1 לאדם מערכי לב ומיהוה מענה לשׁון׃2 כל דרכי אישׁ זך בעיניו ותכן רוחות יהוה׃3 גל אל יהוה מעשׂיך ויכנו מחשׁבתיך׃4 כל פעל יהוה למענהו וגם רשׁע ליום רעה׃5 תועבת יהוה כל גבה לב יד ליד לא ינקה׃6 בחסד ואמת יכפר עון וביראת יהוה סור מרע׃7 ברצות יהוה דרכי אישׁ גם אויביו ישׁלם אתו׃8 טוב מעט בצדקה מרב תבואות בלא משׁפט׃9 לב אדם יחשׁב דרכו ויהוה יכין צעדו׃10 קסם על שׂפתי מלך במשׁפט לא ימעל פיו׃11 פלס ומאזני משׁפט ליהוה מעשׂהו כל אבני כיס׃12 תועבת מלכים עשׂות רשׁע כי בצדקה יכון כסא׃13 רצון מלכים שׂפתי צדק ודבר ישׁרים יאהב׃14 חמת מלך מלאכי מות ואישׁ חכם יכפרנה׃15 באור פני מלך חיים ורצונו כעב מלקושׁ׃16 קנה חכמה מה טוב מחרוץ וקנות בינה נבחר מכסף׃17 מסלת ישׁרים סור מרע שׁמר נפשׁו נצר דרכו׃18 לפני שׁבר גאון ולפני כשׁלון גבה רוח׃19 טוב שׁפל רוח את עניים מחלק שׁלל את גאים׃20 משׂכיל על דבר ימצא טוב ובוטח ביהוה אשׁריו׃21 לחכם לב יקרא נבון ומתק שׂפתים יסיף לקח׃22 מקור חיים שׂכל בעליו ומוסר אולים אולת׃23 לב חכם ישׂכיל פיהו ועל שׂפתיו יסיף לקח׃24 צוף דבשׁ אמרי נעם מתוק לנפשׁ ומרפא לעצם׃25 ישׁ דרך ישׁר לפני אישׁ ואחריתה דרכי מות׃26 נפשׁ עמל עמלה לו כי אכף עליו פיהו׃27 אישׁ בליעל כרה רעה ועל שׂפתיו כאשׁ צרבת׃28 אישׁ תהפכות ישׁלח מדון ונרגן מפריד אלוף׃29 אישׁ חמס יפתה רעהו והוליכו בדרך לא טוב׃30 עצה עיניו לחשׁב תהפכות קרץ שׂפתיו כלה רעה׃31 עטרת תפארת שׂיבה בדרך צדקה תמצא׃32 טוב ארך אפים מגבור ומשׁל ברוחו מלכד עיר׃33 בחיק יוטל את הגורל ומיהוה כל משׁפטו׃
Proverbs 16 Cross References - HOT
Exodus 4:11-12
Exodus 4:15
15 ודברת אליו ושׂמת את הדברים בפיו ואנכי אהיה עם פיך ועם פיהו והוריתי אתכם את אשׁר תעשׂון׃
2 Chronicles 18:31
31 ויהי כראות שׂרי הרכב את יהושׁפט והמה אמרו מלך ישׂראל הוא ויסבו עליו להלחם ויזעק יהושׁפט ויהוה עזרו ויסיתם אלהים ממנו׃
Ezra 7:27
27 ברוך יהוה אלהי אבותינו אשׁר נתן כזאת בלב המלך לפאר את בית יהוה אשׁר בירושׁלם׃
Nehemiah 1:11
11 אנא אדני תהי נא אזנך קשׁבת אל תפלת עבדך ואל תפלת עבדיך החפצים ליראה את שׁמך והצליחה נא לעבדך היום ותנהו לרחמים לפני האישׁ הזה ואני הייתי משׁקה למלך׃
Psalms 10:17
17 תאות ענוים שׁמעת יהוה תכין לבם תקשׁיב אזנך׃
Psalms 119:36
36 הט לבי אל עדותיך ואל אל בצע׃
Proverbs 16:9
9 לב אדם יחשׁב דרכו ויהוה יכין צעדו׃
Proverbs 19:21
21 רבות מחשׁבות בלב אישׁ ועצת יהוה היא תקום׃
Proverbs 20:24
24 מיהוה מצעדי גבר ואדם מה יבין דרכו׃
Proverbs 21:1
1 פלגי מים לב מלך ביד יהוה על כל אשׁר יחפץ יטנו׃
Jeremiah 1:7-9
Jeremiah 10:23
23 ידעתי יהוה כי לא לאדם דרכו לא לאישׁ הלך והכין את צעדו׃
Jeremiah 32:39-40
Ezekiel 36:26-27
1 Samuel 15:13-14
1 Samuel 16:7
7 ויאמר יהוה אל שׁמואל אל תבט אל מראהו ואל גבה קומתו כי מאסתיהו כי לא אשׁר יראה האדם כי האדם יראה לעינים ויהוה יראה ללבב׃
Psalms 36:2
2 (36:3) כי החליק אליו בעיניו למצא עונו לשׂנא׃
Proverbs 5:21
21 כי נכח עיני יהוה דרכי אישׁ וכל מעגלתיו מפלס׃
Proverbs 16:25
25 ישׁ דרך ישׁר לפני אישׁ ואחריתה דרכי מות׃
Proverbs 21:2
2 כל דרך אישׁ ישׁר בעיניו ותכן לבות יהוה׃
Proverbs 24:12
12 כי תאמר הן לא ידענו זה הלא תכן לבות הוא יבין ונצר נפשׁך הוא ידע והשׁיב לאדם כפעלו׃
Proverbs 30:12
12 דור טהור בעיניו ומצאתו לא רחץ׃
Isaiah 26:7
7 ארח לצדיק מישׁרים ישׁר מעגל צדיק תפלס׃
Jeremiah 2:22-23
Jeremiah 17:10
10 אני יהוה חקר לב בחן כליות ולתת לאישׁ כדרכו כפרי מעלליו׃
Daniel 5:27
27 תקל תקילתה במאזניא והשׁתכחת חסיר׃
Job 5:8
