen forth fruyt in pacience.

⁶ And thei yeden forth, and wenten aboute bi castels, prechynge and helynge euery where.

¹¹ Therfor who of you axith his fadir breed, whether he schal yyue hym a stoon? or if he axith fisch, whether he schal yyue hym a serpent for the fisch? ¹² or if he axe an eye, whether he schal a reche hym a scorpioun? ¹³ Therfor if ye, whanne ye ben yuel, kunnen yyue good yiftis to youre children, hou myche more youre fadir of heuene schal yyue a good spirit to men that axith him.

¹⁶ And he tolde to hem a liknesse, and seide, The feeld of a riche man brouyte forth plenteuouse fruytis. ¹⁷ And he thouyte with ynne hym silf, and seide, What schal Y do, for Y haue not whidur Y schal gadere my fruytis? ¹⁸ And he seith, This thing Y schal do; Y schal throwe doun my bernes, and Y schal make gretter, and thidir Y schal gadir alle thingis that growen to me, and my goodis. ¹⁹ And Y schal seie to my soule, Soule, thou hast many goodis kept in to ful many yeeris; rest thou, ete, drynke, and make feeste. ²⁰ And God seide to hym, Fool, in this nyyt thei schulen take thi lijf fro thee. And whos schulen tho thingis be, that thou hast arayed? ²¹ So is he that tresourith to hym silf, and is not riche in God.

³³ Selle ye tho thingis that ye han in possessioun, and yyue ye almes. And make to you sachels that wexen not oolde, tresoure that failith not in heuenes, whidir a theef neiyith not, nether mouyt destruyeth.

³⁴ Jerusalem, Jerusalem, that sleest profetis, and stonest hem that ben sent to thee, hou ofte wolde Y gadre togider thi sones, as a brid gaderith his nest vndur fethris, and thou woldist not.

¹⁹ There was a riche man, and was clothid in purpur, and whit silk, and eete euery dai schynyngli.

¹⁹ There was a riche man, and was clothid in purpur, and whit silk, and eete euery dai schynyngli. ²⁰ And there was a begger, Lazarus bi name, that lai at his yate ful of bilis, ²¹ and coueitide to be fulfillid of the crummes, that fellen doun fro the riche mannus boord, and no man yaf to hym; but houndis camen, and lickiden hise bilis. ²² And it was don, that the begger diede, and was borun of aungels in to Abrahams bosum. ²³ And the riche man was deed also, and was biried in helle. And he reiside hise iyen, whanne he was in turmentis, and say Abraham afer, and Lazarus in his bosum. ²⁴ And he criede, and seide, Fadir Abraham, haue merci on me, and sende Lazarus, that he dippe the ende of his fyngur in watir, to kele my tunge; for Y am turmentid in this flawme. ²⁵ And Abraham seide to hym, Sone, haue mynde, for thou hast resseyued good thingis in thi lijf, and Lazarus also yuel thingis; but he is now coumfortid, and thou art turmentid.

²⁵ And Abraham seide to hym, Sone, haue mynde, for thou hast resseyued good thingis in thi lijf, and Lazarus also yuel thingis; but he is now coumfortid, and thou art turmentid.

¹ And he seide to hem also a parable, that it bihoueth to preye euer more, and not faile; ² and seide, There was a iuge in a citee, that dredde not God, nether schamede of men. ³ And a widowe was in that citee, and sche cam to hym, and seide, Venge me of myn aduersarie; ⁴ and he wolde not longe tyme. But aftir these thingis he seide with ynne hym silf, Thouy Y drede not God, and schame not of man, ⁵ netheles for this widewe is heuy to me, Y schal venge hir; lest at the laste sche comynge condempne me. ⁶ And the Lord seide, Here ye, what the domesman of wickidnesse seith; ⁷ and whether God schal not do veniaunce of hise chosun, criynge to hym dai and nyyt, and schal haue pacience in hem?

⁷ and whether God schal not do veniaunce of hise chosun, criynge to hym dai and nyyt, and schal haue pacience in hem? ⁸ Sotheli Y seie to you, for soone he schal do veniaunce of hem. Netheles gessist thou, that mannus sone comynge schal fynde feith in erthe?

⁸ Sotheli Y seie to you, for soone he schal do veniaunce of hem. Netheles gessist thou, that mannus sone comynge schal fynde feith in erthe?

²⁷ And thanne thei schulen se mannys sone comynge in a cloude, with greet power and maieste.

³² that thi feith faile not; and thou sum tyme conuertid, conferme thi britheren.

⁴⁴ and his swot was maad as dropis of blood rennynge doun in to the erthe.

⁵¹ But Jhesus answerde, and seide, Suffre ye til hidir. And whanne he hadde touchid his eere, he heelide hym. ⁵² And Jhesus seide to hem, that camen to hym, the princis of preestis, and maiestratis of the temple, and eldre men, As to a theef ye han gon out with swerdis and staues? ⁵³ Whanne Y was ech dai with you in the temple, ye streiyten not out hondis in to me; but this is youre our, and the power of derknessis.

