Nehemiah 9:17 Cross References - HOT

¹⁷ וימאנו לשׁמע ולא זכרו נפלאתיך אשׁר עשׂית עמהם ויקשׁו את ערפם ויתנו ראשׁ לשׁוב לעבדתם במרים ואתה אלוה סליחות חנון ורחום ארך אפים ורב וחסד ולא עזבתם׃

Exodus 34:6-7

⁶ ויעבר יהוה על פניו ויקרא יהוה יהוה אל רחום וחנון ארך אפים ורב חסד ואמת׃⁷ נצר חסד לאלפים נשׂא עון ופשׁע וחטאה ונקה לא ינקה פקד עון אבות על בנים ועל בני בנים על שׁלשׁים ועל רבעים׃

Numbers 14:3-4

³ ולמה יהוה מביא אתנו אל הארץ הזאת לנפל בחרב נשׁינו וטפנו יהיו לבז הלוא טוב לנו שׁוב מצרימה׃⁴ ויאמרו אישׁ אל אחיו נתנה ראשׁ ונשׁובה מצרימה׃

Numbers 14:11

¹¹ ויאמר יהוה אל משׁה עד אנה ינאצני העם הזה ועד אנה לא יאמינו בי בכל האתות אשׁר עשׂיתי בקרבו׃

Numbers 14:18-19

¹⁸ יהוה ארך אפים ורב חסד נשׂא עון ופשׁע ונקה לא ינקה פקד עון אבות על בנים על שׁלשׁים ועל רבעים׃¹⁹ סלח נא לעון העם הזה כגדל חסדך וכאשׁר נשׂאתה לעם הזה ממצרים ועד הנה׃

Numbers 14:41

⁴¹ ויאמר משׁה למה זה אתם עברים את פי יהוה והוא לא תצלח׃

Numbers 16:14

¹⁴ אף לא אל ארץ זבת חלב ודבשׁ הביאתנו ותתן לנו נחלת שׂדה וכרם העיני האנשׁים ההם תנקר לא נעלה׃

1 Kings 6:13

¹³ ושׁכנתי בתוך בני ישׂראל ולא אעזב את עמי ישׂראל׃

1 Kings 8:57

⁵⁷ יהי יהוה אלהינו עמנו כאשׁר היה עם אבתינו אל יעזבנו ואל יטשׁנו׃

Psalms 78:38

³⁸ והוא רחום יכפר עון ולא ישׁחית והרבה להשׁיב אפו ולא יעיר כל חמתו׃

Psalms 78:42-43

⁴² לא זכרו את ידו יום אשׁר פדם מני צר׃⁴³ אשׁר שׂם במצרים אתותיו ומופתיו בשׂדה צען׃

Psalms 86:5

⁵ כי אתה אדני טוב וסלח ורב חסד לכל קראיך׃

Psalms 86:15

¹⁵ ואתה אדני אל רחום וחנון ארך אפים ורב חסד ואמת׃

⁸ רחום וחנון יהוה ארך אפים ורב חסד׃⁹ לא לנצח יריב ולא לעולם יטור׃¹⁰ לא כחטאינו עשׂה לנו ולא כעונתינו גמל עלינו׃¹¹ כי כגבה שׁמים על הארץ גבר חסדו על יראיו׃¹² כרחק מזרח ממערב הרחיק ממנו את פשׁעינו׃¹³ כרחם אב על בנים רחם יהוה על יראיו׃¹⁴ כי הוא ידע יצרנו זכור כי עפר אנחנו׃¹⁵ אנושׁ כחציר ימיו כציץ השׂדה כן יציץ׃¹⁶ כי רוח עברה בו ואיננו ולא יכירנו עוד מקומו׃¹⁷ וחסד יהוה מעולם ועד עולם על יראיו וצדקתו לבני בנים׃¹⁸ לשׁמרי בריתו ולזכרי פקדיו לעשׂותם׃

Psalms 106:7

⁷ אבותינו במצרים לא השׂכילו נפלאותיך לא זכרו את רב חסדיך וימרו על ים בים סוף׃

Psalms 106:13

¹³ מהרו שׁכחו מעשׂיו לא חכו לעצתו׃

Psalms 106:24-25

²⁴ וימאסו בארץ חמדה לא האמינו לדברו׃²⁵ וירגנו באהליהם לא שׁמעו בקול יהוה׃

Psalms 106:43-46

⁴³ פעמים רבות יצילם והמה ימרו בעצתם וימכו בעונם׃⁴⁴ וירא בצר להם בשׁמעו את רנתם׃⁴⁵ ויזכר להם בריתו וינחם כרב חסדו׃⁴⁶ ויתן אותם לרחמים לפני כל שׁוביהם׃

Psalms 130:4

⁴ כי עמך הסליחה למען תורא׃

Psalms 145:8-9

⁸ חנון ורחום יהוה ארך אפים וגדל חסד׃⁹ טוב יהוה לכל ורחמיו על כל מעשׂיו׃

Proverbs 1:24

²⁴ יען קראתי ותמאנו נטיתי ידי ואין מקשׁיב׃

Isaiah 55:7-9

⁷ יעזב רשׁע דרכו ואישׁ און מחשׁבתיו וישׁב אל יהוה וירחמהו ואל אלהינו כי ירבה לסלוח׃⁸ כי לא מחשׁבותי מחשׁבותיכם ולא דרכיכם דרכי נאם יהוה׃⁹ כי גבהו שׁמים מארץ כן גבהו דרכי מדרכיכם ומחשׁבתי ממחשׁבתיכם׃

Joel 2:13

¹³ וקרעו לבבכם ואל בגדיכם ושׁובו אל יהוה אלהיכם כי חנון ורחום הוא ארך אפים ורב חסד ונחם על הרעה׃

Micah 7:18-19

¹⁸ מי אל כמוך נשׂא עון ועבר על פשׁע לשׁארית נחלתו לא החזיק לעד אפו כי חפץ חסד הוא׃¹⁹ ישׁוב ירחמנו יכבשׁ עונתינו ותשׁליך במצלות ים כל חטאותם׃