8 אולם אני אדרשׁ אל אל ואל אלהים אשׂים דברתי׃
Job 22:28
28 ותגזר אומר ויקם לך ועל דרכיך נגה אור׃
Psalms 37:4-5
Psalms 55:22
22 (55:23) השׁלך על יהוה יהבך והוא יכלכלך לא יתן לעולם מוט לצדיק׃
Proverbs 3:6
6 בכל דרכיך דעהו והוא יישׁר ארחתיך׃
Isaiah 7:5-7
Job 21:30
30 כי ליום איד יחשׂך רע ליום עברות יובלו׃
Isaiah 43:7
7 כל הנקרא בשׁמי ולכבודי בראתיו יצרתיו אף עשׂיתיו׃
Isaiah 43:21
21 עם זו יצרתי לי תהלתי יספרו׃
Exodus 20:7
7 לא תשׂא את שׁם יהוה אלהיך לשׁוא כי לא ינקה יהוה את אשׁר ישׂא את שׁמו לשׁוא׃
Job 40:12
12 ראה כל גאה הכניעהו והדך רשׁעים תחתם׃
Proverbs 6:16-17
Proverbs 8:13
13 יראת יהוה שׂנאת רע גאה וגאון ודרך רע ופי תהפכות שׂנאתי׃
Proverbs 11:21
21 יד ליד לא ינקה רע וזרע צדיקים נמלט׃
Isaiah 3:11
11 אוי לרשׁע רע כי גמול ידיו יעשׂה׃
Genesis 20:11
11 ויאמר אברהם כי אמרתי רק אין יראת אלהים במקום הזה והרגוני על דבר אשׁתי׃
Nehemiah 5:9
9 ויאמר לא טוב הדבר אשׁר אתם עשׂים הלוא ביראת אלהינו תלכו מחרפת הגוים אויבינו׃
Nehemiah 5:15
15 והפחות הראשׁנים אשׁר לפני הכבידו על העם ויקחו מהם בלחם ויין אחר כסף שׁקלים ארבעים גם נעריהם שׁלטו על העם ואני לא עשׂיתי כן מפני יראת אלהים׃
Job 1:1-8
1 אישׁ היה בארץ עוץ איוב שׁמו והיה האישׁ ההוא תם וישׁר וירא אלהים וסר מרע׃2 ויולדו לו שׁבעה בנים ושׁלושׁ בנות׃3 ויהי מקנהו שׁבעת אלפי צאן ושׁלשׁת אלפי גמלים וחמשׁ מאות צמד בקר וחמשׁ מאות אתונות ועבדה רבה מאד ויהי האישׁ ההוא גדול מכל בני קדם׃4 והלכו בניו ועשׂו משׁתה בית אישׁ יומו ושׁלחו וקראו לשׁלשׁת אחיתיהם לאכל ולשׁתות עמהם׃5 ויהי כי הקיפו ימי המשׁתה וישׁלח איוב ויקדשׁם והשׁכים בבקר והעלה עלות מספר כלם כי אמר איוב אולי חטאו בני וברכו אלהים בלבבם ככה יעשׂה איוב כל הימים׃6 ויהי היום ויבאו בני האלהים להתיצב על יהוה ויבוא גם השׂטן בתוכם׃7 ויאמר יהוה אל השׂטן מאין תבא ויען השׂטן את יהוה ויאמר משׁוט בארץ ומהתהלך׃8 ויאמר יהוה אל השׂטן השׂמת לבך על עבדי איוב כי אין כמהו בארץ אישׁ תם וישׁר ירא אלהים וסר מרע׃
Job 28:28
28 ויאמר לאדם הן יראת אדני היא חכמה וסור מרע בינה׃
Psalms 85:10
10 (85:11) חסד ואמת נפגשׁו צדק ושׁלום נשׁקו׃
Proverbs 14:16
16 חכם ירא וסר מרע וכסיל מתעבר ובוטח׃
Proverbs 14:27
27 יראת יהוה מקור חיים לסור ממקשׁי מות׃
Proverbs 20:28
28 חסד ואמת יצרו מלך וסעד בחסד כסאו׃
Daniel 4:27
27 (4:24) להן מלכא מלכי ישׁפר עליך וחטיך בצדקה פרק ועויתך במחן ענין הן תהוא ארכה לשׁלותך׃
Micah 7:18-20
Genesis 27:41
41 וישׂטם עשׂו את יעקב על הברכה אשׁר ברכו אביו ויאמר עשׂו בלבו יקרבו ימי אבל אבי ואהרגה את יעקב אחי׃
Genesis 32:6-7
Genesis 32:28
28 (32:29) ויאמר לא יעקב יאמר עוד שׁמך כי אם ישׂראל כי שׂרית עם אלהים ועם אנשׁים ותוכל׃
Genesis 33:4
4 וירץ עשׂו לקראתו ויחבקהו ויפל על צוארו וישׁקהו ויבכו׃
2 Chronicles 17:10
10 ויהי פחד יהוה על כל ממלכות הארצות אשׁר סביבות יהודה ולא נלחמו עם יהושׁפט׃
Psalms 69:31
31 (69:32) ותיטב ליהוה משׁור פר מקרן מפריס׃
Jeremiah 15:11
11 אמר יהוה אם לא שׁרותך לטוב אם לוא הפגעתי בך בעת רעה ובעת צרה את האיב׃
Psalms 37:16
16 טוב מעט לצדיק מהמון רשׁעים רבים׃
Proverbs 15:16
16 טוב מעט ביראת יהוה מאוצר רב ומהומה׃
Proverbs 21:6-7
Jeremiah 17:11
11 קרא דגר ולא ילד עשׂה עשׁר ולא במשׁפט בחצי ימו יעזבנו ובאחריתו יהיה נבל׃
Micah 6:10
10 עוד האשׁ בית רשׁע אצרות רשׁע ואיפת רזון זעומה׃
Psalms 37:23
23 מיהוה מצעדי גבר כוננו ודרכו יחפץ׃
Proverbs 16:1
1 לאדם מערכי לב ומיהוה מענה לשׁון׃
