Proverbs 21:7 Cross References - HOT

7 שׁד רשׁעים יגורם כי מאנו לעשׂות משׁפט׃

Psalms 7:16

16 (7:17) ישׁוב עמלו בראשׁו ועל קדקדו חמסו ירד׃

Psalms 9:16

16 (9:17) נודע יהוה משׁפט עשׂה בפעל כפיו נוקשׁ רשׁע הגיון סלה׃

Proverbs 1:18-19

18 והם לדמם יארבו יצפנו לנפשׁתם׃19 כן ארחות כל בצע בצע את נפשׁ בעליו יקח׃

Proverbs 10:6

6 ברכות לראשׁ צדיק ופי רשׁעים יכסה חמס׃

Proverbs 21:21

21 רדף צדקה וחסד ימצא חיים צדקה וכבוד׃

Proverbs 22:22-23

22 אל תגזל דל כי דל הוא ואל תדכא עני בשׁער׃23 כי יהוה יריב ריבם וקבע את קבעיהם נפשׁ׃

Isaiah 1:23-24

23 שׂריך סוררים וחברי גנבים כלו אהב שׁחד ורדף שׁלמנים יתום לא ישׁפטו וריב אלמנה לא יבוא אליהם׃24 לכן נאם האדון יהוה צבאות אביר ישׂראל הוי אנחם מצרי ואנקמה מאויבי׃

Jeremiah 7:9-11

9 הגנב רצח ונאף והשׁבע לשׁקר וקטר לבעל והלך אחרי אלהים אחרים אשׁר לא ידעתם׃10 ובאתם ועמדתם לפני בבית הזה אשׁר נקרא שׁמי עליו ואמרתם נצלנו למען עשׂות את כל התועבות האלה׃11 המערת פרצים היה הבית הזה אשׁר נקרא שׁמי עליו בעיניכם גם אנכי הנה ראיתי נאם יהוה׃

Jeremiah 7:15

15 והשׁלכתי אתכם מעל פני כאשׁר השׁלכתי את כל אחיכם את כל זרע אפרים׃

Ezekiel 18:18

18 אביו כי עשׁק עשׁק גזל גזל אח ואשׁר לא טוב עשׂה בתוך עמיו והנה מת בעונו׃

Ezekiel 22:13-14

13 והנה הכיתי כפי אל בצעך אשׁר עשׂית ועל דמך אשׁר היו בתוכך׃14 היעמד לבך אם תחזקנה ידיך לימים אשׁר אני עשׂה אותך אני יהוה דברתי ועשׂיתי׃

Micah 3:9-12

9 שׁמעו נא זאת ראשׁי בית יעקב וקציני בית ישׂראל המתעבים משׁפט ואת כל הישׁרה יעקשׁו׃10 בנה ציון בדמים וירושׁלם בעולה׃11 ראשׁיה בשׁחד ישׁפטו וכהניה במחיר יורו ונביאיה בכסף יקסמו ועל יהוה ישׁענו לאמר הלוא יהוה בקרבנו לא תבוא עלינו רעה׃12 לכן בגללכם ציון שׂדה תחרשׁ וירושׁלם עיין תהיה והר הבית לבמות יער׃

Zechariah 5:3-4

3 ויאמר אלי זאת האלה היוצאת על פני כל הארץ כי כל הגנב מזה כמוה נקה וכל הנשׁבע מזה כמוה נקה׃4 הוצאתיה נאם יהוה צבאות ובאה אל בית הגנב ואל בית הנשׁבע בשׁמי לשׁקר ולנה בתוך ביתו וכלתו ואת עציו ואת אבניו׃

Cross Reference data is from OpenBible.info, retrieved June 28, 2010, and licensed under a Creative Commons Attribution License.