Proverbs 22:7 Cross References - HOT

7 עשׁיר ברשׁים ימשׁול ועבד לוה לאישׁ מלוה׃

2 Kings 4:1

1 ואשׁה אחת מנשׁי בני הנביאים צעקה אל אלישׁע לאמר עבדך אישׁי מת ואתה ידעת כי עבדך היה ירא את יהוה והנשׁה בא לקחת את שׁני ילדי לו לעבדים׃

Nehemiah 5:4-5

4 וישׁ אשׁר אמרים לוינו כסף למדת המלך שׂדתינו וכרמינו׃5 ועתה כבשׂר אחינו בשׂרנו כבניהם בנינו והנה אנחנו כבשׁים את בנינו ואת בנתינו לעבדים וישׁ מבנתינו נכבשׁות ואין לאל ידנו ושׂדתינו וכרמינו לאחרים׃

Proverbs 14:31

31 עשׁק דל חרף עשׂהו ומכבדו חנן אביון׃

Proverbs 18:23

23 תחנונים ידבר רשׁ ועשׁיר יענה עזות׃

Proverbs 22:16

16 עשׁק דל להרבות לו נתן לעשׁיר אך למחסור׃

Proverbs 22:22

22 אל תגזל דל כי דל הוא ואל תדכא עני בשׁער׃

Isaiah 24:2

2 והיה כעם ככהן כעבד כאדניו כשׁפחה כגברתה כקונה כמוכר כמלוה כלוה כנשׁה כאשׁר נשׁא׃

Amos 2:6

6 כה אמר יהוה על שׁלשׁה פשׁעי ישׂראל ועל ארבעה לא אשׁיבנו על מכרם בכסף צדיק ואביון בעבור נעלים׃

Amos 4:1

1 שׁמעו הדבר הזה פרות הבשׁן אשׁר בהר שׁמרון העשׁקות דלים הרצצות אביונים האמרת לאדניהם הביאה ונשׁתה׃

Amos 5:11-12

11 לכן יען בושׁסכם על דל ומשׂאת בר תקחו ממנו בתי גזית בניתם ולא תשׁבו בם כרמי חמד נטעתם ולא תשׁתו את יינם׃12 כי ידעתי רבים פשׁעיכם ועצמים חטאתיכם צררי צדיק לקחי כפר ואביונים בשׁער הטו׃

Amos 8:4

4 שׁמעו זאת השׁאפים אביון ולשׁבית ענוי ארץ׃

Amos 8:6

6 לקנות בכסף דלים ואביון בעבור נעלים ומפל בר נשׁביר׃

Cross Reference data is from OpenBible.info, retrieved June 28, 2010, and licensed under a Creative Commons Attribution License.