Proverbs 18:6 Cross References - Haitian

⁶ Depi moun sòt ap pale, se kont l'ap chache. Si ou koute pawòl nan bouch li, w'a ba l' kou.

¹⁶ Lè yon moun san konprann ankòlè, tout moun wè sa lamenm. Men, yon moun veyatif, lè ou fè l' malonèt, li fè tankou li pa konprann.

¹⁰ Moun awogan yo toujou ap pouse dife. Men, moun ki koute konsèy, se moun ki gen bon konprann.

³ Pawòl nan bouch moun san konprann, se fwèt pou dèyè yo. Men, pawòl nan bouch moun ki gen bon konprann, se pwoteksyon yo.

¹⁶ Moun ki gen bon konprann pran prekosyon yo, yo egzante malè. Moun sòt yo awogan, yo toujou konprann zafè yo bon.

²⁷ Mechan an toujou ap chache jan pou li fè moun mal. Ata pawòl nan bouch li boule tankou dife. ²⁸ Ipokrit toujou ap pouse dife. Moun k'ap fè tripotay mete zanmi dozado.

¹⁴ Lè yon kont pete, se tankou dlo ki kase dig kannal. Anvan batay mete pye, chape kò ou.

¹⁹ Moun ki gen san wo ap peye konsekans zak li yo. Si ou wete l' nan move pa a yon fwa, w'ap blije fè l' pou li tout tan.

²⁹ Baton an tou la pou moun k'ap pase moun nan betiz. Fwèt la tou pare pou dèyè moun ki san konprann.

³ Se bèl bagay lè yon moun evite diskisyon. Moun san konprann toujou ap chache kont.

²⁴ Pa fè zanmi ak moun ki ankòlè fasil. Pa mache ak moun ki gen san wo. ²⁵ W'a pran move mès yo. W'a rale malè sou ou.

²⁴ Pito ou viv pou kont ou nan yon kwen galata pase pou w'ap viv nan yon kay ansanm ak yon fanm k'ap chache kont tout tan.

³ Wòch lou, sab lou. Men, yo pa ka pi lou pase yon moun san konprann lè l' fache.

⁹ Lè moun ki gen konprann al nan leta ak moun fou, fache pa fache anyen p'ap regle.