Job 22:23 Cross References - HOT

23 אם תשׁוב עד שׁדי תבנה תרחיק עולה מאהלך׃

Joshua 7:13-16

13 קם קדשׁ את העם ואמרת התקדשׁו למחר כי כה אמר יהוה אלהי ישׂראל חרם בקרבך ישׂראל לא תוכל לקום לפני איביך עד הסירכם החרם מקרבכם׃14 ונקרבתם בבקר לשׁבטיכם והיה השׁבט אשׁר ילכדנו יהוה יקרב למשׁפחות והמשׁפחה אשׁר ילכדנה יהוה תקרב לבתים והבית אשׁר ילכדנו יהוה יקרב לגברים׃15 והיה הנלכד בחרם ישׂרף באשׁ אתו ואת כל אשׁר לו כי עבר את ברית יהוה וכי עשׂה נבלה בישׂראל׃16 וישׁכם יהושׁע בבקר ויקרב את ישׂראל לשׁבטיו וילכד שׁבט יהודה׃

Job 8:5-6

5 אם אתה תשׁחר אל אל ואל שׁדי תתחנן׃6 אם זך וישׁר אתה כי עתה יעיר עליך ושׁלם נות צדקך׃

Job 11:13-14

13 אם אתה הכינות לבך ופרשׂת אליו כפך׃14 אם און בידך הרחיקהו ואל תשׁכן באהליך עולה׃

Job 12:14

14 הן יהרוס ולא יבנה יסגר על אישׁ ולא יפתח׃

Job 18:15

15 תשׁכון באהלו מבלי לו יזרה על נוהו גפרית׃

Isaiah 19:22

22 ונגף יהוה את מצרים נגף ורפוא ושׁבו עד יהוה ונעתר להם ורפאם׃

Isaiah 31:6

6 שׁובו לאשׁר העמיקו סרה בני ישׂראל׃

Isaiah 33:15

15 הלך צדקות ודבר מישׁרים מאס בבצע מעשׁקות נער כפיו מתמך בשׁחד אטם אזנו משׁמע דמים ועצם עיניו מראות ברע׃

Isaiah 55:6-7

6 דרשׁו יהוה בהמצאו קראהו בהיותו קרוב׃7 יעזב רשׁע דרכו ואישׁ און מחשׁבתיו וישׁב אל יהוה וירחמהו ואל אלהינו כי ירבה לסלוח׃

Jeremiah 31:4

4 עוד אבנך ונבנית בתולת ישׂראל עוד תעדי תפיך ויצאת במחול משׂחקים׃

Hosea 14:1-2

1 (14:2) שׁובה ישׂראל עד יהוה אלהיך כי כשׁלת בעונך׃2 (14:3) קחו עמכם דברים ושׁובו אל יהוה אמרו אליו כל תשׂא עון וקח טוב ונשׁלמה פרים שׂפתינו׃

Zechariah 1:3

3 ואמרת אלהם כה אמר יהוה צבאות שׁובו אלי נאם יהוה צבאות ואשׁוב אליכם אמר יהוה צבאות׃

Zechariah 5:3-4

3 ויאמר אלי זאת האלה היוצאת על פני כל הארץ כי כל הגנב מזה כמוה נקה וכל הנשׁבע מזה כמוה נקה׃4 הוצאתיה נאם יהוה צבאות ובאה אל בית הגנב ואל בית הנשׁבע בשׁמי לשׁקר ולנה בתוך ביתו וכלתו ואת עציו ואת אבניו׃

Cross Reference data is from OpenBible.info, retrieved June 28, 2010, and licensed under a Creative Commons Attribution License.