Psalms 41 Cross References - Vulgate

¹ pro victoria canticum David beatus qui cogitat de paupere in die mala salvabit eum Dominus ² Dominus custodiet eum et vivificabit eum et beatus erit in terra et non tradet eum animae inimicorum suorum ³ Dominus confortabit eum in lecto infirmitatis totum stratum eius vertisti in aegrotatione sua ⁴ ego dixi Domine miserere mei sana animam meam quoniam peccavi tibi ⁵ inimici mei loquentur malum mihi quando morietur et periet nomen eius ⁶ et si venerit ut visitet vana loquetur cor eius congregabit iniquitatem sibi et egrediens foras detrahet ⁷ simul adversum me murmurabant omnes odientes me contra cogitabant malum mihi ⁸ verbum diabuli infundebant sibi qui dormivit non addet ut resurgat ⁹ sed et homo pacificus meus in quo habui fiduciam qui manducabat panem meum levavit contra me plantam ¹⁰ tu autem Domine miserere mei et leva me ut reddam eis ¹¹ in hoc cognovi quod velis me quia non insultavit inimicus meus mihi ¹² ego autem in simplicitate mea adiutus sum a te et statues me ante faciem tuam in perpetuum ¹³ benedictus Dominus Deus Israhel a saeculo et usque in saeculum amen amen

²² ingrediantur aquae maledictae in ventrem tuum et utero tumescente putrescat femur et respondebit mulier amen amen

⁷ si unus de fratribus tuis qui morantur intra portas civitatis tuae in terra quam Dominus Deus tuus daturus est tibi ad paupertatem venerit non obdurabis cor tuum nec contrahes manum ⁸ sed aperies eam pauperi et dabis mutuum quod eum indigere perspexeris ⁹ cave ne forte subripiat tibi impia cogitatio et dicas in corde tuo adpropinquat septimus annus remissionis et avertas oculos a paupere fratre tuo nolens ei quod postulat mutuum commodare ne clamet contra te ad Dominum et fiat tibi in peccatum ¹⁰ sed dabis ei nec ages quippiam callide in eius necessitatibus sublevandis ut benedicat tibi Dominus Deus tuus in omni tempore et in cunctis ad quae manum miseris ¹¹ non deerunt pauperes in terra habitationis tuae idcirco ego praecipio tibi ut aperias manum fratri tuo egeno et pauperi qui tecum versatur in terra

¹⁵ maledictus homo qui facit sculptile et conflatile abominationem Domini opus manuum artificum ponetque illud in abscondito et respondebit omnis populus et dicet amen ¹⁶ maledictus qui non honorat patrem suum et matrem et dicet omnis populus amen ¹⁷ maledictus qui transfert terminos proximi sui et dicet omnis populus amen ¹⁸ maledictus qui errare facit caecum in itinere et dicet omnis populus amen ¹⁹ maledictus qui pervertit iudicium advenae pupilli et viduae et dicet omnis populus amen ²⁰ maledictus qui dormit cum uxore patris sui et revelat operimentum lectuli eius et dicet omnis populus amen ²¹ maledictus qui dormit cum omni iumento et dicet omnis populus amen ²² maledictus qui dormit cum sorore sua filia patris sui sive matris suae et dicet omnis populus amen ²³ maledictus qui dormit cum socru sua et dicet omnis populus amen ²⁴ maledictus qui clam percusserit proximum suum et dicet omnis populus amen ²⁵ maledictus qui accipit munera ut percutiat animam sanguinis innocentis et dicet omnis populus amen ²⁶ maledictus qui non permanet in sermonibus legis huius nec eos opere perficit et dicet omnis populus amen

¹⁵ incrassatus est dilectus et recalcitravit incrassatus inpinguatus dilatatus dereliquit Deum factorem suum et recessit a Deo salutari suo

¹² accersivit quoque Absalom Ahitofel Gilonitem consiliarium David de civitate sua Gilo cum immolaret victimas et facta est coniuratio valida populusque concurrens augebatur cum Absalom

³⁶ et respondit Banaias filius Ioiadae regi dicens amen sic loquatur Dominus Deus domini mei regis

