9 עורי עורי לבשׁי עז זרוע יהוה עורי כימי קדם דרות עולמים הלוא את היא המחצבת רהב מחוללת תנין׃
Isaiah 51:9 Cross References - HOT
Deuteronomy 4:34
34 או הנסה אלהים לבוא לקחת לו גוי מקרב גוי במסת באתת ובמופתים ובמלחמה וביד חזקה ובזרוע נטויה ובמוראים גדלים ככל אשׁר עשׂה לכם יהוה אלהיכם במצרים לעיניך׃
Judges 6:13
13 ויאמר אליו גדעון בי אדני וישׁ יהוה עמנו ולמה מצאתנו כל זאת ואיה כל נפלאתיו אשׁר ספרו לנו אבותינו לאמר הלא ממצרים העלנו יהוה ועתה נטשׁנו יהוה ויתננו בכף מדין׃
Nehemiah 9:7-15
7 אתה הוא יהוה האלהים אשׁר בחרת באברם והוצאתו מאור כשׂדים ושׂמת שׁמו אברהם׃8 ומצאת את לבבו נאמן לפניך וכרות עמו הברית לתת את ארץ הכנעני החתי האמרי והפרזי והיבוסי והגרגשׁי לתת לזרעו ותקם את דבריך כי צדיק אתה׃9 ותרא את עני אבתינו במצרים ואת זעקתם שׁמעת על ים סוף׃10 ותתן אתת ומפתים בפרעה ובכל עבדיו ובכל עם ארצו כי ידעת כי הזידו עליהם ותעשׂ לך שׁם כהיום הזה׃11 והים בקעת לפניהם ויעברו בתוך הים ביבשׁה ואת רדפיהם השׁלכת במצולת כמו אבן במים עזים׃12 ובעמוד ענן הנחיתם יומם ובעמוד אשׁ לילה להאיר להם את הדרך אשׁר ילכו׃13 ועל הר סיני ירדת ודבר עמהם משׁמים ותתן להם משׁפטים ישׁרים ותורות אמת חקים ומצות טובים׃14 ואת שׁבת קדשׁך הודעת להם ומצוות וחקים ותורה צוית להם ביד משׁה עבדך׃15 ולחם משׁמים נתתה להם לרעבם ומים מסלע הוצאת להם לצמאם ותאמר להם לבוא לרשׁת את הארץ אשׁר נשׂאת את ידך לתת׃
Job 26:12
12 בכחו רגע הים ובתובנתו מחץ רהב׃
Psalms 7:6
6 (7:7) קומה יהוה באפך הנשׂא בעברות צוררי ועורה אלי משׁפט צוית׃
Psalms 21:13
13 (21:14) רומה יהוה בעזך נשׁירה ונזמרה גבורתך׃
Psalms 44:1
1 למנצח לבני קרח משׂכיל׃ (44:2) אלהים באזנינו שׁמענו אבותינו ספרו לנו פעל פעלת בימיהם בימי קדם׃
Psalms 44:23
23 (44:24) עורה למה תישׁן אדני הקיצה אל תזנח לנצח׃
Psalms 59:4
4 (59:5) בלי עון ירוצון ויכוננו עורה לקראתי וראה׃
Psalms 74:13-14
Psalms 78:65
65 ויקץ כישׁן אדני כגבור מתרונן מיין׃
Psalms 87:4
4 אזכיר רהב ובבל לידעי הנה פלשׁת וצור עם כושׁ זה ילד שׁם׃
Psalms 89:10
10 (89:11) אתה דכאת כחלל רהב בזרוע עזך פזרת אויביך׃
Psalms 93:1
1 יהוה מלך גאות לבשׁ לבשׁ יהוה עז התאזר אף תכון תבל בל תמוט׃
Isaiah 27:1
1 ביום ההוא יפקד יהוה בחרבו הקשׁה והגדולה והחזקה על לויתן נחשׁ ברח ועל לויתן נחשׁ עקלתון והרג את התנין אשׁר בים׃
Isaiah 30:7
7 ומצרים הבל וריק יעזרו לכן קראתי לזאת רהב הם שׁבת׃
Isaiah 51:5
5 קרוב צדקי יצא ישׁעי וזרעי עמים ישׁפטו אלי איים יקוו ואל זרעי ייחלון׃
Isaiah 51:17
17 התעוררי התעוררי קומי ירושׁלם אשׁר שׁתית מיד יהוה את כוס חמתו את קבעת כוס התרעלה שׁתית מצית׃
Isaiah 52:1
1 עורי עורי לבשׁי עזך ציון לבשׁי בגדי תפארתך ירושׁלם עיר הקדשׁ כי לא יוסיף יבא בך עוד ערל וטמא׃
Isaiah 53:1
1 מי האמין לשׁמעתנו וזרוע יהוה על מי נגלתה׃
Isaiah 59:16-17
Isaiah 62:8
8 נשׁבע יהוה בימינו ובזרוע עזו אם אתן את דגנך עוד מאכל לאיביך ואם ישׁתו בני נכר תירושׁך אשׁר יגעת׃
Ezekiel 29:3
3 דבר ואמרת כה אמר אדני יהוה הנני עליך פרעה מלך מצרים התנים הגדול הרבץ בתוך יאריו אשׁר אמר לי יארי ואני עשׂיתני׃
Habakkuk 2:19
19 הוי אמר לעץ הקיצה עורי לאבן דומם הוא יורה הנה הוא תפושׂ זהב וכסף וכל רוח אין בקרבו׃
Habakkuk 3:13
13 יצאת לישׁע עמך לישׁע את משׁיחך מחצת ראשׁ מבית רשׁע ערות יסוד עד צואר סלה׃