Job 24:3 Cross References - HOT

3 חמור יתומים ינהגו יחבלו שׁור אלמנה׃

Deuteronomy 24:6

6 לא יחבל רחים ורכב כי נפשׁ הוא חבל׃

Deuteronomy 24:10-13

10 כי תשׁה ברעך משׁאת מאומה לא תבא אל ביתו לעבט עבטו׃11 בחוץ תעמד והאישׁ אשׁר אתה נשׁה בו יוציא אליך את העבוט החוצה׃12 ואם אישׁ עני הוא לא תשׁכב בעבטו׃13 השׁב תשׁיב לו את העבוט כבוא השׁמשׁ ושׁכב בשׂלמתו וברכך ולך תהיה צדקה לפני יהוה אלהיך׃

Deuteronomy 24:17-21

17 לא תטה משׁפט גר יתום ולא תחבל בגד אלמנה׃18 וזכרת כי עבד היית במצרים ויפדך יהוה אלהיך משׁם על כן אנכי מצוך לעשׂות את הדבר הזה׃19 כי תקצר קצירך בשׂדך ושׁכחת עמר בשׂדה לא תשׁוב לקחתו לגר ליתום ולאלמנה יהיה למען יברכך יהוה אלהיך בכל מעשׂה ידיך׃20 כי תחבט זיתך לא תפאר אחריך לגר ליתום ולאלמנה יהיה׃21 כי תבצר כרמך לא תעולל אחריך לגר ליתום ולאלמנה יהיה׃

1 Samuel 12:3

3 הנני ענו בי נגד יהוה ונגד משׁיחו את שׁור מי לקחתי וחמור מי לקחתי ואת מי עשׁקתי את מי רצותי ומיד מי לקחתי כפר ואעלים עיני בו ואשׁיב׃

Job 22:6-9

6 כי תחבל אחיך חנם ובגדי ערומים תפשׁיט׃7 לא מים עיף תשׁקה ומרעב תמנע לחם׃8 ואישׁ זרוע לו הארץ ונשׂוא פנים ישׁב׃9 אלמנות שׁלחת ריקם וזרעות יתמים ידכא׃

Job 31:16-17

16 אם אמנע מחפץ דלים ועיני אלמנה אכלה׃17 ואכל פתי לבדי ולא אכל יתום ממנה׃

Cross Reference data is from OpenBible.info, retrieved June 28, 2010, and licensed under a Creative Commons Attribution License.