⁶ at illi responderunt ei vir occurrit nobis et dixit ad nos ite revertimini ad regem qui misit vos et dicetis ei haec dicit Dominus numquid quia non erat Deus in Israhel mittis ut consulatur Beelzebub deus Accaron idcirco de lectulo super quem ascendisti non descendes sed morte morieris

¹⁶ et locutus est ei haec dicit Dominus quia misisti nuntios ad consulendum Beelzebub deum Accaron quasi non esset Deus in Israhel a quo possis interrogare sermonem ideo de lectulo super quem ascendisti non descendes sed morte morieris

⁵ revertere et dic Ezechiae duci populi mei haec dicit Dominus Deus David patris tui audivi orationem tuam vidi lacrimam tuam et ecce sanavi te die tertio ascendes templum Domini ⁶ et addam diebus tuis quindecim annos sed et de manu regis Assyriorum liberabo te et civitatem hanc et protegam urbem istam propter me et propter David servum meum

³⁶ benedictus Dominus Deus Israhel ab aeterno usque in aeternum et dicat omnis populus amen et hymnus Domino

¹⁰ et benedixit Domino coram universa multitudine et ait benedictus es Domine Deus Israhel patris nostri ab aeterno in aeternum

¹⁸ magna etiam pars populi de Ephraim et Manasse et Isachar et Zabulon quae sanctificata non fuerat comedit phase non iuxta quod scriptum est et oravit pro eis Ezechias dicens Dominus bonus propitiabitur ¹⁹ cunctis qui in toto corde requirunt Dominum Deum patrum suorum et non inputabit eis quod minus sanctificati sunt ²⁰ quem exaudivit Dominus et placatus est populo

¹ factum est autem cum audisset Sanaballat et Tobia et Gosem Arabs et ceteri inimici nostri quod aedificassem ego murum et non esset in ipso residua interruptio usque ad tempus autem illud valvas non posueram in portis ² miserunt Sanaballat et Gosem ad me dicentes veni et percutiamus foedus pariter in viculis in campo Ono ipsi autem cogitabant ut facerent mihi malum ³ misi ergo ad eos nuntios dicens opus grande ego facio et non possum descendere ne forte neglegatur cum venero et descendero ad vos ⁴ miserunt autem ad me secundum verbum hoc per quattuor vices et respondi eis iuxta sermonem priorem ⁵ et misit ad me Sanaballat iuxta verbum prius quinta vice puerum suum et epistulam habebat in manu scriptam hoc modo ⁶ in gentibus auditum est et Gosem dixit quod tu et Iudaei cogitetis rebellare et propterea aedifices murum et levare te velis super eos regem propter quam causam ⁷ et prophetas posueris qui praedicent de te in Hierusalem dicentes rex in Iudaea est auditurus est rex verba haec idcirco nunc veni ut ineamus consilium pariter ⁸ et misi ad eos dicens non est factum secundum verba haec quae tu loqueris de corde enim tuo tu conponis haec ⁹ omnes autem hii terrebant nos cogitantes quod cessarent manus nostrae ab opere et quiesceremus quam ob causam magis confortavi manus meas ¹⁰ et ingressus sum domum Samaiae filii Dalaiae filii Metabehel secreto qui ait tractemus nobiscum in domo Dei in medio templi et claudamus portas aedis quia venturi sunt ut interficiant te et nocte venturi sunt ad occidendum te ¹¹ et dixi num quisquam similis mei fugit et quis ut ego ingredietur templum et vivet non ingrediar ¹² et intellexi quod Deus non misisset eum sed quasi vaticinans locutus esset ad me et Tobia et Sanaballat conduxissent eum ¹³ acceperat enim pretium ut territus facerem et peccarem et haberent malum quod exprobrarent mihi ¹⁴ memento Domine mei pro Tobia et Sanaballat iuxta opera eorum talia sed et Noadiae prophetae et ceterorum prophetarum qui terrebant me

⁷ egressus igitur Satan a facie Domini percussit Iob ulcere pessimo a planta pedis usque ad verticem eius ⁸ qui testa saniem deradebat sedens in sterquilinio

