Hosea 13:1 Cross References - HOT

1 כדבר אפרים רתת נשׂא הוא בישׂראל ויאשׁם בבעל וימת׃

Genesis 2:17

17 ומעץ הדעת טוב ורע לא תאכל ממנו כי ביום אכלך ממנו מות תמות׃18 דגל מחנה אפרים לצבאתם ימה ונשׂיא לבני אפרים אלישׁמע בן עמיהוד׃19 וצבאו ופקדיהם ארבעים אלף וחמשׁ מאות׃20 ועליו מטה מנשׁה ונשׂיא לבני מנשׁה גמליאל בן פדהצור׃21 וצבאו ופקדיהם שׁנים ושׁלשׁים אלף ומאתים׃

Numbers 10:22

22 ונסע דגל מחנה בני אפרים לצבאתם ועל צבאו אלישׁמע בן עמיהוד׃

Numbers 13:8

8 למטה אפרים הושׁע בן נון׃

Numbers 13:16

16 אלה שׁמות האנשׁים אשׁר שׁלח משׁה לתור את הארץ ויקרא משׁה להושׁע בן נון יהושׁע׃

Numbers 27:16-23

16 יפקד יהוה אלהי הרוחת לכל בשׂר אישׁ על העדה׃17 אשׁר יצא לפניהם ואשׁר יבא לפניהם ואשׁר יוציאם ואשׁר יביאם ולא תהיה עדת יהוה כצאן אשׁר אין להם רעה׃18 ויאמר יהוה אל משׁה קח לך את יהושׁע בן נון אישׁ אשׁר רוח בו וסמכת את ידך עליו׃19 והעמדת אתו לפני אלעזר הכהן ולפני כל העדה וצויתה אתו לעיניהם׃20 ונתתה מהודך עליו למען ישׁמעו כל עדת בני ישׂראל׃21 ולפני אלעזר הכהן יעמד ושׁאל לו במשׁפט האורים לפני יהוה על פיו יצאו ועל פיו יבאו הוא וכל בני ישׂראל אתו וכל העדה׃22 ויעשׂ משׁה כאשׁר צוה יהוה אתו ויקח את יהושׁע ויעמדהו לפני אלעזר הכהן ולפני כל העדה׃23 ויסמך את ידיו עליו ויצוהו כאשׁר דבר יהוה ביד משׁה׃

Joshua 3:7

7 ויאמר יהוה אל יהושׁע היום הזה אחל גדלך בעיני כל ישׂראל אשׁר ידעון כי כאשׁר הייתי עם משׁה אהיה עמך׃

Judges 8:1

1 ויאמרו אליו אישׁ אפרים מה הדבר הזה עשׂית לנו לבלתי קראות לנו כי הלכת להלחם במדין ויריבון אתו בחזקה׃

Judges 12:1

1 ויצעק אישׁ אפרים ויעבר צפונה ויאמרו ליפתח מדוע עברת להלחם בבני עמון ולנו לא קראת ללכת עמך ביתך נשׂרף עליך באשׁ׃

1 Samuel 15:17

17 ויאמר שׁמואל הלוא אם קטן אתה בעיניך ראשׁ שׁבטי ישׂראל אתה וימשׁחך יהוה למלך על ישׂראל׃

1 Kings 12:25

25 ויבן ירבעם את שׁכם בהר אפרים וישׁב בה ויצא משׁם ויבן את פנואל׃

1 Kings 16:29-33

29 ואחאב בן עמרי מלך על ישׂראל בשׁנת שׁלשׁים ושׁמנה שׁנה לאסא מלך יהודה וימלך אחאב בן עמרי על ישׂראל בשׁמרון עשׂרים ושׁתים שׁנה׃30 ויעשׂ אחאב בן עמרי הרע בעיני יהוה מכל אשׁר לפניו׃31 ויהי הנקל לכתו בחטאות ירבעם בן נבט ויקח אשׁה את איזבל בת אתבעל מלך צידנים וילך ויעבד את הבעל וישׁתחו׃32 ויקם מזבח לבעל בית הבעל אשׁר בנה בשׁמרון׃33 ויעשׂ אחאב את האשׁרה ויוסף אחאב לעשׂות להכעיס את יהוה אלהי ישׂראל מכל מלכי ישׂראל אשׁר היו לפניו׃

1 Kings 18:18-19

18 ויאמר לא עכרתי את ישׂראל כי אם אתה ובית אביך בעזבכם את מצות יהוה ותלך אחרי הבעלים׃19 ועתה שׁלח קבץ אלי את כל ישׂראל אל הר הכרמל ואת נביאי הבעל ארבע מאות וחמשׁים ונביאי האשׁרה ארבע מאות אכלי שׁלחן איזבל׃

2 Kings 17:16-18

16 ויעזבו את כל מצות יהוה אלהיהם ויעשׂו להם מסכה שׁנים עגלים ויעשׂו אשׁירה וישׁתחוו לכל צבא השׁמים ויעבדו את הבעל׃17 ויעבירו את בניהם ואת בנותיהם באשׁ ויקסמו קסמים וינחשׁו ויתמכרו לעשׂות הרע בעיני יהוה להכעיסו׃18 ויתאנף יהוה מאד בישׂראל ויסרם מעל פניו לא נשׁאר רק שׁבט יהודה לבדו׃

Proverbs 18:12

12 לפני שׁבר יגבה לב אישׁ ולפני כבוד ענוה׃

Isaiah 66:2

2 ואת כל אלה ידי עשׂתה ויהיו כל אלה נאם יהוה ואל זה אביט אל עני ונכה רוח וחרד על דברי׃

Hosea 11:2

2 קראו להם כן הלכו מפניהם לבעלים יזבחו ולפסלים יקטרון׃

Cross Reference data is from OpenBible.info, retrieved June 28, 2010, and licensed under a Creative Commons Attribution License.