Proverbs 15:32 Cross References - HOT

32 פורע מוסר מואס נפשׁו ושׁומע תוכחת קונה לב׃

Deuteronomy 21:18

18 כי יהיה לאישׁ בן סורר ומורה איננו שׁמע בקול אביו ובקול אמו ויסרו אתו ולא ישׁמע אליהם׃

Deuteronomy 21:20

20 ואמרו אל זקני עירו בננו זה סורר ומרה איננו שׁמע בקלנו זולל וסבא׃

Psalms 50:17

17 ואתה שׂנאת מוסר ותשׁלך דברי אחריך׃

Proverbs 1:7

7 יראת יהוה ראשׁית דעת חכמה ומוסר אוילים בזו׃

Proverbs 1:24-33

24 יען קראתי ותמאנו נטיתי ידי ואין מקשׁיב׃25 ותפרעו כל עצתי ותוכחתי לא אביתם׃26 גם אני באידכם אשׂחק אלעג בבא פחדכם׃27 בבא כשׁאוה פחדכם ואידכם כסופה יאתה בבא עליכם צרה וצוקה׃28 אז יקראנני ולא אענה ישׁחרנני ולא ימצאנני׃29 תחת כי שׂנאו דעת ויראת יהוה לא בחרו׃30 לא אבו לעצתי נאצו כל תוכחתי׃31 ויאכלו מפרי דרכם וממעצתיהם ישׂבעו׃32 כי משׁובת פתים תהרגם ושׁלות כסילים תאבדם׃33 ושׁמע לי ישׁכן בטח ושׁאנן מפחד רעה׃

Proverbs 5:11-13

11 ונהמת באחריתך בכלות בשׂרך ושׁארך׃12 ואמרת איך שׂנאתי מוסר ותוכחת נאץ לבי׃13 ולא שׁמעתי בקול מורי ולמלמדי לא הטיתי אזני׃

Proverbs 8:33-36

33 שׁמעו מוסר וחכמו ואל תפרעו׃34 אשׁרי אדם שׁמע לי לשׁקד על דלתתי יום יום לשׁמר מזוזת פתחי׃35 כי מצאי מצאי חיים ויפק רצון מיהוה׃36 וחטאי חמס נפשׁו כל משׂנאי אהבו מות׃

Proverbs 15:14

14 לב נבון יבקשׁ דעת ופני כסילים ירעה אולת׃

Proverbs 15:21

21 אולת שׂמחה לחסר לב ואישׁ תבונה יישׁר לכת׃

Proverbs 17:16

16 למה זה מחיר ביד כסיל לקנות חכמה ולב אין׃

Proverbs 18:15

15 לב נבון יקנה דעת ואזן חכמים תבקשׁ דעת׃

Proverbs 29:1

1 אישׁ תוכחות מקשׁה ערף פתע ישׁבר ואין מרפא׃

Isaiah 1:5

5 על מה תכו עוד תוסיפו סרה כל ראשׁ לחלי וכל לבב דוי׃

Jeremiah 5:3

3 יהוה עיניך הלוא לאמונה הכיתה אתם ולא חלו כליתם מאנו קחת מוסר חזקו פניהם מסלע מאנו לשׁוב׃

Ezekiel 24:13-14

13 בטמאתך זמה יען טהרתיך ולא טהרת מטמאתך לא תטהרי עוד עד הניחי את חמתי׃14 אני יהוה דברתי באה ועשׂיתי לא אפרע ולא אחוס ולא אנחם כדרכיך וכעלילותיך שׁפטוך נאם אדני יהוה׃

Cross Reference data is from OpenBible.info, retrieved June 28, 2010, and licensed under a Creative Commons Attribution License.