¹⁷ memoria illius pereat de terra et non celebretur nomen eius in plateis

¹³ fratres meos longe fecit a me et noti mei quasi alieni recesserunt a me

¹⁹ abominati sunt me quondam consiliarii mei et quem maxime diligebam aversatus est me

⁷ quasi sterquilinium in fine perdetur et qui eum viderant dicent ubi est

¹² quod liberassem pauperem vociferantem et pupillum cui non esset adiutor ¹³ benedictio perituri super me veniebat et cor viduae consolatus sum ¹⁴ iustitia indutus sum et vestivit me sicut vestimento et diademate iudicio meo ¹⁵ oculus fui caeco et pes claudo ¹⁶ pater eram pauperum et causam quam nesciebam diligentissime investigabam

¹⁶ si negavi quod volebant pauperibus et oculos viduae expectare feci ¹⁷ si comedi buccellam meam solus et non comedit pupillus ex ea ¹⁸ quia ab infantia mea crevit mecum miseratio et de utero matris meae egressa est mecum ¹⁹ si despexi pereuntem eo quod non habuerit indumentum et absque operimento pauperem ²⁰ si non benedixerunt mihi latera eius et de velleribus ovium mearum calefactus est

⁷ non aufert a iusto oculos suos et reges in solio conlocat in perpetuum et illi eriguntur

² multi dicunt animae meae non est salus huic in Deo semper ³ tu autem Domine clipeus circa me gloria mea et exaltans caput meum

² miserere mei Domine quoniam infirmus sum sana me Domine quoniam conturbata sunt ossa mea ³ et anima mea turbata est valde et tu Domine usquequo ⁴ revertere Domine erue animam meam salva me propter misericordiam tuam

² frustra loquuntur unusquisque proximo suo labium subdolum in corde et corde locuti sunt

⁴ convertere exaudi me Domine Deus meus inlumina oculos meos ne umquam obdormiam in mortem

¹¹ non enim derelinques animam meam in inferno nec dabis sanctum tuum videre corruptionem ostendes mihi semitam vitae plenitudinem laetitiarum ante vultum tuum decores in dextera tua aeternos

¹⁵ ego in iustitia videbo faciem tuam implebor cum evigilavero similitudine tua

³⁷ persequar inimicos meos et adprehendam et non revertar donec consumam eos ³⁸ caedam eos et non poterunt surgere cadent sub pedibus meis ³⁹ accinxisti me fortitudine ad proelium incurvabis resistentes mihi sub me ⁴⁰ inimicorum meorum dedisti mihi dorsum et odientes me disperdidisti ⁴¹ clamabunt et non erit qui salvet ad Dominum et non exaudiet eos ⁴² delebo eos ut pulverem ante faciem venti ut lutum platearum proiciam eos

⁸ inveniet manus tua omnes inimicos tuos dextera tua inveniet odientes te ⁹ pones eos ut clibanum ignis in tempore vultus tui Dominus in furore suo praecipitabit eos et devorabit eos ignis ¹⁰ fructum eorum de terra perdes et semen eorum de filiis hominum

⁶ ego autem sum vermis et non homo obprobrium hominum et dispectio plebis ⁷ omnes videntes me subsannant me dimittunt labium movent caput ⁸ confugit ad Dominum salvet eum liberet eum quoniam vult eum

² Deus meus in te confisus sum ne confundar

²¹ simplicitas et aequitas servabunt me quia expectavi te

¹² ne tradas me Domine animae tribulantium me quoniam surrexerunt contra me testes falsi et apertum mendacium

⁸ et non conclusisti me in manibus inimici posuisti in latitudine pedes meos

¹³ audivi enim obprobrium multorum congregationem in circuitu cum inirent consilium adversum me et ut auferrent animam meam cogitarent

⁵ peccatum meum notum facio tibi et iniquitatem meam non abscondo dixi confitebor scelus meum Domino et tu dimisisti iniquitatem peccati mei semper

