Psalms 24:5 Cross References - HOT

5 ישׂא ברכה מאת יהוה וצדקה מאלהי ישׁעו׃

Numbers 6:24-27

24 יברכך יהוה וישׁמרך׃25 יאר יהוה פניו אליך ויחנך׃26 ישׂא יהוה פניו אליך וישׂם לך שׁלום׃27 ושׂמו את שׁמי על בני ישׂראל ואני אברכם׃

Psalms 50:23

23 זבח תודה יכבדנני ושׂם דרך אראנו בישׁע אלהים׃

Psalms 67:6-7

6 (67:7) ארץ נתנה יבולה יברכנו אלהים אלהינו׃7 (67:8) יברכנו אלהים וייראו אתו כל אפסי ארץ׃

Psalms 68:19

19 (68:20) ברוך אדני יום יום יעמס לנו האל ישׁועתנו סלה׃

Psalms 72:17

17 יהי שׁמו לעולם לפני שׁמשׁ ינין שׁמו ויתברכו בו כל גוים יאשׁרוהו׃

Psalms 88:1

1 שׁיר מזמור לבני קרח למנצח על מחלת לענות משׂכיל להימן האזרחי׃ (88:2) יהוה אלהי ישׁועתי יום צעקתי בלילה נגדך׃

Psalms 115:12-13

12 יהוה זכרנו יברך יברך את בית ישׂראל יברך את בית אהרן׃13 יברך יראי יהוה הקטנים עם הגדלים׃

Psalms 128:1-5

1 שׁיר המעלות אשׁרי כל ירא יהוה ההלך בדרכיו׃2 יגיע כפיך כי תאכל אשׁריך וטוב׃3 אשׁתך כגפן פריה בירכתי ביתך בניך כשׁתלי זיתים סביב לשׁלחנך׃4 הנה כי כן יברך גבר ירא יהוה׃5 יברכך יהוה מציון וראה בטוב ירושׁלם כל ימי חייך׃

Isaiah 12:2

2 הנה אל ישׁועתי אבטח ולא אפחד כי עזי וזמרת יה יהוה ויהי לי לישׁועה׃

Isaiah 33:15-17

15 הלך צדקות ודבר מישׁרים מאס בבצע מעשׁקות נער כפיו מתמך בשׁחד אטם אזנו משׁמע דמים ועצם עיניו מראות ברע׃16 הוא מרומים ישׁכן מצדות סלעים משׂגבו לחמו נתן מימיו נאמנים׃17 מלך ביפיו תחזינה עיניך תראינה ארץ מרחקים׃

Isaiah 45:17

17 ישׂראל נושׁע ביהוה תשׁועת עולמים לא תבשׁו ולא תכלמו עד עולמי עד׃

Isaiah 46:13

13 קרבתי צדקתי לא תרחק ותשׁועתי לא תאחר ונתתי בציון תשׁועה לישׂראל תפארתי׃

Isaiah 51:5-6

5 קרוב צדקי יצא ישׁעי וזרעי עמים ישׁפטו אלי איים יקוו ואל זרעי ייחלון׃6 שׂאו לשׁמים עיניכם והביטו אל הארץ מתחת כי שׁמים כעשׁן נמלחו והארץ כבגד תבלה וישׁביה כמו כן ימותון וישׁועתי לעולם תהיה וצדקתי לא תחת׃

Isaiah 51:8

8 כי כבגד יאכלם עשׁ וכצמר יאכלם סס וצדקתי לעולם תהיה וישׁועתי לדור דורים׃

Isaiah 54:17

17 כל כלי יוצר עליך לא יצלח וכל לשׁון תקום אתך למשׁפט תרשׁיעי זאת נחלת עבדי יהוה וצדקתם מאתי נאם יהוה׃

Isaiah 61:10

10 שׂושׂ אשׂישׂ ביהוה תגל נפשׁי באלהי כי הלבישׁני בגדי ישׁע מעיל צדקה יעטני כחתן יכהן פאר וככלה תעדה כליה׃

Cross Reference data is from OpenBible.info, retrieved June 28, 2010, and licensed under a Creative Commons Attribution License.