²⁸ And Jhesus turnede to hem, and seide, Douytris of Jerusalem, nyle ye wepe on me, but wepe ye on youre silf and on youre sones. ²⁹ For lo! daies schulen come, in whiche it schal be seid, Blessid be bareyn wymmen, and wombis that han not borun children, and the tetis that han not youun souke.

⁴² And he seide to Jhesu, Lord, haue mynde of me, whanne thou comest `in to thi kyngdom.

¹⁴ Aftirward Jhesus foond hym in the temple, and seide to hym, Lo! thou art maad hool; now nyle thou do synne, lest any worse thing bifalle to thee.

²⁴ Treuli, treuli, Y seie to you, that he that herith my word, and bileueth to hym that sente me, hath euerlastynge lijf, and he cometh not in to doom, but passith fro deeth in to lijf.

³¹ And we witen, that God herith not synful men, but if ony `man is worschypere of God, and doith his wille, he herith hym.

² Thei schulen make you with outen the synagogis, but the our cometh, that ech man that sleeth you, deme that he doith seruyce to God. ³ And thei schulen do to you these thingis, for thei han not knowun the fadir, nether me.

⁹ And he wente in to the moot halle eftsoone, and seide to Jhesu, Of whennus art thou? But Jhesus yaf noon answere to him. ¹⁰ Pilat seith to him, Spekist thou not to me? Woost thou not, that Y haue power to crucifie thee, and Y haue power to delyuere thee? ¹¹ Jhesus answeride, Thou schuldist not `haue ony power ayens me, but it were youun to thee from aboue; therfor he that bitook me to thee, hath the more synne.

¹⁷ And it schal be in the laste daies, the Lord seith, Y schal helde out my spirit on ech fleisch; and youre sones and youre douytris schulen prophesie, and youre yonge men schulen se visiouns, and youre eldris schulen dreme sweuenes.

²² Ye men of Israel, here ye these wordis. Jhesu of Nazareth, a man preued of God bifor you bi vertues, and wondris, and tokenes, which God dide bi hym in the myddil of you, ²³ as ye witen, ye turmentiden, and killiden hym bi the hoondis of wyckid men, bi counseil determyned and bitakun bi the forknouwyng of God.

¹⁴ But ye denyeden the hooli and the riytful, and axiden a mansleer to be youun to you. ¹⁵ And ye slowen the maker of lijf, whom God reiside fro deth, of whom we ben witnessis.

²¹ that is now prechid to you. Whom it bihoueth heuene to resseyue, in to the tymes of restitucioun of alle thingis, which the Lord spak bi the mouth of hise hooli prophetis fro the world.

¹⁰ be it knowun to you alle, and to al the puple of Israel, that in the name of Jhesu Crist of Nazareth, whom ye crucifieden, whom God reiside fro deth, in this this man stondith hool bifor you. ¹¹ This is the stoon, which was repreued of you bildinge, which is maad in to the heed of the corner; ¹² and heelthe is not in ony othir. For nether other name vndur heuene is youun to men, in which it bihoueth vs to be maad saaf.

²⁴ And whanne thei herden, with oon herte thei reiseden vois to the Lord, and seiden, Lord, thou that madist heuene and erthe, see, and alle thingis that ben in hem, which seidist bi the Hooli Goost, ²⁵ bi the mouth of oure fadir Dauid, thi child, Whi hethen men gnastiden with teeth togidre, and the puplis thouyten veyn thingis? ²⁶ Kyngis of the erthe stoden nyy, and princis camen togidre `in to oon, ayens the Lord, and ayens his Crist. ²⁷ For verili Eroude and Pounce Pilat, with hethene men, and puplis of Israel, camen togidre in this citee ayens thin hooli child Jhesu, ²⁸ whom thou anoyntidist, to do the thingis, that thin hoond and thi counsel demyden to be don. ²⁹ And now, Lord, biholde in to the thretnyngis of hem, and graunte to thi seruauntis to speke thi word with al trist, ³⁰ in that thing that thou holde forth thin hond, that heelthis and signes and wondris be maad bi the name of thin hooli sone Jhesu. ³¹ And whanne thei hadden preyed, the place was moued, in which thei weren gaderid; and alle weren fillid with the Hooli Goost, and spaken the word of God with trist.

⁵² Whom of the profetis han not youre fadris pursued, and han slayn hem that bifor telden of the comyng of the riytful man, whos traitouris and mansleeris ye weren now?

³² And the place of the scripture that he redde, was this, As a scheep he was led to sleyng, and as a lomb bifor a man that scherith him is doumb with out vois, so he openyde not his mouth.

⁴⁰ And whanne alle men weren put with out forth, Petre knelide, and preiede. And he turnede to the bodi, and seide, Tabita, rise thou. And sche openyde hir iyen, and whanne sche siy Petre, sche sat vp ayen.