¹⁹ ut eruat de morte animam eorum et vivificet eos in fame

¹⁵ oculi Domini ad iustos et aures eius ad clamorem eorum

¹⁹ multae tribulationes iusti et ex omnibus illis liberabit eum Dominus

²⁵ ne dicant in corde suo va va va animae nostrae ne dicant absorbuimus eum

¹⁷ quia brachia impiorum confringentur sublevat autem iustos Dominus

¹⁹ non confundentur in tempore malo et in diebus famis saturabuntur

²² quia qui benedicti fuerint ab eo hereditabunt terram et qui maledicti interibunt

²⁶ tota die donat et commodat et semen eius in benedictione

³² sade considerat impius iustum et quaerit ut occidat eum ³³ Dominus non derelinquet eum in manu eius et non condemnabit eum cum iudicatur

³⁹ thau salus iustorum a Domino fortitudo eorum in tempore tribulationis ⁴⁰ et auxiliabitur eis Dominus et salvabit eos ab impiis quia speraverunt in eo

³ non est sanitas in carne mea a facie indignationis tuae non est pax ossibus meis a facie peccati mei ⁴ quia iniquitates meae transierunt caput meum quasi onus grave adgravatae sunt super me ⁵ conputruerunt et tabuerunt cicatrices meae a facie insipientiae meae ⁶ adflictus sum et incurvatus nimis tota die maerens ambulabam ⁷ quia lumbi mei repleti sunt ignominia et non est sanitas in carne mea

¹² et inruebant quaerentes animam meam et investigantes mala mihi loquebantur insidias et dolos tota die meditabantur

¹ victori canticum David cum venisset ad eum Nathan propheta quando ingressus est ad Bethsabee miserere mei Deus secundum misericordiam tuam iuxta multitudinem miserationum tuarum dele iniquitates meas ² multum lava me ab iniquitate mea et a peccato meo munda me ³ quoniam iniquitates meas ego novi et peccatum meum contra me est semper ⁴ tibi soli peccavi et malum coram te feci ut iustificeris in sermonibus tuis et vincas cum iudicaveris

¹² non enim inimicus exprobravit mihi ut sustineam neque is qui me oderat super me magnificatus est ut abscondar ab eo ¹³ sed tu homo unianimis meus dux meus et notus meus ¹⁴ qui simul habuimus dulce secretum in domo Dei ambulavimus in terrore

²⁰ extendit manum suam ad pacifica sua contaminabit pactum suum ²¹ nitidius butyro os eius pugnat autem cor illius molliores sermones eius oleo cum sint lanceae ²² proice super Dominum caritatem tuam et ipse enutriet te non dabit in aeternum fluctuationem iusto

⁵ tota die sermonibus me adfligebant contra me omnes cogitationes eorum in malum ⁶ congregabuntur abscondite plantas meas observabunt expectantes animam meam

¹ invocabo Deum altissimum Deum ultorem meum

⁸ ipsi vero interficere quaerunt animam meam ingrediantur in extrema terrae

²² contenebrentur oculi eorum ne videant et dorsum eorum semper incurva ²³ effunde super eos indignationem tuam et ira furoris tui conprehendat eos ²⁴ fiat commoratio eorum deserta in tabernaculis eorum non sit qui habitet ²⁵ quoniam quem tu percussisti persecuti sunt et ut adfligerent vulneratos tuos narrabant ²⁶ da iniquitatem super iniquitatem eorum et non veniant in iustitia tua ²⁷ deleantur de libro viventium et cum iustis non scribantur ²⁸ ego autem pauper et dolens salus tua Deus suscipiet me

¹¹ Deus ne elongeris a me Deus meus ad auxiliandum mihi festina

¹⁸ conpletae sunt orationes David filii Iesse ¹⁹ canticum Asaph attamen bonus est Israhel Deus his qui mundo sunt corde

²³ quid mihi est in caelo et tecum nolui in terra ²⁴ consumpta est caro mea et cor meum robur cordis mei et pars mea Deus in aeternum

²⁶ mihi autem adpropinquare Deo bonum est posui in Domino Deo spem meam ut narrem omnes adnuntiationes tuas

³ iudicate pauperi et pupillo egeno et inopi iuste facite ⁴ salvate inopem et pauperem de manu impiorum liberate

¹⁷ fac mecum signum in bonitate et videant qui oderunt me et confundantur quia tu Domine auxiliatus es mihi et consolatus es me

