8 קח את המטה והקהל את העדה אתה ואהרן אחיך ודברתם אל הסלע לעיניהם ונתן מימיו והוצאת להם מים מן הסלע והשׁקית את העדה ואת בעירם׃
Numbers 20:8 Cross References - HOT
Genesis 18:14
14 היפלא מיהוה דבר למועד אשׁוב אליך כעת חיה ולשׂרה בן׃
Exodus 4:2
2 ויאמר אליו יהוה מזה בידך ויאמר מטה׃
Exodus 4:17
17 ואת המטה הזה תקח בידך אשׁר תעשׂה בו את האתת׃
Exodus 4:20
20 ויקח משׁה את אשׁתו ואת בניו וירכבם על החמר וישׁב ארצה מצרים ויקח משׁה את מטה האלהים בידו׃
Exodus 7:20
20 ויעשׂו כן משׁה ואהרן כאשׁר צוה יהוה וירם במטה ויך את המים אשׁר ביאר לעיני פרעה ולעיני עבדיו ויהפכו כל המים אשׁר ביאר לדם׃
Exodus 14:16
16 ואתה הרם את מטך ונטה את ידך על הים ובקעהו ויבאו בני ישׂראל בתוך הים ביבשׁה׃
Exodus 17:5-6
Exodus 17:9
9 ויאמר משׁה אל יהושׁע בחר לנו אנשׁים וצא הלחם בעמלק מחר אנכי נצב על ראשׁ הגבעה ומטה האלהים בידי׃
Numbers 20:11
11 וירם משׁה את ידו ויך את הסלע במטהו פעמים ויצאו מים רבים ותשׁת העדה ובעירם׃
Numbers 21:15
15 ואשׁד הנחלים אשׁר נטה לשׁבת ער ונשׁען לגבול מואב׃
Numbers 21:18
18 באר חפרוה שׂרים כרוה נדיבי העם במחקק במשׁענתם וממדבר מתנה׃
Joshua 6:5
5 והיה במשׁך בקרן היובל בשׁמעכם את קול השׁופר יריעו כל העם תרועה גדולה ונפלה חומת העיר תחתיה ועלו העם אישׁ נגדו׃
Joshua 6:20
20 וירע העם ויתקעו בשׁפרות ויהי כשׁמע העם את קול השׁופר ויריעו העם תרועה גדולה ותפל החומה תחתיה ויעל העם העירה אישׁ נגדו וילכדו את העיר׃
Nehemiah 9:15
15 ולחם משׁמים נתתה להם לרעבם ומים מסלע הוצאת להם לצמאם ותאמר להם לבוא לרשׁת את הארץ אשׁר נשׂאת את ידך לתת׃
Psalms 33:9
9 כי הוא אמר ויהי הוא צוה ויעמד׃
Psalms 78:15-16
Psalms 105:41
41 פתח צור ויזובו מים הלכו בציות נהר׃
Psalms 114:8
8 ההפכי הצור אגם מים חלמישׁ למעינו מים׃
Isaiah 41:17-18
Isaiah 43:20
20 תכבדני חית השׂדה תנים ובנות יענה כי נתתי במדבר מים נהרות בישׁימן להשׁקות עמי בחירי׃
Isaiah 48:21
21 ולא צמאו בחרבות הוליכם מים מצור הזיל למו ויבקע צור ויזבו מים׃