Numbers 30 Cross References - HOT

¹ (30:2) וידבר משׁה אל ראשׁי המטות לבני ישׂראל לאמר זה הדבר אשׁר צוה יהוה׃² (30:3) אישׁ כי ידר נדר ליהוה או השׁבע שׁבעה לאסר אסר על נפשׁו לא יחל דברו ככל היצא מפיו יעשׂה׃³ (30:4) ואשׁה כי תדר נדר ליהוה ואסרה אסר בבית אביה בנעריה׃⁴ (30:5) ושׁמע אביה את נדרה ואסרה אשׁר אסרה על נפשׁה והחרישׁ לה אביה וקמו כל נדריה וכל אסר אשׁר אסרה על נפשׁה יקום׃⁵ (30:6) ואם הניא אביה אתה ביום שׁמעו כל נדריה ואסריה אשׁר אסרה על נפשׁה לא יקום ויהוה יסלח לה כי הניא אביה אתה׃⁶ (30:7) ואם היו תהיה לאישׁ ונדריה עליה או מבטא שׂפתיה אשׁר אסרה על נפשׁה׃⁷ (30:8) ושׁמע אישׁה ביום שׁמעו והחרישׁ לה וקמו נדריה ואסרה אשׁר אסרה על נפשׁה יקמו׃⁸ (30:9) ואם ביום שׁמע אישׁה יניא אותה והפר את נדרה אשׁר עליה ואת מבטא שׂפתיה אשׁר אסרה על נפשׁה ויהוה יסלח׃⁹ (30:10) ונדר אלמנה וגרושׁה כל אשׁר אסרה על נפשׁה יקום עליה׃¹⁰ (30:11) ואם בית אישׁה נדרה או אסרה אסר על נפשׁה בשׁבעה׃¹¹ (30:12) ושׁמע אישׁה והחרשׁ לה לא הניא אתה וקמו כל נדריה וכל אסר אשׁר אסרה על נפשׁה יקום׃¹² (30:13) ואם הפר יפר אתם אישׁה ביום שׁמעו כל מוצא שׂפתיה לנדריה ולאסר נפשׁה לא יקום אישׁה הפרם ויהוה יסלח׃¹³ (30:14) כל נדר וכל שׁבעת אסר לענת נפשׁ אישׁה יקימנו ואישׁה יפרנו׃¹⁴ (30:15) ואם החרשׁ יחרישׁ לה אישׁה מיום אל יום והקים את כל נדריה או את כל אסריה אשׁר עליה הקים אתם כי החרשׁ לה ביום שׁמעו׃¹⁵ (30:16) ואם הפר יפר אתם אחרי שׁמעו ונשׂא את עונה׃¹⁶ (30:17) אלה החקים אשׁר צוה יהוה את משׁה בין אישׁ לאשׁתו בין אב לבתו בנעריה בית אביה׃

Genesis 3:16

¹⁶ אל האשׁה אמר הרבה ארבה עצבונך והרנך בעצב תלדי בנים ואל אישׁך תשׁוקתך והוא ימשׁל׃

Genesis 28:20-22

²⁰ וידר יעקב נדר לאמר אם יהיה אלהים עמדי ושׁמרני בדרך הזה אשׁר אנכי הולך ונתן לי לחם לאכל ובגד ללבשׁ׃²¹ ושׁבתי בשׁלום אל בית אבי והיה יהוה לי לאלהים׃²² והאבן הזאת אשׁר שׂמתי מצבה יהיה בית אלהים וכל אשׁר תתן לי עשׂר אעשׂרנו׃

Exodus 18:25

²⁵ ויבחר משׁה אנשׁי חיל מכל ישׂראל ויתן אתם ראשׁים על העם שׂרי אלפים שׂרי מאות שׂרי חמשׁים ושׂרי עשׂרת׃

Exodus 20:7

⁷ לא תשׂא את שׁם יהוה אלהיך לשׁוא כי לא ינקה יהוה את אשׁר ישׂא את שׁמו לשׁוא׃

Leviticus 5:1

¹ ונפשׁ כי תחטא ושׁמעה קול אלה והוא עד או ראה או ידע אם לוא יגיד ונשׂא עונו׃

Leviticus 5:4

⁴ או נפשׁ כי תשׁבע לבטא בשׂפתים להרע או להיטיב לכל אשׁר יבטא האדם בשׁבעה ונעלם ממנו והוא ידע ואשׁם לאחת מאלה׃

Leviticus 11:46-47

⁴⁶ זאת תורת הבהמה והעוף וכל נפשׁ החיה הרמשׂת במים ולכל נפשׁ השׁרצת על הארץ׃⁴⁷ להבדיל בין הטמא ובין הטהר ובין החיה הנאכלת ובין החיה אשׁר לא תאכל׃

