Psalms 72:7 Cross References - HOT

⁷ יפרח בימיו צדיק ורב שׁלום עד בלי ירח׃

1 Kings 4:25

²⁵ (5:5) וישׁב יהודה וישׂראל לבטח אישׁ תחת גפנו ותחת תאנתו מדן ועד באר שׁבע כל ימי שׁלמה׃

⁸ ויהי עלי דבר יהוה לאמר דם לרב שׁפכת ומלחמות גדלות עשׂית לא תבנה בית לשׁמי כי דמים רבים שׁפכת ארצה לפני׃⁹ הנה בן נולד לך הוא יהיה אישׁ מנוחה והנחותי לו מכל אויביו מסביב כי שׁלמה יהיה שׁמו ושׁלום ושׁקט אתן על ישׂראל בימיו׃

Psalms 92:12

¹² (92:13) צדיק כתמר יפרח כארז בלבנון ישׂגה׃

Psalms 132:15-18

¹⁵ צידה ברך אברך אביוניה אשׂביע לחם׃¹⁶ וכהניה אלבישׁ ישׁע וחסידיה רנן ירננו׃¹⁷ שׁם אצמיח קרן לדוד ערכתי נר למשׁיחי׃¹⁸ אויביו אלבישׁ בשׁת ועליו יציץ נזרו׃

Isaiah 2:4

⁴ ושׁפט בין הגוים והוכיח לעמים רבים וכתתו חרבותם לאתים וחניתותיהם למזמרות לא ישׂא גוי אל גוי חרב ולא ילמדו עוד מלחמה׃

Isaiah 9:6-7

⁶ (9:5) כי ילד ילד לנו בן נתן לנו ותהי המשׂרה על שׁכמו ויקרא שׁמו פלא יועץ אל גבור אביעד שׂר שׁלום׃⁷ (9:6) לםרבה המשׂרה ולשׁלום אין קץ על כסא דוד ועל ממלכתו להכין אתה ולסעדה במשׁפט ובצדקה מעתה ועד עולם קנאת יהוה צבאות תעשׂה זאת׃

Isaiah 11:6-9

⁶ וגר זאב עם כבשׂ ונמר עם גדי ירבץ ועגל וכפיר ומריא יחדו ונער קטן נהג׃⁷ ופרה ודב תרעינה יחדו ירבצו ילדיהן ואריה כבקר יאכל תבן׃⁸ ושׁעשׁע יונק על חר פתן ועל מאורת צפעוני גמול ידו הדה׃⁹ לא ירעו ולא ישׁחיתו בכל הר קדשׁי כי מלאה הארץ דעה את יהוה כמים לים מכסים׃

Isaiah 32:3-8

³ ולא תשׁעינה עיני ראים ואזני שׁמעים תקשׁבנה׃⁴ ולבב נמהרים יבין לדעת ולשׁון עלגים תמהר לדבר צחות׃⁵ לא יקרא עוד לנבל נדיב ולכילי לא יאמר שׁוע׃⁶ כי נבל נבלה ידבר ולבו יעשׂה און לעשׂות חנף ולדבר אל יהוה תועה להריק נפשׁ רעב ומשׁקה צמא יחסיר׃⁷ וכלי כליו רעים הוא זמות יעץ לחבל ענוים באמרי שׁקר ובדבר אביון משׁפט׃⁸ ונדיב נדיבות יעץ והוא על נדיבות יקום׃

Isaiah 32:15-20

¹⁵ עד יערה עלינו רוח ממרום והיה מדבר לכרמל וכרמל ליער יחשׁב׃¹⁶ ושׁכן במדבר משׁפט וצדקה בכרמל תשׁב׃¹⁷ והיה מעשׂה הצדקה שׁלום ועבדת הצדקה השׁקט ובטח עד עולם׃¹⁸ וישׁב עמי בנוה שׁלום ובמשׁכנות מבטחים ובמנוחת שׁאננות׃¹⁹ וברד ברדת היער ובשׁפלה תשׁפל העיר׃²⁰ אשׁריכם זרעי על כל מים משׁלחי רגל השׁור והחמור׃

