2 Samuel 22:1 Cross References - Wycliffe

¹ Forsothe Dauid spak to the Lord the wordis of this song, in the dai in which the Lord delyuerede hym fro the hond of alle hise enemyes, and fro the hond of Saul.

¹ Thanne Moises song, and the sones of Israel, this song to the Lord; and thei seiden, Synge we to the Lord, for he is magnefied gloriousli; he castide doun the hors and the stiere in to the see.

¹ And Delbora and Barach, sone of Abynoen, sungen in that dai, and seiden,

¹⁴ Forsothe Dauid dwellide in the deseert, in strongeste places, and he dwellide in the hil of wildirnesse of Ziph, in a derk hil; netheles Saul souyte hym in alle daies, and the Lord bitook not hym in to the hondis of Saul.

¹⁵ `Whom pursuest thou, kyng of Israel, whom pursuest thou? Thou pursuest a deed hound, and a quyk fle.

²⁹ For if a man risith ony tyme, and pursueth thee, and sekith thi lijf, the lijf of my lord schal be kept as in a bundel of lyuynge trees, at thi Lord God; forsothe the soule of thin enemyes schal be hurlid round aboute as in feersnesse, and sercle of a slynge.

²⁴ and as thi lijf is magnified to dai in myn iyen, so my lijf be magnyfied in the iyen of the Lord, and delyuere he me fro al angwisch.

¹ And Dauid seide in his herte, Sumtyme Y schal falle in o dai in the hond of Saul; whether it is not betere, that Y fle, and be sauyd in the lond of Filisteis, that Saul dispeire, and cesse to seke me in alle the endis of Israel; therfor fle we hise hondis.

⁴⁹ Which ledist me out fro myn enemyes, and reisist me fro men ayenstondinge me; thou schalt deliuere me fro the wickid man.

¹ The title of the eiytenthe salm. To victorie, the salm of Dauid. ² Heuenes tellen out the glorie of God; and the firmament tellith the werkis of hise hondis. ³ The dai tellith out to the dai a word; and the nyyt schewith kunnyng to the nyyt. ⁴ No langagis ben, nether wordis; of whiche the voices of hem ben not herd. ⁵ The soun of hem yede out in to al erthe; and the wordis of hem `yeden out in to the endis of the world. <sup>6</sup> In the sunne he hath set his tabernacle; and he as a spouse comynge forth of his chaumbre. He fulli ioyede, as a giaunt, to renne his weie; <sup>7</sup> his goynge out was fro hiyeste heuene. And his goyng ayen was to the hiyeste therof; and noon is that hidith hym silf fro his heet. <sup>8</sup> The lawe of the Lord is with out wem, and conuertith soulis; the witnessyng of the Lord is feithful, and yyueth wisdom to litle children. <sup>9</sup> The riytfulnessis of the Lord ben riytful, gladdynge hertis; the comaundement of the Lord is cleere, liytnynge iyen. <sup>10</sup> The hooli drede of the Lord dwellith in to world of world; the domes of the Lord ben trewe, iustified in to hem silf. <sup>11</sup> Desirable more than gold, and a stoon myche preciouse; and swettere than hony and honycoomb. <sup>12</sup> `Forwhi thi seruaunt kepith thoo; myche yeldyng is in tho to be kept. ¹³ Who vndurstondith trespassis? make thou me cleene fro my priuy synnes; ¹⁴ and of alien synnes spare thi seruaunt. `If the forseid defautis ben not, Lord, of me, than Y schal be with out wem; and Y schal be clensid of the mooste synne. ¹⁵ And the spechis of my mouth schulen be, that tho plese; and the thenkynge of myn herte euere in thi siyt. Lord, myn helpere; and myn ayenbiere.

¹⁹ Thei that ben aduersaries wickidli to me, haue not ioye on me; that haten me with out cause, and bikenen with iyen.

¹⁴ Yiue thou to me the gladnesse of thyn helthe; and conferme thou me with the principal spirit.

¹ The hundrid and thridde salm. Mi soule, blesse thou the Lord; my Lord God, thou art magnyfied greetli. Thou hast clothid knouleching and fairnesse; and thou art clothid with liyt, ² as with a cloth. And thou stretchist forth heuene as a skyn; ³ and thou hilist with watris the hiyer partis therof. Which settist a cloude thi stiyng; which goest on the fetheris of wyndis. ⁴ Which makist spiritis thin aungels; and thi mynystris brennynge fier. ⁵ Which hast foundid the erthe on his stablenesse; it schal not be bowid in to the world of world. ⁶ The depthe of watris as a cloth is the clothing therof; watris schulen stonde on hillis.

¹ The title of the hundrid and sixtenthe salm. Alleluya. Alle hethen men, herie ye the Lord; alle puplis, herie ye hym. ² For his merci is confermyd on vs; and the treuthe of the Lord dwellith with outen ende.

¹ And thou schalt seie in that dai, Lord, Y schal knouleche to thee, for thou were wrooth to me; thi strong venieaunce is turned, and thou hast coumfortid me. ² Lo! God is my sauyour, Y schal do feithfuli, and Y schal not drede. For whi the Lord is my strengthe and my preysyng, and he is maad to me in to helthe. ³ Ye schulen drawe watris with ioie of the wellis of the sauyour. ⁴ And ye schulen seie in that dai, Knouleche ye to the Lord, and clepe ye his name in to help; make ye knowun hise fyndyngis among puplis; haue ye mynde, that his name is hiy. ⁵ Synge ye to the Lord, for he hath do worschipfuli; telle ye this in al erthe. ⁶ Thou dwellyng of Syon, make ful out ioie, and preise; for whi the hooli of Israel is greet in the myddis of thee.

¹⁰ Which delyuerede vs, and delyuerith fro so grete perelis, in to whom we hopen, also yit he schal delyuere,

¹⁸ And the Lord delyueride me fro al yuel werk, and schal make me saaf in to his heuenly kingdom, to whom be glorie in to worldis of worldis.

⁹ Aftir these thingis Y sai a greet puple, whom no man myyte noumbre, of alle folkis, and lynagis, and puplis, and langagis, stondinge bifore the trone, in the siyt of the lomb; and thei weren clothid with white stoolis, and palmes weren in the hondis of hem. ¹⁰ And thei crieden with greet vois, and seiden, Heelthe to oure God, that sittith on the troone, and to the lombe. ¹¹ And alle aungels `stoden al aboute the trone, and the eldre men, and the foure beestis. And thei fellen doun in the siyt of the trone, on her faces, and worschipiden God, and seiden, Amen! ¹² blessyng, and clerenesse, and wisdom, and doynge of thankingis, and honour, and vertu, and strengthe to oure God, in to worldis of worldis. ¹³ Amen. And oon of the senyours answerde, and seide to me, Who ben these, that ben clothid with white stoolis? and fro whennus came thei? ¹⁴ And Y seide to hym, My lord, thou woost. And he seide to me, These ben thei, that camen fro greet tribulacioun, and waischiden her stoolis, and maden hem white in the blood of the lomb. ¹⁵ Therfor thei ben bifor the trone of God, and seruen to hym dai and niyt, in his temple. And he that sittith in the trone, dwellith on hem. ¹⁶ Thei schulen no more hungur, nether thirste, nether sunne schal falle on hem, ne ony heete. ¹⁷ For the lomb, that is in the myddil of the trone, schal gouerne hem, and schal lede forth hem to the wellis of watris of lijf; and God schal wipe awei ech teer fro the iyen of hem.