Revelation 22:1 Cross References - WestSaxon1175

¹⁰ Ða answerede se halend & cwæð to hyre. Gif þu wistes godes gyfe. & hwæt se ys þe cwæð to þe sele me drinken. witodlice þu bede hyne þæt he sealde þe lyfes wæter. ¹¹ Þa cwæð þæt wif to hym. Leof ne þu næfst nan þing mid to hladene. & þes pet ys deop. hwanen hafst þu lifes wæter.

¹⁴ Witodlice ælc þare þe drincð of þam watere þe ic hym sylle; [...] beoð on hym wyll forð-ræsendes wæteres on ece lyf.

³⁸ Se þe ge-lyfd on me swa þæt ge-writ cwæð. libbendes wæteres flod floweð of hys innoðe. ³⁹ Ðæt he cwæð be þam gaste þe þa scolden under-fon þe on hym ge-lyfden. Ða get nes se gast ge-seald. for-þam þe se hælend næs þa gyt ge-wuldrod.

¹⁶ & ic bidde fæder. & he sylð eow oðerne frefiend þæt beo æfre mid eow. ¹⁷ Soðfæstnysse gast þe þes middeneard ne maig under-fon. He ne can hine for-þan þe he ne gesihð hine. Ge hine cunnen for-þan þe he wuneð mid eow. & beoð on eow. ¹⁸ Ne læte ic eow stepchild. ic cume to eow.

²⁶ [Note: Cum uenerit paraclitus spiritus ueritatis quam (sic) ego mittam a patre. ] Ðonne se frefriend cymð þe ic eow sende fram fæder soðfæstnisse gast þe cymð fram fæder. he kyð ge-witnysse be me.

⁷ ac ic segge sodfæstnysse. Eow fremed þæt ic fare. Gyf ic ne fare ne kymð se frofriende to eow. Witoðlice gyf ic fare. ich hine sende to eow. ⁸ & þonne he cymð he þirð (sic) þissne middan-eard. be synne. & be rihtwysnesse. & be dome. ⁹ Be synne; for-þam hyo ne ge-lyfden on me. ¹⁰ Be rihtwysnesse; for-þam ic fare to þam fæder. & ge me ne ge-seoð. ¹¹ Be dome; for-þam þises middan-eardes ealdor ys ge-demed. ¹² Gyt ic habbe eow fele to seggene. Ac ge hyt ne magen nu acumen. ¹³ Þanne þare soðfæstnysse gast kymð. he lærð eow ealle sodfæstnysse. Ne sprecð he of hym sylfan. Ac he spræcð þa þing þe he ge-hyrð. ænd kyð eow þa þing þe toweard synd. ¹⁴ he me ge-swuteloð. for-þam he nemð of minum & kyð eow. ¹⁵ ealle þa þing þe min fæder hæfð synd mine. for-þi ic cwæð. þæt he nymð of minum & keð eow.