Proverbs 21:3 Cross References - HOT

3 עשׂה צדקה ומשׁפט נבחר ליהוה מזבח׃

1 Samuel 15:22

22 ויאמר שׁמואל החפץ ליהוה בעלות וזבחים כשׁמע בקול יהוה הנה שׁמע מזבח טוב להקשׁיב מחלב אילים׃

Psalms 50:8

8 לא על זבחיך אוכיחך ועולתיך לנגדי תמיד׃

Proverbs 15:8

8 זבח רשׁעים תועבת יהוה ותפלת ישׁרים רצונו׃

Isaiah 1:11-17

11 למה לי רב זבחיכם יאמר יהוה שׂבעתי עלות אילים וחלב מריאים ודם פרים וכבשׂים ועתודים לא חפצתי׃12 כי תבאו לראות פני מי בקשׁ זאת מידכם רמס חצרי׃13 לא תוסיפו הביא מנחת שׁוא קטרת תועבה היא לי חדשׁ ושׁבת קרא מקרא לא אוכל און ועצרה׃14 חדשׁיכם ומועדיכם שׂנאה נפשׁי היו עלי לטרח נלאיתי נשׂא׃15 ובפרשׂכם כפיכם אעלים עיני מכם גם כי תרבו תפלה אינני שׁמע ידיכם דמים מלאו׃16 רחצו הזכו הסירו רע מעלליכם מנגד עיני חדלו הרע׃17 למדו היטב דרשׁו משׁפט אשׁרו חמוץ שׁפטו יתום ריבו אלמנה׃

Jeremiah 7:21-23

21 כה אמר יהוה צבאות אלהי ישׂראל עלותיכם ספו על זבחיכם ואכלו בשׂר׃22 כי לא דברתי את אבותיכם ולא צויתים ביום הוציא אותם מארץ מצרים על דברי עולה וזבח׃23 כי אם את הדבר הזה צויתי אותם לאמר שׁמעו בקולי והייתי לכם לאלהים ואתם תהיו לי לעם והלכתם בכל הדרך אשׁר אצוה אתכם למען ייטב׃

Hosea 6:6

6 כי חסד חפצתי ולא זבח ודעת אלהים מעלות׃

Micah 6:6-8

6 במה אקדם יהוה אכף לאלהי מרום האקדמנו בעולות בעגלים בני שׁנה׃7 הירצה יהוה באלפי אילים ברבבות נחלי שׁמן האתן בכורי פשׁעי פרי בטני חטאת נפשׁי׃8 הגיד לך אדם מה טוב ומה יהוה דורשׁ ממך כי אם עשׂות משׁפט ואהבת חסד והצנע לכת עם אלהיך׃

Cross Reference data is from OpenBible.info, retrieved June 28, 2010, and licensed under a Creative Commons Attribution License.