⁵² benedictus Dominus in sempiternum amen et amen

³ quia ipse liberabit te de laqueo venantium de morte insidiarum ⁴ in scapulis suis obumbrabit tibi et sub alis eius sperabis ⁵ scutum et protectio veritas eius non timebis a timore nocturno ⁶ a sagitta volante per diem a peste in tenebris ambulante a morsu insanientis meridie ⁷ cadent a latere tuo mille et decem milia a dextris tuis ad te autem non adpropinquabit

¹⁸ si dicebam commotus est pes meus misericordia tua Domine sustentabat me

⁸ vigilavi et fui sicut avis solitaria super tectum

³ benedic anima mea Domino et noli oblivisci omnium retributionum eius

⁴⁸ salva nos Domine Deus noster et congrega nos de gentibus ut confiteamur nomini sancto tuo et canamus laudantes te

⁶ constitue super eum impium et Satan astet a dextris eius ⁷ cum fuerit iudicatus exeat condemnatus et oratio eius sit in peccatum ⁸ fiant dies eius parvi episcopatum eius accipiat alter ⁹ sint filii eius pupilli et uxor eius vidua ¹⁰ instabiles vagentur liberi eius et mendicent et quaerantur in parietinis suis ¹¹ scrutetur exactor universa quae habet et diripiant alieni laborem eius ¹² non sit qui eius misereatur nec qui clemens sit in pupillos eius ¹³ fiat novissimum eius interitus in generatione altera deleatur nomen eius ¹⁴ redeat in memoria iniquitas patrum eius apud Deum et iniquitas matris eius ne deleatur ¹⁵ sit contra Dominum semper et intereat de terra memoria eorum ¹⁶ eo quod non est recordatus facere misericordiam ¹⁷ et persecutus est virum inopem et pauperem et conpunctum corde ut interficeret ¹⁸ et dilexit maledictionem quae veniet ei et noluit benedictionem quae elongabitur ab eo et indutus est maledictione quasi vestimento suo et ingredietur quasi aqua in viscera eius et quasi oleum in ossa eius ¹⁹ sit ei quasi pallium quo circumdatur et quasi cingulum quo semper accingitur ²⁰ haec est retributio his qui adversantur mihi a Domino et qui loquuntur malum contra animam meam ²¹ tu autem Deus Domine fac mecum propter nomen tuum quoniam bona est misericordia tua libera me

⁹ phe dispersit dedit pauperibus sade iustitia eius permanet in aeternum coph cornu eius exaltabitur in gloria

⁶ benedictus Dominus qui non dedit nos in praedam dentibus eorum

¹ canticum graduum beatus omnis qui timet Dominum qui ambulat in viis eius ² laborem manuum tuarum cum comederis beatus tu et bene tibi erit ³ uxor tua sicut vitis fructifera in penetrabilibus domus tuae filii tui sicut germina olivarum in circuitu mensae tuae ⁴ ecce sic benedicetur viro qui timet Dominum ⁵ benedicat tibi Dominus ex Sion et videas bona Hierusalem omnibus diebus vitae tuae ⁶ et videas filios filiorum tuorum pacem super Israhel

⁸ Domine Deus fortitudo salutis meae protexisti caput meum in die belli ⁹ ne des Domine desideria impii scelera eius ne effundantur et eleventur semper

³ qui sanat contritos corde et alligat plagas eorum

¹¹ placetur Domino in his qui timent eum et expectant misericordiam eius

⁶ omne quod spirat laudet Dominum alleluia

⁷ memoria iusti cum laudibus et nomen impiorum putrescet

²¹ qui despicit proximum suum peccat qui autem miseretur pauperi beatus erit

¹⁴ indignatio regis nuntii mortis et vir sapiens placabit eam

²⁸ homo perversus suscitat lites et verbosus separat principes

¹⁷ feneratur Domino qui miseretur pauperis et vicissitudinem suam reddet ei

²⁰ cum defecerint ligna extinguetur ignis et susurrone subtracto iurgia conquiescunt