Proverbs 21:30
30 אין חכמה ואין תבונה ואין עצה לנגד יהוה׃
Isaiah 46:10
10 מגיד מראשׁית אחרית ומקדם אשׁר לא נעשׂו אמר עצתי תקום וכל חפצי אעשׂה׃
Genesis 44:5
5 הלוא זה אשׁר ישׁתה אדני בו והוא נחשׁ ינחשׁ בו הרעתם אשׁר עשׂיתם׃
Genesis 44:15
15 ויאמר להם יוסף מה המעשׂה הזה אשׁר עשׂיתם הלוא ידעתם כי נחשׁ ינחשׁ אישׁ אשׁר כמני׃
Deuteronomy 17:18-20
2 Samuel 23:3-4
1 Kings 3:28
28 וישׁמעו כל ישׂראל את המשׁפט אשׁר שׁפט המלך ויראו מפני המלך כי ראו כי חכמת אלהים בקרבו לעשׂות משׁפט׃
Psalms 45:6-7
Psalms 72:1-4
Psalms 99:4
4 ועז מלך משׁפט אהב אתה כוננת מישׁרים משׁפט וצדקה ביעקב אתה עשׂית׃
Proverbs 16:12-13
Isaiah 32:1-2
Jeremiah 23:5-6
Hosea 10:4
4 דברו דברים אלות שׁוא כרת ברית ופרח כראשׁ משׁפט על תלמי שׂדי׃
Amos 5:7
7 ההפכים ללענה משׁפט וצדקה לארץ הניחו׃
Amos 6:12
12 הירצון בסלע סוסים אם יחרושׁ בבקרים כי הפכתם לראשׁ משׁפט ופרי צדקה ללענה׃
Leviticus 19:35-36
Deuteronomy 25:13-15
Proverbs 11:1
1 מאזני מרמה תועבת יהוה ואבן שׁלמה רצונו׃
Proverbs 20:10
10 אבן ואבן איפה ואיפה תועבת יהוה גם שׁניהם׃
Proverbs 20:23
23 תועבת יהוה אבן ואבן ומאזני מרמה לא טוב׃
Ezekiel 45:10
10 מאזני צדק ואיפת צדק ובת צדק יהי׃
Hosea 12:7
7 (12:8) כנען בידו מאזני מרמה לעשׁק אהב׃
Amos 8:5
5 לאמר מתי יעבר החדשׁ ונשׁבירה שׁבר והשׁבת ונפתחה בר להקטין איפה ולהגדיל שׁקל ולעות מאזני מרמה׃
Micah 6:11
11 האזכה במאזני רשׁע ובכיס אבני מרמה׃
Deuteronomy 25:16
16 כי תועבת יהוה אלהיך כל עשׂה אלה כל עשׂה עול׃
Proverbs 20:18
18 מחשׁבות בעצה תכון ובתחבלות עשׂה מלחמה׃
Proverbs 25:5
5 הגו רשׁע לפני מלך ויכון בצדק כסאו׃
Proverbs 28:9
9 מסיר אזנו משׁמע תורה גם תפלתו תועבה׃
Proverbs 29:14
14 מלך שׁופט באמת דלים כסאו לעד יכון׃
Psalms 101:5-7
Proverbs 14:35
35 רצון מלך לעבד משׂכיל ועברתו תהיה מבישׁ׃
Proverbs 22:11
11 אהב טהור לב חן שׂפתיו רעהו מלך׃
2 Kings 6:31-33
31 ויאמר כה יעשׂה לי אלהים וכה יוסף אם יעמד ראשׁ אלישׁע בן שׁפט עליו היום׃32 ואלישׁע ישׁב בביתו והזקנים ישׁבים אתו וישׁלח אישׁ מלפניו בטרם יבא המלאך אליו והוא אמר אל הזקנים הראיתם כי שׁלח בן המרצח הזה להסיר את ראשׁי ראו כבא המלאך סגרו הדלת ולחצתם אתו בדלת הלוא קול רגלי אדניו אחריו׃33 עודנו מדבר עמם והנה המלאך ירד אליו ויאמר הנה זאת הרעה מאת יהוה מה אוחיל ליהוה עוד׃
Proverbs 17:11
11 אך מרי יבקשׁ רע ומלאך אכזרי ישׁלח׃
Proverbs 19:12
12 נהם ככפיר זעף מלך וכטל על עשׂב רצונו׃
Proverbs 20:2
2 נהם ככפיר אימת מלך מתעברו חוטא נפשׁו׃
Ecclesiastes 10:4
4 אם רוח המושׁל תעלה עליך מקומך אל תנח כי מרפא יניח חטאים גדולים׃
Daniel 3:13-25
13 באדין נבוכדנצר ברגז וחמה אמר להיתיה לשׁדרך מישׁך ועבד נגו באדין גבריא אלך היתיו קדם מלכא׃14 ענה נבכדנצר ואמר להון הצדא שׁדרך מישׁך ועבד נגו לאלהי לא איתיכון פלחין ולצלם דהבא די הקימת לא סגדין׃15 כען הן איתיכון עתידין די בעדנא די תשׁמעון קל קרנא משׁרוקיתא קיתרס שׂבכא פסנתרין וסומפניה וכל זני זמרא תפלון ותסגדון לצלמא די עבדת והן לא תסגדון בה שׁעתה תתרמון לגוא אתון נורא יקדתא ומן הוא אלה די ישׁיזבנכון מן ידי׃16 ענו שׁדרך מישׁך ועבד נגו ואמרין למלכא נבוכדנצר לא חשׁחין אנחנה על דנה פתגם להתבותך׃17 הן איתי אלהנא די אנחנא פלחין יכל לשׁיזבותנא מן אתון נורא יקדתא ומן ידך מלכא ישׁיזב׃18 והן לא ידיע להוא לך מלכא די לאלהיך לא איתינא פלחין ולצלם דהבא די הקימת לא נסגד׃19 באדין נבוכדנצר התמלי חמא וצלם אנפוהי אשׁתנו על שׁדרך מישׁך ועבד