²⁶ But Petre reiside hym, and seide, Aryse thou, also Y my silf am a man, as thou.

³⁸ hou God anoyntide hym with the Hooli Goost, and vertu; which passide forth in doynge wel, and heelynge alle men oppressid of the deuel, for God was with hym.

⁵ And Petre was kept in prisoun; but preier was maad of the chirche with out ceessing to God for hym. ⁶ But whanne Eroude schulde bringe hym forth, in that nyyt Petre was slepinge bitwixe twei knyytis, and was boundun with twei cheynes; and the keperis bifor the dore kepten the prisoun. ⁷ And lo! an aungel of the Lord stoode nyy, and liyt schoon in the prisoun hous. And whanne he hadde smyte the side of Petre, he reiside hym, and seide, Rise thou swiftli. And anoon the cheynes felden doun fro hise hoondis. ⁸ And the aungel seide to hym, Girde thee, and do on thin hoosis. And he dide so. And he seide to hym, Do aboute thee thi clothis, and sue me. ⁹ And he yede out, and suede hym; and he wiste not that it was soth, that was don bi the aungel; for he gesside hym silf to haue sey a visioun. ¹⁰ And thei passiden the first and the secounde warde, and camen to the iren yate that ledith to the citee, which anoon was opened to hem. And thei yeden out, and camen in to o street, and anoon the aungel passide awei fro hym. ¹¹ And Petre turnede ayen to hym silf, and seide, Now Y woot verili, that the Lord sente his aungel, `and delyueride me fro the hoond of Eroude, and fro al the abiding of the puple of Jewis.

²⁷ For thei that dwelliden at Jerusalem, and princis of it, that knewen not this Jhesu, and the voicis of prophetis, that by euery sabat ben red, demyden, and filliden; ²⁸ and thei founden in hym no cause of deth, and axiden of Pilat, that thei schulden sle hym.

¹⁵ which in generaciouns passid suffride alle folkis to gon in to her owne weies.

¹⁷ And thei seiynge these thingis, vnnethis swagiden the puple, that thei offriden not to hem.

²³ And thei passiden Persidie, and camen to Pamfilie;

⁴ And whanne thei camen to Jerusalem, thei weren resseyued of the chirche and of the apostlis, and of the eldre men, and telden, hou greet thingis God dide with hem.

²⁴ And whanne he hadde take siche a precept, he putte hem into the ynnere prisoun, and streynede the feet of hem in a tre. ²⁵ And at mydniyt Poul and Silas worschipide, and heriden God; and thei that weren in kepyng herden hem.

¹⁸ And many men bileueden, and camen, knowlechinge and tellynge her dedis.

¹⁴ And he seide, God of oure fadris hath bifor ordeyned thee, that thou schuldist knowe the wille of him, and schuldist se the riytful man, and here the vois of his mouth.

⁸ And it bifel, that the fader of Pupplius lai trauelid with fyueris and blodi flux. To whom Poul entride, and whanne he hadde preied, and leid his hondis on hym, he helide hym.

⁴ Whether `dispisist thou the richessis of his goodnesse, and the pacience, and the long abidyng? Knowist thou not, that the benygnyte of God ledith thee to forthenkyng? ⁵ But aftir thin hardnesse and vnrepentaunt herte, thou tresorist to thee wraththe in the dai of wraththe and of schewyng of the riytful doom of God,

⁷ sotheli to hem that ben bi pacience of good werk, glorie, and onour, and vncorrupcioun, to hem that seken euerlastynge lijf;

¹⁰ as it is writun, For ther is no man iust;

¹⁹ For as bi inobedience of o man manye ben maad synneris, so bi the obedience of oon manye schulen be iust.

²⁴ But bi hope we ben maad saaf. For hope that is seyn, is not hope; for who hopith that thing, that he seeth? ²⁵ And if we hopen that thing that we seen not, we abiden bi pacience.

²⁵ And if we hopen that thing that we seen not, we abiden bi pacience.

²⁹ And as Ysaye bifor seide, But God of oostis hadde left to vs seed, we hadden be maad as Sodom, and we hadden be lijk as Gommor.

² God hath not put awei his puple, which he bifor knew. Whether ye witen not, what the scripture seith in Elie? Hou he preieth God ayens Israel,

¹⁴ if in ony maner Y stire my fleisch for to folowe, and that Y make summe of hem saaf.

¹¹ And we knowen this tyme, that the our is now, that we rise fro sleep; for now oure heelthe is neer, than whanne we bileueden. ¹² The nyyt wente bifore, but the dai hath neiyed. Therfor caste we awei the werkis of derknessis, and be we clothid in the armeris of liyt. ¹³ As in dai wandre we onestli, not in superflu feestis and drunkenessis, not in beddis and vnchastitees, not in strijf and in enuye;

⁴ For what euere thingis ben writun, tho ben writun to oure techynge, that bi pacience and coumfort of scripturis we haue hope.

