1 (40:25) תמשׁך לויתן בחכה ובחבל תשׁקיע לשׁנו׃2 (40:26) התשׂים אגמון באפו ובחוח תקוב לחיו׃3 (40:27) הירבה אליך תחנונים אם ידבר אליך רכות׃4 (40:28) היכרת ברית עמך תקחנו לעבד עולם׃5 (40:29) התשׂחק בו כצפור ותקשׁרנו לנערותיך׃6 (40:30) יכרו עליו חברים יחצוהו בין כנענים׃7 (40:31) התמלא בשׂכות עורו ובצלצל דגים ראשׁו׃8 (40:32) שׂים עליו כפך זכר מלחמה אל תוסף׃9 (41:1) הן תחלתו נכזבה הגם אל מראיו יטל׃10 (41:2) לא אכזר כי יעורנו ומי הוא לפני יתיצב׃11 (41:3) מי הקדימני ואשׁלם תחת כל השׁמים לי הוא׃12 (41:4) לא אחרישׁ בדיו ודבר גבורות וחין ערכו׃13 (41:5) מי גלה פני לבושׁו בכפל רסנו מי יבוא׃14 (41:6) דלתי פניו מי פתח סביבות שׁניו אימה׃15 (41:7) גאוה אפיקי מגנים סגור חותם צר׃16 (41:8) אחד באחד יגשׁו ורוח לא יבוא ביניהם׃17 (41:9) אישׁ באחיהו ידבקו יתלכדו ולא יתפרדו׃18 (41:10) עטישׁתיו תהל אור ועיניו כעפעפי שׁחר׃19 (41:11) מפיו לפידים יהלכו כידודי אשׁ יתמלטו׃20 (41:12) מנחיריו יצא עשׁן כדוד נפוח ואגמן׃21 (41:13) נפשׁו גחלים תלהט ולהב מפיו יצא׃22 (41:14) בצוארו ילין עז ולפניו תדוץ דאבה׃23 (41:15) מפלי בשׂרו דבקו יצוק עליו בל ימוט׃24 (41:16) לבו יצוק כמו אבן ויצוק כפלח תחתית׃25 (41:17) משׂתו יגורו אלים משׁברים יתחטאו׃26 (41:18) משׂיגהו חרב בלי תקום חנית מסע ושׁריה׃27 (41:19) יחשׁב לתבן ברזל לעץ רקבון נחושׁה׃28 (41:20) לא יבריחנו בן קשׁת לקשׁ נהפכו לו אבני קלע׃29 (41:21) כקשׁ נחשׁבו תותח וישׂחק לרעשׁ כידון׃30 (41:22) תחתיו חדודי חרשׂ ירפד חרוץ עלי טיט׃31 (41:23) ירתיח כסיר מצולה ים ישׂים כמרקחה׃32 (41:24) אחריו יאיר נתיב יחשׁב תהום לשׂיבה׃33 (41:25) אין על עפר משׁלו העשׂו לבלי חת׃34 (41:26) את כל גבה יראה הוא מלך על כל בני שׁחץ׃
Job 41 Cross References - HOT
Genesis 1:2
2 והארץ היתה תהו ובהו וחשׁך על פני תהום ורוח אלהים מרחפת על פני המים׃
Genesis 1:15
15 והיו למאורת ברקיע השׁמים להאיר על הארץ ויהי כן׃
Genesis 1:25
25 ויעשׂ אלהים את חית הארץ למינה ואת הבהמה למינה ואת כל רמשׂ האדמה למינהו וירא אלהים כי טוב׃
Genesis 1:28
28 ויברך אתם אלהים ויאמר להם אלהים פרו ורבו ומלאו את הארץ וכבשׁה ורדו בדגת הים ובעוף השׁמים ובכל חיה הרמשׂת על הארץ׃
Genesis 15:15
15 ואתה תבוא אל אבתיך בשׁלום תקבר בשׂיבה טובה׃
Genesis 25:8
8 ויגוע וימת אברהם בשׂיבה טובה זקן ושׂבע ויאסף אל עמיו׃
Genesis 42:38
38 ויאמר לא ירד בני עמכם כי אחיו מת והוא לבדו נשׁאר וקראהו אסון בדרך אשׁר תלכו בה והורדתם את שׂיבתי ביגון שׁאולה׃
