19 ויקרא את שׁם המקום ההוא בית אל ואולם לוז שׁם העיר לראשׁנה׃
Genesis 28:19 Cross References - HOT
Genesis 12:8
8 ויעתק משׁם ההרה מקדם לבית אל ויט אהלה בית אל מים והעי מקדם ויבן שׁם מזבח ליהוה ויקרא בשׁם יהוה׃
Genesis 35:1
1 ויאמר אלהים אל יעקב קום עלה בית אל ושׁב שׁם ועשׂה שׁם מזבח לאל הנראה אליך בברחך מפני עשׂו אחיך׃
Genesis 48:3
3 ויאמר יעקב אל יוסף אל שׁדי נראה אלי בלוז בארץ כנען ויברך אתי׃
Judges 1:22-26
22 ויעלו בית יוסף גם הם בית אל ויהוה עמם׃23 ויתירו בית יוסף בבית אל ושׁם העיר לפנים לוז׃24 ויראו השׁמרים אישׁ יוצא מן העיר ויאמרו לו הראנו נא את מבוא העיר ועשׂינו עמך חסד׃25 ויראם את מבוא העיר ויכו את העיר לפי חרב ואת האישׁ ואת כל משׁפחתו שׁלחו׃26 וילך האישׁ ארץ החתים ויבן עיר ויקרא שׁמה לוז הוא שׁמה עד היום הזה׃
1 Kings 12:29
29 וישׂם את האחד בבית אל ואת האחד נתן בדן׃
Hosea 4:15
15 אם זנה אתה ישׂראל אל יאשׁם יהודה ואל תבאו הגלגל ואל תעלו בית און ואל תשׁבעו חי יהוה׃