Leviticus 13:59

⁵⁹ זאת תורת נגע צרעת בגד הצמר או הפשׁתים או השׁתי או הערב או כל כלי עור לטהרו או לטמאו׃

Leviticus 14:54-57

⁵⁴ זאת התורה לכל נגע הצרעת ולנתק׃⁵⁵ ולצרעת הבגד ולבית׃⁵⁶ ולשׂאת ולספחת ולבהרת׃⁵⁷ להורת ביום הטמא וביום הטהר זאת תורת הצרעת׃

Leviticus 15:32-33

³² זאת תורת הזב ואשׁר תצא ממנו שׁכבת זרע לטמאה׃³³ והדוה בנדתה והזב את זובו לזכר ולנקבה ולאישׁ אשׁר ישׁכב עם טמאה׃

Leviticus 16:29

²⁹ והיתה לכם לחקת עולם בחדשׁ השׁביעי בעשׂור לחדשׁ תענו את נפשׁתיכם וכל מלאכה לא תעשׂו האזרח והגר הגר בתוככם׃

Leviticus 21:7

⁷ אשׁה זנה וחללה לא יקחו ואשׁה גרושׁה מאישׁה לא יקחו כי קדשׁ הוא לאלהיו׃

Leviticus 23:27

²⁷ אך בעשׂור לחדשׁ השׁביעי הזה יום הכפרים הוא מקרא קדשׁ יהיה לכם ועניתם את נפשׁתיכם והקרבתם אשׁה ליהוה׃

Leviticus 23:32

³² שׁבת שׁבתון הוא לכם ועניתם את נפשׁתיכם בתשׁעה לחדשׁ בערב מערב עד ערב תשׁבתו שׁבתכם׃

Leviticus 27:2-34

² דבר אל בני ישׂראל ואמרת אלהם אישׁ כי יפלא נדר בערכך נפשׁת ליהוה׃³ והיה ערכך הזכר מבן עשׂרים שׁנה ועד בן שׁשׁים שׁנה והיה ערכך חמשׁים שׁקל כסף בשׁקל הקדשׁ׃⁴ ואם נקבה הוא והיה ערכך שׁלשׁים שׁקל׃⁵ ואם מבן חמשׁ שׁנים ועד בן עשׂרים שׁנה והיה ערכך הזכר עשׂרים שׁקלים ולנקבה עשׂרת שׁקלים׃⁶ ואם מבן חדשׁ ועד בן חמשׁ שׁנים והיה ערכך הזכר חמשׁה שׁקלים כסף ולנקבה ערכך שׁלשׁת שׁקלים כסף׃⁷ ואם מבן שׁשׁים שׁנה ומעלה אם זכר והיה ערכך חמשׁה עשׂר שׁקל ולנקבה עשׂרה שׁקלים׃⁸ ואם מך הוא מערכך והעמידו לפני הכהן והעריך אתו הכהן על פי אשׁר תשׂיג יד הנדר יעריכנו הכהן׃⁹ ואם בהמה אשׁר יקריבו ממנה קרבן ליהוה כל אשׁר יתן ממנו ליהוה יהיה קדשׁ׃¹⁰ לא יחליפנו ולא ימיר אתו טוב ברע או רע בטוב ואם המר ימיר בהמה בבהמה והיה הוא ותמורתו יהיה קדשׁ׃¹¹ ואם כל בהמה טמאה אשׁר לא יקריבו ממנה קרבן ליהוה והעמיד את הבהמה לפני הכהן׃¹² והעריך הכהן אתה בין טוב ובין רע כערכך הכהן כן יהיה׃¹³ ואם גאל יגאלנה ויסף חמישׁתו על ערכך׃¹⁴ ואישׁ כי יקדשׁ את ביתו קדשׁ ליהוה והעריכו הכהן בין טוב ובין רע כאשׁר יעריך אתו הכהן כן יקום׃¹⁵ ואם המקדישׁ יגאל את ביתו ויסף חמישׁית כסף ערכך עליו והיה׃¹⁶ ואם משׂדה אחזתו יקדישׁ אישׁ ליהוה והיה ערכך לפי זרעו זרע חמר שׂערים בחמשׁים שׁקל כסף׃¹⁷ אם משׁנת היבל יקדישׁ שׂדהו כערכך יקום׃¹⁸ ואם אחר היבל יקדישׁ שׂדהו וחשׁב לו הכהן את הכסף על פי השׁנים הנותרת עד שׁנת היבל ונגרע מערכך׃¹⁹ ואם גאל יגאל את השׂדה המקדישׁ אתו ויסף חמשׁית כסף ערכך עליו וקם׃²⁰ ואם לא יגאל את השׂדה ואם מכר את השׂדה לאישׁ אחר לא יגאל עוד׃²¹ והיה השׂדה בצאתו ביבל קדשׁ ליהוה כשׂדה החרם לכהן תהיה אחזתו׃²² ואם את שׂדה מקנתו אשׁר לא משׂדה אחזתו יקדישׁ ליהוה׃²³ וחשׁב לו הכהן את מכסת הערכך עד שׁנת היבל ונתן את הערכך ביום ההוא קדשׁ ליהוה׃²⁴ בשׁנת היובל ישׁוב השׂדה לאשׁר קנהו מאתו לאשׁר לו אחזת הארץ׃²⁵ וכל ערכך יהיה בשׁקל הקדשׁ עשׂרים גרה יהיה השׁקל׃²⁶ אך בכור אשׁר יבכר ליהוה בבהמה לא יקדישׁ אישׁ אתו אם שׁור אם שׂה ליהוה הוא׃²⁷ ואם בבהמה הטמאה ופדה בערכך ויסף חמשׁתו עליו ואם לא יגאל ונמכר בערכך׃²⁸ אך כל חרם אשׁר יחרם אישׁ ליהוה מכל אשׁר לו מאדם ובהמה ומשׂדה אחזתו לא ימכר ולא יגאל כל חרם קדשׁ קדשׁים הוא ליהוה׃²⁹ כל חרם אשׁר יחרם מן האדם לא יפדה מות יומת׃³⁰ וכל מעשׂר הארץ מזרע הארץ מפרי העץ ליהוה הוא קדשׁ ליהוה׃³¹ ואם גאל יגאל אישׁ ממעשׂרו חמשׁיתו יסף עליו׃³² וכל מעשׂר בקר וצאן כל אשׁר יעבר תחת השׁבט העשׂירי יהיה קדשׁ ליהוה׃³³ לא יבקר בין טוב לרע ולא ימירנו ואם המר ימירנו והיה הוא ותמורתו יהיה קדשׁ לא יגאל׃³⁴ אלה המצות אשׁר צוה יהוה את משׁה אל בני ישׂראל בהר סיני׃