²⁴ labiis suis intellegitur inimicus cum in corde tractaverit dolos ²⁵ quando submiserit vocem suam ne credideris ei quoniam septem nequitiae sunt in corde illius ²⁶ qui operit odium fraudulenter revelabitur malitia eius in concilio

¹ mitte panem tuum super transeuntes aquas quia post multa tempora invenies illum ² da partem septem necnon et octo quia ignoras quid futurum sit mali super terram

¹ memento creatoris tui in diebus iuventutis tuae antequam veniat tempus adflictionis et adpropinquent anni de quibus dicas non mihi placent

⁷ frange esurienti panem tuum et egenos vagosque induc in domum tuam cum videris nudum operi eum et carnem tuam ne despexeris ⁸ tunc erumpet quasi mane lumen tuum et sanitas tua citius orietur et anteibit faciem tuam iustitia tua et gloria Domini colliget te ⁹ tunc invocabis et Dominus exaudiet clamabis et dicet ecce adsum si abstuleris de medio tui catenam et desieris digitum extendere et loqui quod non prodest ¹⁰ cum effuderis esurienti animam tuam et animam adflictam repleveris orietur in tenebris lux tua et tenebrae tuae erunt sicut meridies ¹¹ et requiem tibi dabit Dominus semper et implebit splendoribus animam tuam et ossa tua liberabit et eris quasi hortus inriguus et sicut fons aquarum cuius non deficient aquae

¹⁰ audivi enim contumelias multorum et terrorem in circuitu persequimini et persequamur eum ab omnibus viris qui erant pacifici mei et custodientes latus meum si quo modo decipiatur et praevaleamus adversus eum et consequamur ultionem ex eo

¹³ cantate Domino laudate Dominum quia liberavit animam pauperis de manu malorum

⁶ et ait Hieremias propheta amen sic faciat Dominus suscitet Dominus verba tua quae prophetasti ut referantur vasa in domum Domini et omnis transmigratio de Babylone ad locum istum

⁴ haec dices ad eum sic dicit Dominus ecce quos aedificavi ego destruo et quos plantavi ego evello et universam terram hanc ⁵ et tu quaeris tibi grandia noli quaerere quia ecce ego adducam malum super omnem carnem ait Dominus et dabo tibi animam tuam in salutem in omnibus locis ad quaecumque perrexeris

²⁷ duorum quoque regum cor erit ut malefaciant et ad mensam unam mendacium loquentur et non proficient quia adhuc finis in aliud tempus

¹ in tribulatione sua mane consurgunt ad me venite et revertamur ad Dominum

⁷ usque ad terminum emiserunt te omnes viri foederis tui inluserunt tibi invaluerunt adversum te viri pacis tuae qui comedunt tecum ponent insidias subter te non est prudentia in eo

⁵ nolite credere amico et nolite confidere in duce ab ea quae dormit in sinu tuo custodi claustra oris tui

⁵ nolite credere amico et nolite confidere in duce ab ea quae dormit in sinu tuo custodi claustra oris tui ⁶ quia filius contumeliam facit patri filia consurgit adversus matrem suam nurus contra socrum suam inimici hominis domestici eius ⁷ ego autem ad Dominum aspiciam expectabo Deum salvatorem meum audiet me Deus meus

¹³ et ne inducas nos in temptationem sed libera nos a malo

¹⁵ tunc abeuntes Pharisaei consilium inierunt ut caperent eum in sermone

³⁴ tunc dicet rex his qui a dextris eius erunt venite benedicti Patris mei possidete paratum vobis regnum a constitutione mundi ³⁵ esurivi enim et dedistis mihi manducare sitivi et dedistis mihi bibere hospes eram et collexistis me ³⁶ nudus et operuistis me infirmus et visitastis me in carcere eram et venistis ad me ³⁷ tunc respondebunt ei iusti dicentes Domine quando te vidimus esurientem et pavimus sitientem et dedimus tibi potum ³⁸ quando autem te vidimus hospitem et colleximus te aut nudum et cooperuimus ³⁹ aut quando te vidimus infirmum aut in carcere et venimus ad te

³ tunc congregati sunt principes sacerdotum et seniores populi in atrium principis sacerdotum qui dicebatur Caiaphas ⁴ et consilium fecerunt ut Iesum dolo tenerent et occiderent

