Psalms 72:4 Cross References - HOT

4 ישׁפט עניי עם יושׁיע לבני אביון וידכא עושׁק׃

Job 19:2

2 עד אנה תוגיון נפשׁי ותדכאונני במלים׃

Job 34:24

24 ירע כבירים לא חקר ויעמד אחרים תחתם׃

Psalms 2:9

9 תרעם בשׁבט ברזל ככלי יוצר תנפצם׃

Psalms 72:12-14

12 כי יציל אביון משׁוע ועני ואין עזר׃13 יחס על דל ואביון ונפשׁות אביונים יושׁיע׃14 מתוך ומחמס יגאל נפשׁם וייקר דמם בעיניו׃

Psalms 94:5

5 עמך יהוה ידכאו ונחלתך יענו׃

Psalms 109:31

31 כי יעמד לימין אביון להושׁיע משׁפטי נפשׁו׃

Proverbs 20:26

26 מזרה רשׁעים מלך חכם וישׁב עליהם אופן׃

Isaiah 9:4

4 (9:3) כי את על סבלו ואת מטה שׁכמו שׁבט הנגשׂ בו החתת כיום מדין׃

Isaiah 11:4

4 ושׁפט בצדק דלים והוכיח במישׁור לענוי ארץ והכה ארץ בשׁבט פיו וברוח שׂפתיו ימית רשׁע׃

Isaiah 51:12-13

12 אנכי אנכי הוא מנחמכם מי את ותיראי מאנושׁ ימות ומבן אדם חציר ינתן׃13 ותשׁכח יהוה עשׂך נוטה שׁמים ויסד ארץ ותפחד תמיד כל היום מפני חמת המציק כאשׁר כונן להשׁחית ואיה חמת המציק׃

Jeremiah 51:20-23

20 מפץ אתה לי כלי מלחמה ונפצתי בך גוים והשׁחתי בך ממלכות׃21 ונפצתי בך סוס ורכבו ונפצתי בך רכב ורכבו׃22 ונפצתי בך אישׁ ואשׁה ונפצתי בך זקן ונער ונפצתי בך בחור ובתולה׃23 ונפצתי בך רעה ועדרו ונפצתי בך אכר וצמדו ונפצתי בך פחות וסגנים׃

Ezekiel 34:15-16

15 אני ארעה צאני ואני ארביצם נאם אדני יהוה׃16 את האבדת אבקשׁ ואת הנדחת אשׁיב ולנשׁברת אחבשׁ ואת החולה אחזק ואת השׁמנה ואת החזקה אשׁמיד ארענה במשׁפט׃

Daniel 2:34-35

34 חזה הוית עד די התגזרת אבן די לא בידין ומחת לצלמא על רגלוהי די פרזלא וחספא והדקת המון׃35 באדין דקו כחדה פרזלא חספא נחשׁא כספא ודהבא והוו כעור מן אדרי קיט ונשׂא המון רוחא וכל אתר לא השׁתכח להון ואבנא די מחת לצלמא הות לטור רב ומלת כל ארעא׃

Zechariah 9:8-10

8 וחניתי לביתי מצבה מעבר ומשׁב ולא יעבר עליהם עוד נגשׂ כי עתה ראיתי בעיני׃9 גילי מאד בת ציון הריעי בת ירושׁלם הנה מלכך יבוא לך צדיק ונושׁע הוא עני ורכב על חמור ועל עיר בן אתנות׃10 והכרתי רכב מאפרים וסוס מירושׁלם ונכרתה קשׁת מלחמה ודבר שׁלום לגוים ומשׁלו מים עד ים ומנהר עד אפסי ארץ׃

Zechariah 11:7

7 וארעה את צאן ההרגה לכן עניי הצאן ואקח לי שׁני מקלות לאחד קראתי נעם ולאחד קראתי חבלים וארעה את הצאן׃

Zechariah 11:11

11 ותפר ביום ההוא וידעו כן עניי הצאן השׁמרים אתי כי דבר יהוה הוא׃

Cross Reference data is from OpenBible.info, retrieved June 28, 2010, and licensed under a Creative Commons Attribution License.