11 שׂכל אדם האריך אפו ותפארתו עבר על פשׁע׃
Proverbs 19:11 Cross References - HOT
Genesis 50:15-21
15 ויראו אחי יוסף כי מת אביהם ויאמרו לו ישׂטמנו יוסף והשׁב ישׁיב לנו את כל הרעה אשׁר גמלנו אתו׃16 ויצוו אל יוסף לאמר אביך צוה לפני מותו לאמר׃17 כה תאמרו ליוסף אנא שׂא נא פשׁע אחיך וחטאתם כי רעה גמלוך ועתה שׂא נא לפשׁע עבדי אלהי אביך ויבך יוסף בדברם אליו׃18 וילכו גם אחיו ויפלו לפניו ויאמרו הננו לך לעבדים׃19 ויאמר אלהם יוסף אל תיראו כי התחת אלהים אני׃20 ואתם חשׁבתם עלי רעה אלהים חשׁבה לטבה למען עשׂה כיום הזה להחית עם רב׃21 ועתה אל תיראו אנכי אכלכל אתכם ואת טפכם וינחם אותם וידבר על לבם׃
Proverbs 12:16
16 אויל ביום יודע כעסו וכסה קלון ערום׃
Proverbs 14:29
29 ארך אפים רב תבונה וקצר רוח מרים אולת׃
Proverbs 15:18
18 אישׁ חמה יגרה מדון וארך אפים ישׁקיט ריב׃
Proverbs 16:32
32 טוב ארך אפים מגבור ומשׁל ברוחו מלכד עיר׃
Proverbs 17:14
14 פוטר מים ראשׁית מדון ולפני התגלע הריב נטושׁ׃
Proverbs 20:3
3 כבוד לאישׁ שׁבת מריב וכל אויל יתגלע׃
Proverbs 25:21
21 אם רעב שׂנאך האכלהו לחם ואם צמא השׁקהו מים׃