Isaiah 42:10 Cross References - HOT

10 שׁירו ליהוה שׁיר חדשׁ תהלתו מקצה הארץ יורדי הים ומלאו איים וישׁביהם׃

1 Chronicles 16:32

32 ירעם הים ומלואו יעלץ השׂדה וכל אשׁר׃

Psalms 33:3

3 שׁירו לו שׁיר חדשׁ היטיבו נגן בתרועה׃

Psalms 40:3

3 (40:4) ויתן בפי שׁיר חדשׁ תהלה לאלהינו יראו רבים וייראו ויבטחו ביהוה׃

Psalms 96:1-3

1 שׁירו ליהוה שׁיר חדשׁ שׁירו ליהוה כל הארץ׃2 שׁירו ליהוה ברכו שׁמו בשׂרו מיום ליום ישׁועתו׃3 ספרו בגוים כבודו בכל העמים נפלאותיו׃

Psalms 96:11

11 ישׂמחו השׁמים ותגל הארץ ירעם הים ומלאו׃

Psalms 97:1

1 יהוה מלך תגל הארץ ישׂמחו איים רבים׃

Psalms 98:1-4

1 מזמור שׁירו ליהוה שׁיר חדשׁ כי נפלאות עשׂה הושׁיעה לו ימינו וזרוע קדשׁו׃2 הודיע יהוה ישׁועתו לעיני הגוים גלה צדקתו׃3 זכר חסדו ואמונתו לבית ישׂראל ראו כל אפסי ארץ את ישׁועת אלהינו׃4 הריעו ליהוה כל הארץ פצחו ורננו וזמרו׃

Psalms 107:23-32

23 יורדי הים באניות עשׂי מלאכה במים רבים׃24 המה ראו מעשׂי יהוה ונפלאותיו במצולה׃25 ויאמר ויעמד רוח סערה ותרומם גליו׃26 יעלו שׁמים ירדו תהומות נפשׁם ברעה תתמוגג׃27 יחוגו וינועו כשׁכור וכל חכמתם תתבלע׃28 ויצעקו אל יהוה בצר להם וממצוקתיהם יוציאם׃29 יקם סערה לדממה ויחשׁו גליהם׃30 וישׂמחו כי ישׁתקו וינחם אל מחוז חפצם׃31 יודו ליהוה חסדו ונפלאותיו לבני אדם׃32 וירממוהו בקהל עם ובמושׁב זקנים יהללוהו׃

Psalms 117:1-2

1 הללו את יהוה כל גוים שׁבחוהו כל האמים׃2 כי גבר עלינו חסדו ואמת יהוה לעולם הללו יה׃

Psalms 148:1-14

1 הללו יה הללו את יהוה מן השׁמים הללוהו במרומים׃2 הללוהו כל מלאכיו הללוהו כל צבאו׃3 הללוהו שׁמשׁ וירח הללוהו כל כוכבי אור׃4 הללוהו שׁמי השׁמים והמים אשׁר מעל השׁמים׃5 יהללו את שׁם יהוה כי הוא צוה ונבראו׃6 ויעמידם לעד לעולם חק נתן ולא יעבור׃7 הללו את יהוה מן הארץ תנינים וכל תהמות׃8 אשׁ וברד שׁלג וקיטור רוח סערה עשׂה דברו׃9 ההרים וכל גבעות עץ פרי וכל ארזים׃10 החיה וכל בהמה רמשׂ וצפור כנף׃11 מלכי ארץ וכל לאמים שׂרים וכל שׁפטי ארץ׃12 בחורים וגם בתולות זקנים עם נערים׃13 יהללו את שׁם יהוה כי נשׂגב שׁמו לבדו הודו על ארץ ושׁמים׃14 וירם קרן לעמו תהלה לכל חסידיו לבני ישׂראל עם קרבו הללו יה׃

Psalms 150:6

6 כל הנשׁמה תהלל יה הללו יה׃

Isaiah 24:14-16

14 המה ישׂאו קולם ירנו בגאון יהוה צהלו מים׃15 על כן בארים כבדו יהוה באיי הים שׁם יהוה אלהי ישׂראל׃16 מכנף הארץ זמרת שׁמענו צבי לצדיק ואמר רזי לי רזי לי אוי לי בגדים בגדו ובגד בוגדים בגדו׃

Isaiah 42:4

4 לא יכהה ולא ירוץ עד ישׂים בארץ משׁפט ולתורתו איים ייחילו׃

Isaiah 44:23

23 רנו שׁמים כי עשׂה יהוה הריעו תחתיות ארץ פצחו הרים רנה יער וכל עץ בו כי גאל יהוה יעקב ובישׂראל יתפאר׃

Isaiah 49:6

6 ויאמר נקל מהיותך לי עבד להקים את שׁבטי יעקב ונצירי ישׂראל להשׁיב ונתתיך לאור גוים להיות ישׁועתי עד קצה הארץ׃

Isaiah 49:13

13 רנו שׁמים וגילי ארץ יפצחו הרים רנה כי נחם יהוה עמו ועניו ירחם׃

Isaiah 51:5

5 קרוב צדקי יצא ישׁעי וזרעי עמים ישׁפטו אלי איים יקוו ואל זרעי ייחלון׃

Isaiah 60:9

9 כי לי איים יקוו ואניות תרשׁישׁ בראשׁנה להביא בניך מרחוק כספם וזהבם אתם לשׁם יהוה אלהיך ולקדושׁ ישׂראל כי פארך׃

Isaiah 65:14

14 הנה עבדי ירנו מטוב לב ואתם תצעקו מכאב לב ומשׁבר רוח תילילו׃

Zephaniah 2:11

11 נורא יהוה עליהם כי רזה את כל אלהי הארץ וישׁתחוו לו אישׁ ממקומו כל איי הגוים׃

Cross Reference data is from OpenBible.info, retrieved June 28, 2010, and licensed under a Creative Commons Attribution License.