Genesis 15:15 Cross References - Wycliffe

¹⁵ Forsothe thou schalt go to thi fadris in pees, and schalt be biried in good age.

⁴ Y am a comelyng and a pilgrym anentis you; yyue ye to me riyt of sepulcre with you, that Y birie my deed body.

¹⁹ And so Abraham biriede Sare, his wijf, in the double denne of the feeld, that bihelde to Mambre; this is Ebron in the lond of Chanaan.

⁷ Forsothe the daies of lijf of Abraham weren an hundrid and `fyue and seuenti yeer; ⁸ and he failide, and diede in good eelde, and of greet age, and ful of daies, and he was gaderid to his puple. ⁹ And Ysaac and Ismael, his sones, birieden him in the double denne, which is set in the feeld of Efron, sone of Seor Ethei,

²⁹ and he was wastid in age, and diede, and he was put to his puple, and was eeld, and ful of daies; and Esau and Jacob his sones birieden hym.

²⁹ and comaundide hem, and seide, Y am gaderid to my puple, birie ye me with my fadris in the double denne, which is in the lond of Efron Ethei, ayens Manbre,

³¹ There thei birieden hym, and Sare his wijf, also Ysaac was biried there with Rebecca his wijf; there also Lia liggith biried.

¹³ and thei baren hym in to the lond of Canaan, and thei birieden hym in the double denne, which denne with the feeld Abraham hadde bouyt of Effron Ethei, ayens the face of Mambre, into possessioun of sepulcre.

²⁴ for he schal not entre in to the lond which Y yaf to the sones of Israel, for he was vnbileueful to my mouth, at the watris of ayenseiyng.

¹³ And whanne thou hast seyn it, also thou schalt go to thi puple, as thi brother Aaron yede;

¹⁰ And al that generacioun was gaderid to her fadris; and othere men riseden, that knewen not the Lord, and the werkis whiche he `hadde do with Israel.

¹ Therfor Dauid was eld and ful of daies, and ordeynede Salomon, his sone, kyng on Israel.

²⁸ And he diede in good eelde, and was ful of daies, and richessis, and glorie; and Salomon, his sone, regnede for hym.

²⁸ For now Y schal gadere thee to thi fadris, and thou schalt be borun in to thi sepulcre in pees; and thin iyen schulen not se al yuel, which Y schal brynge yn on this place, and on the dwelleris therof. Therfor thei telden to the king alle thingis, whiche Olda hadde seid.

²⁶ In abundaunce thou schalt go in to the sepulcre, as an heep of wheete is borun in his tyme.

³ If a man gendrith an hundrid fre sones, and lyueth many yeris, and hath many daies of age, and his soule vsith not the goodis of his catel, and wantith biriyng; Y pronounce of this man, that a deed borun child is betere than he.

⁷ and dust turne ayen in to his erthe, wherof it was, and the spirit turne ayen to God, that yaf it.

¹ A iust man perischith, and noon is, that thenkith in his herte; and men of merci ben gaderid togidere, for noon is that vndurstondith; for whi a iust man is gaderid fro the face of malice. ² Pees come, reste he in his bed, that yede in his dressyng.

¹ In that tyme, seith the Lord, thei schulen caste out the boonys of the kingis of Juda, and the boonys of princes therof, and the boonys of prestis, and the boonys of profetis, and the boonys of hem that dwelliden in Jerusalem fro her sepulcris; ² and thei schulen leie abrood tho boonys to the sunne, and moone, and to al the knyythod of heuene, which thei louyden, and which thei seruyden, and aftir whiche thei yeden, and whiche thei souyten, and worschipiden; tho schulen not be gaderid, and schulen not be biried; tho schulen be in to a dunghil on the face of erthe.

¹³ But go thou, Danyel, to the tyme determyned; and thou schalt reste, and stonde in thi part, in the ende of daies.

³² Y am God of Abraham, and God of Ysaac, and God of Jacob? he is not God of deede men, but of lyuynge men.

³⁶ But Dauid in his generacioun, whanne he hadde mynstrid to the wille of God, diede, and was leid with hise fadris, and say corrupcioun;

¹³ For God bihetinge to Abraham, for he hadde noon grettere, bi whom he schulde swere, swoor bi hym silf, ¹⁴ and seide, Y blessinge schal blesse thee, and Y multipliynge schal multiplie thee; ¹⁵ and so he long abidinge hadde the biheeste. ¹⁶ For men sweren bi a grettere than hem silf, and the ende of al her ple is an ooth to confirmacioun. ¹⁷ In which thing God willynge to schewe plenteuouslier to the eiris of his biheest the sadnesse of his counsel, ¹⁸ puttide bitwixe an ooth, that bi twey thingis vnmeuable, bi whiche it is impossible that God lie, we han a strengeste solace, `we that fleen togidere to holde the hope that is put forth to vs. ¹⁹ Which hope as an ankir we han sikir to the soule, and sad, and goynge in to the ynnere thingis of hiding;

¹³ Bi feith alle these ben deed, whanne the biheestis weren not takun, but thei bihelden hem afer, and gretynge hem wel, and knoulechide that thei weren pilgryms, and herboryd men on the erthe. ¹⁴ And thei that sayn these thingis, signifien that thei sechen a cuntre. ¹⁵ `If thei hadden hadde mynde of the ilke, of which thei wenten out, thei hadden tyme of turnyng ayen; ¹⁶ but now thei desiren a betere, that is to seie, heuenli. Therfor God is not confoundid to be clepid the God of hem; for he made redi to hem a citee.