נגו ענה ואמר למזא לאתונא חד שׁבעה על די חזה למזיה׃20 ולגברין גברי חיל די בחילה אמר לכפתה לשׁדרך מישׁך ועבד נגו למרמא לאתון נורא יקדתא׃21 באדין גבריא אלך כפתו בסרבליהון פטישׁיהון וכרבלתהון ולבשׁיהון ורמיו לגוא אתון נורא יקדתא׃22 כל קבל דנה מן די מלת מלכא מחצפה ואתונא אזה יתירא גבריא אלך די הסקו לשׁדרך מישׁך ועבד נגו קטל המון שׁביבא די נורא׃23 וגבריא אלך תלתהון שׁדרך מישׁך ועבד נגו נפלו לגוא אתון נורא יקדתא מכפתין׃24 אדין נבוכדנצר מלכא תוה וקם בהתבהלה ענה ואמר להדברוהי הלא גברין תלתא רמינא לגוא נורא מכפתין ענין ואמרין למלכא יציבא מלכא׃25 ענה ואמר הא אנה חזה גברין ארבעה שׁרין מהלכין בגוא נורא וחבל לא איתי בהון ורוה די רביעיא דמה לבר אלהין׃
Job 29:23-24
Psalms 4:6
6 (4:7) רבים אמרים מי יראנו טוב נסה עלינו אור פניך יהוה׃
Psalms 21:6
6 (21:7) כי תשׁיתהו ברכות לעד תחדהו בשׂמחה את פניך׃
Psalms 30:5
5 (30:6) כי רגע באפו חיים ברצונו בערב ילין בכי ולבקר רנה׃
Psalms 72:6
6 ירד כמטר על גז כרביבים זרזיף ארץ׃
Hosea 6:3
3 ונדעה נרדפה לדעת את יהוה כשׁחר נכון מוצאו ויבוא כגשׁם לנו כמלקושׁ יורה ארץ׃
Zechariah 10:1
1 שׁאלו מיהוה מטר בעת מלקושׁ יהוה עשׂה חזיזים ומטר גשׁם יתן להם לאישׁ עשׂב בשׂדה׃
Job 28:13-28
13 לא ידע אנושׁ ערכה ולא תמצא בארץ החיים׃14 תהום אמר לא בי היא וים אמר אין עמדי׃15 לא יתן סגור תחתיה ולא ישׁקל כסף מחירה׃16 לא תסלה בכתם אופיר בשׁהם יקר וספיר׃17 לא יערכנה זהב וזכוכית ותמורתה כלי פז׃18 ראמות וגבישׁ לא יזכר ומשׁך חכמה מפנינים׃19 לא יערכנה פטדת כושׁ בכתם טהור לא תסלה׃20 והחכמה מאין תבוא ואי זה מקום בינה׃21 ונעלמה מעיני כל חי ומעוף השׁמים נסתרה׃22 אבדון ומות אמרו באזנינו שׁמענו שׁמעה׃23 אלהים הבין דרכה והוא ידע את מקומה׃24 כי הוא לקצות הארץ יביט תחת כל השׁמים יראה׃25 לעשׂות לרוח משׁקל ומים תכן במדה׃26 בעשׂתו למטר חק ודרך לחזיז קלות׃27 אז ראה ויספרה הכינה וגם חקרה׃28 ויאמר לאדם הן יראת אדני היא חכמה וסור מרע בינה׃
Psalms 119:127
127 על כן אהבתי מצותיך מזהב ומפז׃
Proverbs 3:15-18
Proverbs 4:7
7 ראשׁית חכמה קנה חכמה ובכל קנינך קנה בינה׃
Proverbs 8:10-11
Proverbs 8:19
19 טוב פריי מחרוץ ומפז ותבואתי מכסף נבחר׃
Ecclesiastes 7:12
12 כי בצל החכמה בצל הכסף ויתרון דעת החכמה תחיה בעליה׃
Proverbs 4:24-27
Proverbs 10:9
9 הולך בתם ילך בטח ומעקשׁ דרכיו יודע׃
Proverbs 19:16
16 שׁמר מצוה שׁמר נפשׁו בוזה דרכיו יומת׃
Isaiah 35:8
8 והיה שׁם מסלול ודרך ודרך הקדשׁ יקרא לה לא יעברנו טמא והוא למו הלך דרך ואוילים לא יתעו׃
Esther 3:5
5 וירא המן כי אין מרדכי כרע ומשׁתחוה לו וימלא המן חמה׃
Esther 6:6
6 ויבוא המן ויאמר לו המלך מה לעשׂות באישׁ אשׁר המלך חפץ ביקרו ויאמר המן בלבו למי יחפץ המלך לעשׂות יקר יותר ממני׃
Esther 7:10
10 ויתלו את המן על העץ אשׁר הכין למרדכי וחמת המלך שׁככה׃
Proverbs 11:2
2 בא זדון ויבא קלון ואת צנועים חכמה׃
Proverbs 17:19
19 אהב פשׁע אהב מצה מגביה פתחו מבקשׁ שׁבר׃
Proverbs 18:12
12 לפני שׁבר יגבה לב אישׁ ולפני כבוד ענוה׃
Proverbs 29:23
23 גאות אדם תשׁפילנו ושׁפל רוח יתמך כבוד׃
Isaiah 2:11-12
Isaiah 37:10-13
Isaiah 37:38
38 ויהי הוא משׁתחוה בית נסרך אלהיו ואדרמלך ושׂראצר בניו הכהו בחרב והמה נמלטו ארץ אררט וימלך אסר חדן בנו תחתיו׃
Daniel 4:30-37
