50 ויען לבן ובתואל ויאמרו מיהוה יצא הדבר לא נוכל דבר אליך רע או טוב׃
Genesis 24:50 Cross References - HOT
Genesis 24:15
15 ויהי הוא טרם כלה לדבר והנה רבקה יצאת אשׁר ילדה לבתואל בן מלכה אשׁת נחור אחי אברהם וכדה על שׁכמה׃
Genesis 24:28
28 ותרץ הנער ותגד לבית אמה כדברים האלה׃
Genesis 24:53
53 ויוצא העבד כלי כסף וכלי זהב ובגדים ויתן לרבקה ומגדנת נתן לאחיה ולאמה׃
Genesis 24:55
55 ויאמר אחיה ואמה תשׁב הנער אתנו ימים או עשׂור אחר תלך׃
Genesis 24:60
60 ויברכו את רבקה ויאמרו לה אחתנו את היי לאלפי רבבה ויירשׁ זרעך את שׁער שׂנאיו׃
Genesis 31:24
24 ויבא אלהים אל לבן הארמי בחלם הלילה ויאמר לו השׁמר לך פן תדבר עם יעקב מטוב עד רע׃
Genesis 31:29
29 ישׁ לאל ידי לעשׂות עמכם רע ואלהי אביכם אמשׁ אמר אלי לאמר השׁמר לך מדבר עם יעקב מטוב עד רע׃
2 Samuel 13:22
22 ולא דבר אבשׁלום עם אמנון למרע ועד טוב כי שׂנא אבשׁלום את אמנון על דבר אשׁר ענה את תמר אחתו׃
Psalms 118:23
23 מאת יהוה היתה זאת היא נפלאת בעינינו׃