Joshua 24:33 Cross References - HOT

33 ואלעזר בן אהרן מת ויקברו אתו בגבעת פינחס בנו אשׁר נתן לו בהר אפרים׃

Exodus 6:23

23 ויקח אהרן את אלישׁבע בת עמינדב אחות נחשׁון לו לאשׁה ותלד לו את נדב ואת אביהוא את אלעזר ואת איתמר׃

Exodus 6:25

25 ואלעזר בן אהרן לקח לו מבנות פוטיאל לו לאשׁה ותלד לו את פינחס אלה ראשׁי אבות הלוים למשׁפחתם׃

Numbers 3:32

32 ונשׂיא נשׂיאי הלוי אלעזר בן אהרן הכהן פקדת שׁמרי משׁמרת הקדשׁ׃

Numbers 20:26-28

26 והפשׁט את אהרן את בגדיו והלבשׁתם את אלעזר בנו ואהרן יאסף ומת שׁם׃27 ויעשׂ משׁה כאשׁר צוה יהוה ויעלו אל הר ההר לעיני כל העדה׃28 ויפשׁט משׁה את אהרן את בגדיו וילבשׁ אתם את אלעזר בנו וימת אהרן שׁם בראשׁ ההר וירד משׁה ואלעזר מן ההר׃

Joshua 14:1

1 ואלה אשׁר נחלו בני ישׂראל בארץ כנען אשׁר נחלו אותם אלעזר הכהן ויהושׁע בן נון וראשׁי אבות המטות לבני ישׂראל׃

Joshua 22:13

13 וישׁלחו בני ישׂראל אל בני ראובן ואל בני גד ואל חצי שׁבט מנשׁה אל ארץ הגלעד את פינחס בן אלעזר הכהן׃

Judges 20:28

28 ופינחס בן אלעזר בן אהרן עמד לפניו בימים ההם לאמר האוסף עוד לצאת למלחמה עם בני בנימן אחי אם אחדל ויאמר יהוה עלו כי מחר אתננו בידך׃

Job 30:23

23 כי ידעתי מות תשׁיבני ובית מועד לכל חי׃

Psalms 49:10

10 (49:11) כי יראה חכמים ימותו יחד כסיל ובער יאבדו ועזבו לאחרים חילם׃

Isaiah 57:1-2

1 הצדיק אבד ואין אישׁ שׂם על לב ואנשׁי חסד נאספים באין מבין כי מפני הרעה נאסף הצדיק׃2 יבוא שׁלום ינוחו על משׁכבותם הלך נכחו׃

Zechariah 1:5

5 אבותיכם איה הם והנבאים הלעולם יחיו׃

Cross Reference data is from OpenBible.info, retrieved June 28, 2010, and licensed under a Creative Commons Attribution License.