30 (4:27) ענה מלכא ואמר הלא דא היא בבל רבתא די אנה בניתה לבית מלכו בתקף חסני וליקר הדרי׃31 (4:28) עוד מלתא בפם מלכא קל מן שׁמיא נפל לך אמרין נבוכדנצר מלכא מלכותה עדת מנך׃32 (4:29) ומן אנשׁא לך טרדין ועם חיות ברא מדרך עשׂבא כתורין לך יטעמון ושׁבעה עדנין יחלפון עליך עד די תנדע די שׁליט עליא במלכות אנשׁא ולמן די יצבא יתננה׃33 (4:30) בה שׁעתא מלתא ספת על נבוכדנצר ומן אנשׁא טריד ועשׂבא כתורין יאכל ומטל שׁמיא גשׁמה יצטבע עד די שׂערה כנשׁרין רבה וטפרוהי כצפרין׃34 (4:31) ולקצת יומיה אנה נבוכדנצר עיני לשׁמיא נטלת ומנדעי עלי יתוב ולעליא ברכת ולחי עלמא שׁבחת והדרת די שׁלטנה שׁלטן עלם ומלכותה עם דר ודר׃35 (4:32) וכל דארי ארעא כלה חשׁיבין וכמצביה עבד בחיל שׁמיא ודארי ארעא ולא איתי די ימחא בידה ויאמר לה מה עבדת׃36 (4:33) בה זמנא מנדעי יתוב עלי וליקר מלכותי הדרי וזוי יתוב עלי ולי הדברי ורברבני יבעון ועל מלכותי התקנת ורבו יתירה הוספת׃37 (4:34) כען אנה נבוכדנצר משׁבח ומרומם ומהדר למלך שׁמיא די כל מעבדוהי קשׁט וארחתה דין ודי מהלכין בגוה יכל להשׁפלה׃
Daniel 5:22
22 ואנתה ברה בלשׁאצר לא השׁפלת לבבך כל קבל די כל דנה ידעת׃
Daniel 5:24
24 באדין מן קדמוהי שׁליח פסא די ידא וכתבא דנה רשׁים׃
Obadiah 1:3-4
Exodus 15:9
9 אמר אויב ארדף אשׂיג אחלק שׁלל תמלאמו נפשׁי אריק חרבי תורישׁמו ידי׃
Psalms 34:18
18 (34:19) קרוב יהוה לנשׁברי לב ואת דכאי רוח יושׁיע׃
Psalms 138:6
6 כי רם יהוה ושׁפל יראה וגבה ממרחק יידע׃
Isaiah 9:3
3 (9:2) הרבית הגוי לא הגדלת השׂמחה שׂמחו לפניך כשׂמחת בקציר כאשׁר יגילו בחלקם שׁלל׃
Isaiah 10:6
6 בגוי חנף אשׁלחנו ועל עם עברתי אצונו לשׁלל שׁלל ולבז בז ולשׂימו מרמס כחמר חוצות׃
Isaiah 10:13-15
Isaiah 53:12
12 לכן אחלק לו ברבים ואת עצומים יחלק שׁלל תחת אשׁר הערה למות נפשׁו ואת פשׁעים נמנה והוא חטא רבים נשׂא ולפשׁעים יפגיע׃
Isaiah 57:15
15 כי כה אמר רם ונשׂא שׁכן עד וקדושׁ שׁמו מרום וקדושׁ אשׁכון ואת דכא ושׁפל רוח להחיות רוח שׁפלים ולהחיות לב נדכאים׃
Genesis 41:38-40
1 Chronicles 5:20
20 ויעזרו עליהם וינתנו בידם ההגריאים וכל שׁעמהם כי לאלהים זעקו במלחמה ונעתור להם כי בטחו׃
Psalms 2:12
12 נשׁקו בר פן יאנף ותאבדו דרך כי יבער כמעט אפו אשׁרי כל חוסי׃
Psalms 34:8
8 (34:9) טעמו וראו כי טוב יהוה אשׁרי הגבר יחסה׃
Psalms 125:1
1 שׁיר המעלות הבטחים ביהוה כהר ציון לא ימוט לעולם ישׁב׃
Psalms 146:5
5 אשׁרי שׁאל יעקב בעזרו שׂברו על יהוה אלהיו׃
Proverbs 8:35
35 כי מצאי מצאי חיים ויפק רצון מיהוה׃
Proverbs 13:15
15 שׂכל טוב יתן חן ודרך בגדים איתן׃
Proverbs 17:2
2 עבד משׂכיל ימשׁל בבן מבישׁ ובתוך אחים יחלק נחלה׃
Proverbs 19:8
8 קנה לב אהב נפשׁו שׁמר תבונה למצא טוב׃
Proverbs 22:19-20
Proverbs 24:3-5
Isaiah 26:3-4
Isaiah 30:18
18 ולכן יחכה יהוה לחננכם ולכן ירום לרחמכם כי אלהי משׁפט יהוה אשׁרי כל חוכי׃
Jeremiah 17:7-8
Daniel 1:19-21
Daniel 3:28
28 ענה נבוכדנצר ואמר בריך אלההון די שׁדרך מישׁך ועבד נגו די שׁלח מלאכה ושׁיזב לעבדוהי די התרחצו עלוהי ומלת מלכא שׁניו ויהבו גשׁמיהון די לא יפלחון ולא יסגדון לכל אלה להן לאלההון׃
Daniel 6:23
23 (6:24) באדין מלכא שׂגיא טאב עלוהי ולדניאל אמר להנסקה מן גבא והסק דניאל מן גבא וכל חבל לא השׁתכח בה די הימן באלהה׃
1 Kings 3:12
12 הנה עשׂיתי כדבריך הנה נתתי לך לב חכם ונבון אשׁר כמוך לא היה לפניך ואחריך לא יקום כמוך׃
Psalms 45:2
2 (45:3) יפיפית מבני אדם הוצק חן בשׂפתותיך על כן ברכך אלהים לעולם׃
Proverbs 10:8
8 חכם לב יקח מצות ואויל שׂפתים ילבט׃
Proverbs 15:7
7 שׂפתי חכמים יזרו דעת ולב כסילים לא כן׃
Proverbs 16:23-24
Proverbs 23:15
15 בני אם חכם לבך ישׂמח לבי גם אני׃
Proverbs 27:9
9 שׁמן וקטרת ישׂמח לב ומתק רעהו מעצת נפשׁ׃
Ecclesiastes 12:10