⁷ so that no thing faile to you in ony grace, that abiden the schewyng of oure Lord Jhesu Crist;

⁵ Therfor nyle ye deme bifore the tyme, til that the Lord come, which schal liytne the hyd thingis of derknessis, and schal schewe the counseils of hertis; and thanne preisyng schal be to ech man of God.

²² Y am maad sijk to sike men, to wynne sike men; to alle men Y am maad alle thingis, to make alle men saaf.

¹¹ And alle these thingis felliden to hem in figure; but thei ben writun to oure amendyng, in to whiche the endis of the worldis ben comun.

³⁰ Therfor among you many ben sijke and feble, and manye slepen. ³¹ And if we demyden wiseli vs silf, we schulden not be demyd; ³² but while we ben demyd of the Lord, we ben chastisid, that we be not dampnyd with this world.

³⁴ If ony man hungrith, ete he at home, that ye come not togidere in to doom. And Y schal dispose othere thingis, whanne Y come.

²⁸ But God sette sum men in the chirche, fyrst apostlis, the secunde tyme prophetis, the thridde techeris, aftirward vertues, aftirward graces of heelyngis, helpyngis, gouernails, kyndis of langagis, interpretaciouns of wordis. ²⁹ Whether alle apostlis? whethir alle prophetis? whether alle techeris? whether alle vertues? ³⁰ whether alle men han grace of heelyngis? whether alle speken with langagis? whether alle expownen?

²⁶ What thanne, britheren? Whanne ye comen togidere, ech of you hath a salm, he hath techyng, he hath apocalips, he hath tunge, he hath expownyng; alle thingis be thei don to edificacioun.

¹⁷ But whanne Y wolde this thing, whether Y vside vnstidfastnesse, ether tho thingis that Y thenke, Y thenke aftir the fleisch, that at me be, it is and it is not? ¹⁸ But God is trewe, for oure word that was at you is and is not, is not ther ynne, but is is in it. ¹⁹ For whi Jhesus Crist, the sone of God, which is prechid among you bi vs, bi me, and Syluan, and Tymothe, ther was not in hym is and is not, but is was in hym. ²⁰ For whi hou many euer ben biheestis of God, in thilke is, `that is, ben fillid. And therfor and bi hym we seien amen to God, to oure glorie.

⁴ but in alle thingis yyue we vs silf as the mynystris of God, in myche pacience, in tribulaciouns, ⁵ in nedis, in angwischis, in betyngis, in prisouns, in dissensiouns with ynne, in trauels, in wakyngis, in fastyngis,

⁷ Ech man as he castide in his herte, not of heuynesse, or of nede; for God loueth a glad yyuere.

⁷ And lest the greetnesse of reuelaciouns enhaunse me in pride, the pricke of my fleisch, an aungel of Sathanas, is youun to me, that he buffate me. ⁸ For whiche thing thries Y preiede the Lord, that it schulde go awei fro me. ⁹ And he seide to me, My grace suffisith to thee; for vertu is parfitli maad in infirmyte. Therfor gladli Y schal glorie in myn infirmytees, that the vertu of Crist dwelle in me. ¹⁰ For which thing Y am plesid in myn infirmytees, in dispisyngis, in nedis, in persecuciouns, in anguyschis, for Crist; for whanne Y am sijk, thanne Y am miyti.

⁵ For we thoruy the spirit of bileue abiden the hope of riytfulnesse.

¹⁴ For euery lawe is fulfillid in o word, Thou schalt loue thi neiybore as thi silf.

²² But the fruyt of the spirit is charite, ioye, pees, pacience, long abidyng,

¹ Britheren, if a man be occupied in ony gilt, ye that ben spiritual, enforme ye such oon in spirit of softnesse, biholdinge thi silf, lest that thou be temptid.

⁹ And doynge good faile we not; for in his tyme we schal repe, not failinge.

⁶ in to the heriyng of the glorie of his grace;

⁴ but God, that is riche in merci, for his ful myche charite in which he louyde vs,

¹⁹ and ymnes, and spiritual songis, syngynge and seiynge salm in youre hertis to the Lord;

⁵ Be youre pacyence knowun to alle men; the Lord is niy.

⁹ Therfor we fro the dai in which we herden, ceessen not to preye for you, and to axe, that ye be fillid with the knowing of his wille in al wisdom and goostli vndurstondyng;

¹¹ and ben coumfortid in al vertu bi the miyt of his clerenesse, in al pacience and long abiding with ioye,

¹⁶ The word of Crist dwelle in you plenteuousli, in al wisdom; and teche and moneste you silf in salmes, and ympnes, and spiritual songis, in grace synginge in youre hertis to the Lord. ¹⁷ Al thing, what euere thing ye don, in word or in dede, alle thingis in the name of oure Lord Jhesu Crist, doynge thankyngis to God and to the fadir bi hym.

