Psalms 104:14 Cross References - HOT

¹⁴ מצמיח חציר לבהמה ועשׂב לעבדת האדם להוציא לחם מן הארץ׃

Genesis 1:11-12

¹¹ ויאמר אלהים תדשׁא הארץ דשׁא עשׂב מזריע זרע עץ פרי עשׂה פרי למינו אשׁר זרעו בו על הארץ ויהי כן׃¹² ותוצא הארץ דשׁא עשׂב מזריע זרע למינהו ועץ עשׂה פרי אשׁר זרעו בו למינהו וירא אלהים כי טוב׃

²⁹ ויאמר אלהים הנה נתתי לכם את כל עשׂב זרע זרע אשׁר על פני כל הארץ ואת כל העץ אשׁר בו פרי עץ זרע זרע לכם יהיה לאכלה׃³⁰ ולכל חית הארץ ולכל עוף השׁמים ולכל רומשׂ על הארץ אשׁר בו נפשׁ חיה את כל ירק עשׂב לאכלה ויהי כן׃

Genesis 2:5

⁵ וכל שׂיח השׂדה טרם יהיה בארץ וכל עשׂב השׂדה טרם יצמח כי לא המטיר יהוה אלהים על הארץ ואדם אין לעבד את האדמה׃

Genesis 2:9

⁹ ויצמח יהוה אלהים מן האדמה כל עץ נחמד למראה וטוב למאכל ועץ החיים בתוך הגן ועץ הדעת טוב ורע׃

Genesis 3:18

¹⁸ וקוץ ודרדר תצמיח לך ואכלת את עשׂב השׂדה׃

Genesis 4:12

¹² כי תעבד את האדמה לא תסף תת כחה לך נע ונד תהיה בארץ׃

Genesis 9:3

³ כל רמשׂ אשׁר הוא חי לכם יהיה לאכלה כירק עשׂב נתתי לכם את כל׃

1 Kings 18:5

⁵ ויאמר אחאב אל עבדיהו לך בארץ אל כל מעיני המים ואל כל הנחלים אולי נמצא חציר ונחיה סוס ופרד ולוא נכרית מהבהמה׃

Job 28:5

⁵ ארץ ממנה יצא לחם ותחתיה נהפך כמו אשׁ׃

Job 38:27

²⁷ להשׂביע שׁאה ומשׁאה ולהצמיח מצא דשׁא׃

Psalms 136:25

²⁵ נתן לחם לכל בשׂר כי לעולם חסדו׃

Psalms 145:15-16

¹⁵ עיני כל אליך ישׂברו ואתה נותן להם את אכלם בעתו׃¹⁶ פותח את ידך ומשׂביע לכל חי רצון׃

Psalms 147:8-9

⁸ המכסה שׁמים בעבים המכין לארץ מטר המצמיח הרים חציר׃⁹ נותן לבהמה לחמה לבני ערב אשׁר יקראו׃

Jeremiah 14:5-6

⁵ כי גם אילת בשׂדה ילדה ועזוב כי לא היה דשׁא׃⁶ ופראים עמדו על שׁפים שׁאפו רוח כתנים כלו עיניהם כי אין עשׂב׃

Joel 2:22

²² אל תיראו בהמות שׂדי כי דשׁאו נאות מדבר כי עץ נשׂא פריו תאנה וגפן נתנו חילם׃