Genesis 49:9
9 גור אריה יהודה מטרף בני עלית כרע רבץ כאריה וכלביא מי יקימנו׃
Exodus 5:2
2 ויאמר פרעה מי יהוה אשׁר אשׁמע בקלו לשׁלח את ישׂראל לא ידעתי את יהוה וגם את ישׂראל לא אשׁלח׃
Exodus 19:5
5 ועתה אם שׁמוע תשׁמעו בקלי ושׁמרתם את בריתי והייתם לי סגלה מכל העמים כי לי כל הארץ׃
Exodus 21:6
6 והגישׁו אדניו אל האלהים והגישׁו אל הדלת או אל המזוזה ורצע אדניו את אזנו במרצע ועבדו לעלם׃
Numbers 24:9
9 כרע שׁכב כארי וכלביא מי יקימנו מברכיך ברוך וארריך ארור׃
Deuteronomy 10:14
14 הן ליהוה אלהיך השׁמים ושׁמי השׁמים הארץ וכל אשׁר׃
Deuteronomy 15:17
17 ולקחת את המרצע ונתתה באזנו ובדלת והיה לך עבד עולם ואף לאמתך תעשׂה כן׃
Deuteronomy 28:34
34 והיית משׁגע ממראה עיניך אשׁר תראה׃
Judges 14:11
11 ויהי כראותם אותו ויקחו שׁלשׁים מרעים ויהיו אתו׃
Judges 16:25-30
25 ויהי כי טוב לבם ויאמרו קראו לשׁמשׁון וישׂחק לנו ויקראו לשׁמשׁון מבית האסירים ויצחק לפניהם ויעמידו אותו בין העמודים׃26 ויאמר שׁמשׁון אל הנער המחזיק בידו הניחה אותי והימשׁני את העמדים אשׁר הבית נכון עליהם ואשׁען עליהם׃27 והבית מלא האנשׁים והנשׁים ושׁמה כל סרני פלשׁתים ועל הגג כשׁלשׁת אלפים אישׁ ואשׁה הראים בשׂחוק שׁמשׁון׃28 ויקרא שׁמשׁון אל יהוה ויאמר אדני יהוה זכרני נא וחזקני נא אך הפעם הזה האלהים ואנקמה נקם אחת משׁתי עיני מפלשׁתים׃29 וילפת שׁמשׁון את שׁני עמודי התוך אשׁר הבית נכון עליהם ויסמך עליהם אחד בימינו ואחד בשׂמאלו׃30 ויאמר שׁמשׁון תמות נפשׁי עם פלשׁתים ויט בכח ויפל הבית על הסרנים ועל כל העם אשׁר בו ויהיו המתים אשׁר המית במותו רבים מאשׁר המית בחייו׃
1 Samuel 3:11
11 ויאמר יהוה אל שׁמואל הנה אנכי עשׂה דבר בישׂראל אשׁר כל שׁמעו תצלינה שׁתי אזניו׃
1 Kings 20:11
11 ויען מלך ישׂראל ויאמר דברו אל יתהלל חגר כמפתח׃
1 Kings 20:31-34
31 ויאמרו אליו עבדיו הנה נא שׁמענו כי מלכי בית ישׂראל כי מלכי חסד הם נשׂימה נא שׂקים במתנינו וחבלים בראשׁנו ונצא אל מלך ישׂראל אולי יחיה את נפשׁך׃32 ויחגרו שׂקים במתניהם וחבלים בראשׁיהם ויבאו אל מלך ישׂראל ויאמרו עבדך בן הדד אמר תחי נא נפשׁי ויאמר העודנו חי אחי הוא׃33 והאנשׁים ינחשׁו וימהרו ויחלטו הממנו ויאמרו אחיך בן הדד ויאמר באו קחהו ויצא אליו בן הדד ויעלהו על המרכבה׃34 ויאמר אליו הערים אשׁר לקח אבי מאת אביך אשׁיב וחוצות תשׂים לך בדמשׂק כאשׁר שׂם אבי בשׁמרון ואני בברית אשׁלחך ויכרת לו ברית וישׁלחהו׃
2 Kings 10:4
4 ויראו מאד מאד ויאמרו הנה שׁני המלכים לא עמדו לפניו ואיך נעמד אנחנו׃
