19 שׁמע אתה בני וחכם ואשׁר בדרך לבך׃
Proverbs 23:19 Cross References - HOT
Proverbs 4:10-23
10 שׁמע בני וקח אמרי וירבו לך שׁנות חיים׃11 בדרך חכמה הרתיך הדרכתיך במעגלי ישׁר׃12 בלכתך לא יצר צעדך ואם תרוץ לא תכשׁל׃13 החזק במוסר אל תרף נצרה כי היא חייך׃14 בארח רשׁעים אל תבא ואל תאשׁר בדרך רעים׃15 פרעהו אל תעבר בו שׂטה מעליו ועבור׃16 כי לא ישׁנו אם לא ירעו ונגזלה שׁנתם אם לא יכשׁולו׃17 כי לחמו לחם רשׁע ויין חמסים ישׁתו׃18 וארח צדיקים כאור נגה הולך ואור עד נכון היום׃19 דרך רשׁעים כאפלה לא ידעו במה יכשׁלו׃20 בני לדברי הקשׁיבה לאמרי הט אזנך׃21 אל יליזו מעיניך שׁמרם בתוך לבבך׃22 כי חיים הם למצאיהם ולכל בשׂרו מרפא׃23 מכל משׁמר נצר לבך כי ממנו תוצאות חיים׃
Proverbs 6:6
6 לך אל נמלה עצל ראה דרכיה וחכם׃
Proverbs 9:6
6 עזבו פתאים וחיו ואשׁרו בדרך בינה׃
Proverbs 23:12
12 הביאה למוסר לבך ואזנך לאמרי דעת׃
Proverbs 23:26
26 תנה בני לבך לי ועיניך דרכי תרצנה׃