Proverbs 23:29 Cross References - Vulgate

²⁹ cui vae cuius patri vae cui rixae cui foveae cui sine causa vulnera cui suffusio oculorum

¹² pulchriores oculi eius vino et dentes lacte candidiores

³⁶ venit autem Abigail ad Nabal et ecce erat ei convivium in domo eius quasi convivium regis et cor Nabal iucundum erat enim ebrius nimis et non indicavit ei verbum pusillum aut grande usque in mane ³⁷ diluculo autem cum digessisset vinum Nabal indicavit ei uxor sua verba haec et emortuum est cor eius intrinsecus et factus est quasi lapis

²⁸ praeceperat autem Absalom pueris suis dicens observate cum temulentus fuerit Amnon vino et dixero vobis percutite eum et interficite nolite timere ego enim sum qui praecepi vobis roboramini et estote viri fortes

¹⁶ et egressi sunt meridie Benadad autem bibebat temulentus in umbraculo suo et reges triginta duo cum eo qui ad auxilium eius venerant ¹⁷ egressi sunt autem pueri principum provinciarum in prima fronte misit itaque Benadad qui nuntiaverunt ei dicentes viri egressi sunt de Samaria ¹⁸ at ille sive ait pro pace veniunt adprehendite eos vivos sive ut proelientur vivos eos capite ¹⁹ egressi sunt ergo pueri principum provinciarum ac reliquus exercitus sequebatur ²⁰ et percussit unusquisque virum qui contra se venerat fugeruntque Syri et persecutus est eos Israhel fugit quoque Benadad rex Syriae in equo cum equitibus ²¹ necnon et egressus rex Israhel percussit equos et currus et percussit Syriam plaga magna ²² accedens autem propheta ad regem Israhel dixit ei vade et confortare et scito et vide quid facias sequenti enim anno rex Syriae ascendet contra te

¹ luxuriosa res vinum et tumultuosa ebrietas quicumque his delectatur non erit sapiens

²¹ quia vacantes potibus et dantes symbola consumentur et vestietur pannis dormitatio

¹¹ vae qui consurgitis mane ad ebrietatem sectandam et potandum usque ad vesperam ut vino aestuetis

²² vae qui potentes estis ad bibendum vinum et viri fortes ad miscendam ebrietatem

⁷ verum hii quoque prae vino nescierunt et prae ebrietate erraverunt sacerdos et propheta nescierunt prae ebrietate absorti sunt a vino erraverunt in ebrietate nescierunt videntem ignoraverunt iudicium ⁸ omnes enim mensae repletae sunt vomitu sordiumque ita ut non esset ultra locus

¹⁰ quia sicut spinae se invicem conplectuntur sic convivium eorum pariter potantium consumentur quasi stipula ariditate plena

⁴⁹ et coeperit percutere conservos suos manducet autem et bibat cum ebriis ⁵⁰ veniet dominus servi illius in die qua non sperat et hora qua ignorat

⁴⁵ quod si dixerit servus ille in corde suo moram facit dominus meus venire et coeperit percutere pueros et ancillas et edere et bibere et inebriari ⁴⁶ veniet dominus servi illius in die qua non sperat et hora qua nescit et dividet eum partemque eius cum infidelibus ponet

¹⁸ et nolite inebriari vino in quo est luxuria sed implemini Spiritu