1 John 3:1 Cross References - Wycliffe

¹ Se ye what maner charite the fadir yaf to vs, that we be named the sones of God, and ben hise sones. For this thing the world knewe not vs, for it knew not hym.

¹⁹ But also this is seyn litil in thi siyt, my Lord God; no but thou schuldist speke also of the hows of thi seruaunt in to long tyme. Forsothe this is the lawe of Adam, Lord God;

⁷ be thou suget to the Lord, and preye thou hym. Nile thou sue hym, that hath prosperite in his weie; a man doynge vnriytfulnessis. ⁸ Ceese thou of ire, and forsake woodnesse; nyle thou sue, that thou do wickidli. ⁹ For thei, that doen wickidli, schulen be distried; but thei that suffren the Lord, schulen enerite the lond.

¹ The title of the nyne and eiytetithe salm. The preier of Moises, the man of God. Lord, thou art maad help to vs; fro generacioun in to generacioun. ² Bifore that hillis weren maad, ether the erthe and the world was formed; fro the world and in to the world thou art God.

¹⁹ Forsothe Y seide, Hou schal Y sette thee among sones, and schal yyue to thee a desirable lond, a ful cleer eritage of the oostis of hethene men? And Y seide, Thou schalt clepe me fadir, and thou schalt not ceesse to entre aftir me.

¹⁰ And the noumbre of the sones of Israel schal be as grauel of the see, which grauel is with out mesure, and it schal not be noumbrid; and it schal be in the place, where it schal be seid to hem, Ye ben not my puple; it schal be seid to hem, Ye ben the sones of God lyuynge.

¹² But hou many euer resseyueden hym, he yaf to hem power to be maad the sones of God, to hem that bileueden in his name; the whiche not of bloodis,

¹⁶ For God louede so the world, that he yaf his `oon bigetun sone, that ech man that bileueth in him perische not, but haue euerlastynge lijf.

¹⁸ If the world hatith you, wite ye, that it hadde me in hate rather than you. ¹⁹ If ye hadden be of the world, the world schulde loue that thing that was his; but for ye ben not of the world, but Y chees you fro the world, therfor the world hatith you.

³ And thei schulen do to you these thingis, for thei han not knowun the fadir, nether me.

²⁵ Fadir, riytfuli the world knew thee not, but Y knew thee, and these knewen, that thou sentist me.

⁸ But God comendith his charite in vs; for if whanne we weren yit synneris,

¹⁴ For who euere ben led bi the spirit of God, these ben the sones of God. ¹⁵ For ye han not take eftsoone the spirit of seruage in drede, but ye han taken the spirit of adopcioun of sones, in which we crien, Abba, fadir. ¹⁶ And the ilke spirit yeldith witnessyng to oure spirit, that we ben the sones of God; ¹⁷ if sones, and eiris, `and eiris of God, and eiris togidere with Crist; if netheles we suffren togidere, that also we ben glorified togidere.

²¹ for the ilke creature schal be delyuered fro seruage of corrupcioun in to liberte of the glorie of the sones of God.

³² The which also sparide not his owne sone, but `for vs alle bitook hym, hou also yaf he not to vs alle thingis with hym?

²⁵ Y schal clepe not my puple my puple, and not my loued my louyd, and not getynge mercy getynge merci; ²⁶ and it schal be in the place, where it is seid to hem, Not ye my puple, there thei schulen be clepid the sones of `God lyuynge.

¹⁸ and Y schal resseyue you, and schal be to you in to a fadir, and ye schulen be to me in to sones and douytris, seith the Lord almyyti.

²⁶ For alle ye ben the children of God thoruy the bileue of Jhesu Crist.

²⁹ And if ye ben oon in `Jhesu Crist, thanne ye ben the seed of Abraham, and eiris bi biheest.

⁵ maad of a womman, maad vndur the lawe, that he schulde ayenbie hem that weren vndur the lawe, that we schulden vnderfonge the adopcioun of sones. ⁶ And for ye ben Goddis sones, God sente his spirit in to youre hertis, criynge, Abba, fadir.

⁴ but God, that is riche in merci, for his ful myche charite in which he louyde vs, ⁵ yhe, whanne we weren deed in synnes, quikenede vs togidere in Crist, bi whos grace ye ben sauyd, and ayen reiside togidere,

¹⁸ moun comprehende with alle seyntis, which is the breede, and the lengthe, and the hiynesse, and the depnesse; ¹⁹ also to wite the charite of Crist more excellent than science, that ye be fillid in al the plentee of God.

³ For ye ben deed, and youre lijf is hid with Crist in God.

⁹ In this thing the charite of God apperide in vs, for God sente hise oon bigetun sone in to the world, that we lyue bi hym. ¹⁰ In this thing is charite, not as we hadden loued God, but for he firste louede vs, and sente hise sone foryyuenesse for oure synnes.

⁷ He that schal ouercome, schal welde these things; and Y schal be God to hym, and he schal be sone to me.