Isaiah 35:1-10

¹ ישׂשׂום מדבר וציה ותגל ערבה ותפרח כחבצלת׃² פרח תפרח ותגל אף גילת ורנן כבוד הלבנון נתן לה הדר הכרמל והשׁרון המה יראו כבוד יהוה הדר אלהינו׃³ חזקו ידים רפות וברכים כשׁלות אמצו׃⁴ אמרו לנמהרי לב חזקו אל תיראו הנה אלהיכם נקם יבוא גמול אלהים הוא יבוא וישׁעכם׃⁵ אז תפקחנה עיני עורים ואזני חרשׁים תפתחנה׃⁶ אז ידלג כאיל פסח ותרן לשׁון אלם כי נבקעו במדבר מים ונחלים בערבה׃⁷ והיה השׁרב לאגם וצמאון למבועי מים בנוה תנים רבצה חציר לקנה וגמא׃⁸ והיה שׁם מסלול ודרך ודרך הקדשׁ יקרא לה לא יעברנו טמא והוא למו הלך דרך ואוילים לא יתעו׃⁹ לא יהיה שׁם אריה ופריץ חיות בל יעלנה לא תמצא שׁם והלכו גאולים׃¹⁰ ופדויי יהוה ישׁבון ובאו ציון ברנה ושׂמחת עולם על ראשׁם שׂשׂון ושׂמחה ישׂיגו ונסו יגון ואנחה׃

Isaiah 54:11-17

¹¹ עניה סערה לא נחמה הנה אנכי מרביץ בפוך אבניך ויסדתיך בספירים׃¹² ושׂמתי כדכד שׁמשׁתיך ושׁעריך לאבני אקדח וכל גבולך לאבני חפץ׃¹³ וכל בניך למודי יהוה ורב שׁלום בניך׃¹⁴ בצדקה תכונני רחקי מעשׁק כי לא תיראי וממחתה כי לא תקרב אליך׃¹⁵ הן גור יגור אפס מאותי מי גר אתך עליך יפול׃¹⁶ הן אנכי בראתי חרשׁ נפח באשׁ פחם ומוציא כלי למעשׂהו ואנכי בראתי משׁחית לחבל׃¹⁷ כל כלי יוצר עליך לא יצלח וכל לשׁון תקום אתך למשׁפט תרשׁיעי זאת נחלת עבדי יהוה וצדקתם מאתי נאם יהוה׃

Isaiah 55:10-13

¹⁰ כי כאשׁר ירד הגשׁם והשׁלג מן השׁמים ושׁמה לא ישׁוב כי אם הרוה את הארץ והולידה והצמיחה ונתן זרע לזרע ולחם לאכל׃¹¹ כן יהיה דברי אשׁר יצא מפי לא ישׁוב אלי ריקם כי אם עשׂה את אשׁר חפצתי והצליח אשׁר שׁלחתיו׃¹² כי בשׂמחה תצאו ובשׁלום תובלון ההרים והגבעות יפצחו לפניכם רנה וכל עצי השׂדה ימחאו כף׃¹³ תחת הנעצוץ יעלה ברושׁ תחת הסרפד יעלה הדס והיה ליהוה לשׁם לאות עולם לא יכרת׃

Isaiah 60:1

¹ קומי אורי כי בא אורך וכבוד יהוה עליך זרח׃

Isaiah 60:22

²² הקטן יהיה לאלף והצעיר לגוי עצום אני יהוה בעתה אחישׁנה׃

Isaiah 61:3-6

³ לשׂום לאבלי ציון לתת להם פאר תחת אפר שׁמן שׂשׂון תחת אבל מעטה תהלה תחת רוח כהה וקרא להם אילי הצדק מטע יהוה להתפאר׃⁴ ובנו חרבות עולם שׁממות ראשׁנים יקוממו וחדשׁו ערי חרב שׁממות דור ודור׃⁵ ועמדו זרים ורעו צאנכם ובני נכר אכריכם וכרמיכם׃⁶ ואתם כהני יהוה תקראו משׁרתי אלהינו יאמר לכם חיל גוים תאכלו ובכבודם תתימרו׃