2 Kings 19:28
28 יען התרגזך אלי ושׁאננך עלה באזני ושׂמתי חחי באפך ומתגי בשׂפתיך והשׁבתיך בדרך אשׁר באת׃
1 Chronicles 29:11-14
2 Chronicles 26:14
14 ויכן להם עזיהו לכל הצבא מגנים ורמחים וכובעים ושׁרינות וקשׁתות ולאבני קלעים׃
Job 3:8
Job 9:4
4 חכם לבב ואמיץ כח מי הקשׁה אליו וישׁלם׃
Job 22:2-3
Job 26:12
12 בכחו רגע הים ובתובנתו מחץ רהב׃
Job 28:8
8 לא הדריכהו בני שׁחץ לא עדה עליו שׁחל׃
Job 28:11
11 מבכי נהרות חבשׁ ותעלמה יצא אור׃
Job 28:14
14 תהום אמר לא בי היא וים אמר אין עמדי׃
Job 35:7
7 אם צדקת מה תתן לו או מה מידך יקח׃
Job 38:10
10 ואשׁבר עליו חקי ואשׂים בריח ודלתים׃
Job 38:16
16 הבאת עד נבכי ים ובחקר תהום התהלכת׃
Job 38:30
30 כאבן מים יתחבאו ופני תהום יתלכדו׃
Job 39:7
7 ישׂחק להמון קריה תשׁאות נוגשׂ לא ישׁמע׃
Job 39:19
19 התתן לסוס גבורה התלבישׁ צוארו רעמה׃
Job 39:21-24
Job 40:9
9 ואם זרוע כאל לך ובקול כמהו תרעם׃
Job 40:16
16 הנה נא כחו במתניו ואנו בשׁרירי בטנו׃
Job 40:19
19 הוא ראשׁית דרכי אל העשׂו יגשׁ חרבו׃
Psalms 2:11-12
Psalms 8:5-6
Psalms 18:8
8 (18:9) עלה עשׁן באפו ואשׁ מפיו תאכל גחלים בערו ממנו׃
Psalms 18:12
12 (18:13) מנגה נגדו עביו עברו ברד וגחלי אשׁ׃
Psalms 21:3
3 (21:4) כי תקדמנו ברכות טוב תשׁית לראשׁו עטרת פז׃
Psalms 24:1
1 לדוד מזמור ליהוה הארץ ומלואה תבל וישׁבי׃
Psalms 32:9
9 אל תהיו כסוס כפרד אין הבין במתג ורסן עדיו לבלום בל קרב אליך׃
Psalms 50:12
12 אם ארעב לא אמר לך כי לי תבל ומלאה׃
Psalms 55:21
21 (55:22) חלקו מחמאת פיו וקרב לבו רכו דבריו משׁמן והמה פתחות׃
Psalms 57:4
4 (57:5) נפשׁי בתוך לבאם אשׁכבה להטים בני אדם שׁניהם חנית וחצים ולשׁונם חרב חדה׃
Psalms 58:6
6 (58:7) אלהים הרס שׁנימו בפימו מלתעות כפירים נתץ יהוה׃
Psalms 73:6
6 לכן ענקתמו גאוה יעטף שׁית חמס׃
Psalms 73:10
10 לכן ישׁיב עמו הלם ומי מלא ימצו׃
Psalms 74:14
14 אתה רצצת ראשׁי לויתן תתננו מאכל לעם לציים׃
Psalms 104:26
26 שׁם אניות יהלכון לויתן זה יצרת לשׂחק׃
Psalms 107:28
28 ויצעקו אל יהוה בצר להם וממצוקתיהם יוציאם׃
Psalms 115:16
16 השׁמים שׁמים ליהוה והארץ נתן לבני אדם׃
Proverbs 15:1
1 מענה רך ישׁיב חמה ודבר עצב יעלה אף׃
Proverbs 16:31
31 עטרת תפארת שׂיבה בדרך צדקה תמצא׃
Proverbs 18:23
23 תחנונים ידבר רשׁ ועשׁיר יענה עזות׃
Proverbs 20:29
29 תפארת בחורים כחם והדר זקנים שׂיבה׃
Proverbs 25:15
15 בארך אפים יפתה קצין ולשׁון רכה תשׁבר גרם׃
