Proverbs 11:1 Cross References - HOT

1 מאזני מרמה תועבת יהוה ואבן שׁלמה רצונו׃

Leviticus 19:35-36

35 לא תעשׂו עול במשׁפט במדה במשׁקל ובמשׂורה׃36 מאזני צדק אבני צדק איפת צדק והין צדק יהיה לכם אני יהוה אלהיכם אשׁר הוצאתי אתכם מארץ מצרים׃

Deuteronomy 25:13-16

13 לא יהיה לך בכיסך אבן ואבן גדולה וקטנה׃14 לא יהיה לך בביתך איפה ואיפה גדולה וקטנה׃15 אבן שׁלמה וצדק יהיה לך איפה שׁלמה וצדק יהיה לך למען יאריכו ימיך על האדמה אשׁר יהוה אלהיך נתן׃16 כי תועבת יהוה אלהיך כל עשׂה אלה כל עשׂה עול׃

Proverbs 16:11

11 פלס ומאזני משׁפט ליהוה מעשׂהו כל אבני כיס׃

Proverbs 20:10

10 אבן ואבן איפה ואיפה תועבת יהוה גם שׁניהם׃

Proverbs 20:23

23 תועבת יהוה אבן ואבן ומאזני מרמה לא טוב׃

Ezekiel 45:10-12

10 מאזני צדק ואיפת צדק ובת צדק יהי׃11 האיפה והבת תכן אחד יהיה לשׂאת מעשׂר החמר הבת ועשׂירת החמר האיפה אל החמר יהיה מתכנתו׃12 והשׁקל עשׂרים גרה עשׂרים שׁקלים חמשׁה ועשׂרים שׁקלים עשׂרה וחמשׁה שׁקל המנה יהיה׃

Hosea 12:7

7 (12:8) כנען בידו מאזני מרמה לעשׁק אהב׃

Amos 8:5-6

5 לאמר מתי יעבר החדשׁ ונשׁבירה שׁבר והשׁבת ונפתחה בר להקטין איפה ולהגדיל שׁקל ולעות מאזני מרמה׃6 לקנות בכסף דלים ואביון בעבור נעלים ומפל בר נשׁביר׃

Micah 6:10-11

10 עוד האשׁ בית רשׁע אצרות רשׁע ואיפת רזון זעומה׃11 האזכה במאזני רשׁע ובכיס אבני מרמה׃

Cross Reference data is from OpenBible.info, retrieved June 28, 2010, and licensed under a Creative Commons Attribution License.