Proverbs 13:3 Cross References - Vulgate

³ qui custodit os suum custodit animam suam qui autem inconsideratus est ad loquendum sentiet mala

¹ pro victoria Idithun canticum David dixi custodiam vias meas ne peccem in lingua mea custodiam os meum silentio donec est impius contra me

¹⁹ in multiloquio peccatum non deerit qui autem moderatur labia sua prudentissimus est

¹³ propter peccata labiorum ruina proximat malo effugiet autem iustus de angustia

⁷ os stulti contritio eius et labia illius ruina animae eius

²¹ mors et vita in manu linguae qui diligunt eam comedent fructus eius

¹⁹ ei qui revelat mysteria et ambulat fraudulenter et dilatat labia sua ne commiscearis

²³ qui custodit os suum et linguam suam custodit ab angustiis animam suam

³⁶ dico autem vobis quoniam omne verbum otiosum quod locuti fuerint homines reddent rationem de eo in die iudicii ³⁷ ex verbis enim tuis iustificaberis et ex verbis tuis condemnaberis

²⁶ si quis autem putat se religiosum esse non refrenans linguam suam sed seducens cor suum huius vana est religio

² in multis enim offendimus omnes si quis in verbo non offendit hic perfectus est vir potens etiam freno circumducere totum corpus ³ si autem equorum frenos in ora mittimus ad consentiendum nobis et omne corpus illorum circumferimus ⁴ ecce et naves cum magnae sint et a ventis validis minentur circumferuntur a modico gubernaculo ubi impetus dirigentis voluerit ⁵ ita et lingua modicum quidem membrum est et magna exultat ecce quantus ignis quam magnam silvam incendit ⁶ et lingua ignis est universitas iniquitatis lingua constituitur in membris nostris quae maculat totum corpus et inflammat rotam nativitatis nostrae inflammata a gehenna ⁷ omnis enim natura bestiarum et volucrum et serpentium etiam ceterorum domantur et domita sunt a natura humana ⁸ linguam autem nullus hominum domare potest inquietum malum plena veneno mortifero ⁹ in ipsa benedicimus Dominum et Patrem et in ipsa maledicimus homines qui ad similitudinem Dei facti sunt ¹⁰ ex ipso ore procedit benedictio et maledictio non oportet fratres mei haec ita fieri ¹¹ numquid fons de eodem foramine emanat dulcem et amaram aquam ¹² numquid potest fratres mei ficus olivas facere aut vitis ficus sic neque salsa dulcem potest facere aquam