10 בקשׁ קהלת למצא דברי חפץ וכתוב ישׁר דברי אמת׃
Isaiah 50:4
4 אדני יהוה נתן לי לשׁון למודים לדעת לעות את יעף דבר יעיר בבקר בבקר יעיר לי אזן לשׁמע כלמודים׃
Proverbs 10:11
11 מקור חיים פי צדיק ופי רשׁעים יכסה חמס׃
Proverbs 13:14
14 תורת חכם מקור חיים לסור ממקשׁי מות׃
Proverbs 15:2
2 לשׁון חכמים תיטיב דעת ופי כסילים יביע אולת׃
Proverbs 15:28
28 לב צדיק יהגה לענות ופי רשׁעים יביע רעות׃
Proverbs 18:4
4 מים עמקים דברי פי אישׁ נחל נבע מקור חכמה׃
Psalms 37:30-31
Psalms 45:1
1 למנצח על שׁשׁנים לבני קרח משׂכיל שׁיר ידידת׃ (45:2) רחשׁ לבי דבר טוב אני מעשׂי אמר למלך לשׁוני עט סופר מהיר׃
Proverbs 22:17-18
Deuteronomy 32:2
2 יערף כמטר לקחי תזל כטל אמרתי כשׂעירם עלי דשׁא וכרביבים עלי עשׂב׃
Psalms 19:10
10 (19:11) הנחמדים מזהב ומפז רב ומתוקים מדבשׁ ונפת צופים׃
Psalms 119:103
103 מה נמלצו לחכי אמרתך מדבשׁ לפי׃
Proverbs 3:8
8 רפאות תהי לשׁרך ושׁקוי לעצמותיך׃
Proverbs 4:22
22 כי חיים הם למצאיהם ולכל בשׂרו מרפא׃
Proverbs 12:18
18 ישׁ בוטה כמדקרות חרב ולשׁון חכמים מרפא׃
Proverbs 15:23
23 שׂמחה לאישׁ במענה פיו ודבר בעתו מה טוב׃
Proverbs 15:26
26 תועבת יהוה מחשׁבות רע וטהרים אמרי נעם׃
Proverbs 23:16
16 ותעלזנה כליותי בדבר שׂפתיך מישׁרים׃
Proverbs 24:13-14
Proverbs 25:11-12
Song of Songs 4:11
11 נפת תטפנה שׂפתותיך כלה דבשׁ וחלב תחת לשׁונך וריח שׂלמתיך כריח לבנון׃
Jeremiah 15:16
16 נמצאו דבריך ואכלם ויהי דבריך לי לשׂשׂון ולשׂמחת לבבי כי נקרא שׁמך עלי יהוה אלהי צבאות׃
Proverbs 12:15
15 דרך אויל ישׁר בעיניו ושׁמע לעצה חכם׃
Proverbs 12:26
26 יתר מרעהו צדיק ודרך רשׁעים תתעם׃
Proverbs 14:12
12 ישׁ דרך ישׁר לפני אישׁ ואחריתה דרכי מות׃
Isaiah 28:15-19
15 כי אמרתם כרתנו ברית את מות ועם שׁאול עשׂינו חזה שׁיט שׁוטף כי עבר לא יבואנו כי שׂמנו כזב מחסנו ובשׁקר נסתרנו׃16 לכן כה אמר אדני יהוה הנני יסד בציון אבן אבן בחן פנת יקרת מוסד מוסד המאמין לא יחישׁ׃17 ושׂמתי משׁפט לקו וצדקה למשׁקלת ויעה ברד מחסה כזב וסתר מים ישׁטפו׃18 וכפר בריתכם את מות וחזותכם את שׁאול לא תקום שׁוט שׁוטף כי יעבר והייתם לו למרמס׃19 מדי עברו יקח אתכם כי בבקר בבקר יעבר ביום ובלילה והיה רק זועה הבין שׁמועה׃
Proverbs 9:12
12 אם חכמת חכמת לך ולצת לבדך תשׂא׃
Proverbs 14:23
23 בכל עצב יהיה מותר ודבר שׂפתים אך למחסור׃
Ecclesiastes 6:7
7 כל עמל האדם לפיהו וגם הנפשׁ לא תמלא׃
1 Samuel 25:17
17 ועתה דעי וראי מה תעשׂי כי כלתה הרעה אל אדנינו ועל כל ביתו והוא בן בליעל מדבר אליו׃
2 Samuel 20:1
1 ושׁם נקרא אישׁ בליעל ושׁמו שׁבע בן בכרי אישׁ ימיני ויתקע בשׁפר ויאמר אין לנו חלק בדוד ולא נחלה לנו בבן ישׁי אישׁ לאהליו ישׂראל׃
Psalms 17:14-15
Psalms 52:2-4
Psalms 57:4
4 (57:5) נפשׁי בתוך לבאם אשׁכבה להטים בני אדם שׁניהם חנית וחצים ולשׁונם חרב חדה׃
Proverbs 2:4
4 אם תבקשׁנה ככסף וכמטמונים תחפשׂנה׃
Proverbs 6:12
12 אדם בליעל אישׁ און הולך עקשׁות פה׃
Proverbs 6:14
14 תהפכות בלבו חרשׁ רע בכל עת מדנים ישׁלח׃
Isaiah 5:18
18 הוי משׁכי העון בחבלי השׁוא וכעבות העגלה חטאה׃
Habakkuk 2:13
13 הלוא הנה מאת יהוה צבאות וייגעו עמים בדי אשׁ ולאמים בדי ריק יעפו׃
Genesis 3:1-13
