Job 29:5 Cross References - HOT

5 בעוד שׁדי עמדי סביבותי נערי׃

Deuteronomy 33:27-29

27 מענה אלהי קדם ומתחת זרעת עולם ויגרשׁ מפניך אויב ויאמר השׁמד׃28 וישׁכן ישׂראל בטח בדד עין יעקב אל ארץ דגן ותירושׁ אף שׁמיו יערפו טל׃29 אשׁריך ישׂראל מי כמוך עם נושׁע ביהוה מגן עזרך ואשׁר חרב גאותך ויכחשׁו איביך לך ואתה על במותימו תדרך׃

Joshua 1:9

9 הלוא צויתיך חזק ואמץ אל תערץ ואל תחת כי עמך יהוה אלהיך בכל אשׁר תלך׃

Judges 6:12-13

12 וירא אליו מלאך יהוה ויאמר אליו יהוה עמך גבור החיל׃13 ויאמר אליו גדעון בי אדני וישׁ יהוה עמנו ולמה מצאתנו כל זאת ואיה כל נפלאתיו אשׁר ספרו לנו אבותינו לאמר הלא ממצרים העלנו יהוה ועתה נטשׁנו יהוה ויתננו בכף מדין׃

Job 1:2-5

2 ויולדו לו שׁבעה בנים ושׁלושׁ בנות׃3 ויהי מקנהו שׁבעת אלפי צאן ושׁלשׁת אלפי גמלים וחמשׁ מאות צמד בקר וחמשׁ מאות אתונות ועבדה רבה מאד ויהי האישׁ ההוא גדול מכל בני קדם׃4 והלכו בניו ועשׂו משׁתה בית אישׁ יומו ושׁלחו וקראו לשׁלשׁת אחיתיהם לאכל ולשׁתות עמהם׃5 ויהי כי הקיפו ימי המשׁתה וישׁלח איוב ויקדשׁם והשׁכים בבקר והעלה עלות מספר כלם כי אמר איוב אולי חטאו בני וברכו אלהים בלבבם ככה יעשׂה איוב כל הימים׃

Job 23:3

3 מי יתן ידעתי ואמצאהו אבוא עד תכונתו׃

Job 23:8-10

8 הן קדם אהלך ואיננו ואחור ולא אבין׃9 שׂמאול בעשׂתו ולא אחז יעטף ימין ולא אראה׃10 כי ידע דרך עמדי בחנני כזהב אצא׃

Job 42:13-16

13 ויהי לו שׁבענה בנים ושׁלושׁ בנות׃14 ויקרא שׁם האחת ימימה ושׁם השׁנית קציעה ושׁם השׁלישׁית קרן הפוך׃15 ולא נמצא נשׁים יפות כבנות איוב בכל הארץ ויתן להם אביהם נחלה בתוך אחיהם׃16 ויחי איוב אחרי זאת מאה וארבעים שׁנה וירא את בניו ואת בני בניו ארבעה דרות׃

Psalms 30:7

7 (30:8) יהוה ברצונך העמדתה להררי עז הסתרת פניך הייתי נבהל׃

Psalms 43:2

2 כי אתה אלהי מעוזי למה זנחתני למה קדר אתהלך בלחץ אויב׃

Psalms 44:8-9

8 (44:9) באלהים הללנו כל היום ושׁמך לעולם נודה סלה׃9 (44:10) אף זנחת ותכלימנו ולא תצא בצבאותינו׃

Psalms 127:3-5

3 הנה נחלת יהוה בנים שׂכר פרי הבטן׃4 כחצים ביד גבור כן בני הנעורים׃5 אשׁרי הגבר אשׁר מלא את אשׁפתו מהם לא יבשׁו כי ידברו את אויבים בשׁער׃

Psalms 128:3

3 אשׁתך כגפן פריה בירכתי ביתך בניך כשׁתלי זיתים סביב לשׁלחנך׃

Proverbs 17:6

6 עטרת זקנים בני בנים ותפארת בנים אבותם׃

Song of Songs 2:4

4 הביאני אל בית היין ודגלו עלי אהבה׃

Song of Songs 3:1-2

1 על משׁכבי בלילות בקשׁתי את שׁאהבה נפשׁי בקשׁתיו ולא מצאתיו׃2 אקומה נא ואסובבה בעיר בשׁוקים וברחבות אבקשׁה את שׁאהבה נפשׁי בקשׁתיו ולא מצאתיו׃

Jeremiah 14:8

8 מקוה ישׂראל מושׁיעו בעת צרה למה תהיה כגר בארץ וכארח נטה ללון׃

Cross Reference data is from OpenBible.info, retrieved June 28, 2010, and licensed under a Creative Commons Attribution License.