16 אשׁר קמטו ולא עת נהר יוצק יסודם׃
Job 22:16 Cross References - HOT
Genesis 7:11
11 בשׁנת שׁשׁ מאות שׁנה לחיי נח בחדשׁ השׁני בשׁבעה עשׂר יום לחדשׁ ביום הזה נבקעו כל מעינות תהום רבה וארבת השׁמים נפתחו׃
Genesis 7:17-24
17 ויהי המבול ארבעים יום על הארץ וירבו המים וישׂאו את התבה ותרם מעל הארץ׃18 ויגברו המים וירבו מאד על הארץ ותלך התבה על פני המים׃19 והמים גברו מאד מאד על הארץ ויכסו כל ההרים הגבהים אשׁר תחת כל השׁמים׃20 חמשׁ עשׂרה אמה מלמעלה גברו המים ויכסו ההרים׃21 ויגוע כל בשׂר הרמשׂ על הארץ בעוף ובבהמה ובחיה ובכל השׁרץ השׁרץ על הארץ וכל האדם׃22 כל אשׁר נשׁמת רוח חיים באפיו מכל אשׁר בחרבה מתו׃23 וימח את כל היקום אשׁר על פני האדמה מאדם עד בהמה עד רמשׂ ועד עוף השׁמים וימחו מן הארץ וישׁאר אך נח ואשׁר אתו בתבה׃24 ויגברו המים על הארץ חמשׁים ומאת יום׃
Job 14:19
19 אבנים שׁחקו מים תשׁטף ספיחיה עפר ארץ ותקות אנושׁ האבדת׃
Job 15:32
32 בלא יומו תמלא וכפתו לא רעננה׃
Psalms 55:23
23 (55:24) ואתה אלהים תורדם לבאר שׁחת אנשׁי דמים ומרמה לא יחצו ימיהם ואני אבטח׃
Psalms 102:24
24 (102:25) אמר אלי אל תעלני בחצי ימי בדור דורים שׁנותיך׃
Ecclesiastes 7:17
17 אל תרשׁע הרבה ואל תהי סכל למה תמות בלא עתך׃