¹ Lordis, yyue ye to seruauntis that that is iust and euene, witinge that also ye han a Lord in heuene.

³ hauynge mynde of the werk of youre feith, and trauel, and charite, and abyding of the hope of oure Lord Jhesu Crist, bifor God and oure fadir.

¹⁰ whom he reiside fro deth, the Lord Jhesu, that delyuerede us fro wraththe to comynge.

¹⁴ For, britheren, ye ben maad foleweris of the chirchis of God, that ben in Jude, in Crist Jhesu, for ye han suffrid the same thingis of youre euene lynagis, as thei of the Jewis. ¹⁵ Whiche slowen bothe the Lord Jhesu and the profetis, and pursueden vs, and thei plesen not to God, and thei ben aduersaries to alle men;

¹⁵ Whiche slowen bothe the Lord Jhesu and the profetis, and pursueden vs, and thei plesen not to God, and thei ben aduersaries to alle men; ¹⁶ forbedinge vs to speke to hethene men, that thei be maad saaf, that thei fille her synnes euere more; for the wraththe of God cam on hem in to the ende.

¹⁹ For whi what is oure hope, or ioye, or coroun of glorie? Whether ye ben not bifore oure Lord Jhesu Crist in his comyng?

¹³ that youre hertis ben confermyd with outen pleynt in holynesse, bifor God and oure fadir, in the comyng of oure Lord Jhesu Crist with alle hise seyntis. Amen.

¹⁷ in alle thingis do ye thankyngis.

²³ And God hym silf of pees make you hooli bi alle thingis, that youre spirit be kept hool, and soule, and bodi, without pleynt, in the comyng of oure Lord Jhesu Crist.

²⁵ Britheren, preye ye for vs.

⁵ And the Lord dresse youre hertis, in the charite of God, and in the pacience of Crist.

¹⁶ Take tent to thi silf and to doctryn; be bisi in hem. For thou doynge these thingis, schalt `make bothe thi silf saaf, and hem that heren thee.

⁶ For sche that is lyuynge in delicis, is deed.

⁹ For thei that wolen be maad riche, fallen in to temptacioun, and `in to snare of the deuel, and in to many vnprofitable desiris and noyous, whiche drenchen men in to deth and perdicioun. ¹⁰ For the rote of alle yuelis is coueytise, which summen coueitinge erriden fro the feith, and bisettiden hem with many sorewis.

¹⁰ For the rote of alle yuelis is coueytise, which summen coueitinge erriden fro the feith, and bisettiden hem with many sorewis.

²¹ which summen bihetinge, aboute the feith fellen doun. The grace of God be with thee. Amen.

¹⁷ and the word of hem crepith as a canker. Of whiche Filete is, and Ymeneus, ¹⁸ whiche felden doun fro the treuthe, seiynge that the rising ayen is now doon, and thei subuertiden the feith of summen.

⁴ with out benygnyte, traitouris, ouerthwert, bollun with proude thouytis, blynde, loueris of lustis more than of God,

⁵ For cause of this thing Y lefte thee at Crete, that thou amende tho thingis that failen, and ordeyne preestis bi citees, as also Y disposide to thee.

¹⁹ Y Poul wroot with myn hoond, Y schal yelde; that Y seie not to thee, that also thou owist to me thi silf.

⁶ but Crist as a sone in his hous. Which hous we ben, if we holden sad trist and glorie of hope in to the ende.

¹⁴ For we ben maad parceneris of Crist, if netheles we holden the bigynnyng of his substaunce sad in to the ende.

⁷ Which in the daies of his fleisch offride, with greet cry and teeris, preieris and bisechingis to hym that myyte make hym saaf fro deth, and was herd for his reuerence.

¹⁵ and so he long abidinge hadde the biheeste.

²⁵ as it is of custom to sum men, but coumfortinge, and bi so myche the more, bi hou myche ye seen the dai neiyynge. ²⁶ Forwhi now a sacrifice for synnes is not left to vs, that synnen wilfuli, aftir that we han take the knowyng of treuthe. ²⁷ Forwhi sum abiding of the dom is dreedful, and the suyng of fier, which schal waste aduersaries. ²⁸ Who that brekith Moises lawe, dieth withouten ony merci, bi tweine or thre witnessis; ²⁹ hou myche more gessen ye, that he disserueth worse turmentis, which defouleth the sone of God, and holdith the blood of the testament pollut, in which he is halewid, and doith dispit to the spirit of grace? ³⁰ For we knowen him that seide, To me veniaunce, and Y schal yelde. And eft, For the Lord schal deme his puple. ³¹ It is ferdful to falle in to the hondis of God lyuynge. ³² And haue ye mynde on the formere daies, in which ye weren liytned, and suffriden greet strijf of passiouns. ³³ And in the `tothir ye weren maad a spectacle bi schenschipis and tribulaciouns; in an othir ye weren maad felowis of men lyuynge so. ³⁴ For also to boundun men ye hadden compassioun, and ye resseyueden with ioye the robbyng of youre goodis, knowinge that ye han a betere and a dwellinge substaunce. ³⁵ Therfor nyle ye leese youre trist, which hath greet rewarding. ³⁶ For pacience is nedeful to you, that ye do the wille of God, and bringe ayen the biheest. ³⁷ For yit a litil, and he that is to comynge schal come, and he schal not tarie. ³⁸ For my iust man lyueth of feith; that if he withdrawith hym silf, he schal not plese to my soule. ³⁹ But we ben not the sones of withdrawing awei in to perdicioun, but of feith in to getynge of soule.

