2 Chronicles 6:23 Cross References - Wycliffe

²³ thou schalt here fro heuene, and schalt do the doom of thi seruauntis; so that thou yelde to the wickid man his weie in to his owne heed, and that thou venge the iust man, and yelde to hym after his riytfulnesse.

²⁷ And whanne sche hath drunke tho watris, if sche is defoulid, and is gilti of auowtrie, for the hosebonde is dispisid, the watris of cursyng schulen passe thorouy hir, and while the wombe is bolnyd, the hipe schal wexe rotun, and the womman schal be in to cursyng and in to ensaumple to al the puple.

¹ If cause is bitwixe ony men, and thei axen iugis, thei schulen yyue the victorie of riytfulnesse to him, whom thei perseyuen to be iust, thei schulen condempne hym of wickidnesse, whom thei perseyuen to be wickid.

²⁶ and for the blood of hise sones, which Y siy yistirdai, seith the Lord, Y schal yeeld to thee in this feeld, seith the Lord. Now therfor do awei him, and cast forth him in the feeld, bi the word of the Lord.

³¹ Therfor thei schulen ete the fruytis of her weie; and thei schulen be fillid with her counseils.

¹⁵ Bothe he that iustifieth a wickid man, and he that condempneth a iust man, euer ethir is abhomynable at God.

¹⁰ Seie ye to the iust man, that it schal be to hym wel; for he schal ete the fruyt of hise fyndyngis. ¹¹ Wo to the wickid man in to yuel; for whi the yeldyng of hise hondis schal be maad to hym.

¹⁶ Therfor the Lord seith these thingis, Lo! Y schal sende thee out fro the face of erthe; in this yeer thou schalt die, for thou spakest ayens the Lord. ¹⁷ And Ananye, the profete, diede in that yeer, in the seuenthe monethe.

⁵⁶ for a rauenour cam on it, that is, on Babiloyne; and the stronge men therof ben takun, and the bouwe of hem welewide, for the stronge vengere the Lord yeldynge schal yelde.

²⁰ Thilke soule that doith synne, schal die; the sone schal not bere the wickidnesse of the fadir, and the fadir schal not bere the wickednesse of the sone; the riytfulnesse of a iust man schal be on hym, and the wickidnesse of a wickid man schal be on hym.

⁹ in to ech soule of man that worchith yuel, to the Jew first, and to the Greke; ¹⁰ but glorie, and honour, and pees, to ech man that worchith good thing, to the Jew first, and to the Greke.