Psalms 119:1 Cross References - ManxGaelic

³ Bannit t'adsyn ta imlee ayns spyrryd: son lhieusyn reeriaght niau. ⁴ Bannit t'adsyn ta dobberan: son bee ad er nyn gherjaghey. ⁵ Bannit t'adsyn ta meen surransagh: son bee yn thalloo oc ayns eiraght. ⁶ Bannit t'adsyn ta accryssagh as paagh lurg yn ynrickys: son bee ad er nyn yannoo magh. ⁷ Bannit ta'n vooinjer vyghinagh: son bee myghin er ny hoilshaghey daue. ⁸ Bannit t'adsyn ta glen ayns cree: son ver ad Jee my-ner. ⁹ Bannit t'adsyn ta tayrn sleih gys shee: son bee ad enmyssit nyn gloan dy Yee. ¹⁰ Bannit t'adsyn ta surranse tranlaase er graih cairys: son lhieusyn reeriaght niau. ¹¹ Bannit ta shiuish tra vees shiu oltooanit, as tranlaasit, as dy chooilley ghrogh-ghoo currit ass nyn lieh dy aggairagh er y choontey aym's. ¹² Gow-jee boggey, as bee-jee erskyn towse gennal: son s'mooar ta nyn leagh ayns niau: son shoh myr ren ad tranlaase er ny phadeyryn va rhymbiu.

⁶ As v'ad ny-neesht cairagh kiongoyrt rish Jee, gimmeeaght ayns ooilley annaghyn as oardaghyn y Chiarn gyn loght.

²⁸ Agh dooyrt eshyn, Dy jarroo foddey s'bannee t'adsyn ta clashtyn goo Yee, as freayll eh.

⁴⁷ Honnick Yeesey Nathanael cheet ny whail, as dooyrt eh jehsyn, Cur-my-ner Israelite firrinagh, ayn nagh vel molteyrys erbee.

¹⁷ My ta fys eu er ny reddyn shoh, s'maynrey vees shiu my nee shiu ad y yannoo.