Acts 24:27 Cross References - Vulgate

²⁷ biennio autem expleto accepit successorem Felix Porcium Festum volens autem gratiam praestare Iudaeis Felix reliquit Paulum vinctum

² non sequeris turbam ad faciendum malum nec in iudicio plurimorum adquiesces sententiae ut a vero devies

²⁵ qui timet hominem cito corruet qui sperat in Domino sublevabitur

¹⁵ Pilatus autem volens populo satisfacere dimisit illis Barabban et tradidit Iesum flagellis caesum ut crucifigeretur

²⁴ et Pilatus adiudicavit fieri petitionem eorum ²⁵ dimisit autem illis eum qui propter homicidium et seditionem missus fuerat in carcerem quem petebant Iesum vero tradidit voluntati eorum

³ videns autem quia placeret Iudaeis adposuit adprehendere et Petrum erant autem dies azymorum

³⁵ audiam te inquit cum et accusatores tui venerint iussitque in praetorio Herodis custodiri eum

¹ Festus ergo cum venisset in provinciam post triduum ascendit Hierosolymam a Caesarea

⁴ Festus autem respondit servari Paulum in Caesarea se autem maturius profecturum

⁹ Festus autem volens Iudaeis gratiam praestare respondens Paulo dixit vis Hierosolymam ascendere et ibi de his iudicari apud me

¹⁴ et cum dies plures ibi demorarentur Festus regi indicavit de Paulo dicens vir quidam est derelictus a Felice vinctus

²⁴ haec loquente eo et rationem reddente Festus magna voce dixit insanis Paule multae te litterae ad insaniam convertunt ²⁵ at Paulus non insanio inquit optime Feste sed veritatis et sobrietatis verba eloquor

³² Agrippa autem Festo dixit dimitti poterat homo hic si non appellasset Caesarem

³⁰ mansit autem biennio toto in suo conducto et suscipiebat omnes qui ingrediebantur ad eum

¹⁰ modo enim hominibus suadeo aut Deo aut quaero hominibus placere si adhuc hominibus placerem Christi servus non essem