Genesis 6:7 Cross References - HOT

7 ויאמר יהוה אמחה את האדם אשׁר בראתי מעל פני האדמה מאדם עד בהמה עד רמשׂ ועד עוף השׁמים כי נחמתי כי עשׂיתם׃

Psalms 24:1-2

1 לדוד מזמור ליהוה הארץ ומלואה תבל וישׁבי׃2 כי הוא על ימים יסדה ועל נהרות יכוננה׃

Psalms 37:20

20 כי רשׁעים יאבדו ואיבי יהוה כיקר כרים כלו בעשׁן כלו׃

Proverbs 10:27

27 יראת יהוה תוסיף ימים ושׁנות רשׁעים תקצרנה׃

Proverbs 16:4

4 כל פעל יהוה למענהו וגם רשׁע ליום רעה׃

Jeremiah 4:22-27

22 כי אויל עמי אותי לא ידעו בנים סכלים המה ולא נבונים המה חכמים המה להרע ולהיטיב לא ידעו׃23 ראיתי את הארץ והנה תהו ובהו ואל השׁמים ואין אורם׃24 ראיתי ההרים והנה רעשׁים וכל הגבעות התקלקלו׃25 ראיתי והנה אין האדם וכל עוף השׁמים נדדו׃26 ראיתי והנה הכרמל המדבר וכל עריו נתצו מפני יהוה מפני חרון אפו׃27 כי כה אמר יהוה שׁממה תהיה כל הארץ וכלה לא אעשׂה׃

Jeremiah 12:3-4

3 ואתה יהוה ידעתני תראני ובחנת לבי אתך התקם כצאן לטבחה והקדשׁם ליום הרגה׃4 עד מתי תאבל הארץ ועשׂב כל השׂדה ייבשׁ מרעת ישׁבי בה ספתה בהמות ועוף כי אמרו לא יראה את אחריתנו׃

Hosea 4:3

3 על כן תאבל הארץ ואמלל כל יושׁב בה בחית השׂדה ובעוף השׁמים וגם דגי הים יאספו׃

Zephaniah 1:3

3 אסף אדם ובהמה אסף עוף השׁמים ודגי הים והמכשׁלות את הרשׁעים והכרתי את האדם מעל פני האדמה נאם יהוה׃

Cross Reference data is from OpenBible.info, retrieved June 28, 2010, and licensed under a Creative Commons Attribution License.