Proverbs 30:14
14 דור חרבות שׁניו ומאכלות מתלעתיו לאכל עניים מארץ ואביונים מאדם׃
Ecclesiastes 12:4
4 וסגרו דלתים בשׁוק בשׁפל קול הטחנה ויקום לקול הצפור וישׁחו כל בנות השׁיר׃
Isaiah 27:1
1 ביום ההוא יפקד יהוה בחרבו הקשׁה והגדולה והחזקה על לויתן נחשׁ ברח ועל לויתן נחשׁ עקלתון והרג את התנין אשׁר בים׃
Isaiah 28:1
1 הוי עטרת גאות שׁכרי אפרים וציץ נבל צבי תפארתו אשׁר על ראשׁ גיא שׁמנים הלומי יין׃
Isaiah 28:19
19 מדי עברו יקח אתכם כי בבקר בבקר יעבר ביום ובלילה והיה רק זועה הבין שׁמועה׃
Isaiah 30:10
10 אשׁר אמרו לראים לא תראו ולחזים לא תחזו לנו נכחות דברו לנו חלקות חזו מהתלות׃
Isaiah 30:33
33 כי ערוך מאתמול תפתה גם הוא למלך הוכן העמיק הרחב מדרתה אשׁ ועצים הרבה נשׁמת יהוה כנחל גפרית בערה׃
Isaiah 37:29
29 יען התרגזך אלי ושׁאננך עלה באזני ושׂמתי חחי באפך ומתגי בשׂפתיך והשׁיבתיך בדרך אשׁר באת׃
Isaiah 41:15
15 הנה שׂמתיך למורג חרוץ חדשׁ בעל פיפיות תדושׁ הרים ותדק וגבעות כמץ תשׂים׃
Isaiah 48:4
4 מדעתי כי קשׁה אתה וגיד ברזל ערפך ומצחך נחושׁה׃
Jeremiah 1:13-14
Jeremiah 5:3
3 יהוה עיניך הלוא לאמונה הכיתה אתם ולא חלו כליתם מאנו קחת מוסר חזקו פניהם מסלע מאנו לשׁוב׃
Jeremiah 9:23
23 (9:22) כה אמר יהוה אל יתהלל חכם בחכמתו ואל יתהלל הגבור בגבורתו אל יתהלל עשׁיר בעשׁרו׃
Jeremiah 12:5
5 כי את רגלים רצתה וילאוך ואיך תתחרה את הסוסים ובארץ שׁלום אתה בוטח ואיך תעשׂה בגאון הירדן׃
Ezekiel 8:17-18
Ezekiel 29:3
3 דבר ואמרת כה אמר אדני יהוה הנני עליך פרעה מלך מצרים התנים הגדול הרבץ בתוך יאריו אשׁר אמר לי יארי ואני עשׂיתני׃4 ונתתי חחיים בלחייך והדבקתי דגת יאריך בקשׂקשׂתיך והעליתיך מתוך יאריך ואת כל דגת יאריך בקשׂקשׂתיך תדבק׃5 ונטשׁתיך המדברה אותך ואת כל דגת יאריך על פני השׂדה תפול לא תאסף ולא תקבץ לחית הארץ ולעוף השׁמים נתתיך לאכלה׃
Daniel 7:7
7 באתר דנה חזה הוית בחזוי ליליא וארו חיוה רביעיה דחילה ואימתני ותקיפא יתירא ושׁנין די פרזל לה רברבן אכלה ומדקה ושׁארא ברגליה רפסה והיא משׁניה מן כל חיותא די קדמיה וקרנין עשׂר׃
Hosea 13:14
14 מיד שׁאול אפדם ממות אגאלם אהי דבריך מות אהי קטבך שׁאול נחם יסתר מעיני׃
Jonah 1:4-6
Habakkuk 1:10
10 והוא במלכים יתקלס ורזנים משׂחק לו הוא לכל מבצר ישׂחק ויצבר עפר וילכדה׃
Habakkuk 3:5
5 לפניו ילך דבר ויצא רשׁף לרגליו׃
Zechariah 7:12
12 ולבם שׂמו שׁמיר משׁמוע את התורה ואת הדברים אשׁר שׁלח יהוה צבאות ברוחו ביד הנביאים הראשׁנים ויהי קצף גדול מאת יהוה צבאות׃