⁴ Bi feith Abel offride a myche more sacrifice than Caym to God, bi which he gat witnessyng to be iust, for God bar witnessyng to hise yiftis; and bi that feith he deed spekith yit.

⁷ Bi feith Noe dredde, thorouy answere takun of these thingis that yit weren not seyn, and schapide a schip in to the helthe of his hous; bi which he dampnede the world, and is ordeyned eir of riytwisnesse, which is bi feith.

³² And what yit schal Y seie? For tyme schal faile to me tellynge of Gedeon, Barak, Sampson, Jepte, Dauid, and Samuel, and of othere prophetis; ³³ whiche bi feith ouercamen rewmes, wrouyten riytwisnesse, gaten repromyssiouns; thei stoppiden the mouthis of liouns, ³⁴ thei quenchiden the feersnesse of fier, thei dryueden awei the egge of swerd, thei coueriden of sijknesse, thei weren maad strong in batel, thei turneden the oostis of aliens. ³⁵ Wymmen resseyueden her deed children fro deth to lijf; but othere weren holdun forth, not takinge redempcioun, that thei schulden fynde a betere ayenrising. ³⁶ And othere asaieden scornyngis and betingis, more ouer and boondis and prisouns. ³⁷ Thei weren stoned, thei weren sawid, thei weren temptid, thei weren deed in sleyng of swerd. Thei wenten aboute in broc skynnes, and in skynnes of geet, nedi, angwischid, turmentid; ³⁸ to whiche the world was not worthi. Thei erriden in wildernessis, in mounteynes and dennes, and caues of the erthe.

¹ Therfor we that han so greet a cloude of witnessis put to, do we awei al charge, and synne stondinge aboute vs, and bi pacience renne we to the batel purposid to vs, ² biholdinge in to the makere of feith, and the perfit endere, Jhesu; which whanne ioye was purposid to hym, he suffride the cros, and dispiside confusioun, and sittith on the riythalf of the seet of God. ³ And bithenke ye on hym that suffride siche `ayen seiynge of synful men ayens hym silf, that ye be not maad wery, failinge in youre soulis.

¹² For whiche thing reise ye slowe hondis, ¹³ and knees vnboundun, and make ye riytful steppis to youre feet; that no man haltinge erre, but more be heelid.

¹³ and knees vnboundun, and make ye riytful steppis to youre feet; that no man haltinge erre, but more be heelid.

⁷ Haue ye mynde of youre souereyns, that han spokun to you the word of God; of whiche `biholde ye the goyng out of lyuynge, and sue ye the feith of hem,

¹⁸ Preie ye for vs, and we tristen that we han good conscience in alle thingis, willynge to lyue wel.

⁶ But axe he in feith, and doute no thing; for he that doutith, is lijk to a wawe of the see, which is moued and borun a boute of wynde.

¹¹ The sunne roos vp with heete, and driede the gras, and the flour of it felde doun, and the fairnesse of his chere perischide; and so a riche man welewith in hise weies. ¹² Blessid is the man, that suffrith temptacioun; for whanne he schal be preued, he schal resseyue the coroun of lijf, which God biheyte to men that louen hym.

¹⁵ Aftirward coueityng, whanne it hath conseyued, bringith forth synne; but synne, whanne it is fillid, gendrith deth.

² For if a man `that hath a goldun ring, and in a feire clothing, cometh in youre cumpany, and a pore man entrith in a foul clothing,

⁶ But ye han dispisid the pore man. Whether riche men oppressen not you bi power, and thei drawen you to domes?

¹ Mi britheren, nyle ye be maad many maistris, witynge that ye taken the more doom. ² For alle we offenden in many thingis. If ony man offendith not in word, this is a perfit man; for also he may lede aboute al the bodi with a bridil.

¹⁴ That if ye han bitter enuye, and stryuyngis ben in youre hertis, nyle ye haue glorye, and be lyeris ayens the treuthe.

² Ye coueiten, and ye han not; ye sleen, and ye han enuye, and ye moun not gete. Ye chiden, and maken batel; and ye han not, for ye axen not.

⁹ Be ye wretchis, and weile ye; youre leiyyng be turned in to weping, and ioye in to sorewe of herte.