Numbers 1:4-16

⁴ ואתכם יהיו אישׁ אישׁ למטה אישׁ ראשׁ לבית אבתיו הוא׃⁵ ואלה שׁמות האנשׁים אשׁר יעמדו אתכם לראובן אליצור בן שׁדיאור׃⁶ לשׁמעון שׁלמיאל בן צורישׁדי׃⁷ ליהודה נחשׁון בן עמינדב׃⁸ לישׂשכר נתנאל בן צוער׃⁹ לזבולן אליאב בן חלן׃¹⁰ לבני יוסף לאפרים אלישׁמע בן עמיהוד למנשׁה גמליאל בן פדהצור׃¹¹ לבנימן אבידן בן גדעני׃¹² לדן אחיעזר בן עמישׁדי׃¹³ לאשׁר פגעיאל בן עכרן׃¹⁴ לגד אליסף בן דעואל׃¹⁵ לנפתלי אחירע בן עינן׃¹⁶ אלה קריאי העדה נשׂיאי מטות אבותם ראשׁי אלפי ישׂראל הם׃

Numbers 5:29-30

²⁹ זאת תורת הקנאת אשׁר תשׂטה אשׁה תחת אישׁה ונטמאה׃³⁰ או אישׁ אשׁר תעבר עליו רוח קנאה וקנא את אשׁתו והעמיד את האשׁה לפני יהוה ועשׂה לה הכהן את כל התורה הזאת׃

Numbers 7:2

² ויקריבו נשׂיאי ישׂראל ראשׁי בית אבתם הם נשׂיאי המטת הם העמדים על הפקדים׃

Numbers 15:25

²⁵ וכפר הכהן על כל עדת בני ישׂראל ונסלח להם כי שׁגגה הוא והם הביאו את קרבנם אשׁה ליהוה וחטאתם לפני יהוה על שׁגגתם׃

Numbers 15:28

²⁸ וכפר הכהן על הנפשׁ השׁגגת בחטאה בשׁגגה לפני יהוה לכפר עליו ונסלח׃

Numbers 21:2

² וידר ישׂראל נדר ליהוה ויאמר אם נתן תתן את העם הזה בידי והחרמתי את עריהם׃

Numbers 29:7

⁷ ובעשׂור לחדשׁ השׁביעי הזה מקרא קדשׁ יהיה לכם ועניתם את נפשׁתיכם כל מלאכה לא תעשׂו׃

