Isaiah 44:1 Cross References - HOT

1 ועתה שׁמע יעקב עבדי וישׂראל בחרתי׃

Genesis 17:7

7 והקמתי את בריתי ביני ובינך ובין זרעך אחריך לדרתם לברית עולם להיות לך לאלהים ולזרעך אחריך׃

Deuteronomy 7:6-8

6 כי עם קדושׁ אתה ליהוה אלהיך בך בחר יהוה אלהיך להיות לו לעם סגלה מכל העמים אשׁר על פני האדמה׃7 לא מרבכם מכל העמים חשׁק יהוה בכם ויבחר בכם כי אתם המעט מכל העמים׃8 כי מאהבת יהוה אתכם ומשׁמרו את השׁבעה אשׁר נשׁבע לאבתיכם הוציא יהוה אתכם ביד חזקה ויפדך מבית עבדים מיד פרעה מלך מצרים׃

Psalms 81:11-13

11 (81:12) ולא שׁמע עמי לקולי וישׂראל לא אבה׃12 (81:13) ואשׁלחהו בשׁרירות לבם ילכו במועצותיהם׃13 (81:14) לו עמי שׁמע לי ישׂראל בדרכי יהלכו׃

Psalms 105:6

6 זרע אברהם עבדו בני יעקב בחיריו׃

Psalms 105:42-43

42 כי זכר את דבר קדשׁו את אברהם עבדו׃43 ויוצא עמו בשׂשׂון ברנה את בחיריו׃

Isaiah 41:8

8 ואתה ישׂראל עבדי יעקב אשׁר בחרתיך זרע אברהם אהבי׃

Isaiah 42:23

23 מי בכם יאזין זאת יקשׁב וישׁמע לאחור׃

Isaiah 43:1

1 ועתה כה אמר יהוה בראך יעקב ויצרך ישׂראל אל תירא כי גאלתיך קראתי בשׁמך לי אתה׃

Isaiah 48:16-18

16 קרבו אלי שׁמעו זאת לא מראשׁ בסתר דברתי מעת היותה שׁם אני ועתה אדני יהוה שׁלחני ורוחו׃17 כה אמר יהוה גאלך קדושׁ ישׂראל אני יהוה אלהיך מלמדך להועיל מדריכך בדרך תלך׃18 לוא הקשׁבת למצותי ויהי כנהר שׁלומך וצדקתך כגלי הים׃

Isaiah 55:3

3 הטו אזנכם ולכו אלי שׁמעו ותחי נפשׁכם ואכרתה לכם ברית עולם חסדי דוד הנאמנים׃

Jeremiah 4:7

7 עלה אריה מסבכו ומשׁחית גוים נסע יצא ממקמו לשׂום ארצך לשׁמה עריך תצינה מאין יושׁב׃

Jeremiah 30:10

10 ואתה אל תירא עבדי יעקב נאם יהוה ואל תחת ישׂראל כי הנני מושׁיעך מרחוק ואת זרעך מארץ שׁבים ושׁב יעקב ושׁקט ושׁאנן ואין מחריד׃

Jeremiah 46:27-28

27 ואתה אל תירא עבדי יעקב ואל תחת ישׂראל כי הנני מושׁעך מרחוק ואת זרעך מארץ שׁבים ושׁב יעקוב ושׁקט ושׁאנן ואין מחריד׃28 אתה אל תירא עבדי יעקב נאם יהוה כי אתך אני כי אעשׂה כלה בכל הגוים אשׁר הדחתיך שׁמה ואתך לא אעשׂה כלה ויסרתיך למשׁפט ונקה לא אנקך׃

Cross Reference data is from OpenBible.info, retrieved June 28, 2010, and licensed under a Creative Commons Attribution License.