¹¹ My britheren, nyle ye bacbite ech othere. He that bacbitith his brothir, ethir that demeth his brothir, bacbitith the lawe, and demeth the lawe. And if thou demest the lawe, thou art not a doere of the lawe, but a domesman.

¹³ And who art thou, that demest thi neiybore? Lo! now ye, that seien, To dai ethir to morewe we schulen go in to thilke citee, and there we schulen dwelle a yeer, and we schulen make marchaundise, and we schulen make wynning;

⁷ Therfor, britheren, be ye pacient, til to the comyng of the Lord. Lo! an erthetilier abidith preciouse fruyt of the erthe, paciently suffrynge, til he resseyue `tymeful and lateful fruyt. ⁸ And be ye pacient, and conferme ye youre hertis, for the comyng of the Lord schal neiye.

⁸ And be ye pacient, and conferme ye youre hertis, for the comyng of the Lord schal neiye. ⁹ Britheren, nyle ye be sorewful ech to other, that ye be not demed. Lo! the iuge stondith niy bifor the yate.

⁹ Britheren, nyle ye be sorewful ech to other, that ye be not demed. Lo! the iuge stondith niy bifor the yate.

¹³ And if ony of you is sorewful, preye he with pacient soule, and seie he a salm.

¹⁶ Therfor knouleche ye ech to othere youre synnes, and preye ye ech for othere, that ye be sauyd. For the contynuel preyer of a iust man is myche worth.

¹⁹ And, britheren, if ony of you errith fro trewthe, and ony conuertith hym, ²⁰ he owith to wite, that he that makith a synner to be turned fro the errour of his weye, schal saue the soule of hym fro deth, and keuereth the multitude of synnes.

⁴ in to eritage vncorruptible, and vndefoulid, and that schal not fade, that is kept in heuenes for you,

⁶ In which ye schulen make ioye, thouy it bihoueth now a litil to be sori in dyuerse temptaciouns; ⁷ that the preuyng of youre feith be myche more preciouse than gold, that is preuyd bi fier; and be foundun in to heriyng, and glorie, and onour, in the reuelacioun of Jhesu Crist.

¹³ For which thing be ye gird the leendis of youre soule, sobre, perfit, and hope ye in to the ilke grace that is profrid to you bi the schewyng of Jhesu Crist,

²² Which dide not synne, nethir gile was foundun in his mouth. ²³ And whanne he was cursid, he curside not; whanne he suffride, he manasside not; but he bitook hym silf to hym, that demyde hym vniustli. ²⁴ And he hym silf bar oure synnes in his bodi on a tre, that we be deed to synnes, and lyue to riytwisnesse, bi whos wan wounde ye ben heelid.

⁵ And thei schulen yyue resoun to hym, that is redi to deme the quyke and the deed.

⁷ For the ende of alle thingis schal neiye. Therfor be ye prudent, and wake ye in preyeris; ⁸ bifore alle thingis haue ye charite ech to other in you silf algatis lastynge; for charite couerith the multitude of synnes. ⁹ Holde ye hospitalite togidere with out grutching;

⁹ For the Lord kan delyuere piteuouse men fro temptacioun, and kepe wickid men `in to the dai of dom to be turmentid;

¹³ and resseyue the hire of vnriytwisnesse. And thei gessen delicis of defouling and of wemme, to be likyngis of dai, flowynge in her feestis with delicis, doynge letcherie with you,

³ First wite ye this thing, that in the laste daies disseyueris schulen come in disseit, goynge aftir her owne coueityngis, ⁴ seiynge, Where is the biheest, or the comyng of hym? for sithen the fadris dieden, alle thingis lasten fro the bigynnyng of creature.

¹⁷ Therfor ye, britheren, bifor witynge kepe you silf, lest ye be disseyued bi errour of vnwise men, and falle awei fro youre owne sadnesse.

²² and what euer we schulen axe, we schulen resseyue of hym, for we kepen hise comaundementis, and we don tho thingis that ben plesaunt bifor hym.

¹⁴ And this is the trist which we han to God, that what euer thing we axen aftir his wille, he schal here vs. ¹⁵ And we witen, that he herith vs, what euer thing we axen; we witen, that we han the axyngis, which we axen of hym. ¹⁶ He that woot that his brother synneth a synne not to deth, axe he, and lijf schal be youun to hym that synneth not to deth. Ther is a synne to deth; `not for it Y seie, that ony man preie.

² Most dere brothir, of alle thingis Y make preyer, that thou entre, and fare welefuly, as thi soule doith welefuli.

¹¹ Wo to hem that wenten the weie of Caym, and that ben sched out bi errour of Balaam for mede, and perischiden in the ayenseiyng of Chore. ¹² These ben in her metis, feestynge togidere to filthe, with out drede fedinge hemsilf. These ben cloudis with out watir, that ben borun aboute of the wyndis; heruest trees with out fruyt, twies deed, drawun vp bi the roote;

²² And repreue ye these men that ben demed, ²³ but saue ye hem, and take ye hem fro the fier. And do ye merci to othere men, in the drede of God, and hate ye also thilke defoulid coote, which is fleischli.