²³ at ipse respondens ait qui intinguit mecum manum in parapside hic me tradet

⁴¹ similiter et principes sacerdotum inludentes cum scribis et senioribus dicentes ⁴² alios salvos fecit se ipsum non potest salvum facere si rex Israhel est descendat nunc de cruce et credemus ei ⁴³ confidet in Deo liberet nunc eum si vult dixit enim quia Dei Filius sum ⁴⁴ id ipsum autem et latrones qui fixi erant cum eo inproperabant ei ⁴⁵ a sexta autem hora tenebrae factae sunt super universam terram usque ad horam nonam ⁴⁶ et circa horam nonam clamavit Iesus voce magna dicens Heli Heli lema sabacthani hoc est Deus meus Deus meus ut quid dereliquisti me

⁶³ dicentes domine recordati sumus quia seductor ille dixit adhuc vivens post tres dies resurgam ⁶⁴ iube ergo custodiri sepulchrum usque in diem tertium ne forte veniant discipuli eius et furentur eum et dicant plebi surrexit a mortuis et erit novissimus error peior priore

⁷ semper enim pauperes habetis vobiscum et cum volueritis potestis illis benefacere me autem non semper habetis

⁵³ cum haec ad illos diceret coeperunt Pharisaei et legis periti graviter insistere et os eius opprimere de multis ⁵⁴ insidiantes et quaerentes capere aliquid ex ore eius ut accusarent eum

¹⁶ hanc autem filiam Abrahae quam alligavit Satanas ecce decem et octo annis non oportuit solvi a vinculo isto die sabbati

¹³ sed cum facis convivium voca pauperes debiles claudos caecos ¹⁴ et beatus eris quia non habent retribuere tibi retribuetur enim tibi in resurrectione iustorum

²⁷ verumtamen inimicos meos illos qui noluerunt me regnare super se adducite huc et interficite ante me

²⁰ et observantes miserunt insidiatores qui se iustos simularent ut caperent eum in sermone et traderent illum principatui et potestati praesidis ²¹ et interrogaverunt illum dicentes magister scimus quia recte dicis et doces et non accipis personam sed in veritate viam Dei doces ²² licet nobis dare tributum Caesari an non ²³ considerans autem dolum illorum dixit ad eos quid me temptatis

¹⁸ non de omnibus vobis dico ego scio quos elegerim sed ut impleatur scriptura qui manducat mecum panem levavit contra me calcaneum suum

²⁶ respondit Iesus ille est cui ego intinctum panem porrexero et cum intinxisset panem dedit Iudae Simonis Scariotis ²⁷ et post buccellam tunc introivit in illum Satanas dicit ei Iesus quod facis fac citius

²⁴ Pater quos dedisti mihi volo ut ubi ego sum et illi sint mecum ut videant claritatem meam quam dedisti mihi quia dilexisti me ante constitutionem mundi

³⁵ omnia ostendi vobis quoniam sic laborantes oportet suscipere infirmos ac meminisse verbi Domini Iesu quoniam ipse dixit beatius est magis dare quam accipere

²⁹ repletos omni iniquitate malitia fornicatione avaritia nequitia plenos invidia homicidio contentione dolo malignitate susurrones

¹⁶ ceterum si benedixeris spiritu qui supplet locum idiotae quomodo dicet amen super tuam benedictionem quoniam quid dicas nescit

¹⁶ propter quod non deficimus sed licet is qui foris est noster homo corrumpitur tamen is qui intus est renovatur de die in diem ¹⁷ id enim quod in praesenti est momentaneum et leve tribulationis nostrae supra modum in sublimitatem aeternum gloriae pondus operatur nobis

