1 Corinthians 10:16 Cross References - Vulgate

¹⁶ calicem benedictionis cui benedicimus nonne communicatio sanguinis Christi est et panis quem frangimus nonne participatio corporis Domini est

²⁶ cenantibus autem eis accepit Iesus panem et benedixit ac fregit deditque discipulis suis et ait accipite et comedite hoc est corpus meum ²⁷ et accipiens calicem gratias egit et dedit illis dicens bibite ex hoc omnes ²⁸ hic est enim sanguis meus novi testamenti qui pro multis effunditur in remissionem peccatorum

²² et manducantibus illis accepit Iesus panem et benedicens fregit et dedit eis et ait sumite hoc est corpus meum ²³ et accepto calice gratias agens dedit eis et biberunt ex illo omnes ²⁴ et ait illis hic est sanguis meus novi testamenti qui pro multis effunditur ²⁵ amen dico vobis quod iam non bibam de genimine vitis usque in diem illum cum illud bibam novum in regno Dei

¹⁹ et accepto pane gratias egit et fregit et dedit eis dicens hoc est corpus meum quod pro vobis datur hoc facite in meam commemorationem ²⁰ similiter et calicem postquam cenavit dicens hic est calix novum testamentum in sanguine meo quod pro vobis funditur

⁵³ dixit ergo eis Iesus amen amen dico vobis nisi manducaveritis carnem Filii hominis et biberitis eius sanguinem non habetis vitam in vobis ⁵⁴ qui manducat meam carnem et bibit meum sanguinem habet vitam aeternam et ego resuscitabo eum in novissimo die ⁵⁵ caro enim mea vere est cibus et sanguis meus vere est potus ⁵⁶ qui manducat meam carnem et bibit meum sanguinem in me manet et ego in illo ⁵⁷ sicut misit me vivens Pater et ego vivo propter Patrem et qui manducat me et ipse vivet propter me ⁵⁸ hic est panis qui de caelo descendit non sicut manducaverunt patres vestri manna et mortui sunt qui manducat hunc panem vivet in aeternum

⁴² erant autem perseverantes in doctrina apostolorum et communicatione fractionis panis et orationibus

⁴⁶ cotidie quoque perdurantes unianimiter in templo et frangentes circa domos panem sumebant cibum cum exultatione et simplicitate cordis

⁷ in una autem sabbati cum convenissemus ad frangendum panem Paulus disputabat eis profecturus in crastinum protraxitque sermonem usque in mediam noctem

¹¹ ascendens autem frangensque panem et gustans satisque adlocutus usque in lucem sic profectus est

⁹ fidelis Deus per quem vocati estis in societatem Filii eius Iesu Christi Domini nostri

²⁰ sed quae immolant gentes daemoniis immolant et non Deo nolo autem vos socios fieri daemoniorum non potestis calicem Domini bibere et calicem daemoniorum ²¹ non potestis mensae Domini participes esse et mensae daemoniorum

²³ ego enim accepi a Domino quod et tradidi vobis quoniam Dominus Iesus in qua nocte tradebatur accepit panem ²⁴ et gratias agens fregit et dixit hoc est corpus meum pro vobis hoc facite in meam commemorationem ²⁵ similiter et calicem postquam cenavit dicens hic calix novum testamentum est in meo sanguine hoc facite quotienscumque bibetis in meam commemorationem ²⁶ quotienscumque enim manducabitis panem hunc et calicem bibetis mortem Domini adnuntiatis donec veniat ²⁷ itaque quicumque manducaverit panem vel biberit calicem Domini indigne reus erit corporis et sanguinis Domini ²⁸ probet autem se ipsum homo et sic de pane illo edat et de calice bibat ²⁹ qui enim manducat et bibit indigne iudicium sibi manducat et bibit non diiudicans corpus

¹³ etenim in uno Spiritu omnes nos in unum corpus baptizati sumus sive Iudaei sive gentiles sive servi sive liberi et omnes unum Spiritum potati sumus

¹⁴ participes enim Christi effecti sumus si tamen initium substantiae usque ad finem firmum retineamus

³ quod vidimus et audivimus adnuntiamus et vobis ut et vos societatem habeatis nobiscum et societas nostra sit cum Patre et cum Filio eius Iesu Christo

⁷ si autem in luce ambulemus sicut et ipse est in luce societatem habemus ad invicem et sanguis Iesu Filii eius mundat nos ab omni peccato