²⁰ Lo! Y stonde at the dore, and knocke; if ony man herith my voys, and openith the yate to me, Y shal entre to hym, and soupe with hym, and he with me.

⁹ And thei sungun a newe song, and seiden, Lord oure God, thou art worthi to take the book, and to opene the seelis of it; for thou were slayn, and ayenbouytist vs to God in thi blood, of ech lynage, `and tunge, and puple, and nacioun; ¹⁰ and madist vs a kyngdom, and prestis to oure God; and we schulen regne on erthe. ¹¹ And Y say, and herde the vois of many aungels al aboute the trone, and of the beestis, and of the eldre men. And the noumbre of hem was thousyndis of thousyndis, seiynge with a greet vois, ¹² The lomb that was slayn, is worthi to take vertu, and godhed, and wisdom, and strengthe, and onour, and glorie, and blessing. ¹³ And ech creature that is in heuene, and that is on erthe, and vndur erthe, and the see, and whiche thingis ben in it, Y herde alle seiynge, To hym that sat in the trone, and to the lomb, blessyng, and onour, and glorie, and power, in to worldis of worldis. ¹⁴ And the foure beestis seiden, Amen. And the foure and twenti eldre men fellen doun on her faces, and worschipiden hym that lyueth in to worldis of worldis.

¹⁵ And kingis of the erthe, and princis, and tribunes, and riche, and stronge, and ech bonde man, and freman, hidden hem in dennys and stoonys of hillis. ¹⁶ And thei seien to hillis and to stoonys, Falle ye on vs, and hide ye vs fro the face of hym that sittith on the trone, and fro the wrath of the lomb; ¹⁷ for the greet dai of her wraththe cometh, and who schal mowe stonde?

¹⁰ And thei crieden with greet vois, and seiden, Heelthe to oure God, that sittith on the troone, and to the lombe.

⁶ These han power to close heuene, that it reyne not in the daies of her prophesie; and thei han power on watris, to turne hem in to blood; and to smyte the erthe with euery plage, and as ofte as thei wolen.

³ And thei sungun as a newe song bifor the seete of God, and bifore the foure beestis, and senyouris. And no man miyte seie the song, but thei an hundrid thousynde and foure and fourti thousynde, that ben bouyt fro the erthe.

¹⁶ And the ten hornes that thou hast seyn in the beeste, these schulen make hir desolat and nakid, and schulen ete the fleischis of hir, and schulen brenne togidere hir with fier.

⁷ As myche as sche glorifiede hir silf, and was in delicis, so myche turment yyue to hir, and weilyng; for in hir herte sche seith, Y sitte a queen, and Y am not a widewe, and Y schal not se weiling.

¹ Aftir these thingis Y herde as a greet vois of many trumpis in heuene, seiynge, Alleluya; heriynge, and glorie, and vertu is to oure God; ² for trewe and iust ben the domes of hym, whiche demede of the greet hoore, that defoulide the erthe in her letcherye, and vengide the blood of hise seruauntis, of the hondis of hir. ³ And eft thei seiden, Alleluya. And the smoke of it stieth vp, in to worldis of worldis. ⁴ And the foure and twenti senyouris and foure beestis felden doun, and worschipiden God sittynge on the trone, and seiden, Amen, Alleluya. ⁵ And a vois wente out of the trone, and seide, Alle the seruauntis of oure God, seie ye heriyngus to oure God, and ye that dreden God, smale and grete. ⁶ And Y herde a vois of a grete trumpe, as the vois of many watris, and as the vois of grete thundris, seiynge, Alleluya; for oure Lord God almyyti hath regned.

¹⁷ And Y say an aungel, stondynge in the sunne; and he criede with greet vois, and seide to alle briddis that flowen bi the myddil of heuene, Come ye, and be ye gaderid to the greet soper of God, ¹⁸ that ye ete the fleisch of kingis, and fleisch of tribunes, and fleisch of stronge men, and fleisch of horsis, and of tho that sitten on hem, and the fleisch of alle fre men and bonde men, and of smale and of grete.

⁶ Blessid and hooli is he, that hath part in the firste ayenrysyng. In these men the secunde deth hath not power; but thei schulen be prestis of God, and of Crist, and thei schulen regne with hym a thousynde yeeris.

¹⁵ And he that was not foundun writun in the book of lijf, was sent in to the pool of fier.

⁸ But to ferdful men, and vnbileueful, and cursid, and manquelleris, and fornycatouris, and to witchis, and worschiperis of idols, and to alle lieris, the part of hem shal be in the pool brennynge with fier and brymstoon, that is the secounde deth.

²⁰ He seith, that berith witnessyng of these thingis, Yhe, amen. I come soone. Amen. Come thou, Lord Jhesu.