⁸ potens est autem Deus omnem gratiam abundare facere in vobis ut in omnibus semper omnem sufficientiam habentes abundetis in omne opus bonum ⁹ sicut scriptum est dispersit dedit pauperibus iustitia eius manet in aeternum ¹⁰ qui autem administrat semen seminanti et panem ad manducandum praestabit et multiplicabit semen vestrum et augebit incrementa frugum iustitiae vestrae ¹¹ ut in omnibus locupletati abundetis in omnem simplicitatem quae operatur per nos gratiarum actionem Deo ¹² quoniam ministerium huius officii non solum supplet ea quae desunt sanctis sed etiam abundat per multas gratiarum actiones in Domino ¹³ per probationem ministerii huius glorificantes Deum in oboedientia confessionis vestrae in evangelium Christi et simplicitate communicationis in illos et in omnes ¹⁴ et ipsorum obsecratione pro vobis desiderantium vos propter eminentem gratiam Dei in vobis

²⁶ in itineribus saepe periculis fluminum periculis latronum periculis ex genere periculis ex gentibus periculis in civitate periculis in solitudine periculis in mari periculis in falsis fratribus

²⁰ timeo enim ne forte cum venero non quales volo inveniam vos et ego inveniar a vobis qualem non vultis ne forte contentiones aemulationes animositates dissensiones detractiones susurrationes inflationes seditiones sint inter vos

¹⁰ tantum ut pauperum memores essemus quod etiam sollicitus fui hoc ipsum facere

³ benedictus Deus et Pater Domini nostri Iesu Christi qui benedixit nos in omni benedictione spiritali in caelestibus in Christo

²⁶ quoniam quidem omnes vos desiderabat et maestus erat propterea quod audieratis illum infirmatum ²⁷ nam et infirmatus est usque ad mortem sed Deus misertus est eius non solum autem eius verum etiam et mei ne tristitiam super tristitiam haberem

¹⁵ expolians principatus et potestates traduxit palam triumphans illos in semet ipso

¹⁴ rogamus autem vos fratres corripite inquietos consolamini pusillianimes suscipite infirmos patientes estote ad omnes

⁸ nam corporalis exercitatio ad modicum utilis est pietas autem ad omnia utilis est promissionem habens vitae quae nunc est et futurae

¹⁰ non enim iniustus Deus ut obliviscatur operis vestri et dilectionis quam ostendistis in nomine ipsius qui ministrastis sanctis et ministratis

¹³ iudicium enim sine misericordia illi qui non fecit misericordiam superexultat autem misericordia iudicio

¹⁵ et oratio fidei salvabit infirmum et adlevabit eum Dominus et si in peccatis sit dimittentur ei ¹⁶ confitemini ergo alterutrum peccata vestra et orate pro invicem ut salvemini multum enim valet deprecatio iusti adsidua

¹⁰ quoniam servasti verbum patientiae meae et ego te servabo ab hora temptationis quae ventura est in orbem universum temptare habitantes in terra

⁸ et quattuor animalia singula eorum habebant alas senas et in circuitu et intus plena sunt oculis et requiem non habent die et nocte dicentia sanctus sanctus sanctus Dominus Deus omnipotens qui erat et qui est et qui venturus est

⁹ et cantant novum canticum dicentes dignus es accipere librum et aperire signacula eius quoniam occisus es et redemisti nos Deo in sanguine tuo ex omni tribu et lingua et populo et natione ¹⁰ et fecisti eos Deo nostro regnum et sacerdotes et regnabunt super terram ¹¹ et vidi et audivi vocem angelorum multorum in circuitu throni et animalium et seniorum et erat numerus eorum milia milium ¹² dicentium voce magna dignus est agnus qui occisus est accipere virtutem et divinitatem et sapientiam et fortitudinem et honorem et gloriam et benedictionem ¹³ et omnem creaturam quae in caelo est et super terram et sub terram et quae sunt in mari et quae in ea omnes audivi dicentes sedenti in throno et agno benedictio et honor et gloria et potestas in saecula saeculorum ¹⁴ et quattuor animalia dicebant amen et seniores ceciderunt et adoraverunt

¹² dicentes amen benedictio et claritas et sapientia et gratiarum actio et honor et virtus et fortitudo Deo nostro in saecula saeculorum amen

¹⁷ dicentes gratias agimus tibi Domine Deus omnipotens qui es et qui eras quia accepisti virtutem tuam magnam et regnasti

²⁰ dicit qui testimonium perhibet istorum etiam venio cito amen veni Domine Iesu