1 והנחשׁ היה ערום מכל חית השׂדה אשׁר עשׂה יהוה אלהים ויאמר אל האשׁה אף כי אמר אלהים לא תאכלו מכל עץ הגן׃2 ותאמר האשׁה אל הנחשׁ מפרי עץ הגן נאכל׃3 ומפרי העץ אשׁר בתוך הגן אמר אלהים לא תאכלו ממנו ולא תגעו בו פן תמתון׃4 ויאמר הנחשׁ אל האשׁה לא מות תמתון׃5 כי ידע אלהים כי ביום אכלכם ממנו ונפקחו עיניכם והייתם כאלהים ידעי טוב ורע׃6 ותרא האשׁה כי טוב העץ למאכל וכי תאוה הוא לעינים ונחמד העץ להשׂכיל ותקח מפריו ותאכל ותתן גם לאישׁה עמה ויאכל׃7 ותפקחנה עיני שׁניהם וידעו כי עירמם הם ויתפרו עלה תאנה ויעשׂו להם חגרת׃8 וישׁמעו את קול יהוה אלהים מתהלך בגן לרוח היום ויתחבא האדם ואשׁתו מפני יהוה אלהים בתוך עץ הגן׃9 ויקרא יהוה אלהים אל האדם ויאמר לו איכה׃10 ויאמר את קלך שׁמעתי בגן ואירא כי עירם אנכי ואחבא׃11 ויאמר מי הגיד לך כי עירם אתה המן העץ אשׁר צויתיך לבלתי אכל ממנו אכלת׃12 ויאמר האדם האשׁה אשׁר נתתה עמדי הוא נתנה לי מן העץ ואכל׃13 ויאמר יהוה אלהים לאשׁה מה זאת עשׂית ותאמר האשׁה הנחשׁ השׁיאני ואכל׃
1 Samuel 24:9
9 (24:10) ויאמר דוד לשׁאול למה תשׁמע את דברי אדם לאמר הנה דוד מבקשׁ רעתך׃
Proverbs 6:19
19 יפיח כזבים עד שׁקר ומשׁלח מדנים בין אחים׃
Proverbs 15:18
18 אישׁ חמה יגרה מדון וארך אפים ישׁקיט ריב׃
Proverbs 17:9
9 מכסה פשׁע מבקשׁ אהבה ושׁנה בדבר מפריד אלוף׃
Proverbs 18:8
8 דברי נרגן כמתלהמים והם ירדו חדרי בטן׃
Proverbs 26:20-22
Proverbs 29:22
22 אישׁ אף יגרה מדון ובעל חמה רב פשׁע׃
Proverbs 30:33
33 כי מיץ חלב יוציא חמאה ומיץ אף יוציא דם ומיץ אפים יוציא ריב׃
1 Samuel 19:11
11 וישׁלח שׁאול מלאכים אל בית דוד לשׁמרו ולהמיתו בבקר ותגד לדוד מיכל אשׁתו לאמר אם אינך ממלט את נפשׁך הלילה מחר אתה מומת׃
1 Samuel 19:17
17 ויאמר שׁאול אל מיכל למה ככה רמיתני ותשׁלחי את איבי וימלט ותאמר מיכל אל שׁאול הוא אמר אלי שׁלחני למה אמיתך׃
1 Samuel 22:7-9
7 ויאמר שׁאול לעבדיו הנצבים עליו שׁמעו נא בני ימיני גם לכלכם יתן בן ישׁי שׂדות וכרמים לכלכם ישׂים שׂרי אלפים ושׂרי מאות׃8 כי קשׁרתם כלכם עלי ואין גלה את אזני בכרת בני עם בן ישׁי ואין חלה מכם עלי וגלה את אזני כי הקים בני את עבדי עלי לארב כיום הזה׃9 ויען דאג האדמי והוא נצב על עבדי שׁאול ויאמר ראיתי את בן ישׁי בא נבה אל אחימלך בן אחטוב׃
1 Samuel 23:19-21
Nehemiah 6:13
13 למען שׂכור הוא למען אירא ואעשׂה כן וחטאתי והיה להם לשׁם רע למען יחרפוני׃
Proverbs 1:10-14
Proverbs 2:12-15
Proverbs 3:31
31 אל תקנא באישׁ חמס ואל תבחר בכל דרכיו׃
Proverbs 6:12-14
Proverbs 10:10
10 קרץ עין יתן עצבת ואויל שׂפתים ילבט׃
Proverbs 16:27
27 אישׁ בליעל כרה רעה ועל שׂפתיו כאשׁ צרבת׃
Isaiah 6:10
10 השׁמן לב העם הזה ואזניו הכבד ועיניו השׁע פן יראה בעיניו ובאזניו ישׁמע ולבבו יבין ושׁב ורפא׃
Micah 7:3
3 על הרע כפים להיטיב השׂר שׁאל והשׁפט בשׁלום והגדול דבר הות נפשׁו הוא ויעבתוה׃
Genesis 47:7-10
Leviticus 19:32
32 מפני שׂיבה תקום והדרת פני זקן ויראת מאלהיך אני יהוה׃
1 Samuel 12:2-5
2 ועתה הנה המלך מתהלך לפניכם ואני זקנתי ושׂבתי ובני הנם אתכם ואני התהלכתי לפניכם מנערי עד היום הזה׃3 הנני ענו בי נגד יהוה ונגד משׁיחו את שׁור מי לקחתי וחמור מי לקחתי ואת מי עשׁקתי את מי רצותי ומיד מי לקחתי כפר ואעלים עיני בו ואשׁיב׃4 ויאמרו לא עשׁקתנו ולא רצותנו ולא לקחת מיד אישׁ מאומה׃5 ויאמר אליהם עד יהוה בכם ועד משׁיחו היום הזה כי לא מצאתם בידי מאומה ויאמר עד׃
1 Chronicles 29:10-25