Numbers 30:3-4

³ (30:4) ואשׁה כי תדר נדר ליהוה ואסרה אסר בבית אביה בנעריה׃⁴ (30:5) ושׁמע אביה את נדרה ואסרה אשׁר אסרה על נפשׁה והחרישׁ לה אביה וקמו כל נדריה וכל אסר אשׁר אסרה על נפשׁה יקום׃⁵ (30:6) ואם הניא אביה אתה ביום שׁמעו כל נדריה ואסריה אשׁר אסרה על נפשׁה לא יקום ויהוה יסלח לה כי הניא אביה אתה׃

Numbers 30:8

⁸ (30:9) ואם ביום שׁמע אישׁה יניא אותה והפר את נדרה אשׁר עליה ואת מבטא שׂפתיה אשׁר אסרה על נפשׁה ויהוה יסלח׃

Numbers 30:10

¹⁰ (30:11) ואם בית אישׁה נדרה או אסרה אסר על נפשׁה בשׁבעה׃

Numbers 30:12

¹² (30:13) ואם הפר יפר אתם אישׁה ביום שׁמעו כל מוצא שׂפתיה לנדריה ולאסר נפשׁה לא יקום אישׁה הפרם ויהוה יסלח׃

Numbers 34:17-28

¹⁷ אלה שׁמות האנשׁים אשׁר ינחלו לכם את הארץ אלעזר הכהן ויהושׁע בן נון׃¹⁸ ונשׂיא אחד נשׂיא אחד ממטה תקחו לנחל את הארץ׃¹⁹ ואלה שׁמות האנשׁים למטה יהודה כלב בן יפנה׃²⁰ ולמטה בני שׁמעון שׁמואל בן עמיהוד׃²¹ למטה בנימן אלידד בן כסלון׃²² ולמטה בני דן נשׂיא בקי בן יגלי׃²³ לבני יוסף למטה בני מנשׁה נשׂיא חניאל בן אפד׃²⁴ ולמטה בני אפרים נשׂיא קמואל בן שׁפטן׃²⁵ ולמטה בני זבולן נשׂיא אליצפן בן פרנך׃²⁶ ולמטה בני ישׂשכר נשׂיא פלטיאל בן עזן׃²⁷ ולמטה בני אשׁר נשׂיא אחיהוד בן שׁלמי׃²⁸ ולמטה בני נפתלי נשׂיא פדהאל בן עמיהוד׃

Deuteronomy 1:13-17

¹³ הבו לכם אנשׁים חכמים ונבנים וידעים לשׁבטיכם ואשׂימם בראשׁיכם׃¹⁴ ותענו אתי ותאמרו טוב הדבר אשׁר דברת לעשׂות׃¹⁵ ואקח את ראשׁי שׁבטיכם אנשׁים חכמים וידעים ואתן אותם ראשׁים עליכם שׂרי אלפים ושׂרי מאות ושׂרי חמשׁים ושׂרי עשׂרת ושׁטרים לשׁבטיכם׃¹⁶ ואצוה את שׁפטיכם בעת ההוא לאמר שׁמע בין אחיכם ושׁפטתם צדק בין אישׁ ובין אחיו ובין גרו׃¹⁷ לא תכירו פנים במשׁפט כקטן כגדל תשׁמעון לא תגורו מפני אישׁ כי המשׁפט לאלהים הוא והדבר אשׁר יקשׁה מכם תקרבון אלי ושׁמעתיו׃

Deuteronomy 23:21-23

²¹ (23:22) כי תדר נדר ליהוה אלהיך לא תאחר לשׁלמו כי דרשׁ ידרשׁנו יהוה אלהיך מעמך והיה בך חטא׃²² (23:23) וכי תחדל לנדר לא יהיה בך חטא׃²³ (23:24) מוצא שׂפתיך תשׁמר ועשׂית כאשׁר נדרת ליהוה אלהיך נדבה אשׁר דברת בפיך׃

Judges 11:11

¹¹ וילך יפתח עם זקני גלעד וישׂימו העם אותו עליהם לראשׁ ולקצין וידבר יפתח את כל דבריו לפני יהוה במצפה׃

Judges 11:30-31

³⁰ וידר יפתח נדר ליהוה ויאמר אם נתון תתן את בני עמון בידי׃³¹ והיה היוצא אשׁר יצא מדלתי ביתי לקראתי בשׁובי בשׁלום מבני עמון והיה ליהוה והעליתהו עולה׃

Judges 11:35-36

³⁵ ויהי כראותו אותה ויקרע את בגדיו ויאמר אהה בתי הכרע הכרעתני ואת היית בעכרי ואנכי פציתי פי אל יהוה ולא אוכל לשׁוב׃³⁶ ותאמר אליו אבי פציתה את פיך אל יהוה עשׂה לי כאשׁר יצא מפיך אחרי אשׁר עשׂה לך יהוה נקמות מאיביך מבני עמון׃