Proverbs 18:5 Cross References - HOT

5 שׂאת פני רשׁע לא טוב להטות צדיק במשׁפט׃

Leviticus 19:15

15 לא תעשׂו עול במשׁפט לא תשׂא פני דל ולא תהדר פני גדול בצדק תשׁפט עמיתך׃

Deuteronomy 1:16-17

16 ואצוה את שׁפטיכם בעת ההוא לאמר שׁמע בין אחיכם ושׁפטתם צדק בין אישׁ ובין אחיו ובין גרו׃17 לא תכירו פנים במשׁפט כקטן כגדל תשׁמעון לא תגורו מפני אישׁ כי המשׁפט לאלהים הוא והדבר אשׁר יקשׁה מכם תקרבון אלי ושׁמעתיו׃

Deuteronomy 16:19

19 לא תטה משׁפט לא תכיר פנים ולא תקח שׁחד כי השׁחד יעור עיני חכמים ויסלף דברי צדיקם׃

1 Kings 21:9-14

9 ותכתב בספרים לאמר קראו צום והושׁיבו את נבות בראשׁ העם׃10 והושׁיבו שׁנים אנשׁים בני בליעל נגדו ויעדהו לאמר ברכת אלהים ומלך והוציאהו וסקלהו וימת׃11 ויעשׂו אנשׁי עירו הזקנים והחרים אשׁר הישׁבים בעירו כאשׁר שׁלחה אליהם איזבל כאשׁר כתוב בספרים אשׁר שׁלחה אליהם׃12 קראו צום והשׁיבו את נבות בראשׁ העם׃13 ויבאו שׁני האנשׁים בני בליעל וישׁבו נגדו ויעדהו אנשׁי הבליעל את נבות נגד העם לאמר ברך נבות אלהים ומלך ויצאהו מחוץ לעיר ויסקלהו באבנים וימת׃14 וישׁלחו אל איזבל לאמר סקל נבות וימת׃

Job 13:7-8

7 הלאל תדברו עולה ולו תדברו רמיה׃8 הפניו תשׂאון אם לאל תריבון׃

Job 34:19

19 אשׁר לא נשׂא פני שׂרים ולא נכר שׁוע לפני דל כי מעשׂה ידיו כלם׃

Psalms 82:2

2 עד מתי תשׁפטו עול ופני רשׁעים תשׂאו סלה׃

Proverbs 17:15

15 מצדיק רשׁע ומרשׁיע צדיק תועבת יהוה גם שׁניהם׃

Proverbs 24:23

23 גם אלה לחכמים הכר פנים במשׁפט בל טוב׃

Proverbs 28:21

21 הכר פנים לא טוב ועל פת לחם יפשׁע גבר׃

Isaiah 5:23

23 מצדיקי רשׁע עקב שׁחד וצדקת צדיקים יסירו ממנו׃

Isaiah 59:14

14 והסג אחור משׁפט וצדקה מרחוק תעמד כי כשׁלה ברחוב אמת ונכחה לא תוכל לבוא׃

Micah 7:3

3 על הרע כפים להיטיב השׂר שׁאל והשׁפט בשׁלום והגדול דבר הות נפשׁו הוא ויעבתוה׃

Cross Reference data is from OpenBible.info, retrieved June 28, 2010, and licensed under a Creative Commons Attribution License.