Proverbs 11:25 Cross References - HOT

²⁵ נפשׁ ברכה תדשׁן ומרוה גם הוא יורא׃

Job 29:13-18

¹³ ברכת אבד עלי תבא ולב אלמנה ארנן׃¹⁴ צדק לבשׁתי וילבשׁני כמעיל וצניף משׁפטי׃¹⁵ עינים הייתי לעור ורגלים לפסח אני׃¹⁶ אב אנכי לאביונים ורב לא ידעתי אחקרהו׃¹⁷ ואשׁברה מתלעות עול ומשׁניו אשׁליך טרף׃¹⁸ ואמר עם קני אגוע וכחול ארבה ימים׃

Job 31:16-20

¹⁶ אם אמנע מחפץ דלים ועיני אלמנה אכלה׃¹⁷ ואכל פתי לבדי ולא אכל יתום ממנה׃¹⁸ כי מנעורי גדלני כאב ומבטן אמי אנחנה׃¹⁹ אם אראה אובד מבלי לבושׁ ואין כסות לאביון׃²⁰ אם לא ברכוני חלצו ומגז כבשׂי יתחמם׃

Proverbs 28:27

²⁷ נותן לרשׁ אין מחסור ומעלים עיניו רב מארות׃

Isaiah 32:8

⁸ ונדיב נדיבות יעץ והוא על נדיבות יקום׃

Isaiah 58:7-11

⁷ הלוא פרס לרעב לחמך ועניים מרודים תביא בית כי תראה ערם וכסיתו ומבשׂרך לא תתעלם׃⁸ אז יבקע כשׁחר אורך וארכתך מהרה תצמח והלך לפניך צדקך כבוד יהוה יאספך׃⁹ אז תקרא ויהוה יענה תשׁוע ויאמר הנני אם תסיר מתוכך מוטה שׁלח אצבע ודבר און׃¹⁰ ותפק לרעב נפשׁך ונפשׁ נענה תשׂביע וזרח בחשׁך אורך ואפלתך כצהרים׃¹¹ ונחך יהוה תמיד והשׂביע בצחצחות נפשׁך ועצמתיך יחליץ והיית כגן רוה וכמוצא מים אשׁר לא יכזבו מימיו׃