10 ויברך דויד את יהוה לעיני כל הקהל ויאמר דויד ברוך אתה יהוה אלהי ישׂראל אבינו מעולם ועד עולם׃11 לך יהוה הגדלה והגבורה והתפארת והנצח וההוד כי כל בשׁמים ובארץ לך יהוה הממלכה והמתנשׂא לכל לראשׁ׃12 והעשׁר והכבוד מלפניך ואתה מושׁל בכל ובידך כח וגבורה ובידך לגדל ולחזק לכל׃13 ועתה אלהינו מודים אנחנו לך ומהללים לשׁם תפארתך׃14 וכי מי אני ומי עמי כי נעצר כח להתנדב כזאת כי ממך הכל ומידך נתנו׃15 כי גרים אנחנו לפניך ותושׁבים ככל אבתינו כצל ימינו על הארץ ואין מקוה׃16 יהוה אלהינו כל ההמון הזה אשׁר הכיננו לבנות לך בית לשׁם קדשׁך מידך היא ולך הכל׃17 וידעתי אלהי כי אתה בחן לבב ומישׁרים תרצה אני בישׁר לבבי התנדבתי כל אלה ועתה עמך הנמצאו פה ראיתי בשׂמחה להתנדב׃18 יהוה אלהי אברהם יצחק וישׂראל אבתינו שׁמרה זאת לעולם ליצר מחשׁבות לבב עמך והכן לבבם אליך׃19 ולשׁלמה בני תן לבב שׁלם לשׁמור מצותיך עדותיך וחקיך ולעשׂות הכל ולבנות הבירה אשׁר הכינותי׃20 ויאמר דויד לכל הקהל ברכו נא את יהוה אלהיכם ויברכו כל הקהל ליהוה אלהי אבתיהם ויקדו וישׁתחוו ליהוה ולמלך׃21 ויזבחו ליהוה זבחים ויעלו עלות ליהוה למחרת היום ההוא פרים אלף אילים אלף כבשׂים אלף ונסכיהם וזבחים לרב לכל ישׂראל׃22 ויאכלו וישׁתו לפני יהוה ביום ההוא בשׂמחה גדולה וימליכו שׁנית לשׁלמה בן דויד וימשׁחו ליהוה לנגיד ולצדוק לכהן׃23 וישׁב שׁלמה על כסא יהוה למלך תחת דויד אביו ויצלח וישׁמעו אליו כל ישׂראל׃24 וכל השׂרים והגברים וגם כל בני המלך דויד נתנו יד תחת שׁלמה המלך׃25 ויגדל יהוה את שׁלמה למעלה לעיני כל ישׂראל ויתן עליו הוד מלכות אשׁר לא היה על כל מלך לפניו על ישׂראל׃
Job 32:6-7
Proverbs 3:1-2
Proverbs 17:6
6 עטרת זקנים בני בנים ותפארת בנים אבותם׃
Proverbs 20:29
29 תפארת בחורים כחם והדר זקנים שׂיבה׃
Ecclesiastes 4:13
13 טוב ילד מסכן וחכם ממלך זקן וכסיל אשׁר לא ידע להזהר עוד׃
Psalms 103:8
8 רחום וחנון יהוה ארך אפים ורב חסד׃
Proverbs 14:29
29 ארך אפים רב תבונה וקצר רוח מרים אולת׃
Proverbs 16:19
19 טוב שׁפל רוח את עניים מחלק שׁלל את גאים׃
Proverbs 19:11
11 שׂכל אדם האריך אפו ותפארתו עבר על פשׁע׃
Proverbs 25:28
28 עיר פרוצה אין חומה אישׁ אשׁר אין מעצר לרוחו׃
Numbers 26:55-65
55 אך בגורל יחלק את הארץ לשׁמות מטות אבתם ינחלו׃56 על פי הגורל תחלק נחלתו בין רב למעט׃57 ואלה פקודי הלוי למשׁפחתם לגרשׁון משׁפחת הגרשׁני לקהת משׁפחת הקהתי למררי משׁפחת המררי׃58 אלה משׁפחת לוי משׁפחת הלבני משׁפחת החברני משׁפחת המחלי משׁפחת המושׁי משׁפחת הקרחי וקהת הולד את עמרם׃59 ושׁם אשׁת עמרם יוכבד בת לוי אשׁר ילדה אתה ללוי במצרים ותלד לעמרם את אהרן ואת משׁה ואת מרים אחתם׃60 ויולד לאהרן את נדב ואת אביהוא את אלעזר ואת איתמר׃61 וימת נדב ואביהוא בהקריבם אשׁ זרה לפני יהוה׃62 ויהיו פקדיהם שׁלשׁה ועשׂרים אלף כל זכר מבן חדשׁ ומעלה כי לא התפקדו בתוך בני ישׂראל כי לא נתן להם נחלה בתוך בני ישׂראל׃63 אלה פקודי משׁה ואלעזר הכהן אשׁר פקדו את בני ישׂראל בערבת מואב על ירדן ירחו׃64 ובאלה לא היה אישׁ מפקודי משׁה ואהרן הכהן אשׁר פקדו את בני ישׂראל במדבר סיני׃65 כי אמר יהוה להם מות ימתו במדבר ולא נותר מהם אישׁ כי אם כלב בן יפנה ויהושׁע בן נון׃
Joshua 7:14
14 ונקרבתם בבקר לשׁבטיכם והיה השׁבט אשׁר ילכדנו יהוה יקרב למשׁפחות והמשׁפחה אשׁר ילכדנה יהוה תקרב לבתים והבית אשׁר ילכדנו יהוה יקרב לגברים׃
Joshua 18:5
5 והתחלקו אתה לשׁבעה חלקים יהודה יעמד על גבולו מנגב ובית יוסף יעמדו על גבולם מצפון׃
Joshua 18:10
10 וישׁלך להם יהושׁע גורל בשׁלה לפני יהוה ויחלק שׁם יהושׁע את הארץ לבני ישׂראל כמחלקתם׃
1 Samuel 14:41-42
Nehemiah 11:1
1 וישׁבו שׂרי העם בירושׁלם ושׁאר העם הפילו גורלות להביא אחד מן העשׂרה לשׁבת בירושׁלם עיר הקדשׁ ותשׁע הידות בערים׃
Proverbs 18:18
18 מדינים ישׁבית הגורל ובין עצומים יפריד׃
Proverbs 29:26
26 רבים מבקשׁים פני מושׁל ומיהוה משׁפט אישׁ׃
Jonah 1:7
7 ויאמרו אישׁ אל רעהו לכו ונפילה גורלות ונדעה בשׁלמי הרעה הזאת לנו ויפלו גורלות ויפל הגורל על יונה׃