13 המה מי מריבה אשׁר רבו בני ישׂראל את יהוה ויקדשׁ׃
Numbers 20:13 Cross References - HOT
Exodus 17:7
7 ויקרא שׁם המקום מסה ומריבה על ריב בני ישׂראל ועל נסתם את יהוה לאמר הישׁ יהוה בקרבנו אם אין׃
Deuteronomy 32:51
51 על אשׁר מעלתם בי בתוך בני ישׂראל במי מריבת קדשׁ מדבר צן על אשׁר לא קדשׁתם אותי בתוך בני ישׂראל׃
Deuteronomy 33:8
8 וללוי אמר תמיך ואוריך לאישׁ חסידך אשׁר נסיתו במסה תריבהו על מי מריבה׃
Psalms 95:8
8 אל תקשׁו לבבכם כמריבה כיום מסה במדבר׃
Psalms 106:32-48
32 ויקציפו על מי מריבה וירע למשׁה בעבורם׃33 כי המרו את רוחו ויבטא בשׂפתיו׃34 לא השׁמידו את העמים אשׁר אמר יהוה להם׃35 ויתערבו בגוים וילמדו מעשׂיהם׃36 ויעבדו את עצביהם ויהיו להם למוקשׁ׃37 ויזבחו את בניהם ואת בנותיהם לשׁדים׃38 וישׁפכו דם נקי דם בניהם ובנותיהם אשׁר זבחו לעצבי כנען ותחנף הארץ בדמים׃39 ויטמאו במעשׂיהם ויזנו במעלליהם׃40 ויחר אף יהוה בעמו ויתעב את נחלתו׃41 ויתנם ביד גוים וימשׁלו בהם שׂנאיהם׃42 וילחצום אויביהם ויכנעו תחת ידם׃43 פעמים רבות יצילם והמה ימרו בעצתם וימכו בעונם׃44 וירא בצר להם בשׁמעו את רנתם׃45 ויזכר להם בריתו וינחם כרב חסדו׃46 ויתן אותם לרחמים לפני כל שׁוביהם׃47 הושׁיענו יהוה אלהינו וקבצנו מן הגוים להדות לשׁם קדשׁך להשׁתבח בתהלתך׃48 ברוך יהוה אלהי ישׂראל מן העולם ועד העולם ואמר כל העם אמן הללו יה׃
Isaiah 5:16
16 ויגבה יהוה צבאות במשׁפט והאל הקדושׁ נקדשׁ בצדקה׃
Ezekiel 20:41
41 בריח ניחח ארצה אתכם בהוציאי אתכם מן העמים וקבצתי אתכם מן הארצות אשׁר נפצתם בם ונקדשׁתי בכם לעיני הגוים׃
Ezekiel 36:23
23 וקדשׁתי את שׁמי הגדול המחלל בגוים אשׁר חללתם בתוכם וידעו הגוים כי אני יהוה נאם אדני יהוה בהקדשׁי בכם לעיניהם׃
Ezekiel 38:16
16 ועלית על עמי ישׂראל כענן לכסות הארץ באחרית הימים תהיה והבאותיך על ארצי למען דעת הגוים אתי בהקדשׁי בך לעיניהם גוג׃